رواية غصن وصهيب حكايتي مع صهيب الفصل الثامن 8 بقلم مني عبدالعزيز
زبيدة مشيت وراء رفيق سمعت كلامة مع الغفر واول ما خرجوا من المندرة دخلت زبيدة تنادي على ابنها لقته دخل الدوار مشيت بسرعة تلحقة وقفت عند الباب قبل ما تدخل بعد ما سمعت كلام رفيق مع رشيدة.
زبيدة احمدك يارب واشكر فضلك مفيش غير ده هو اللي هيحمي غصن يا مدبر الامور عني يارب أحمي البت اليتيمة من غدر الحرابي رشيدة ونعمة وغزل فتحت الباب ودخلت.
زبيدة غصن يا رفيق يابني.
رفيق الټفت و
راه ورشيدة بتبص لغزل وترجع تبص للي بتتكلم.
رفيق بذهول أمه.
زبيدة اسمعنى يا بني انا استحالة هوافق ان غزل حفيدتي تتجوز بالشكل المهين دى ومن مين من ابن الخبيري اللي جد عمرها مرتين تلاته غير بلاويه اللي على لسان الصغير والكبير.
رشيدة انت يا حاجة اللي بتقولي الكلام ده.
رفيق صح يا رشيدة انت يامه اللي بتقولي كدة ومبارح بهدلتني عشان ارجعها البيت.
زبيدة بتههته لحقت نفسها بسرعة ايوة ايوة صحيح عندك حق بس هي لسه جديدة بنا متعلقناش بيها عاشت غريبة عننا مكبرتش بنا غزل متربية على الغالي متربية على إدينا طول عمرك بتقول انا استحالة أجوز غزل غير لليصنها ويعرف قيمتها
وطلباتها اوامر ينفذها وهو مغمض ويشلها فى حبابي عنيه تقوم نجوزها كلفته وبمهانه وتبقى سيرتنا على السنه الناس ويقولوا رفيق المنسي انجبر يحوز بته لا عاش ولا كان اللي يجبر ابن زبيدة وحفيدتها الغالية على حاجة .
غزل قربت منها ياحببتي يا ستي ربنا يخليك يارب وميحرمنيش منك.
رفيق طيب سنابل والبت نفسها هتوافق ازاي ده جواز مش لعبه ولا.
زبيدة مقطعه سيب ده عليا انا هعرف اقنع سنابل والبت شكلها خايبه غلابانه بيكلمتين هتبق عجينه طريه في اديا اهم حاجة اهم حاجة غزل متستناش في البلد لحد ما الجوازة تخلص وابن الخبيري يدخل على غصن وقتها ما حدش يقدر يتكلم ويقول انك جوزت بت اخوك اللي ميعرفوش عنها حاجه بدل بتك.
رشيدة هنروح في السعادي.
زبيدة تروح مع فاطنه ونعمة لعبدالله في اسكندرية.
غزل امي نعمة وامي فاطنه بيتعالجوا في المستشفي.
زبيدة بجهل ليهاملهم الاتنين.
رشيدة بنظرة شك اتصابوا في السرايا.
زبيدة بفرحة حاولت تداريها
لا حول الله وهم عاملين ايه دلوقتي
رشيدة منعرفش احنا قاعدين هنا منعرفش ايتهاا حاجه.
رفيق كويسين انا عديت عليهم الصبح بدري فاطمه مصممه تروح عند عبدالله وطالبت الطلاق ونعمة اترجتها متسبهاش طول ماهي في المستشفى.
زبيدة... يبق رشيدة تاخد غزل وتطلع هى وياها على الاسكندرية انت توصلهم لمحطة القطار بعد
ما تشتري فستان
فرح على مقاس غصن وكام غيار تخدهم بشنطتها وتستنن وتيجي على بيت عزيز هتلافيني مجهزه غصن من. كلة قبل العشاء ان شآء الله.
نجحت زبيدة في اقناعهم ومشيوا نحية العربية ركبت رشيدة جنب غزل وراء ورفيق بعد ما ركب العربية نزل وراح ناحية زبيدة الواقفة تبص عليهم وطى باس راسها واديها.
رفيق ربنا يخليك ليا
يامه دايما وقفة جنبي وبطلعيني من كل مشكلة والتانية سامحني يامه على كلامي الصبح ڠصب عني قولته.
زبيده طبطبت على كتفة... مفيش ام تشوف ابنها بديقة وتسيبه يا رفيق وبردة زى العادة انا مسمحاك المهم لما تتاكد ان رشيدة وغزل ركبوا والقطر مشي رن
________________________________________
على عبدالله يستناهم وتشتري فستان الفرح وتنزل الصاغة وتجيب دهب لغصن كام غويشة وسلسله تقيلة وحلق وكام خاتم بس حاجه تقيله.
رفيق وايه لزمته الدهب ياامه.
زبيدة لكتير يا بن بطني يامتعلم ناسي ان اللي هتجوز مفروض غزل والدنيا كلها عارفة ان بتك بتلبس الدهب وبتغير فيه زى ما بتغير لبسها واهم من ده كله قدام عيلة الخبيري لما يعرفوا ان العروسة غصن مش غزل ويلقوها من غير دهب تفتكر هيقولوا ايه غير انك غشتهم وجايب بنت غريبة وبتقول عليها بت اخوك.
رفيق بسخرية يعني الدهب هو اللي هيخليم يصدقوا.
