رواية فقيرة في بيتي الفصل الرابع 4 بقلم اسماء عبدالهادي

رواية فقيرة في بيتي الفصل الرابع 4 بقلم اسماء عبدالهادي 

نوفيلا فقيره في بيتي ٤

وجه وقت حفلة عيد ميلاد كارما

كارما كانت ع أتم الاستعداد للحفلة

فدخلت نغم اوضتها وقالت

....برنسيسة الحفلة الليلة ليلتك ها جاهزة

كارما ....اه جاهزة يا قلبي كله تمام

نغم ...فستانك وصل ولا لسه

.... اه وصل من نص ساعة يا دوب الحق البس واجهز نفسي،، بس شوفي أبيه يوسف جابلي ايه شوفتي البوكس دا روعة أحلى هدية جتلي في حياتي كلها

ابتسمت نغم.... واو بوكس روعة جدا وفيه كل اللي بتحبيه وكأن يوسف عارف عنك كل حاجة ومهتم بكل تفاصيلك ايوا يا عم مين قدك بقا

ابتسمت كارما

... انا بحب ابيه يوسف اوي اوي بجد

نغم بمكر.... امم طب ليه بتقولي أبيه

كارما بسذاجة ....اومال اقوله ايه

نغم رفعت حاجبها باستنكار لانها عارفة ان يوسف بيحب كارما

.....لا ولا حاجة ربنا يكون ف عونه دا تلاقيه هيطق منك

كارما ....هو مين

نغم ...يووه كارما بقولك اجهزي يلا وانا كمان هجهز ولو احتجتي لحاجة بلغيني هجيلك علطول

كارما.... لا هاتي حاجتك كلها وتعالي البسي عندي ها انا عايزاكي جنبي اليوم دا

نغم... امم اوك ماشي

وفي وقت الحفلة يزن كان ف شغل واتأخر

فاتصلت بيه سوزي

.... يزن دا كلام بقا نازل الشغل في يوم مهم زي دا اختك لو عرفت انك مش موجود هتزعل اوي

....لا يا ماما مش هتأخر اول ما الحفلة تبتدي هتلاقيني موجود علطول

سوزي.... طب اوعى تنسى هدية اختك يا يزن

يزن.... متقلقيش يا ماما انا جايبها من بدري من اسبوع تقريبا وعاينها ف اوضتي

سوزي .....طب كويس اوي يلا باي واوعى تتأخر

يزن..... تمام مش هتأخر

سيف لما شاف كارما نزلت تعمل اتشيك اب ع كل حاجة قبل الحفلة ما تبدأ راح عندها وقال باعجاب

....واو ايه الجمال والشياكة والحلاوة دي كلها له حق اللي ف بالي يغرم بيكي بقا

ضحكت كارما ....ميرسي يا سيفو كلك زوق والله بس هو مين اللي في بالك

سيف بمكر ....لا مش هقول طالما مش عارفاه رغم انها واضحة زي الشمس والكل تقريبا عارف

كارما ....ايه دا انت كدا شوقتني اعرف يلا قول مين بقا علشان خاطري يا سيف

سيف.... لا لا مش هقول حاجة انتي عايزة تجبيلي مشاكل معاه ولا ايه

كارما ....طب هو حد اعرفه ولا ايه

سيف علشان يتوه

....هي فين هدى مش ظاهرة ليه

نغم ...ايه يا سيف انا هو قدامك مفيش اي تعليق ع فستاني يا زفت

سيف.... الله ما انا اول ما اشترتيه قلتلك انه تحفة

نغم.... لا يا رخم انت لسه مقولتش رايك ف الفستان عليا بعد ما لبسته

سيف... اه سوري اصل انتم البنات عليكم حوارات كدا، الفستان عليكي هياكل منك حتة روعة كأنه متفصل علشانك ها كدا حلو

نغم ضحكت وقال.... اه كدا واتعدل بقا

ضحك سيف ...ماشي ياختي هاخد بالي المرة الجاية، بس صحيح فين هدى مش ظاهرة ليه النهاردة

كارما ....صحيح انا مشوفتهاش النهاردة خالص رغم اني اكدت عليها انها تكون معايا طول اليوم

