رواية سر الهاربه الفصل الثالث 3 بقلم مني الصاوي
سر الهاربه
الحلقه 3
مني الصاوي تقدر تعمل اللي صاحبك قاله يا استاذ ادم بس ماعدا حاجه واحده القرشين اللي هتقرر تديهم لي انا مش عايزاهم وشكرا لذوقك يا استاذ مراد بعد اذنكم
ادم... فاطمه استني
فاطمه.... اه نسيت اقولك اني هرجعلك تمن اللبس ده اول ما الاقي شغل
مراد... يا مدام انا معرفكيش والا في بينا حاجه علشان اخد منك موقف بس صراحه انا خايف من المسواليه واحده في سنك بالمنظر ده مضروبه ومتبهدله وكمان حامل لازم نقلق
فاطمه... معاك حق بس عابزه افهمك حاجه مهمه انت فاهم غلط حكايتي غير كده خالص
مراد.. خلاص فهمينا حكايتك ايه علي الاقل لما نقع في مشكله بسببك نعرف نتصرف
ادم.... خلاص يا مراد انا مش عايز اعرف حاجه واسف يا فاطمه علي كل اللي سمعتيه ووعد مني مش هتتكرر تاني ممكن نمشي
فاطمه........
ادم.... ممكن يا فاطمه
فاطمه.... اتفضل
في مكان اخر
مجهول.... انا باعت رجاله ورق البت هربت منكم ازاي
مجهول 2.... يا بيه غصب عننا مش عارفين هربت ازاي وهي متكسره كده دي مفيهاش حته سليمه
مجهول.... اقلبوا الدنيا كلها لازم تجيبهوا والله لو مارجعت مش عارفين هعمل فيكم ايه بم*وتك*م فاهمين
مجهولين.... فاهمين يابيه
-------------------------------------------
ادم... وصلنا يلا يا فاطمه هعرفك علي اهلي
فاطمه... تمام متشكره جدا اكيد مش هنسي لك المعروف ده
ادم... مفيش حاجه انت زي اخواتي الينات استناني يا مراد خمس دقايق وهرجعلك
اتفضلي
بيفتح ادم باب البيت بيلاقي والدته صفاء سيده جميله في اوائل الخمسينات تجلس مع ابنتها
صفاء... حبيبي حمدالله على السلامة جيت امتي ومقولتش انك جاي ليه
ادم.... لسه واصل حالا ومعايا ضيفه
صفاء تنظر لفاطمه باستغراب.. اهلا وسهلا تنور طبعا اتفضلي يابنتي
فاطمه... اهلا بحضرتك يا طنط معلش هما يومين بس وهتصرف في مكان اقعد فيه
صفاء... ايه اللي بتقوليه ده عيب كده اعتبري نفسك في بيتك ماتقولي حاجه يارودي
رودي... اهلا حبيبتي اكيد هتنوري طبعا وهلاقي حد يسليني في البيت ده
فاطمه.... متشكره جدا مش عارفه اقول ايه علي ذوقكم
ادم... متقوليش حاجه كمان في غير رودى اختي وتبقي تؤم رودي روان بس هي منطويه شويه
رودى... شويه دي مش بتكلم حد يابنتي يلا الحمدلله لقيت حد اكلمه
ادم... فاطمه ممكن اتكلم معاكي دقيقتين
فاطمه... اكيد تحت امرك
ادم.... ماما بعد اذنك هندخل المكتب نتكلم وانت يارودي شوفي فاطمه هتنام فين
رودي.... معايا طبعا هروح اجهز لها سرير
ادم... تمام يا حبيبتي عن اذنكم
بيدخل ادم غرفه مكتب وبتتبعه فاطمه وبيغلق الباب
ادم... ممكن اسالك سؤال وياريت من غير كذب
فاطمه........