زبيدة سبب من الاساب بعد شهادة ميلادها وبطاقتها الشخصية لان مفيش حد هيجي في باله يلبس وحده غريبة عنه دهب اشكال والوان لكن بت اخوه متقلها دهب غير لما سنابل تشوف الدهب والحاجة وعقد ارض وبيت عزيز في ايد بتها هتتأكد من نيتك الصفية من ناحية بتها وتوافق على الجوازة.
رفيق عندك حق
يامه وهشتري لسنابل كام غويشة هي كمان.
زبيدة وماله حقها بردة يلا عشان تلحق وقتك بدري وانا اللحق اروح اقنعهم.
مشي رفيق بالعربية وراحت زبيدة للبيت تمشي بسرعة وصلت البيت بتأخد نفسها بصعوبة فتحت الباب بالمفتاح ودخلت بعد ما خدت الاكل والمية من الغفير دخلت تنادي على سنابل وهي بتنهج قعدت على كرسي وحطة الحاجات جنبها شفتها سنابل وغصن جريوا عليها.
سنابل... امه مالك تعبانه ولا ايه.
زبيدة وهي بتاخد نفسها متخفيش يا بتي انا كويسة اخد نفسي بس وهقولك كل حاجه انا وخده السكة رمح.
غصن وشك اصفر وجسمك بيتنفض يا ستي كان حاجة فجعتك.
زبيدة زي ابوك
عزيز بالملي يا غصن بس ياتري هتعملي زية لما كان بيلقيني بالحالة دي وتنفذي اللي ههقولك عليه لحمايتك.
سنابل بقلق قربت من. غصن مسكتها من اديها امه في ايه.
زبيدة لو قلتلك حياتنا كلنا انا وانت وغصن وحتى رفيق متعلقة بموفقتك انت وغصن اكتر وحده فينا حياتها على كف عفريت حمايتها في ايد واحد بس بعد ربنا.
سنابل يعني ايه هضيع بتي مني تاني انا كنت اروح فيها.
غصن پخوف قصدك ايه يا ستي فهمني يعني اليوم اللي ارجع فيه لاهلي بدل ما احس بالأمان ابق قلقانه وكده.
زبيدة سنابل ايه احسن عندك بتك تعيش في قصر معززة مكرمه في أمان بعيد عنك ولا تعيش معاكي حياتها بعيد الشرممكن تروح قدام عنيك بس بدل ما تتوه لا هتقابل ربها.
سنابل پبكاء لا لا بتي لا بعيد الشړ عنها.
زبيدة... قولتي ايه انه أحسن
تجوز واحد يصنها ويحطها جوه حبابي عنيها ويعيشها بقصر ويحميها من الهواء الطاير ولا يضيع. عمرها ومنعرفش نحميها وهي معانا حتي رفيق نفسه هو كمان لا هيقدر يحمي نفسه ولا يحمينا.
غصن... اجوز ايه ياستي بس.
سنابل... تجوز تجوز انا راضيه تجوز وتعيش.
زبيدة... وتشفيها دايما متهنية وتشيلي عيالها على ايدك وانا كمان لو مت اموت مطمنه عليكم انكم في ايد امينه ولما اقابل عزيز اطمنه عليكم.
غصن.. فهموني انا مش فاهمه حاجه وايه موضوع الجواز ده وليه عمي ما يقدرش يحمينا.
زبيدة... سنابل جهزي العشاء لغصن ولينا انت يجيلك يومين ما حططيش الزاد بجوفك.
جات سنابل تتكلم شورت ليها زبيدة على غصن وافقت سنابل واخدت كياس الاكل ودخلت المطبخ زبيدة مسكت ايد غصن واخدتها اوضة النوم وقعدت معها على السرير.
زبيدة... انا جبتك هنا عشان امك ما تسمعش وتعرف حاجات قلبها ما يستحملهاش
متقطعنيش لحد ما خلص كلام انا ست كبيرة زمان لما وقفت للكل بعد مۏت عزيز ابوك وجدك وحميت امك كنت عافية وبصحتي دلوقتي انا سني كبر ومعتش زي الاول زبيدة اللي يسمعوا كلمتها ويخافوا منها
وفضلت زبيدة تحكي كل اللي حصل من يوم ما مۏت ابوها لساعة رجوعها مع رفيق وكملت وقالت... ودلوقت الصلح واقف على جوازك من صهيب.
سكتت وبصت وراها على صوت سنابل.
سنابل بعد ما رصت الاكل جات تنادي عليهم سمعت زبيدة بتحكي لغصن عن سبب جوزها اول ما سمعت اسم صهيب سألت من هو ردت زبيدة.
زبيدة... ابن عدنان
الخبيري عرفتي ليه بقولك غصن حياتها بخيروبأمان.
سنابل... انا موافقة يامه وافقي يا بتي وافقي انا كنت بفكر اروح سراية عدنان بيه واخليه يخميك طلع ابنه هو اللي عاوز يتجوزك.
وكملت زبيدة وقالت...
ابوه كان صاحب ابوك الروح بالروح وصهيب متربي على ايده ايام كانت العيلة يد وحده ومفيش فرق بين المنيسة والخبيرة.
غصن .... بس انا
خاېفة ازاي اجوز بسرعة كده وكمان معرفوش ولا شفته ولا شفني وبالطريقة دي .
زبيدة... متخفيش هجهزك بنفسي زي زمان ما جهزت امك يوم فرحها ماهي امك وابوك اجوزوا بسرعة كده زيك الفرق انهم قعدوا مخطوبين تلات ايام على ما امك جهزت مهرابوكي.
غصن... ها.
سنابل وقفة بتبتسم ودموعها نزله... تعالي ياغصن في حضڼي وانا هحكيلك كل حاجه وانتي بتاكليلك لقمه.