سيف ....انا هروح اشوف الموضوع ده

وبالفعل راح عندها وخبط هدى ....مين ياللي بيخبط

سيف.... انا سيف يا هدى افتحي

هدى فتحت.... نعم يا سيف خير

سيف ....ايه يا بنتي انتي بتعملي ايه عندك وليه لسه ملبستيش

هدى ....انا اسفة يا سيف انا صحيح وعدت كارما اني اكون معاها وأحضر الحفلة بس حقيقي مليش مزاج ومش ف المود خالص

سيف حب يقولها ليها صراحة قصدك ....انك مش عندك فستان تحضري بيه الحفلة مش كدا يا هدى

هدى ...ها لا خالص ماما جابتلي فستان علشان احضر بيه واكون زي البنات بس انا حقيقي مليش مزاج

سيف ....ممم طب البسي وتعالي عايزك ف حاجة مهمة

هدى ....حاجة ايه يا سيف

سيف ....البسي بس انا منتظرك متتأخريش

هدى.... طب قول عايزني ف ايه

سيف ...يلا بقا يا هدى

هدى.... حاضر

ولبست هدى الفستان وقالت ....اهو الفستان ايه رايك

سيف ...ع فكرة جميل جدا وزوق مامتك رقيق لكن دا ميكفيش انا هشتري ليكي فستان تاني

هدى.... ليه يا ابني ما اهو الفستان دا هيفي بالغرض

سيف.... لا انا عايزك ملكة الليلة وتلفتي نظر الكل انتي مش أقل منهم تعالي

قالها وشدها من ايديها

.....طب سيف استنى انت اخدني ورايح ع فين بس

سيف ....امشي بس من سكات

هدى ....طب يا ابني فهمني اخدني ع فين

سيف ابتسم ه....ظبطك يا بنتي ايه خايفة ليه يلا اركبي

هدى ....لا يا سيف انا مبسوطة كدا

سيف.... ممكن تركبي ومش عايز كلام كتير

هدى... يووه يا سيف

سيف .....هدى

هدى ....خلاص ركبت

وركبت معاه

اللي شاف حوارهم دا عند العربية هو يزن اللي كان وصل بعربيته وبيركنها ف الجراچ واول ما شاف هدى مع سيف ف العربية

قال باستحقار ....هه مش مضيعة اي فرصة ياااه قد كدا انا كنت اعمى ومقدرتش احكم صح!!

كان في قمة غضبه

واول ما دخل الفيلا شافته سوزي ....يلا يا يزن اطلع غير هدومك الضيوف بدؤا يحضروا مين هيستقبلهم غيرك يلا

اتنهد يزن

....ماشي يا ماما هنزل حالا

__

في الوقت دا وصل يوسف وسليم

فجريت كارما في استقبالهم

اما يوسف فخرج موبايله بسرعة. وبعت رسالة لنغم "جاهزة"

ردت عليه ف نفس اللحظة "جاهزة"

ولحقت بكارما علشان تستقبلهم

كارما .....أبيه يوسف ،سليم نورتوا حفلتي

يوسف اول ما شاف كارما تاه ف عنيها اللي دايما بيخطفوه لدنيا غير الدنيا وبيتوه فيهم

وقال بهيام..... كل سنة وانتي طيبة يا كوكي

كارما ....ميرسي يا ابيه وشكرا جدا ع الهدية التحفة اللي بعتهالي

يوسف ....عجبتك

كارما..... طبعا دي حلوة اوي بجد

ابتسم لها يوسف بحب

اما سليم اللي سرح مع نغم وحس ان روحه بتطلع منه لأنه حب ولا طالشي

غمز يوسف لنغم وقال يوسف

....نغم القمر بزيادة ايه الجمال دا كله عقبال حفلة عيدك ميلادك يا بيبي

ابتسمت نغم وقالت بدلع زي ما هما متفقين

....ميرسي چو عينك اللي جميلة علشان كدا انت شايفني جميلة

يوسف.... لا على فكرة دي مش مجاملة أبدا دي حقيقة انتي قمر بجد

نغم.... لا انت كدا بتحرجني بزوقك يا جو وانا مش قد كدا

يوسف.... لا دا انا افضل اغازل للصبح بقا

هنا سليم مكانش قادر يتحمل الوضع اكتر من كدا فناول كارما البوكس بتاعها وقال.... كوكي كل سنة وانتي طيبة عن اذنك

