رواية سر الهاربه الفصل الرابع 4 بقلم مني الصاوي
سر الهاربه
الحلقه 4
مني الصاويفاطمه ماشيه في الشارع بتعيط وبتيجي قدام مسجد بتقعد وتعيط وبتدعي ربنا
فاطمه.... يااارب يااارب انا معملتش حاجه انا اتظلمت لو كنت مش مظلومه كنت قولت باخد جزائي لكن انا مجني عليا فجأه بتلاقي ايد بتطبطب عليها
____________________________
رودى... ايوه يا ادم مشيت مش عارفه انا قلقانه عليها اوي الوقت اتأخر
ماشي يا ادم ياريت بسرعه اكيد مبعدتش
روان... انتوا مكبرين الموضوع ليه ضيفه ومعجبهاش القعده عندنا مشيت هنقعدها بالعافيه
رودى... معجبهاش القعده والا من كلامك اللي زي السم ده
روان... انا كلامي زي السم وانت الحنينه اللي جربتي تستجدي بالبيه لللي بيلم بنات الشوارع ويقعدهم في بيتنا
صفاء... كفايه بطلي قرف انت وهي ليكي عين تتكلمي بعد اللي عملتيه البنت غلبانه مالهاش حد هنا هتروح فين دلوقتي
روان... يا ماما انا
صفاء.. اخرسي بقي مش طايقه اسمع صوتك انت ليه قاسيه كده اطلعي اوضتك مش عايزه اشوف وشك
روان... حاضر هطلع بس مش انا السبب علي فكره مش كل مص*يب*ة ابقي انا السبب فيها
رودى... متقلقيش يا ماما ادم هيجي دلوقتي وهيدور عليها اكيد مبعدتش هي متعرفش حد هنا
صفاء... يارب يابنتي يلاقيها صعبانه عليا
ادم بيلف بالعربيه حوالين البيت مش لاقي ليها اثر
فاطمه وهي قاعده جنب المسجد لقيت ايد بتطبطب عليها بصت وراها برعب لقت ست كبيره بتقولها
مالك يا بنتي بتعيطي ليه حد عملك حاجه قوليلي انا زي امك
فاطمه... لا بس انا غريبه عن هنا وكنت عند ناس قريبي وخرجت اشترى حاجه توهت عن البيت
طيب يابنتي متخافيش تعالي ادخلي المسجد وان شاءلله هنشوف طريقه ندور بيها علي اهلك
فاطمه... لا انا هقعد هنا شويه وهقوم ادور على البيت
طيب قومي صلي ركعتين علشان ربنا يردك للمكان اللي تاه منك
بتقوم فاطمه تدخل المسجد علشان تصلي وفي الوقت ده بيمر ادم من قدام المسجد وبيشوف واحده لابسه نقاب وماشيه سنده ست كبيره وداخلين المسجد بيقول لنقسه مش معقول تكون هي لانها متعرفش حد هنا بس بيكون عنده شك انها ممكن تكون هي
اما فاطمه بعد ما بتصلي بيغلبها النوم وبتنام في ركن في المسجد وبتصعب علي الست بتغطيها وتسيبها نايمه
فاطمه وهي نايمه بتبكي والست بتقول يا ترى المسكينه دي حكايتها ايه شكلها بنت ناس بس ياترى مين عمل فيها كده وبتقفل المسجد وبتسنني صلاه الفجر
اما فاطمه بتسمع كلام الست وبترجع بذاكرتها لليوم اللي بدءت فيه مشكلتها
ابراهيم عم فاطمه.... ايه اللي بنتك عملته ده يا سيد هو ده كان اتفقنا
سيد ابو فاطمه.... عملت ايه بنتي يا ابراهيم البت لسه صغيره علي الجواز وانا مش هجوزها غير لما تكمل جامعتها
ابراهيم... بقي كده ماشي يا سيد وانا ابني مش قليل علشان بنتك ترفضه انا ابني اجمل بنات البلد تتمناه ومن بكره هجوزه ستها
سيد... الله يتممله بخير ابنك ابني يا ابراهيم وانا اتمناله الخير
ابراهيم... ماشي ياسيد لما نشوف بنتك هتعمل ايه بالعلام انا ماشي ومن غير سلام
سيد... وعليكم السلام ياخويا
فاطمه... بابا حبيبي ربنا يخليك ليا وميحرمنيش منك ابدا انا مش مصدقه نفسي انا اسعد واحده في الدنيا
بتصحي فاطمه علي صوت اذان الفجر وبتلاقي ستات كتير في
المسجد بتروح مكان الوضوء وبتتوضا وسط نظرات الناس مابين اللي مستغربه و اللي متعاطفه معاها
بيرجع ادم البيت وهو مضايق علشان مش لقيها بيلاقي امه بتصلي بيقعد يستني لما تخلص بتنزل رودى تقوله ادم لقيت فاطمه
ادم... مش لقيها لفيت كل مصر الجديدة ومش لقيها معقول تكون لحقت تبعد انا هتجنن هو حصل ايه حد زعلها