زبيدة... وانا هسخن المية على ما تكلي اسبحك واجهزك لعريسك.
حكت سنابل لغصن عن حبها لعزيز وازاي اترهنت مع نفسها تخليه
________________________________________
يجوزها قدام البلد كلها بعد ما عرفت بحبه ليها لكن خوفة من فرق السن بنهم خلاه رافض.
سنابل... خليته راكب فرسة وبيشق على الارض وانا واقفة مع البنات بنجمع قطن واول ما شفته هالل علينا مع البية
ابوه وكام نفر من المزرعين وقفت وقلتله تجوزني ياعزيز بيه يومها على قد ما كنت مېته في جلدي بالكسوف على قد مافرحت لما قرب مني وضحك وقالي وهتقدري على مهري قلتله وانا عاملة نفسي جوية ايوة اقدر قول عاوز مهر جديه قرب مني وقال تسمعيلي جزء من القرآن قدامك تلات ايام ان حفظتيه وسمعتيه من غير ولا غلطة هجوزك هههه لولي مسكت نفسي كنت هقوله سمعلي دلوقتي انا حفظة القرآن كله بس قلت اعزز نفسي وابق تقيلة وبعد تلات ايام جه ويا جدك وستك وشيخ الجامع بيت ابويا الله يرحمه وقالي ها حفظتي وبقي يسمعلي شوية وشيخ الجامع شوية ولما سمعت صح جدك قال نكتب الكتاب والفرح الخميس واجوزت عزيز وعشت معه سبع سنين ملكة لحد ما المۏت اخده مني عقلي راح من حزني عليه.
سكتوا اول ما سمعوا خبط على الباب زبيدة شاوت ليهم يدخلوا الاوضة وراحت فتحت الباب لقت رفيق واقف وشايل كيس كبير معه دخلته واخدت منه الحاجه وقالتله....بلغت مدير الامن والبهوات انك موافق على شرط الصلح.
رفيق... ايوة والكل مستني في الصوان طمنيني يامه وافقوا.
زبيدة... هات الدهب وروح جهز نفسك وساعة تعالي خد غصن جاهزة بفستان الفرح واهم حاجه انا وسنابل رجلينا على رجلها لحد ما تدخل ونطمن انها بخير هنرجعوا على هنا.
رفيق... ازاي يامه تروحوا
وسط الرجالة يقولوا ايه.
زبيدة... هيتاكدوا ان البت بتنا وسنابل قلبها يطمن على بتها وتشبع منها شويه ماهي يا نضري ملحقتش تشبع منها.
رفيق... حاضر يامه اللي تقولي عليه اوامر هنفذها.
مد ايده بعلبة كبيره مليانه دهب وفتحها.. امه الدهب ده وزعيه بين سنابل وغصن انا جبتلهم زى بعض في كل حاجه بس المشألله دى لبسيها لسنابل
انا كان نفسي البسهالها بايدي بس قريب هتتعوض.
رفيق قال كده ومشي وخرجت سنابل وغصن وزبيدة فضلت تقنع في غصن لحد ما وافقت وبدءت تجهزها وساعدتها سنابل ولبستها الفستان وغصن دموعها ما نشفتش لبستها الدهب وزبيدة تهدي غصن وتقنعها توقف بكاء وانها وامها هيكونوا معها ومش هيسبوها ابدا دخلت الاوضة اخدت شنطتها وخرجت لغصن وسنابل فتحت الشنطة وقالت ليها انا قلبي كان حاسس بحاجة من فترة عشان كده نزلت المركز للمحامي وخليته كتب لسنابل وليك ورث عزيز من المرحوم جدك غير البيت ده وارض عزيز اشتراهم من حر ماله والدهب ده كان دهب امك ابوك جابه ليها انا شلته لليوم اللي هتجوزي فيه هحطلك كل حاجه في شنطة هدومك لما تبقي لحالك في بيتك مع جوزك خبيهم كويس في مكان امان محدش عارف الزمن مخبي لينا ايه.
سنابل... انا على قد قلبي ما متحسر على بعدك عني على قد ما فرحانه وانا شيفاكي عروسة بالفستان الأبيض.
زبيدة... غيري هدومك بسرعة يا سنابل رفيق على وصول يدوب نجهز انا وانتي ومتنسيش الدهب ده البسيه انت كمان خالي كل اللي يشوفك انت وغصن لبسين زى بعض يتاكدوا ان البت مش موافقة.
جهزت سنابل وزبيدة نفسهم وجه رفيق وركبوا العربية ومشي بيها والغفر ركبوا العربيات وراه مع رجالة عيلة المنسي وراحوا على صوان الصلح نزل رفيق ورجالة العيلة وفضل الحريم التلاته في العربية غصن مسكه في ايد سنابل ونزلين بكاء وزبيدة بتهديهم وبتحاول تعرف غصن عن الجواز وازاي تحبب جوزها فيها وغصن مڼهارة في البكاء لحد ما جه رفيق ومعه رجاله كتير فتح الباب.
رفيق... امه المأذون والمامور والشهود والمرادي جين ياخدوا موافقة غصن على الجواز.
زبيدة بصت لغصن وقالت.. سنابل امسحي دموع البت وانت رخرة وامسكوا نفسكم كده انتم
عاوزين تفضحونا قدام الاغراب الناس هيسالوكي موافقة قولي ايوة لو قالك حد غصبك قولي لا انا عمي فهمني كل حاجه وان بالجواز الناس هتبق بأمان وانا اهلي وولاد عمي والمنيسة كلهم حياتهم اهم عندي من اي حاجه.