كارما ....ع فين يا سليم الحفلة لسه مبداتش

سليم بمرارة.... اا اصلي افتكرت حاجة مهمة انا لازم اعملها سلام

اول ما مشي سليم،،، يوسف ونغم فضلوا يضحكوا

يوسف.... ها عرفتي بقا بنفسك

نغم بسعادة ....عرفت وشوفت كمان

يوسف.... علشان اقولك انه مغرم بيكي مصدقتنيش

نغم ....اه انا مبسوطة اوي اوي

كارما ....ف ايه انا مش فاهمة حاجة في ايه يا نغم ف ايه يا ابيه يوسف

يوسف بص لكارما بضيق لانه فعلا فاض بيه هو كمان وقال

....انتي لسه بتقولي ابيه ابقي خلي نغم تفهمك سلام

كارما ...الله انت هتمشي ليه وتسبني انت كمان هتروح فين دي الليلة ليلتي

يوسف بانزعاج .....اروح ف داهية حتى سيبيني

كارما باستغراب ....الله هو في ايه مالهم كدا

نغم بلوم... بقا معقولة كل دا مفهمتيش يا كارما

كارما بعدم فهم.... افهم ايه يا نغم انا حقيقي مش عارفة ابيه يوسف زعل واتقمص ومشي ليه انا كنت عايزاه يحضر الحفلة معايا مش هتكون ليها طعم من غيره

نغم ...ما هو علشان كلمة ابيه دي زعل يا كارما

كارما ولسه مش فاهمة

....ليه بس اومال اقوله ايه يا باشمهندس؟؟؟

نغم بانزعاج ...يوووه يا كارما عليكي انا اول مرة اعرف ان مخك تخين بجد كدا

وبعد كدا لما نغم بصت قدامها هي وكارما قالوا .....واو مش معقول هي دي هدى!!!

كان ف الوقت دا يزن نزل من اوضته بعد ما لبس واتشيك

فسمع الكل بيتهامس ع جمال البنت اللي جاية مع سيف فبص ع اللي بيبصوا عليه فتنح مكانه

....معقول دي هدى!!

البنات قربت من كارما

.... كوكي كل سنة وانتي طيبة يا قمري بس مين البنت الجميلة دي اللي داخلة لا الظاهر انها جاية وقاصدة تاكل منك الجو

هدى وهي ف قمة حرجها وهي ماشية مع سيف

....سيف ايه اللي انت عملته فيا دا اعمل ايه انا دلوقتي العيون كلها عليا وانا بتكسف

سيف ...اشش اسكتي بتتكسفي ايه ارفعي راسك دا انتي بنت فريد بيه يعني لازم تكوني احلى واحدة الليلة دي وكل الليالي

هدى.... منك لله يا سيف كارما جاية علينا وشكلها متضايقة

كارما ....هدى معقول اللي انتي عاملاه دا

هدى بتوتر ...ااا سيف قول حاجة شكلها اتضايق بجد

هدى... ااا اسفة يا كارما لو مضايقك انا هروح ابدله حالا

سيف ....اييه حيلك تروحي فين اقفي هنا انتي مش هتغيري حاجة هتقضي الحفلة كدا

وبص لكارما.... ايه يا كارما انتي مش عايزة هدى تحضر حفلتك

كارما ....لا طبعا تحضر بس الكل بيقول اكلت الجو مني ومحدش مهتم بيا

سيف... لا طبعا دي الليلة ليلتك يا برنسيسة وهدى طبعا مش قصدها حاجة كل الحكاية اني اخدتها تلبس زيكم وبس دي الحكاية وجمالها لوحده حكاية فبقت بالشكل دا اتفضلي هديتك يا سويتي مني ومن هدى

