رواية سر الهاربه الفصل السادس 6 بقلم مني الصاوي
سر الهاربه
الجزء 6
مني الصاوي فاطمه مغمي عليها ادم بيشيلها بيدخلها البيت وبتكون روان راجعه من الجامعه
بيبص ادم في ساعته وبيقول ايه اخرك لدلوقتي انت بتخلصي كليتك الساعه كام
روان... ااا اصل كنت مع سلوي صحبتي بنصور ملازم وبعدين وصلتها
ادم... تمام بس بعد كده مفيش تصوير لوقت متاخر كده
روان... حاضر
علي فكره البت دي شكلها بتدلع تكون حطه عنيها عليك وبتعمل كده علشان تقرب منها
ادم... امشي من قدامي ياروان بدل ما تحاولي تفوقيها اتفضلي روحي اندهيلي ماما بسرعه
روان.... وانا مالي انا ناقصه قرف اهي ماما جات لوحدها
صفاء.. يا ساتر مالها فاطمه يا ادم
ادم.... مش عارف وهي نازله من العربيه اغمي عليها
صفاء... بارودى اي برفيوم بسرعه
رودى... حاضر اتفضلي يا ماما
بتقرب صفاء من فاطمه وترش بيرفيوم حواليها بتفوق فاطمه وعيونها مزغلله مش شايفه مين قدامها
صفاء... انت كويسه يا بنتي
فاطمه... ايوه الحمدلله
رودى... فاطمه انت اكلتي حاجه النهارده
فاطمه... صراحه لا اصلي معرفش بيجيبوا اكل ازاي في الشركه والموظفين نزلوا وانا كنت مشغوله
ادم... اكيد بتهزري من الصبح لدلوقتي من غير اكل انا حسابي بكره مع داليا ازاي مطلبتش ليكي اكل
فاطمه... لا مالوش لازمه انا اللي قولت هخلص الشغل هي ملهاش ذنب
صفاء... خلاص كفايه كلام علشان انت دايخه ريحي خمس دقايق هيكون الاكل جهز
فاطمه... طيب انا جايه معاكي
رودى... خليكي با حبيبتي انا معاها اهو
بتدخل رودى وصفاء المطبخ وبيطلع ادم غرفته فاطمه بترجع لذكرياتها وبتفتكر بعد ما محمد وصلها البيت
فاطمه... بابا بابا انت فين يا حبيبي
الاب.... انا هنا يا حبيبتي تعالي انا مستني من بدري عايزك في موضوع مهم
فاطمه تبتسم.. خير يا حبيبي
الاب... خير بس مش عارف اقولك ايه تعرفي واحد اسمه البشمهندس محمد علام
فاطمه.... اه اعرفه ده اخو بنت عرفتها من فتره ماله
الاب... طالب يقابلني بخصوصك شكله كده والله اعلم عايز يطلبك مني
فاطمه... مش عارفه يا بابا استني قابله ونعرف
الاب... الموضوع مقفول يا فاطمه حسن ابن عمك طلبك وانا يعتبر وافقت
فاطمه... ويرضيك يا بابا ابقي دكتوره واتجوز واحد مش مكمل تعليم
الاب... اومال تتجوزي بشمهندس
فاطمه... معرفش اللي تشوفه حضرتك
الاب.... هشوفه بكره واقولك شايف ايه
بتضحك فاطمه وبتجرى علي اوضتها
عند محمد بيوصل قدام فندق وبيتزل يطلع غرفه بنلاقي فيها بنت لابسه قمي*ص نوم نايمه علي السرير بيدخل يرمي نفسه جنبها
شهيره... وصلت الهانم لبيتها مش هنخلص من الدلع ده بقي والا ايه
محمد... هنغير والا ايه ما انت عارفه انه شغل انت اللي في القلب يا شوشو
شهيره.... انت مش حاسس بيا خالص والا بال*نار اللي فيا وانت داير وراها من الكليه للبلد وايه عايزني اصاحبها