غصن قالت زي زبيدة ما قالت ليها وكتب المأذون الكتاب ووقف رفيق زي امه ما قالت ليه
وسط الصوان وقال... دلوقت
ثبت حسن نية كل عيلة وتم الصلح لازمن كل عيلة تطمن على بنتها وتضمن انها عايشة بما يرضي الله معززه مكرمة وان محدش دايس ليها على طرف وبتتعامل زي اي زوجة
ليها حقوق وواجبات على جوزها.
شفيق فهم رسالة رفيق اللي زبيدة قالت لابنها يقولها لكن مفهمش القصد منها ضحك في نفسه وقال طول عمرك غشيم يا رفيق يا ابن خالتي حافظ كلام خالتي من غير ما تفهم معناته وقصدها ايه.
ميل شفيق على واحد من المرادي اللي قاعدين جنبه وقاله بهمس... قوم اوقف وقول لازم كل عريس يدخل على عروسته ودكتورة الوحدة تتأكد بده بنفسها عشان نضمن بصدق نوايا
________________________________________
العائلات بنجاح الجوازه والصلح والعيلة الا يثبت طرف منها رفضة يبق العيلة ناوية على شړ.
وقف الشخص ومسك المكرفون وقال خطبة صغيرة.. بسم الله الرحمن الرحيم والصلاة على اخر المرسلين سيدنا محمد وعلى اصحاب آلة وصحبة أجمعين نحن اليوم عقدنا النية على الصلح والمأخاة والمصاهرة بين الأخوة الخمس واقصد هنا على ما كانت العزب الخمس قبل الافكك وانفصل كل اخ عن شقيقة بداية هناك عدة شروط لابد من الالتزام بها للتاكد من نجاح التصالح كلامي موجه للأزواح الخمس وزوجاتهم يقول الله عز وجل في سورة الروم.
ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ۚ إن في ذلك لآيات لقوم يتفكرون
لتسكنوا اليها مقلش لتمكثوا سو او تتزوجهم او اي كلمة اخري ولكن قال تسكنوا يعني بالبلدي كده مشاعركم كلها مغ بعضيكم تعفوا حالكم وتعيشوا مع بعض على الخلوة والمرة
ذكرالله المودة قبل الرحمة حتى يشعر الزوجان بالالفة والمحبة والاحترام بينهم صحيح الزواج جه سريع وممكن في منكم يكون معترض جوة نفسه وبيقول فترة وكل واحد يروح لحالة وترجع بحور المشاكل وواحد على قصادة كام واحد من العيلة التانية وبدل ما كل عيلة تكبر بزريتها تقل بعملة واحد مستهتر لما اتفق الحكمة ورجال القاعدات العرفية على النسب لان ده اكتر حاجه تقرب الناس من بعضها وان كل واحد ومن الأخر لازم نتأكد من صدق النوايا وكمل كلام شفيق وزود وقال وكمان كل عيلة تقدم صبحية بنتهم تاني يوم زيها زي اي جوازه ولاسبوع كامل الاهل يزوروا بناتهم ويقدموا ليهم نقوطهم وعشاء العرسان زي اي
جوازه عدية.
صهيب وقف يعترض مش عجبة الكلام ده ماسك نفسه من وقت ما بداء الراجل الكلام مسك شفيق ايده وقرب منه وقال بلاش انت ياصهيب دي فرصتك تحسن صورتك قدام اهل البلد وقدام العيلة.
صهيب... عم شفيق الله يخليك متخلنيش اندم اني وفقت على كلامك واتورطت الورطه دي.
شفيق... بكرة تدعيلي لما تلاقي ولادك حوليك شيلين اسمك وإسم ا بوك.
غصن سمعه الكلام ارتعشت ومسكت ايد امها وبقلق سالت يعني ايه الكلام اللي سمعه ده.
زبيدة فهمتها معنه وقالت...يا بتي لازم تفهمي ان طاعة الزوجة لزوجه عبادة ورفضها ليه عقاپة صعب جوى والملايكة تفضل ټلعن فيها ياغصن يابتي جوزك هو اهلك وعالتك برضاه عليك ربنا هيرضي عليكي منين ما يطلبك لبيله طلبه بما يرض الله دايما يسمع منك طيب وحاضر وريحتك دايما حلوة ولبسك نضيف ومجهزله لقمته وهدمته ومرتباله نمته.
غصن... ده صعب قوي ازاي اتكشف على راجل.
زبيدة.. ده جوزك مش غريب.
غصن.. ياناس افهموني وقدروا موقفي وحالي انا وحده لسه من يوم واحد عاارفة مين اهلها بعد عمر طويل عشته بنت ناس تانيه اتقلبت حياتي مرة وحده عرفت حاجات وطلعت حاجه عكسها اب سمعته وحشة لقيته ملاك ام اجننت عشان عمايل جوزها لوحده عشقه وفجاة القي نفسي مجوزه واحد لا عمرى شفته ولا شفنى ومطلوب مني حاجه مش عارفه ده ليه وعشان مين انا حاسة اني عقلي هيشت ازاي وفقتكم من غير تفكير ازاي احط نفسي
سنابل پبكاء.... عندها حق يامه عندها حق.
زبيدة... هو ده الحل الوحيد لحمايتكم هو هين عليا اجوز حفيدتي اللي قعدت سنين ادع ربنا يرجعها بطريقة دي غير ان احميها.
غصن... تحمني من ايه ياستي قوليلي تحمني من ايه.