هدى.... اا كل سنة وانتي طيبة يا كارما

كارما.... وانتوا طيبين

نغم ....بس بجد طلعتي جامدة يا هدى ايه يا بنتي دا كان مستخبي فين

هدى.... البركة في استاذ سيف وربنا انا محروجة وف نص هدومي الكل بيبص عليا

سيف ...حقهم حد يقول للجمال لا ،، ها يا كوكو هنطفي الشمع امتا وناكل الجاتوه

نغم ....طول عمرك همك ع بطنك

سوزي لاحظت ان الكل بيتكلم على هدى وبنتها لا فقالت ليزن اللي لقته بيبص لهدى بغضب

.....عجبك اللي بنت الطباخة دا عملته دي شكلها قاصدة تبوظ الحفلة ع اختك انت هتسكت ع اللي بيحصل دا عاجبك ان اختك الوحيدة تنقهر كدا يا يا يزن؟؟

يزن كان عايز حد بس يسخنه اكتر علشان يروح يتخانق مع هدى وما صدق مامته قالتله كدا فانطلق زي القنبلة الموقوتة في اتجاه هدى

سيف كان انطلق ع البوفيه علشان ياكل الجاتوه والحلويات

ففضلت هدى واقفة لوحدها

راحلها يزن وقال بحدة

....ايه اللي انتي عاملاه ف نفسك دا

هدى ....ايه عاملة ايه

يزن... انتي مش شايفة نفسك ولا هتستعبطي

هدى... ايه،، ايه المشكلة ها ما انا لابسة زي كارما اختك وزي الكل هنا، ليه سايبهم كلهم وجاي تعلق ع لبسي أنا ها، ماله فستاني ماهو منفوش ومش ضيق اعمل ايه اكتر من كدا ولا تحب البس اي هدوم عادية بسيطة علشان تكونوا مبسوطين ليه محدش عايزني افرح زيكم واحس اني واحدة منكم لحد امتا هفضل منبوذة كدا ها، لحد امتا هتعاملوني بالدونية دي

لقاها قالت كلامها بانفعال وعيطت

فاستغرب هي ليه عيطت وانقهرت اوي كدا

هو مكانش قاصدة اي اساءة ليها انما قالها من باب غيرته عليها مش اكتر

هنا حبت سوزي انها تلعب لعبتها اللي بتحضر ليها فقالت

لعفاف ....نادي ع وداد من المطبخ

ولما جت وداد ....نعم يا سوزي هانم ها الحلويات عجبتكم

سوزي ...طبعا بس بم انك اللي عملتي الاكل فلازم انتي اللي تقفي تشرفي ع النظام هنا ولا ايه علشان ترتيب السفرة ميتبهدلش

وداد ....ماشي يا سوزي هانم

لحق يزن بهدى وقال

....استنى انتي بتتكلمي ليه كدا ودونية ايه اللي بتتكلمي عنها هو حد داسلك ع طرف اصلا ما الكل هنا بيعاملك كويس عايزة ايه دا انتي كمان اللي متجرأة اكتر من اللازم ومش فاهم ايه حكايتك بالظبط ها عايزة ايه وناوية ع ايه بلبسك وفستانك اللي مخليكي حورية بحر كدا عايزة توقعي شباب فيكي اكتر واكتر انتي كدا هتكوني مبسوطة

هدى بصدمة.... انت بتقول ايه

يزن ..ايه مش دي الحقيقة اللي انتي عليها،،، بتحاولي تصطادي الشباب،،، مرة سيف ومرة انا وكمان سليم طلع يعرفك وكل شاب هنا عينه منزلتش من عليكي مش دا غرضك ان كل دا يحصل

هدى... لا طبعا محصلش وسيف هو اللي اخدني وجابلي الفستان دا وانا مش نيتي حاجة انا مكنتش هحضر الحفلة دي اصلا

يزن بحدة .... كدابة يا هدى انتي كدابة انتي بنت ملاوعة وليكي مليون وش فمتحاوليش تخفي وشك الحقيقي عني انا خلاص عرفته واتأكد منه

هدى بضيق ....لو انت شايف كدا فأنا فعلا كدا مش هناقشك عن اذنك

يزن ...استنى هنا انا لسه مخلصتش كلامي

ف الوقت دا

وقعت سوزي الجاتوه ع الارض فقالت ...اوبس يا وداد معلش ممكن تنضفي الفوضى دي ميصحش المكان يكون كدا والضيوف موجودة يقولوا عليا ايه