محمد... يا شوشو افهمي الخبطه دي هتنقلنا ناقله كبيره اوي وبعدين سفريه امريكا محناجه مصاريف كتير وابويه قال مش دافع مصاريف سفر مش عايزه تقفي جنبي
شهيره... هو انا يعني بعمل كده ليه مش علشان خاطرك يا حماده
محمد... حبيبه قلبي يا شوشو كنت عايزه اقولك كلام سر
رودى.... فاطمه يا فاطمه
فاطمه.... هااا ايوه يا حبيبتي
رودي..... الاكل يا فاطمه
بينزل ادم وبيتغدوا مع بعض وبيلاحظ شحوب وجه فاطمه وبيزعل انه مخدش باله اذا كانت اكلت او لا
بنروح عند ابراهيم عم فاطمه اللي قاعد متعصب وسط رجالته اللي كل يوم يجمعهم ويعرف منهم حد وصل لفاطمه او عرف عنها اي معلومه وزي كل يوم مش بيوصل لحاجه
ابراهيم... انا مش عارف بنت ال*كل*ب دي راحت فين
حسن... اهدي يا حاج هنوصلها وحياتك بس انت هدي نفسك
ابراهيم... البت دي حد ساعدها استحاله تكون هربت بالسرعه دي لحالها كده
حسن... انت شاكك في حد والا ايه يا حاج
ابراهيم... مفيش غيره خالد وعياله نسيت ان الواد حسام كان عايز يخطبها واتقمص لما عرف اننا متكلمين عليها
حسن... مش بس كده الواد حسام الجبله ده كان عايز يتجوزها بعد اللي حصل قال ايه هي اللي رفضت كمان
ابراهيم... ده تيكتيك يا واد عايزين يلهفوا الارض كلها لوحديهم بس علي مين وراها وراها ولو متنزلتش بخاطرها هنخليها تتنازل غصب عنهااني يوم لفاطمه في الشغل وقلقانه تكون مش عارفه الشغل بينزل ادم يسال عن فاطمه بتكون مشيت
صفاء.... مشيت يا حبيبي قولتلها استني ادم يوصلك معاه قالت هتتمشي وتشترى حاجه وبعدين تروح على الشركه
ادم.... ماشي يا ماما مش عارفه ليه العند ده
صفاء... البت شكلها خافت من كلام التاس في الشركه معلش سيبها على راحتها هي واضح انها حساسه شويه
ادم... ماشي يا حبيبتي انا رايح الشركه وبالليل بمكن اتاخر شويه
صفاء... ترجع بالسلامة يا حبيبي في حفظ الله
بيدخل ادم الشركه بيلاقي مكان فاطمه فاضي
ادم.... هي فاطمه لسه مجتش والا ايه
سيليا... اه مش عارفه ازاي تتأخر كده من اول يوم في الشغل
ادم... هي مستاذنه مني وياريت اول ما توصل خليها تدخلي
سيليا.. تحت امرك يافندم
بعد مرور ربع ساعه بتوصل فاطمه واول ما توصل
سيليا.... ما كان بدرى يا هانم عارفه حظك انك استاذنتي من مستر ادم والا كان اول يوم ليكي هو اخر يوم
فاطمه... انت عايزه ايه يعني مش فاهمه ومستر ادم قالك ايه
سيليا... مستر ادم عايزك في مكتبه اتفضلي
بتبص لها فاطمه وبتروح ناحيه مكتب ادم وبتخبط
ادم.... ادخل
فاطمه.... صباح الخير حضرتك طلبتني
ادم... ايوه كنتي فين يا فاطمه
فاطمه.... كنت بشتري لبس ماهو مش هفضل كده بنفس اللبس
ادم... مقولتيش ليه وبعدين انت معاكي فلوس
فاطمه... اه كان معايا وده المبلغ اللي اخدته من حضرتك لما روحت معايا نشترى اللبس ده
ادم...جبتي فلوس منين يا فاطمه
فاطمه.... بعت السلسله بتاعتي
ادم.... وليه مبعتيهاش من الاول
فاطمه........