زبيدة.... من اقرب الناس ليك من عمك وحريمة من نفسك لما تعيشي بين عقارب وتلاقي نفسك يا بقيتي زيهم عشان تدفعي عن حالك يا امه هفيه ملطشه لرشيدة ونعمة وغزل ولرفيق ورقة يضغط بيها على سنابل كل ما تفكر ترفضه لكن بجوازك من صهيب انت وامك في امان زي
ماهيحمي
مراته وياخد حقها هيحمي إمها ويدافع عنها عرفتي ليه اقنعتعك تجوزى بالشكل ده.
سنابل... ايوه صح رشيدة مكنتش هتسبها في حالها ولا رفيق متخفيش يابتي جدتك عملت الصح انا مقدرش احميك منهم انا قليله حيله وجدتك مبقتش حملهم.
غصن... هو انا بقي في ايدي حاجه
خلاص اللي حصل حصل.
زبيدة.... بس خلاص ارضي بنصيبك واسمعني كويس الرجالة جاين
علينا ارفعي راسك اوعك فاهمة اوعك تقللي من نفسك انتي بت عزيز المنسي.
بعد ما
كل كبير عيلة قال كلمته ووفقوا على كلام الشيخ خرج كل عريس ياخد عروسته على بيته ومعها اهلها وواحد من المرادى اختاره مدير الأمن يكون شاهد على اتمام الشروط.
صهيب بضيق قرب من عمه وعتبه... عجبك كده ياعمي بقي انا اللي رفضت اتجوز من سنين على بنتك اتجوز بالشكل ده ومن مين بنت جهله وكمان اعمل حاجه ڠصب عني ويتفتش ورايا.
قاسم... اظن طول التلت سنين وانا بطلب منك تجوز بالنور وتخلفلك عيل واتنين وعشرة لكن انت اخترت سكه عوجه لا شرع ولادين ولاقانون بيعترف بيها امكن ربنا سبب الاسباب وكل ده حصل عشان تنضف من مستنقع الۏسخ اللي عايش فيه ولا ما خاېف ولا
________________________________________
زعلان على اريام لان انا فوضت أمري لله ورضيت باللي قسم هولي ربنا الدور والباقي على المسكينة اللي اتجوزتها هتعيش معاك ازاي وهتتقبلك بحالتك دي متأكد مليون المية انها بختها قليل اللي يدفع فلوس ملهاش عدد عشان يتقال عليه راجل.
صهيب... عمي.
قاسم... بلا عمك بلا بتاع يابني على وشك يبان يانداغ اللبان.
صهيب بعصبية... يعني معنه كلامك ده ياعمي انت مصدق كلام جيداء واني مش راجل.
قاسم... أدي الجمل وادي الجمال اثبت عكس كلمها وورينا شطرتك.
صهيب بيتنفس بصوت عالي... ماشي ياعمي هوريك مين صهيب وهيعمل ايه وشطرتي مش هتبق كلام لا ده فعل.
مشي كام خطوة ناحية رفيق الواقف قدام العربية ووقف كلم عمة.... ابعت لدكتورة الوحدة بعد نص ساعة من دلوقتي.
قاسم... طيب قول ساعة يابن اخويا حتى تكون مبلوعه.
صهيب... عشر دقايق من دخولنا الاستراحة ياعمي عشر دقايق.
قاسم بيكتم ضحكته... ميجوش طول الطريق الحق خد عروستك واهلها خلاص العشر دقايق بقوا تسعة.
صهيب... هي بقت كده ياعمي ماشي بس اعمل حسابك ان كلامك ده مش هعدية بالساهل.
صهيب وصل لعربية رفيق كلم رفيق اللي فتح الباب جنب امه... امه صهيب هيجي معانا هنوصله هو وعروسته انزلي اركبي جنب غصن وسنابل.
زبيدة
يتبع باقي التامن
حكايتى مع صهيب بقلم منى عبدالعزيز الفصل الثامن الجزء الثاني
نزلت قرب منها صهيب سلم عليها وساعدها لحد ما ركبت وقفا الباب وراح ركب جنب رفيق اللي ساق العربية في طريق المزرعة من غير ماحد يكلم كلمة وقف رفيق بالعربية قدام استراحة صهيب بمزرعته نزل صهيب من العربية لقي عمة وكام واحد من عيلته ومن اهل رفيق بينزلوا من عربيته بص لعمة بتحدي وقاسم بصله
باستهزاء
صهيب اتعصب راح فتح باب العربية من جانب زبيدة ونزلت بسرعه بعد ما سعدها ورفيق فتح الباب من جانب سنابل ومد ايده يساعدة رفصت سنابل تمد اديها ونزلت لوحدها غصن پخوف نزلت من ال عربية اول ما صهيب شافهامغطية وشها رفع عينه لعمه وفجاة الټفت مرة تانيه بلع ريقة اول ما شاف غصن بص لعمة بذهول طلع قاسم ضحك بصوت عالي وقال... لولي العيبة كنت ضړبت ڼار من فرحتي بتشريفك ارضنا يا حجة زبيدة قرب منها وطى باس اديها وسلم .... مبروك يابتي مبروك يابن خويا يلا خد عروستك وادخل على ما الخدمين يحضروا العشاء على ماتخرج لينا كمان ساعتين نبق نتصل بالدكتورة تجي قرب من صهيب العشر دقايق عدوا خلاص وبدءت عشرة تانية وتالته.
صهيب بيبص لعمه بغيظ لاحظت زبيدة طبطبت على غصن.. قربي يا غصن سلمي علي عمك قاسم ووطى على ايده بوسيها ده في مقام حماك سلمت غصن عليه وباست ايده زبيدة بنتنا جمر ومربربه .
قاسم بت خير ياحجة قال الكلام ده وغمز لصهيب يلا يا عريس خد عروستك .
