رواية احلامي البريئه الفصل الثالث 3 بقلم ملك روحي
نزلت احلام على كليتها وهيا متعصبه ورافضه انها تستمر في الوضع ده ولازم تغير من حياتها وكمان باباها لازم يرتاح بقاا من الشغل ده ومبقتش طايقه القصر ولا الرجوع ليه عشان متشوفش مراد بس غصب عنها لازم تصبر الكام شهر دول عشان دراستها..
وصلت احلام الكليه وقابلت صحبتها( غاده) معاها في نفس القسم وصحاب من زمان.
غاده شايفه احلام بتقرب منها من بعيد وبتكلم نفسها وهيا متعصبه.
غاده؛ مالك يااحلام انتي بتكلمي نفسك؟!
غاده؛ ليه يابنتي في ايه مراد بردوو.
احلام :اه ياستي سي زفت المغرور مفيش حتى كلمه شكر على اللي عملته بس اقول ايه الصبر حلوو.
غاده :طب واللي يقولك تعملي ايه عشان ياخد باله منك.
احلام؛ ياشيخه اتلهي انا مبقتش عايزه اشوفه اصلا ده انسان معندوش قلب فاهم ان الناس كلها عبيد عنده انا مستحيل احب واحد زي ده وبعدين ريحي نفسك هوه مستحيل يبصلي احنا بالنسباله. زي السما والأرض.
غاده؛ ماهوو الاحباط ده اللي بيخليه ميشوفكيش عشان دايما مبتغيريش من نفسك وحاطه حاجز دايما بينك وبينه. يااما رجاله اغنيا حبوا بنات فقيره واتجوزوا عن حب واتنهدت غاده. اااه ياني اوعدنا ياارب.
احلام؛ عايزاني اعمل ايه يعني يامسهوكه.
غاده؛ نخلص بس محاضرات وانا هقولك وننزل مشوار كده لزوم الشغل.
احلام؛ طيب قدامي يافالحه.
عند مراد.
صحي من النوم وكان موجوع ونده على عبدالله. ودخل عبدالله عشان يشوفه.
عبدالله؛ ايوه يامراد بيه محتاج حاجه.
مراد؛ ايوه ممكن تساعدني ادخل الحمام.
عبدالله :طبعا. ودخل مراد الحمام وخرج.
عبدالله؛ هاه احسن دلوقتي.
مراد؛ الحمد لله
عبدالله؛ في موضوع لازم نتكلم فيه.
مراد :ارجوك ياعبدالله انا تعبان ومش عايز اتكلم.
عبدالله؛ يبقى عارف انا عايز اتكلم في ايه.
مراد؛ ده واحد كلب وانا اتصرفت معاه بالطريقه اللي تناسبه.
عبدالله؛ يعني تتصرف معاه بانك تعرض حياتك للخطر المرادي ربنا سترها ياعالم المره الجايه ايه هيحصل.
مراد؛ متقلقش انا عارف بعمل ايه. المهم عملت معاه ايه.
عبدالله :في المخزن مستنيك عشان تأمر هتعمل فيه ايه.
مراد؛ بغضب ناوي اقتله.
عبدالله :لأ مفيناش من قتل وانت عارف بس نربيه شويه وبعدها نلبسه قضيه محترمه ويقضي بقيه عمره في السجن.
مراد :عايز اشوفه.
عبدالله؛ اوك بس مش دلوقتي عشان الجرح.
مراد؛ قلتلك عايز اشوفه دلوقتي ومش عايز نقااش. وكان الغضب مسيطر عليه.
عبدالله؛ يامراد بيه بلاش انت متعصب وانا خايف عليك.
مراد؛ متقلقش انا هتصرف متخافش.
عبدالله؛ اوك اتفضل معايا.
عند احلام وغاده.
خلصوا المحاضرات بتاعتهم وخرجوا.
غاده؛ يلااا بينا وسيبيلي نفسك خالص.
احلام :هنروح فين انا مش عايزه اتأخر.
غاده :مش هنتأخر ماهو عشان كده طنشنا المحاضره الاخيره عشان منتأخرش.
احلام؛ طب يلااا بينا.
ومشيوا الاتنين َركبوا تاكسي ووصل بيهم قدام صالون تجميل.
احلام؛ أنتي جيباني هنا ليه
غاده :هتعرفي دلوقتي انزلي بس.
احلام نزلت من العربيه ودخلوا صالون التجميل. وغاده قالت لصاحبه الصالون تعملهم مكياج خفيف ويكون لايق على وش احلام..
عند مراد وعبدالله.
وصلوا المخزن ودخل مراد وكان في واحد مربوط من ايديه ورجليه ومرمي عالارض.مراد شد كرسي وقعد عليه قدامه وزقه برجله عشان يصحي.
مراد؛ ايه عجبك الفندق عندما اتمنى تكون الإقامه خمس نجوم..
كمال؛ اعرفكم كمال ده كان شريك اخو مراد الكبير واتسبب في موته.
كمال :فتح عيونه وبص لمراد بتعب وبوقه كان بيجيب دم.ومتكلمش.
مراد؛ زقه برجله مره تانيه والشر كان في عينيه. وكمال اتوجع من الضربه.. مراد قاله ان شاء الله موتك على أيدي ياكلب بس قبل مااموتك هخليك تتمني الموت عشان ترتاح من اللي هعمله فيك.