وداد بعزة نفس لانها عارفة ان سوزي وقعته بقصدها

...اسفة يا سوزي هانم انا هنا مسؤلة الطبخ وخلصت مهمتي وكوني واقفة هنا ميخوليش ليا اني اتعامل معاملة الخدامين

هنا سوزي رفعت صوتها وقالت

....نعم انتي هتعيشي الدور انتي اصلا جاية هنا بيتي علشان تكوني خدامتي وافعصك انتي وبنتك تحت رجليا واللي اقولك عليه تنفذيه فبلاش قنعرة كدابة انتي وبنتك واسمعي اللي بقولك عليه اخلصي

بصتلها وداد بغيظ شديد

اما هدى فالدم فار ف عروقها ومتحملتش اللي بيحصل لأمها

فراحت عندها وحضنت أمها وقالت لسوزي

....عندك يا مدام سوزي أمي لا عاش ولا كان اللي يمسها بكلمة واحدة او يهين كرامتها او يحاول يذلها أمي ست الكل وست الناس هنا ولا انتي ولا غيرك هسمح ليكم انكم تهينوا أمي اكتر من كدا... طلبتي منها تعمل الحلويات بحجة ان حلوياتها أحلى من المحلات الفخمة وقلنا ماشي مفيش مشكلة اهو كله علشان خاطر كارما انما لحد هنا واستوب كون انك تعلي صوتك ع امي وتحاولي تهينيها او تذليها فأنا مش هسمحلك أبدا انتي فاهمة

سوزي رفعت صوتها وقالت بكل غضب

....والله عال مبقاش الا الخدامة بنت الخدامة اللي تعلي صوتها عليا وتقف قدامي كدا الند بالند

الكل اتلم وبدأ الهمز واللمز

يزن راح بسرعة عند امه ومسك ايديها ....امي ميصحش كدا الناس تقول ايه لو فيه اي مشاكل تتحل بهدوء وبلااش شوشرة وقلة قيمة لحد

هدى ردت عليها بحدة.... لا انا ولا أمي بنشتغل خدامين هنا وانتي عارفة دا كويس وحتى لو،،، دا ابدا مش شىء يعيبنا تعرفي العيب فين العيب ف اننا وافقنا اننا نيجي هنا من اصله كانت غلطة ودلوقتي بندفع تمنها غالي اوي، اهي عندك فيلتك يا سوزي هانم اشبعي بيها وانت يا سيف شكرا ع الفستان الجميل دا،،، اول ما اروح بيتي اللي هو فوق السطوح ها فوق السطوح يا سوزي هانم وانتي عارفة ليه هرجع الفستان ليك تاني يا سيف وابقوا سلمولي ع فريد بيه سلمولي عليه كتير اوي

قالتها وهي بتحاول تكون قوية وتمسك نفسها والدموع متنزلش ف موقف زي دا

وأخدت أمها في حضنها ومشيت بكل شموخ وسط زهول من الكل

اما سيف وعلشان هو الوحيد اللي يعرف كل حاجة فجري وراها ولحقها

.....هدى هدى

هدى بكل غضب.... سيبني دلوقتي يا سيف

هدى كانت بتلم هدومها هي ومامتها اللي بتلم حاجتهم بهدوء

فسيف قال ...اسمعيني بس يا هدى احتا اتفقنا ع ايه

هدى ....متفقناش ع حاجة انسى كل حاجة قلتها ليك يا سيف خلاص كل حاجة انتهت لحد كدا

ولما خلصوا لمو هدومهم البسيطة مشيوا من بوابة الفيلا فسيف جاب عربيته

وقال ...طب اركبوا هوصلكم

هدى... لا مش هنركب مش عايزة اي حاجة منكم خلاص انا عايزة انسى العيلة دي بكل شخص فيها بكل تفاصيلها سيبونا ف حالنا بقا ياريتني ما جيت يا ريتني ما جيت هنا

سيف

.... معلش يا هدى اركبوا بقا علشان خاطري

طنط وداد من فضلك اركبوا احنا بالليل ومش هتلاقوا مواصلات كويسة دلوقتي

هدى.... لا هنقدر نعتمد ع نفسنا كويس اوي يا سيف شكرا

سيف زعق لاول مرة.... قلت اركبي يا هدى لاحسن وربنا هروح اقول للكل الحقيقة ولا يهمني