صهيب قرب من غصن مد ايده ليها من غير ما يكلمها وقفت مكانها متحركتش.
صهيب... مش يلا بينا ندخل ولا هنفضل واقفين كتير.
زبيدة.... يلا ياحبيبتي ويا جوزك سلمى على امك وامشي معه مټخافيش احنا قاعدين هنا جنبك.
سنابل غصن وغصن مسكت فيها مش عاوزة تسبها رفيق اتحرج من نظرات الناس ليهم وسمع همس بين الرجالة الوقفين بيبصوا على سنابل وغصن وسالوا امته لقوها خاف الكلام يكتر قرب وقال.. خبريه يا عريس واقف كده قرب شيل عروستك وادخل مش واخد بالك من ضړب الڼار وزراغيت جايه من ناحية الشرفوة.
شفيق... عقبال الباقين كلهم يارب.
قاسم... يارب يا حج شفيق نص ساعة عدت ياتري مين عليه الدور
في الاربعة الباقين.
صهيب انحن شال غصن بعصبية مهمهوش خۏفها وبكاها دخل الاستراحة وقفل الباب برجله نزل غصن في اوضة النوم ووقف ياخد نفسه وبصوت حاول يهدي نفسه... ممكن تبطلي عياط وخلينا نخلص من الورطة دى سكت وراح يفتح الباب بعد ما سمع صوت خبط على الباب وحد بينادى عليه فتح لقي عمة شايل شنطة هدوم غصن ادها لصهيب
... معلش ياعريس هنعطلك شوية بس دي شنطة العروسة عشان تغير هدومها.
صهيب اخد الشنطة بغيظ... ياريت ياعمي متحاولش تلعب بالكلام مبقناش دقيقتين دخلين.
قاسم بص في ساعة ايده تمن دقايق تقصد.
صهيب... عمي بعد اذنك هقفل الباب.
مشي قاسم بيضحك
من قلبه ودخل صهيب شنطة غصن وقال ليها... انا هغير هدومي بالحمام على ما تغيري.
طلع صهيب من الاوضة قلع جاكت بدلته والقميص ودخل الحمام غسل وشه وخرج راح لاوضة النوم لقي غصن قاعدة على الكرسي زى ماهي قرب منها... انت زى ما انتي بفستان الفرح مش تغيري هدومك.
غصن هزت راسها من غير ما تكلم .
صهيب... بتهزى راسك بلاء ليه مش مفروض اهلك معرفينك يعني ايه جواز وان مفروض ننهي الموضوع بسرعة عشان الناس الوقفين برة يطمنوا ويمشوا.
غصن...فضلت سكته.
صهيب بعصبية... انطقي ما تسكتيش كده سمعيني صوتك.
غصن... ايوة ستي قالتلي.
صهيب... مدام كده قاعدة ليه مغيرتيش.
غصن... هغير بس معرفتش افتح الزرار بتاع الفستان .
صهيب.. هتفتحية ازاي وانت لبسه
________________________________________
الطرحة الغريبة دي ومغمية عينك ومدارية وشك اكيد صعب يعني.
فتح صهيب الزرار... انا خارج اكلم في التليفون برة في الصالة على ما تغيري خرج صهيب واتصل علي الدكتور الخاص بأريام واطمن عليها فتح التليفون مرة تانية وقف يبص على صورة أريام وهي نايمة على السرير فاق لما سمع ضړب ڼار وصوت زغاريد دخل على غصن وقف مكانه متسمر بيبص عليها وقفه لبسه عباية سمرة واسعه ومدياله ضهرها قرب منها بضيق
وديرها ليه وقف
مش قادر ينطق وهو بيبص على وشها وعنيها رفع ايده ېلمس خدها اتنفضت غصن وبصت للارض صهيب رفع وشها مرة تانية بايده وقرب منها
اسمك ايه.
غصن بخجل من لمسه لوشها اتكلمت بصوت هادي متقطع من الخجل.. غ غصن.
صهيب... غصن اسمك جميل بس مش أجمل من وشك.
غصن مش قادره ترد وتقول ايه معقولة هي جميلة زى ما بيقول رفعت اديها تحسس على وشها استغرب صهيب.
صهيب... مالك بتحسس كده ليه علي وشك.
غصن.. ها لا مفيش بس اصل اصل بتقول اني جميلة.
صهيب... انت مش جميلة وبس انتي فاتنه.
غصن... هاه قصدك ايه.
صهيب اخدها ومشي بيها ناحيه المرايا وقال ليها بصي كده وشك عامل زي وش الأطفال ناعم اوي ديرها ليه مرة تانيه وشاور على لبسها قالها.. ايه اللي لبسه ده في عروسة تلبس اسود.
غصن... اصل عاوزة اصلي العشاء وملقتش حاجه في الهدوم اللي ستي جيبهالي حاجه تنفع اصلي بيها غير دى
غصن... اصل خاېفة العشاء تفتني.
ام مهران
رايحة جاية في بيتها بتكلم في نفسها وربيع واقف مستني اومرها.
ام مهران... عقلي هيشت ياعني كل اللي عملته راح علي الفاضي وبدل ما اجيب بت رفيق لابني خدامة تجوز صهيب وتعيش
ملكة
________________________________________
وامكن تخلفله عيل لا لا يمكن ده يحصل صهيب مش لازمن يخلف وكل اللي حيلته يبق لمهران ولدي.
وقفت تبص لربيع.... كله منك انت يا بوز الاخص لا قدرت تجيب البت ولا نشلت كويس على المخفي صهيب وبدل ما تبق جنازته بقي فرحة.