ادم.... مع انك مردتيش بس هسأل
انت هربانه من اهلك زي ما قال مراد
ممكن قبل ما تجاوبي تفكرى كويس ولازم تعرفي اني بسأل علشان اعرف اساعدك
فاطمه ترجع بالذاكره
عجبك كده يا بابا اهو جه معايا وعملي مشكله واتخاتق كمان
الاب.... في ايه يا حسن مش هتبطل تهورك ده حصل ايه فهمني
حسن... بص يا عمي انا زهقت من بنتك واقفه تتكلم مع الشاب والا كأني موجود المفروض تحترمني انا خطيبها
فاطمه.... قولتلك مليون مره انا بعتبرك اخويه وبس كمان الشاب ده كان بيسالني سوال انا عارفه حدودي كويس اوي يا استاذ حسن عن اذنكم انا داخله انام تعبت النهارده
تصبح على خير يا بابا
الاب.... عجبك كده هتفضل مدب طول عمرك قولتلك فرصه تتقرب منها وانت مفيش فايده فيك
حسن... بقولك ايه يا عمي فاطمه ليا برضاها او غصين عنها خليها توافق برضاها يا عمي احسن سلام
الاب... روح الله يخربيتك
فاطمه في غرفتها بتغير ملابسها تيفونها بيرن
فاطمه.... ياترى مين رقم غريب
الووو مين حضرتك
محمد.... انا محمد المهندس اللي اتعرفت عليكي في الحفله
فاطمه... وجبت رقمي منين وعايز ايه اصلا بتتصل ليه
محمد... حيلك حيلك كل دي اسأله بصي يا ستي انا قلقت عليكي بسبب قريبك الغريب ده جبت رقمك من صاحبه الحفله هي صديقه اختي
فاطمه... خلاص اوك انا كويسه وشكرا علي اتصالك سلا
محمد... استني متقفليش مش هشوفك تاني
عوده للحاضر
ادم... فاطمه فاطمه روحتي فين
فاطمه..... هاااا
ادم مفيش شكلك مش عايزه تجاوبي هسيبك دلوقتي واكيد بس هيجي وقت وتحكيلي
فاطمه... استاذ ادم
ادم... نعم
فاطمه ممكن تفضل في بيتك احنا مش لو حدنا علشان تسيب البيت
ادم.... خلاص هبات النهارده وهشوف الظروف
فاطمه... متشكره جدا بس اخر طلب هطلبه منك
ادم... اكيد اؤمرى
فاطمه.... موضوع الشغل
، ادم... خلاص متقلقيش علي بكره ان شاءلله هشوف الموضوع ده
تخبط رودي علي الباب
ادم... ادخلي
رودي... خلاص جهزت الاوضه تقدرى تتطلعي ترتاحي كمان علشان النقاب علشان تاخدي راحتك
فاطمه... شكرا حبيبتي بعد اذنك يا استاذ ادم
ادم... اتفضلي
بتطلع فاطمه مع رودي غرفتها
صفاء... ممكن تفهمني مين دي
ادم... معلش يا ماما الموضوع طويل وانا مستعجل بس هو احنا عملنا حادثه واحنا راجعين وخبطنا الينت دي كانت بتجري شكلها هربانه من اهلها لسه هنعرف
صفاء... يالهوي خبطوها ازاي
ادم... قولتلك الموضوع كبير وانا ميت تعب بكره ان شاءلله هنعرف سلام
صفاء.... سلام يا حبيبي
--------------------------------------------
رودي.....اقلعي النقاب وخدي بيجاما من عندي اهي يلا خدي شاور علي ما الاكل يجهز
فاطمه.... حاضر وبترفع النقاب
رودي... ياخبر ايه ده وشك وارم اوي وكله جروح انت فيكي ايه
فاطمه.... متقلقيش ده حادث بسيط
رودى... يالهوي حادث ايه استني اجيب شنطه الاسعافات واجي اشوف وشك ده
بتروح رودي تجيب شنطه الاسعافات
رودى... الحقي يا ماما البنت مش باين لها ملامح وشها كله جروح وخرابيش هو ادم جايبها منين
صفاء.. ادم خبطها هو ومراد وجبوها علشان تتعالج يلا روحي شوفي هتعملي ايه
بتدخل روان... سلام عليكم
رودى وصفاء... وعليكم السلام