صفاء... عملت ايه يا ادم قولي انك لقيتها
ادم... للاسف يا ماما مش لقيها
روان.... تلاقيها رجعت بلدها الفلاحين دول دماغهم غريبه
رودى... هو انت مش بتحسي ضيفه عندنا وخرجت زعلانه ايه مش خايفه يحصلها حاجه وهي متعرفش حد
صفاء... تاني هتتخانقوا مش وقته خالص
ادم... انا عرفت مكانها
صفاء... بجد عرفت هي فين
ادم... انا كنت شاكك بس اتاكدت من حاجه
رودى.... يعني ايه عرفت مكانها والا لا
ادم... وانا بدور عليها شوفت بنت تشبهها ماسكه ست عجوزه وداخلين المسجد اللي في الشارع اللي ورانا شكيت ممكن تبقي هي بس دلوقتي افتكرت حاجه
صفاء... حاجه ايه يا ابني
ادم... نفس العبايه انا اللي مختارها والشوز كمان ازاي مخدتش بالي غير دلوقتي هروح الحقها قبل ما تروح مكان تاني
رودى... استني يا ادم خدني معاك
ادم... لامستعجل لازم الحقها قبل ما تخرج من صلاه الفجر
رودى.. انا هلبس الاسدال بسرعه واجي علشان مش هتعرف تدخل المسجد عند الستات
صفاء... رودى معاها حق استني خدها معاك
ادم... يلا بسرعه
رودى.... انا جاهزة
نروح عند فاطمه اللي لسه بتصلي وبتبكي والناس بدؤا يخرجوا من المسجد بتروح لها الست الكبيره
هااا يا بنتي هتعملي ايه هتروحي تدورى علي بيت قريبك
فاطمه.... والله يا حاجه مش عارفه اعمل ايه انا معرفش حد هنا
الحاجه... خلاص تعالي معايا وبكره يحلها ربنا هندور علي قرايبك وانا هكلم كذا حد من المنطقه هنا وتقولي مواصفاتهم ايه وهنوصلهم ان شاءلله
بتدخل رودى المسجد وبتبص شمال ويمين بتلاقي فاطمه قاعده بتعيط والست بتواسيها بتجرى عليها
رودى... فاطمه الحمدلله لقيتك
فاطمه بتتخض وتقولها رودي عرفتي مكاتي ازاي
رودى.... تعالي معايا ونتكلم في الطريق ادم قلب عليكي الدنيا وواقف بره قلقان متكونيش انت اللي شافها
فاطمه بتمسح دموعها... هو ادم كمان هنا
رودى.... يابنتي يلا تعبتينا طول الليل بندور عليكي
فاطمه.. ماشي استني بتبص للحاجه وتقولها متشكره جدا يا حاجه مش عارفه اشكرك ازاي علي اللي عملتيه معايا
الحاجه... انت زي بنتي اهم حاجه خلي بالك من نفسك ولو الدنيا ضاقت عليكي تعالي هنا هتلاقيني لو كنت لسه عايشه
فاطمه.... الله يطول بعمرك السلام عليكم
الحاجه.... وعليكم السلام ورحمة الله وبركاته
بتخرج مع رودي من المسجد بتلاقي ادم قاعد في العربيه واول ما بيشوفها بينزل
ادم... كده يا فاطمه دوختيني عليكي
فاطمه... ليه تعبتوا نفسكم انتوا متعرفونيش.تعب نفسك ليه علشان وحده خبطتها بالعربيه وخلاص مش من حقها تشتكي يعني متخافش الوقت عدي مبقاش ينفع اقول انك خبطتني
ادم... انت مفكره اني بساعدك علشان خايف تشتكي
فاطمه... اومال علشان ايه
ادم.... علشان وعدتك اساعدك لو انت مش شايفه ان الوعد حاجه مهمه يبقي خلاص
فاطمه.... الوعد. مفيش حاجه دمرت حياتي الا الوعد
ادم... مش وقته لازم نرجع نطمن امي لانها قلقانه عليكي
رودى... يلا يا فاطمه علشان خاطري والله انا اول مره اعرفك بس حسه انك قريبه مني يمكن اكتر من روان
فاطمه... حبيبتي وده نفس احساسي
رودى... يبقي يلا
فاطمه.... يلا وبتحس بدوخه بتقف فجأه
رودى... مالك يا فاطمه
ادم... حسه بحاجه نروح مستشفي
فاطمه بتحط ايديها علي بطنها وبتقول لا مفيش حاجه بس دوخه بسيطه يمكن عايزه انام
رودى... كلنا محتاجين ننام مش هنروح والا ايه
ادم... هنروح تيجوا نفطر وبعدين نروح
رودى... لا انا مش رايحه الجامعه وعايزه انام كمان ماما تلاقيها قلقانه
ادم.... تمام يلا علي البيت
بيدخلوا البيت بتجري عليهم صفاء