ادم بزعيق سمعه اللي بره... ردي عليا انا زهقت من سكوتك ده
فاطمه. بعياط.... علشان دي سلسله ماما الله يرحمها ومكنتش عايزه افرط فيها بس كان لازم اشوف مكان اقعد فيه مش هستني لما اخد راتب
ادم... هو في حد زعلك في البيت
فاطمه... لا ابدا بالعكس مامتك بتعاملني زي بنتها ورودي كمان انا حبتها كانها اختي
ادم... وروان
فاطمه.... روان معاها حق هي مش مطلوب منها تحبني او حتي تتعامل معايا
ادم... اقعدي يافاطمه
فاطمه بتقعد ولسه دموعها بتنزل
ادم... روان اختي هي كده حتي مع اختها التؤام مع ان رودى تؤمها بس هما مختلفين ممكن متزعليش من كلامها صحيخ كلامها صعب بس هي قلبها ابيض
فاطمه... انا مش زعلانه منها فعلا
ادم... خلاص تعالي ننزل نرجع السلسله بتاعتك
فاطمه... لا متشكره انا كان لازم ابيعها علشان كمان اعرف اشوف شقه صغيره للايجار في مكان قريب من الشغل وبعدين شكلي صعبت علي صاحب المحل قولتله ممكن تخليها معاك لاخر الشهر ولو مرجعتش اخدها ابقي بيعها وافق وحطها في الخزنه وكتب اسمي عليها
ادم... طيب كويس كده ارتحتي يلا نخلص شغلنا ومتنزليش تاني من غير ما اعرف
فاطمه.... حاضر
ادم... فاطمه اتصلي بمراد علشان عايزه
فاطمه... حاضر هتصل بيه حالا
بتخرج فاطمه سحر واقفه جنب باب المكتب وبتبتسم ليها وبعدين بتروح تتكلم مع سيليا
فاطمه بتتصل... الوووو مستر مراد
الحمدلله متشكره جدا مستر ادم بيقول لحضرتك لو فاضي ممكن تيجي عنده
تمام مع السلامه
سيليا... والله يا سحر شكلها هتطلع اشطر مننا
سحر.... هي مين دي يا سيليا
سيليا... البت الجديده بتاعت الارشيف شكلها بتلف علي مستر سالم مدير الارشيف
بيدخل مراد وبيبص للبنات
مراد.... انتم قاعدين زي ريا وسكينه كده ليه شكلوا بتنموا علي حد
فاطمه بتبتسم واضح من نظره عنيها تحت النقاب
مراد.... ادم موجود يا فاطمه فاضي يعني
فاطمه... ايوه يا مستر اتفضل
بيدخل مراد لادم وهو بيضحك وبيسيب فاطمه اللي بتبص لسيليا وسحر وتضحك وهما مكشرين وبيبصوا نحيتها
ادم... ايه مالك داخل مبسوط كده
مراد... هااا هااا البت سيليا دي هي وسحر شكلهم كدا بيغلسوا علي فاطمه وانا حسيت كده فغلست عليهم
ادم.... تخيل امبارح سبوها من غير اكل طول اليوم ونزلوا اتغدوا من غير ما يقولوا
مراد... ولاد الشياطين البت دي غلبانه مش قدهم
ادم... سيبك منهم خلينا نشوف شغلنا هنعمل ايه في المشروع اللي بدءنا في البلد اللي قابلنا فيها فاطمه
مراد... الموظف المسوال هناك بيقول الامور تمام قلقان ليه
ادم.... الزفت حسن ابراهيم مش جايبها البر وعايز ياخد نسبه علي كل عمليه يخلصها في الجمارك ده غير اللي اتفقتا عليه
مراد... خلاص تعالي نسافر ونتفق معاه لو موصلناش لحل معاه نشوف غيره
ادم... ماشي هنراجع مواعدنا خلال الشهر ده ونشوف وقت مناسببيمر الوقت وبيجي وقت الغدا
مراد.... انت مجعتش والا ايه
ادم.... اه فعلا انا جوعت اطلب لنا اكل
مراد... لا تعالي ننزل نتغدي مع الموظفين احسن
ادم... ماشي يلا
مراد.... مش هتتغدوا والا ايه يا بنات
سيليا... مستنين حضراتكم تنزلوا يا مستر
مراد... خلاص تمام اتفضلوا يلا يا فاطمه علشان نتغدا سوي
