رواية اشجان كاملة بقلم اشرقت سعيد
انا اشجان عندي 27 سنه حكايتي بدأت وانا عندي 6سنين وانا طفله يعني امي اتوفت وانا عندي 5سنين ابويا صبر سنه وبعدين اتجوز وهنا بدأت حكايتي مع مرات ابويا الحكايه التقليديه الي كل الناس عرفاها ضرب وإهانه وشغل طول النهار ومش كده وبس ابويا كان واقف في صفها وكان بيعقبني انو يحبسني في اوضه ضلمه او يحرمني من الاكل يوم كامل وقتها كنت صغيره مكنتش فاهمه يعني ايه ظلم يعني ايه كره احساس اتولد جوايا اني كرهت ابويا وكرهت امي انها سبتني لوحدي في الحياه دي عارفه انو مش ذنبها بس انا اتعذبت فضلت كده لحد ما مرات ابويا خلفت وجبتلنا احمد اقدر اقول ان هو سبب كل حاجه وصلتلها
في يوم دلفت زوجه الاب الي حيث تنام تلك المسكينه الصغيره هزتها بعنف بقدماها وهي تقول:قومي يا الي اشوف فيكي يوم مولعه قومي يبت فزي
انتفضت تلك الصغيره بزعر من علي فراشها قائله بخوف:نعم نعم خلاص قومت اهو
جذبتها من ملابسها المتسخه وهي تقول:قومي اقفي يبت وانجري جهزي الفطار ولا هو اكل ومرعي وقله صانعه
مع اني كنت بعمل كل حاجه من اول كنس البيت وغسيل المواعين لحد الاكل وغسيل الهدوم ايوا انا عندي 6سنين وشيلت بيت من اكل لشرب لغسيل كل حاجه كنت دايما حاسه ان ربنا هينجدني منها علشان كده كنت مستحمله
جلسو الجميع علي صينيه الطعام ومن ضمنهم اخاها الصغير احمد نظر لها قائلا ببرأه:اشجان مش هتكلي
قبل ما انطق كانت مرات ابويا اتكلمت وقالت:لا ما هي اكلت
بصيت لابويا الي بياكل ولا كأنه سامع حاجه ولا كأني بنته مستغربتش عادي هو علطول كده
دخلت اوضتي وانا هموووت من الجوع لاني مكلتش من الصبح بعد ما حسيت ان خلاص خلصو اكل ودخلو ينامو طلعت اجري من الاوضه للمطبخ علطول بس للاسف كانت مرات ابويا عانت كل حاجه وقفلت عليها رجعت تاني لاوضتي وانا بعيط من كتر ما بطني بتوجعني من الجوع قبل ما ادخل لقيت صوت انا اعرفه كويس بينادي عليا بهمس بصيت لقيتو احمد ابتسمت برغم ان دموعي مغرقه وشي جري لحد عندي ومدلي ايدو برغيف عيش وقلي بكل برائه:معرفتش اعين اكتر من ده خدي كليه بسرعه قبل ما ماما تعرف وجري من قدامي علي اوضته
دخلت وقفلت اوضتي كويس وحطيت وراها كرسي في ناس هتستغرب وهتقولي مش للدرجه لكنهم ما شفوش الي شفته كنت ببقا مرعوبه انها تشوفني حتي وانا باكل رغيف العيش او بشرب حتي مياه
كبرت بقا عندي 16سنه بقرأ وبكتب علي قدي ما انا مادخلتش المدرسه اتعلمت من احمد اخويا كان كل حاجه ياخدها في المدرسه يجي يقولهالي علي طول
نزلت وكنت رايحه اشتري شويه طلبات للبيت روحت لبتاع الخضار وكان ابنه الي هناك انا اصلا بنزل وانا مبسوطه اني هشوفو قولتلو علي الطلبات وبدأ يجبلي الي عايزاه لكن نظراتنا لبعض كانت فيها مشاعر واحده مشاعر بتبتدي لسه خلصت من عنده وروحت علي طول
طلعت لقيت ناس شكلها غريب قاعده في البيت والغريب ان مرات ابويا رحبت بيا جاامد وقامت لحد عندي وشالت عني الكياس الي في ايدي
ليلي مرات ابويا: ادخلي يا اشجان يا حبيببتي سلمي علي خالتك منيره
دخلت وانا مش فاهمه ايه الي بيحصل من غير مقدماات الست خدتني وقعدت تحضن وتبوس فيه شدتني وقعدتني جنبها وهي بتمشي ايدها علي ضهري وبتبتسم