صفاء... الحمدلله على سلامتك يابنتي كده تخضيني عليكي
فاطمه... اسفه والله مكنتش اعرف انكم هتزعلوا اني مشيت
روان... حمدالله على السلامة يا اسمك ايه
فاطمه.... الله يسلمك
روان... يلا مش هنام بقي
صفاء... ايوه خلينا ننام والصبح نتكلم يلا يا فاطمه ارتاحي
فاطمه... حاضر
ادم... استني يا فاطمه انا هبات هنا وعلي الساعه تسعه كده ننزل سوي علي الشركه علشان عايزك هناك
فاطمه... في حاجه
ادم... مش كنتي بتدورى علي شغل خلاص انا هشغلك معايا
فاطمه... معاك
ادم... خلينا نلحق ننام الساعتين دول وبعدين نتكلم
فاطمه... حاضر
--------------------------------------------
فاطمه نايمه علي السرير وبتحط ايديها علي بطنها وبتفتكر لما كانت بتروح الجامعه وكل يوم بتقابل المهندس محمد اللي اتعرفت عليه في عيد ميلاد صحبتها واللي قالت عنه ابن عمها
في القطار اللي بيوصلها للجامعه تجلس فاطمه
محمد... صباح الخير
فاطمه بتحط وشها في الارض ومش بترد
محمد... مش بتردى عليا ليه مش انت عرفاني
فاطمه... اه
محمد... مكسوفه ليه انا من اول ما شوفتك وانت تقريبا ضايع منك حاجه بتدورى عليها في الارض
فاطمه بتبتسم
محمد... الله ضحكتك حلوه اوي
فاطمه.... رجعت حطت وشها في الارض من الكسوف
محمد... يوووه يارتني ما اتكلمت رجعتي تدورى علي اللي ضاع منك
بتفوق علي خبط الباب
رودى... مين
ادم.... انا ادم يا رودي قولي لفاطمه اني هستناها تحت
رودى... فاطمه انت صاحيه
فاطمه... ايوه يارودى انا هغسل وشي وانزل
رودى... انا هكمل نوم
بتنزل فاطمه تلاقي ادم منتظرها
ادم... جاهزة يا فاطمه
فاطمه.... ايوه جاهزة بس مش عارفه ايه المطلوب مني
ادم... تعالي يافاطمه عايز اسالك شويه اساله
فاطمه.... اتفضل
ادم.... اولا انت درستي او معاكي شهاده
فاطمه... انا معايا ثانويه عامه وكنت في تانيه طب بشرى
ادم.... معقول كنتي في كليه طب
فاطمه... ايوه بس حصلي ظروف مروحتش الجامعه السنه دي
ادم.... ممكن اعرف الظروف دي
فاطمه.... بتسكت
ادم.... اسف لو ادخلت ومش هسال تاني عن اي حاجه غير لو حابه تحكي بصي يا ستي انا كنت طالب سكرتيره احنا شركه استيراد وتصدير بنصدر منتجات مصريه وبنستورد منتجات من الصين
فاطمه.... انا مش هفهم حاجه في التصدير
ادم... متقلقيش انا معاكي وهفهمك بس عندي طلب
فاطمه... ايه هو
ادم.... انا ليا اصدقاء في بلدكم وممكن اخلي حد فيهم يسحب ورقك من الجامعه ويبعته تكملي هنا وانت بتشتغلي هتقدرى
فاطمه.... لا مش عايزه حد يعرف مكاني ارجوك
ادم... خلاص مش ضروري دلوقتي خلبنا في حوار الشغل الاول
فاطمه.... حاضر
في مكان اخر يجلس حسن مع والده
ابراهيم... البت فص ملح وداب تفتكر تكون راحت فين
حسن.... معرفش انا هتجنن عيله زي دي عرفت تهرب وهي متبهدله كده ازاي اكيد في حد ساعدها
ابراهيم... كله بسبب خيابتك معرفتش تبرم البت وتحطها تحت باطك لما جه ابن الح*رام وضحك عليها
حسن.... يووووه هتفكرني تاني خلينا في موضوعنا البت هربت من غير ما تمضي علي الورق واخوك لو مات دلوقتي هتقش كل حاجه وهنطلع من المولد بلا حمص
ابراهيم.... والعمل يا حسن عمك لو جراله حاجه قبل ما يلغي بيعه لكل املاكه لبنته او هي ترجع وتتنازل هنضيع وتعب السنين كلها هيروح
حسن... مفيش غير حل واحد
ابراهيم... ايه هو
حسن لازم نوصلها قبل عمي خالد ونخلص عليها والا من شاف والا من درى
استوووووب
ياترى ايه السر اللي في حياه فاطمه ومين الشخص اللي ضحك عليها
وايه حكايه عمها خالد ياترى هيكون معاها والا ضدها هو كمان
ده اللي هنعرفه البارت الجاي ان شاءلله