هدى هنا عيطت ...لا اوعى يا سيف خلاص كل حاجة انتهت وانا خلاص مبقتش منتظرة اي حاجة من حد انا عايزة اعيش انا وماما بهدوء بس ابعدوا عننا بقا

هنا كانت نغم اتصلت بيوسف اللي جه وسمع الحوار اللي دار بين سيف وهدى فقال

....هو في ايه يا جماعة في ايه يا سيف في ايه يا مدام وداد

محدش رد عليه لكن سيف قال.... يوسف ارجوك خليهم يسمحوا ليا اوصلهم مش هينفع يمشوا لوحدهم ف حالتهم دي

يوسف.... انا اسف اوي يا مدام وداد ع اللي حصل من طنط سوزي اكيد هي مش قصدها دا او كان سوء تصرف منها امسحيها فيا انا ارجوكي

هدى بعصبية ....لا انت مش هتعتذر بالنيابة عنها انا عرفت احنا ليه جينا هنا من الاول جينا هنا علشان تذلنا علشان تدوس علينا وتحطنا تحت رجليها زي ما قالت دا السبب الوحيد مفيش غيره قد ايه انا كنت ساذجة اوي وغبية اوي ما هو ايه اللي هيغير فريد بيه من يوم وليلة كدا شكرا اوي يا يوسف بيه انت وسيف بيه احنا مش محتاجين مساعدة من حد يلا يا ماما

ومشيت هدى مع امها بالشنط بتاعتهم

فسيف قال... لا حول ولا قوة إلا بالله ربنا يكون ف عونها بجد

يوسف... سيف هو فيه ايه انا حاسس ان فيه حاجة غريبة ف الموضوع ايه الحكاية بالظبط

سيف ....هقولك انا كدا كدا كنت هقولك علشان تساعدها وتشوف حل ف الموضوع دا

ولما حكاله كل اللي عرفه من هدى

يوسف مكانش قادر يعقل ابدا اللي بيسمعه

...انت بتقول ايه يا سيف انت مجنون هدى تبقى بنت عمك فريد ازاي يعني وايه اللي يخليه يخفيها عن الكل

سيف.... الله اعلم ودا اللي هدى هتموت وتعرفه واللي احنا لازم نساعدها فيه مش هينفع نسيبها تعاني كدا دي عايشة ف حي فقير جدا فوق السطوح السطوح تصور وفريد بيه يعتبر من أكبر رجال الأعمال في مصر بنته تعاني كدا؟؟

يوسف ...معاك حق احنا لازم نعرف ايه اللي بيحصل بالظبط وليه عمك مخبي امرها كدا

سيف ....طب هتعمل ايه

يوسف ...سيب الموضوع دا عليا بس بكرة الصبح لما هدى نفسيتها تهدا شوية

سيف ...طب انت مش شايف اننا لازم نقول ليزن اخوها اكيد لو عرف هيكون اكتر واحد هيقف جنبها وعايز يساعدها

يوسف... يا ابني افهم يزن مش اخوها

سيف تنح ....نعم مش اخوها ازاي دا

يوسف... دي الحقيقة اللي مش كتير يعرفها يزن ميبقاش ابن عمنا فريد زي ما الكل بيظن

سيف ...اومال ابن مين هو ايه الحوارات الجديدة اللي الواحد بيكتشفها يعني هدى تبقى بنت عمي ويزن لأ هو ايه اللي بيحصل بالظبط

يوسف ....يزن يبقى ابن مدام سوزي مرات عمك يا سيف ، مدام سوزي كانت متجوزة واحد تاني قبل ما تتجوز عمك فريد وخلفت منه يزن ولما مات اتجوزت عمك فريد وهو اللي ربى يزن كأنه ابنه بالظبط وبعدها خلف كارما فهمت

سيف.... اه فهمت كدا وناقص بقا لغز هدى ليه محدش يعرف بيها

يوسف ....اممم اظن الموضوع ليه علاقة بمدام سوزي مرات عمك وع حسب اللي حصل منها النهاردة وانها كانت قاصدة تسىء لهدى ولأمها انها هي اللي طلبت من عمك انه يبعدهم عنه دا انا برجحه لكن الحقيقة فين الله اعلم