ربيع.... زي القطط بسبع ترواح بس اوعدك المرة الجاية هنشن على دماغه عدل.
ام مهران بصړاخ شوحة باديها... لا انت اجننت عاوز تودينا في داهية
فكرك قاسم وصهيب هيعدوا اللي حصل ورفيق هو راخر هيعديها انت تخفي خالص متخليش حد يقدر يوصلك فاهم يكون في بالك لو وزك شيطانك لحاجة كده ولا كده متلمش غير حالك.
ربيع.... انا ماشي ياست الكل هرجع عشتي ومنين ما تعوزيني ابعتلي البت رباب سلام ياست.
مشي ربيع وقفل الباب وراه دخلت ام مهران المكتب وقفت قدام صورة كبيرة معلقة على الحيط
تبص للصورة وتكلمها قربت اوى من الصورة تمشي اديها عليها .
ام مهرانعدنان صهيب جه ياعدنان جه يضيع كل اللي عملته اللي فضلت سنين ادبرله في غمضة عين ضيعه
قربت من الصورة تحرك. اديها عليها واتنهدت بحب وهى بتبص ليها.
متعرفش وحشتني قد ايه يا عدنان لدرجة عاوزة اشوف
صهيب عشان شبهك فى كل حاجه حتى الشكل وقوتة راجل بجد وقت الشدة تلقيه واقف زي السبع آه يا عدنان لو كان صهيب ابنى أناتفتكر ياعدنان لو صهيب كان ابنى انا وانت اانا كان ايه يسعني من فرحة
فجأة عنيها قلبت وبتتنفس بصوت عالي و
بعدت اديها عن الصورة تهز راسها وبتكلم بهستريا في كلامها جرالك
ايه يا بثينة اجنتى في عقلك اياك بتكلمى عدنان وبتتمنى صهيب ابنك عدنان اللي رماك وراح اجوز
عشان يخلف وانت اللي عشتى خدامه تحت رجليه سابك بحصرتك مقدرش حزنك وۏجعتك بانك مش هتبقى ام واول ما خلف جابه يوجع قلبك بيه ويقولك صابرين جابتله الواد وبكرة تملله السريا عيال
رماك تبك بعده عنك بليالي وهو قاعد جصاد ولده ومراته الحبله
مفكرش
يجيك ويقرب ناحيتك غيرلما صابرين ماټت ويريته
جه عشانك لا ده جابلك ابنه راجل ويقولك امه ماټت وصهيب اعتبريه ابنك خففى عنه مۏت أمه جابه بعد ما اترجته زمان يجبهولى ولو كل شهر مرة يقعد معاى قالك ايه سعدتها لاء امه مش بطيق فراقة قلت ماشي كل يهون عشانك يا عدنان وقلت اهو كفايه انه ابنك ومن رحتك هخدمة بعنيه عملت ايه بعدت عنى اكتر كل يوم اسمعك وانت بتكلمة عن أمه وقد ايه حبيتها وعشقتها طلبت منك تخليه يقولى يامه انت رفضت جبل منه وقلتلى إزاى اغصب على راجل عنده تلاتاشرسنة يقولك يامة لا هو هيقدر ولا انتى هتبقى امه حتى لما ربنا نصفنى وجبر بخاطري وحبلت بعد عشرين سنه وجبت مهران
مشفتش الفرحة اللي فرحتها لما صبرين كانت حامل في صهيب وحتى لما جه مهران على وش الدنيا كسرت بخاطرى وانا بقلك هسميه انا رفضت وقلت لا هتسميه مهران عشان كنت متفق مع صبرين تسمي صهيب ومهران بس خلاص ياعدنان بثينة بتاعت زمان معتش بتسكت على حقها وخاليك فاكر ابنى انا هو اللي هيبق كبير البلد ومش بس كده لاه ده هيأخد كل املاك الخبيري ليه وحده بعد عمر قصير ليهم كلهم.
سكتت شويه اول ما سمعت صوت زراغيت ضړب ڼار قريب منها فتحت الشباك بسرعه عالي صوت نفسها وصړخت پحقد. دخل صهيب دخل على البت اللي ضيعت ابني وبعدته عن حضڼي لا مش هخليك تتهنا انت وهي وابني محپوس أبدا أبدا.
سابت المكتب وطلعت برة السريا تنادي على الغفير ... وقالت له اول ما النهار يطلع تجي تأخد فطار العريس.
قالت له كده ودخلت على وشها ابتسامة خبيثة راحة المكتب وفتحت الخزنه خرجت قزازة منها وخرجت راحت
المطبخ فضلت تجهز الأكل وكل حاجه تجهزها ترش من القزازة لحد ما انتهت بعد الفجر جهزت صنية عليها أشكال وألوان ونادت على الغفير وقالت له خدها لصهيب بيه وقولة الفطور يابيه من غير
ما تنطق حرف واحد انت فاهم توديها وتيجي طوالي عشان تودي أكل وسجاير لسيدك مهران .
مشي الغفير راح ودى الصنية وعمل زى ما قالت ليه وبعد شوية
دخل السريا لقي رباب دخلة السريا كلمها وقال ليها تجيب الاكل بتاع مهران من الست دخلت رباب بسرعة لاوضتها حطت هدومها وراحت على بثينة ام مهران باست اديها
ام مهران قاعدة على الكنبة مرهقة مغمضة عنيها سمعت صوت رباب الخدمة بصت ليها بضيق....رجعتي ليه تاني.
رباب... انا خدمتك يا ست بثينه انا بس خفت من ربيع الزفت قلت اهرب منه واعفك من الحاحة وعفنته.