صفاء... اتأخرتي كده ليه كل ده بتجيبي المحاضرات من زملتك
روان... ايه يا ماما حضرتك عارفه الطريق من هنا لبيت علا
صفاء... خلاص يلا غيرى هدومك وتعالي نجهز الغداروان... والهانم اللي كانت هنا بتعمل ايه من الصبح دي حتي مرحتش الجامعه النهارده
صفاء... يلا ياروان اخوكي جاب ضيفه هنا في البيت ومش عايزه اسمع صوتكم
روان... ضيفه مين الضيفه دي
رودى.... هوس صوتكم عالي البنت نازله
صفاء... يلا انت وهي خدوا الاكل علي السفره ونتكلم بعدين
رودي... اقعدي يا فاطمه
روان.... اهلا وسهلا نورتي
ايه ده مالك وشك ماله
فاطمه بعد ان تضع يديها علي وجهها.. ده من الحادثه
صفاء... حمدالله على سلامتك يا بنتي ادم حكالي
فاطمه.... الله يسلمك يا طنط
رودى... دي روان اختي وتؤمي يا فاطمه
فاطمه... ازيك يا روان
روان.... الحمدلله الف سلامه عليكي
فاطمه.... الله يسلمك
صفاء... كفايه كلام يا بنات يلا كلوا
تليفون رودي بيرن
رودي... الوووو ايوه يا ادم اه فاطمه جنبي بنتغدا حاضر
خدي يا فاطمه كلمي ادم
فاطمه.... الووو لا معرفش المكان
رودي... مكان ايه يا فاطمه
فاطمه... شركه ادم
رودى.... خلاص انا هوصلك
فاطمه... ايوه رودى بتقول هتوصلني تمام ان شاءلله
روان.... هتروحي الشركه ليه
فاطمه... مش عارفه ادم عايزني في الشركه بكره
روان.... اه ماما انا هشيل الاكل وهدخل اوضتي اذاكر
صفاء... لا شطبي المطبخ مع اختك الاول وبعدين اطلعوا
فاطمه.... خليها تذاكر وانا هشيل الاكل واعمل المطبخ
صفاء... لا طبعا انت ضيفه ميصحش
روان... لا يا ماما متقوليش كده فاطمه شكلها كده مش ضيفه شكرا يا بطه انا هروح اذاكر
صفاء... انت يا بنتي
فاطمه... خلاص يا طنط انا بحب شغل البيت
رودى... خلاص يا ماما انا معاها متقلقيش
صفاء... انا زهقت منها البنت دي
في شركه استيراد وتصدير يجلس ادم ومراد داخل مكتب مدير الشركه
مراد.... انت اتجننت يا مراد عايز تشغلها معاك وانت متعرفش اصلها والا فصلها
ادم... انا متاكد انها كويسه انا بفهم في البنات كويس بس هي شكلها عندها مشكله كبيره ومتنساش انها رفضت تقدم فينا بلاغ
مراد... انت حر انا زهقت من الكلام اللي مالوش فايده معاك انا هروح قاعد والا هتبات هنا
عند رودى وفاطمه
رودي... كده خلاص انت شطوره خالص يا فاطمه مقولتليش انت بتدرسي والا خلصتي دراسه
تسرح فاطمه بالذاكره وتتذكر جزء من الماضي
فاطمه... بابا بابا نجحت يا حبيبي وطلعت التالته علي الجمهوريه في الثانويه العامه انا مش مصدقه
الاب... الف مبروك يا بنتي الف مبروك يا حبيبتي
فاطمه... كليه طب ارجوك يا بابا خليني اقدم في الجامعه
الاب.... انا معنديش مانع بس العيله كلها قالوا مفيش جامعه للا لو اتجوزتي حسن
فاطمه... مش هتجوز مش هتجوز
عوده للحاضر
رودي... فاطمه مالك يا حبيبتي انت سرحتي ودموعك نزلت ليه
فاطمه.تمسح دموعها... انا كويسه ممكن ننام
رودي... اه طبعا يلا علي اوضتنا
بيخرجوا من المطبخ بيسمعوا روان وصفاء
صفاء... خلاص اخرسي الينت هتسمعنا
روان... ما تسمع ابنك حصله ايه جايب لنا بنت من الشارع يقعدها مع اخواته الينات للدرجه دي مش خايف علينا
بتدخل رودي بسرعه
رودي... كفايه بقي فاطمه مشيت