سيف.... تصدق صح عندك حق ما هي بعد اللي عملته دا النهاردة تتوقع منها اي حاجة

___

تاني يوم يوسف راح ليزن الشركة يجس نبضه ويتأكد هل يزن يعرف بموضوع هدى ولا لا

يزن بترحاب

.....يوسف باشا عندنا هنا ف الشركة وف مكتبي كمان يا مرحبا يا مرحبا

يوسف.... اتمنى مكونش هعطلك

يزن..... يا ابني دا انا لو مش فاضي افضي نفسي علشانك منورنا اكيد تشرب ايه

يوسف ...قهوة مظبوظ ياريت

يزن ...تمام

ونادى ع الساعي.... اتنين قهوة مظبوط يا عم حسن

حسن.... تمام يا بيه حالا وتكون عندكم

يزن ....ها ايه سر الزيارة السعيدة دي انا حاسس ان وراها حاجة

يوسف ....بصراحة اه يا يزن فيه سبب لزيارتي النهاردة

يزن.... خير يا ابني ما تتكلم

يوسف ....انت تعرف ايه عن هدى يا يزن

يزن اول ما سمع اسم هدى اتعصب

...انت كمان بتسأل عنها انا مش عارف البنت دي عايزة ايه بالظبط بس عامة اهي مشيت وهنرتاح منها

يوسف.... يعني عاجبك اللي مامتك عملته فيهم

يزن بلا مبالاة

....ويعني هي سكتت ما لسانها كان طوله شبرين واخدت حقها، لكن فعلا منكرش ان ماما غلطت ومكانش ينفع تعمل اللي عملته

يوسف قام وقف.... ممم معنى كدا فعلا انك متعرفش عنها حاجة غير انها بنت مدام وداد الطباخة مش كدا

يزن ....يوسف هو ف ايه بالظبط ليه مهتم وبتسال اوي ع البنت دي

يوسف... لا ولا حاجة بس اللي مش قادر افهمه انت ليه متحيز للعداء بينك وبينها كدا .. رغم انها بنت طيبة كدا وزوق واخلاق

يزن ....هه اخلاق لا مفتكرش وبلاش اتكلم عن حد انا عندي اخوات بنات بس نصيحة لو كنت بتفكر فيها ابعد عنها يا يوسف

يوسف.... اممم بلاش تحكم عن حاجة من ظاهر انت شايفه قدامك لان الحقيقة ساعات بتكون عكس اللي شايفينه. لما بنعرفها بنقدر نفهم ليه الناس اتصرفت بالشكل دا فبلاش تظلم هدى البنت انسانة كويسة جدا وبكرة تعرف يلا سلام هبقى اشوفك بعدين

جه حسن ....القهوة يا بهوات

يزن ...قهوتك يا يوسف

يوسف ...معلش ابقى اشربها بعدين عندي مشوار لازم اعمله

وقف يزن وقال ....يوسف انت مخبي عني ايه

يوسف ...هكون مخبي ايه عنك

يزن ...يوسف انا مش تايه عنك احنا مش عشرة يوم ولا اتنين وكمان اصحاب قبل كل شىء في ايه مالها البنت دي

اتنهد يوسف وقعد تاني ومسك فنجان القهوة واخد رشفة وقال بعد صمت دام لكم ثانية ويزن منتظره يتكلم

_هدى تبقى بنت عمي فريد يا يزن

يزن برق بعينه.... ايه هدى تبقى بنت فريد بيه ازاي يعني

يوسف ...للاسف دي الحقيقة يا يزن ومحدش عارف ليه مخبي عن الكل حقيقتها

يزن قعد بأسى ....ودا يفسر تصرفاتها اللي انا كنت مفكرها جريئة ومش مقبولة

يوسف.... دا صحيح حتى سيف قالي انها كانت مفكراك اخوها ما هو محدش يعرف غيري انك مش ابن عمي فريد