ادم... بيبص لمراد باستغراب
فاطمه... معلش اتفضلوا انتوا وانا هخلص حاجه وانزل
ادم... يلا يا فاطمه انت تعبانه والمفروض مش تقعدي الفتره دي كلها من غير اكل
فاطمه... حاضر وبتاخد شنطتها وبتنزل قدامهم
سيليا... هو في ايه البت دي عملتلهم ايه يهتموا بيها كده
سحر.... انا ماليش دعوه ياختي دي شكلها قريبتهم
سيليا.... قربيتهم ايه انت هبله عملالي فيها ستنا الشيخه وشكلها مصحباهم الاتنين
سحر... انا نازله اتغدي ماليش دعوه انا مش عايزه اترفض
سيليا... هعرف كل حاجه عنها السهتانه دي وبتنزل وراهم
بعد مرور وقت العمل بترجع فاطمه البيت وبتكون صفاء والينات موجودين
فاطمه... مساء الخير
الجميع.... مساء النور
صفاء... عامله ايه يا حبيبتي
فاطمه... الحمدلله
روان... ايه كل الشنط دي جايبه ايه
فاطمه.... مفيش دول شويه لبس لزوم الشغل
روان.... شويه لبس كويس والله وبتسيبهم وبتطلع اوضتها
رودى... تعالي يا فاطمه فرجيني جبتي ايه بس انا زعلانه منك كنتي خديني معاكي
فاطمه... معلش اصلي نزلت قبل الشغل وكنتي نايمه
صفاء... يلا اطلعي غيري هدومك علشان تتعشوا
فاطمه.... شكرا يا طنط انا والله شبعانه ومش هقدر اكل
ادم. داخل البيت اسمعي الكلام وبطلي عند شويه
فاطمه... حاضر هطلع اغير هدومي
رودى... استني جايه معاكي اشوف جبتي ايه
بيطلعوا الينات وبعد نص ساعه بتنده عليهم رودى الحقوا فاطمه مغمي عليها تاني
بيجروا كلهم علي اوضه فاطمه
رودى... قولتلكم البت دي مريضه لازم نعرف مالها
صفاء... انا طلبت الدكتور وحالا يجي يطمنا ادم.... فوقوها بس وبعدين نتكلم ليه يا ماما طلبتي الدكتور
صفاء.... البت كل يوم تقع من طولها الموضوع مش طبيعي وعموما هنفوقها وبعد شويه بتخرج
ادم.... طمنيني فاقت
صفاء... الدكتور اتاخر ليه دي مش بتفوق خالص
رودى.... انا قلقت وشها اصفر اوي
جرس الياب بيرن بتفتح رودى اتفضل يا دكتور
ادم.. اهلا اتفضل يا دكتور من هنا
الدكتور... واحده بس معايا تساعدني
بتدخل رودى مع الدكتور وبعد شويه وبيخرج
الدكتور... فين زوج المريضه
الكل ساكت وفجاه بيتكلم ادم. مالها يا دكتور
الدكتور.... حضرتك زوجها
ادم... ايوه
صفاء... ايه
ادم... اتفضل يا دكتور اتكلم لو سمحت قلقتني
الدكتور... المدام حامل بس مهمله جدا كمان الظاهر حالتها النفسيه مش مظبوطه دي شويه تحاليل لازم تتعمل فورا ودي شويه فيتامينات لازم تلتزم بيهم مع الغذا ياريت تهتموا بيها شويه
ادم... تمام يا دكتور في اي حاجه تانيه
الدكتور... ياريت تتابع مع دكتور امراض نسا متخصص هيكون احسن لحالتها
ادم... تمام اتفضل اوصل حضرتك
بيرجع ادم. بيلاقي الكل بيبصله ومستنين هيقول ايه
صفاء... ممكن افهم اللي حصل
روان.... تفهمي ايه يا ماما البيه جايب لنا بنت شوارع وحامل منه كمان
ادم بيضربها قلم وبيقولها اخرسي
روان... انت بتضربني علشان دي
صفاء... روان اطلعي اوضتك وانت كمان يارودى اطلعوا فوق
البنات بتطلع فوق
صفاء.. احكيلي من الاول البنت دي حامل منك صحيح
ادم......
ياتري ادم هيعمل ايه في الورطه دي وهيكمل في كدبه والا هيحكي الحقيقه ده اللي هنعرفه البارت الجاي