كمال؛ مش هتلحق عشان انا مش لوحدي وقبل ماتفكر تأذيني هيكون بموتك يامراد ومتنساش اني لسه معلم عليك وبص لجنبه مكان المطوه وضحك ضحكه خبيثه.
مراد؛ اتعصب ونزل على ركبته ومسكه من شعره ورفع دماغه ليه وقال. لأ دي مش علامه ده حركه غدر منك ونداله متقدرش تضربني وانا وشي في وشك عشان كده بتغدر وانا مديك ضهري بالظبط زي ماعملت مع اخويا. سليم. عشان انت ندل ومطمرش فيك العشره اللي ذيك ميستاهلش الرحمه.
كمال؛ اخوك هوه اللي غدر مش انا وموته كان حادثه انا ماليش يد فيها.
مراد :ساب شعره وزقه بعيد. انت عايزني أصدق واحد زيك كلب خاين. وبص على عبدالله وقاله علقوه وخلي الرجاله يروقوه واللي يتعب غيره يكمل انا عايزه يموت وهوه متعلق محدش يديله بق مايه. ونزل عيونه عليه َوقاله انا هخليك تتمني الموت ياو س خ.
وخرج مراد هوه وعبدالله بعد ماأمر رجالته ينفذوا كلام مراد.وصلوا العربيه ووقف عبدالله وبص لمراد
عبدالله؛انت ناوي تقتله بصحيح يامراد احنا عمرنا مامشينا في الطريق ده.
مراد؛ يعني عايزني اسيب حق اخويا. انا مصدقت لاقيت الكلب ده.
عبدالله :انا مقولتش كده بس مش بالقتل..
مراد؛ خلاص عزبوه شويه وبعدين اتصرف انت.
عبدالله؛ اوك.
وركبوا العربيه وطلعوا عالقصر.
عند احلام وغاده. خرجوا من صالون التجميل وغاده اخدت احلام تجيبلها كام طقم حلوين واختارت هدوم عالموضه بس احلام رفضت تلبس حاجه ملفته او ضيقه واختارت حاجات تناسبها بردوو وكانت جميله جدا...
غاده قالت لأحلام لازم تبقى انيقه قدام مراد.
احلام؛ صدقيني انا جيت معاكي انهارده عشاني انا مش عشان اي حد وبعدين هوه اساسا مش حاسس بيا وانا خلاص مبقاش فارق معايا كل اللي يهمني اتخرج واشتغل عشان اريح بابا بقاا.
غاده؛ ياستي وماله اهوو نجرب ونشوف.
احلام؛ ماشي ياختي يلاا بينا عشان اتأخرت. ومشيوا واحلام روحت عالقصر. وكان مراد لسه واصل القصر والتفت مراد وعبدالله وكان في تاكسي وصل قدام القصر ونزلت احلام منه وكانت في قمه اناقتها ومتغيره فعلا وانبهر عبدالله بشكلها ومراد فضل يدقق في ملامحها عشان يشوف هيا مين وعرف انها أحلام وعجبه شكلها.
احلام؛ وصلت بالقرب منهم وكان قلبها بيدق جامد من نظراتهم ليها ووقفت بخجل وقالت. السلام عليكم.
عبدالله :وعليكم السلام ازيك ياانسه احلام. وابتسم ابتسامه خفيفه....
مراد :بصلها وسكت.
احلام؛ الحمد لله بخير. وبصت لمراد. اخبار الجرح ايه
مراد؛ اتكلم ببرود. تمام.
احلام :زعلت من رده البارد وقالت طيب عن اذنكم. ودخلت على اوضتها.
عبدالله؛ بأعجاب وهوه عينه عليها.البنت دي مبقاش منها كتير دلوقتي.
مراد؛ بأستغراب ازاي يعني.
عبدالله؛ اقصد لبسها والحجاب قليل اوي ماتلاقي بنت كده وكمان جميله.
مراد؛ مدققتش اوي اصلي مابيفرقش معايا وبعدين النوع ده مبيعجبنيش.
عبدالله؛ ضحك ضحكه خفيفه اه مانا عارف النوع اللي بيعجبك.
مراد؛ كلهم زي بعض وانا مبقاش يفرق معايا خلاص انا هطلع ارتاح.
وطلع مراد اوضته.
واحلام دخلت اوضتها. وافتكرت رده البارد ليها ونظراته العاديه ليها كانت فاهمه انها هتعجبه. بعد ماغيرت من لبسها وشكلها. وعيونها اتملت دموع ونزلت دمعه على خدها واتنهدت بوجع... انا ليه زعلانه. ليه فارق معايا اصلا ومسحت دموعها وقالت زي ماغيرت من شكلي هغير من نفسي ومش هيفرق معايا اهم حاجه دراستي وشغلي وبس.
مراد دخل اوضته وبيقلع الجاكت اتوجع من الجرح وحط ايده عليه وافتكر شكل احلام وهيا داخله القصر وقد ايه كانت جميله وبدون وعي منه ابتسم ابتسامه خفيفه.
وفاق من شروده وقال هوه انا ليه ابتسمت وافتكرتها اصلا مش من النوع اللي بيعجبني ونفض الفكره من دماغه وقام دخل الحمام.
وفجأه حس بدوخه شديده ومسك دماغه بوجع ووقع عالارض فاقد للوعي.