يزن ....سيف، يعني سيف كان عارف حقيقة هدى؟؟

يوسف ....عرف دا قريب بس اه هو اول واحد هدى تحكيله الحقيقة

يزن بلع ريقه بضيق

...لا حول ولا قوة الا بالله ولما هي بنت فريد بيه ليه بيعاملها كدا انا كنت بشوف فعلا القهر ف عنيها بس مكنتش فاهم حاجة

يوسف ....ودلوقتي فهمت وعرفت كل حاجة ناوي تعمل ايه هنساعدها ازاي

يزن بجدية.... هنواجه بابا طبعا بالحقيقة اللي عرفناها

يوسف ...سيف قالي انها مش عايزة حد يعرف مش عايزة تخسر باباها حتى لو مش بيحبها مش عايزاه يناساها وفضلت تبعد عن الكل وترجع لحياتها القديمة

يزن قام وقف ....يوسف تعالى وديني عندها

يوسف ....طب اصبر اكلم سيف لانه الوحيد اللي يعرف مكانها

يزن بغضب وغيره .... الواد ده ايه علاقته بيها بالظبط

___

سليم وقف قدام نغم ف النادي وزعق

....الواد دا عايز منك ايه

ابتسمت بمكر وقالت... دكتور سليم اهلا منور النادي يااه من زمان انت مجتش هنا

سليم ....انطقي ردي ع سؤالي الواد دا عايز منك ايه

نغم ....اه چو دا كان بيقولي انه معجب بيا وعايز يطلبني من بابي فديته رقمه يكلمه

سليم بغضب ....نعم ياختي يطلبك من بابي لا ياشيخة

نغم.... ايه يا سليم انت ايه مشكلتك

سليم ....ويوسف يا نغم

نغم.... ماله يوسف

سليم ....اخويا يوسف بيحبك وعايز يتجوزك هتبيعيه كدا بسهولة

نغم فهمت ليه اتغير سليم من ناحيتها وقالت ....مين عبيط قالك كدا يوسف بيحب كوكي من زمان اوي

سليم ...نعم بيحب كوكي؟؟ دا انا سمعته بوداني بيقول انه بيحبك ومنتظر الوقت المناسب غلشان يطلبك من عمه

هنا جه يوسف وقال

...اه لو تقصد وقت ما كنا ف رحلة شرم ،، انا كان قصدي ع كارما مش نغم

سليم ...اه بس انت شاورت ناحية البنزينة ونغم اللي كانت واقفة

يوسف ...يا ابني كارما كانت واقفة معاها بس دخلت وقتها التويليت

سليم بفرحة.... يعني انت مكانش قصدك ع نغم، يعني انت مش بتحب نغم ياااه دا احلى خبر سمعته ف حياتي انا فرحان اوي

يوسف ...وانت فكرتني بحب نغم فبعت حبك علشان سعادة اخوك مش كدا، مش بقولك يا نغم اكيد فيه سبب لتغيره دا

نغم ابتسمت وقالت.... ياااه قد ايه انت جميل اوي يا سليم انا يا بختي بيك

سليم كان هيطير من الفرحة

...وربنا ما فيه اجمل من عيونك اللي مدوبة قلبي معاها دي

اتكسفت نغم وحطت وشها ف الارض

يوسف حط ايده ع كتف اخوه

...مش وقت نحنحة دلوقتي تعالى عايزينك ف مشوار مهم

يزن ف العربية

.... ولا انت ايه علاقتك بهدى يالا

سيف بعند.... ايه يا عم وانت مالك بتسأل ليه

يزن بشر ....سيف اتعدل بدل ما انت عارفني

سيف ...خلاص يا عم مفيش اي علاقة عادي يعني بنت عمي وبساعدها

يزن ...عرفت عنوان بيتها منين وكانت معاك ف العربية ليه طالما انت لسه عارف انها بنت عمك قريب

سبف ....يااه انت لسه فاكر مش عايز تعدي الموقف دا ابدا

يزن... انطق يالا وخلصني

سيف... يا سيدي كنا عند الشركة تحت كانت خارجة معيطة ومش شايفة قدامها فجت قدام عربيتي والحمد لله لحقتها قبل ما تخبطها لكن اغمي عليها من الخضة اخدتها وروحت المستشفى عند سليم واطمنت عليها

الخامس والاخير من هنا

تعديل المقال