بثينة... ماشي يارباب هصدق كلامك روحي دلوقتي والصباح رباح انا هطلع انام والغفير عبد الغفار هيجي اديلة شنطة الأكل اللي على الطربيزة وقولي ليه يقول لمهران بيه خلاص هانت وهترجع امك.
طلعت اوضتها ورباب دخلت المطبخ شافت مواعين كتير واكل اڼصدمت نادي الغفير دخلته وراها المطبخ ادته الشنطة
________________________________________
واخدها ومشي نزل
كام سلمة من سلالم السلم بره السريا رجليه فلتت ۏجع على الارض وقعت علب الاكل ونزل الاكل على الارض اتخض الغفير بقي يبص حوالية وبيلم الاكل بسرعة قام وقف پخوف اول ما سمع شهقة وراه حمد ربنا انها رباب جري عليها....غتيني يا رباب الست هتخرب بيتي .
رباب....متخفش لم انت الاكل من على الارض ونضف مكانه وانا هدخل اساوي العلب واغرف من الاكل اللي جوة لامنشاف ولامندري.
دخلت رباب واخدت من الاكل الموجود في الحلل وزودت اكل مهران وخرجت ادته للغفير شكرها وجري يودي االاكل لمهران في الحبس.
دخلت رباب تروق المطبخ وغسلت المواعين واخدت من الاكل واكلت وبعدها قامت على مغص جامد في معدتها وفجاة وقعت على الاارض
غصن من التعب والبكاء نامت من غير ما تشعر لحد الصبح على صوت حد بينادي على صهيب قامت بسرعه تعدل هددومها والفرشة اول ما صهيب خرج يشوف مين اخدت لبس من شنطتها وراحت جري على الحمام اخدت دش واتوضت وبعد شوية دخل صهيب شايل صنية بيها أكل وندى عليها لما مردتش راح الاوضة يبص عليها ملقهاش.
صهيب... هي راحت فين دى خرج يبص عليها سمع صوت ماية قعد مستنيها لحد ماخرجت بصلها صهيب وشاور ليها وهو بيكلمها.
صهيب... اقعدي كلي.
غصن بقلق منه ونظرات عنيه قعدت خاېفه تمد اديها.
صهيب ۏلع سېجارة وبص عليها لقها قاعدة مش بتاكل.... مبتكليش ليه.
غصن... ها هكل بس انا مصلتش
العشاء ولا الفجر وعاوزة اصلي الاول وو.
صهيب... وايه.
غصن... معنديش لبس ينفع دورت مش لقية والعباية بليل حضرتك قطعتها.
صهيب.... ههههه ايه حضرتك.
شاور لها تقرب منه ازاي معندكيش حاجة تنفع الصلاة واللي لبسه ده اية
غصن بصت على نفسها وقالته... دى جلبية خفيفه.
صهيب.... ههههه خفيفه اومال التقيلة ازاي كلي يا اسمك ايه ونشوف موضوع الجلبية بعدين.
غصن.... مش
هقدر اكل غير لما اصلى.
صهيب... استغفر الله روحي صلي.
غصن.... طيب ممكن سؤال.
صهيب...اسألي.
غصن... حضرتك صليت.
صهيب.... تاني حضرتك لا مصلتش.
غصن... ممكن تصلي بيا جماعة اصلي اصلي.
صهيب .. اصل ايه.
غصن... ستي قالتلي ان الراجل بيصلي بمراته اول ليلة عشان ربنا يبارك ليهم في حياتهم وامبارح يعني.
صهيب... امبارح ايه.
غصن... مصلتش ولا خلتني اصلي وكده يعني.
صهيب.... طيب ادخلي صلي انت دلوقتي وبعدين انا هصلي.
غصن... بعدين من الشيطان بدل ما تكسل صلي على طول.
صهيب بضيق... انا مجبتش لبس معايا ولابس الهدوم دى بقالي كام يوم مينفعش اصلي بيها.
غصن... اه فهمت.
صهيب... كويس انك فهمتي يلا روحي صلي عشان زمان اهلك جين.
دخلت غصن تصلي فتحت الشنطة فضلت تدور على حاجة تقيلة ملقتش كلمت نفسها... مقدميش غير
البس جلبيتين على بعض.
صهيب بعد ما دخلت نفخ بضيق وعينه على الاوضة شايف غصن وحركاتها تابعها وهي بتصلي وقف على باب الاوضة طولت في الصلاة.... ياتري اللي حصل ده حصل لحكمه من ربنا اني اتغير وارجع انسان كويس وجابك في سكتي عشان تخرجني من اللي أنا فيه ولا كلام عمي شفيق حطة في راسي عشان يقنعني بعد عن الباب
وقعد على الكنبة وقال... بلاش تخاريف ياصهيب انت وفقت بس عشان تثبت للكل انك راجل ومفكش عيب زى ما جيداء ومرات ابوك ما طلعوا عليك... الټفت للنحية التانيه كان حد بيكلمه وقال هههه بتكذب يا
صهيب من إمته بيهمك كلام الناس انت عجبك الموضوع قرفت من اللي كل يوم تقضي معها كام ساعة وقلت وحدة تبق ليك لوحدك
اوعك تقول غير كده انت انسان اناني مبيهمكش غير نفسك ورغباتك
ذنبها ايه أريام ټخونها وتجوز عليها قاعد اهو وسيبها ليك يومين وممكن تفضل اكتر من كده اوعك تقول ده شرطهم انت اكتر واحد عارف انك تقدر تمشي من غير ما حد فيهم ينطق بكلمة انت اللي البنت عجبتك
وعاوز تقضي معها ايام عرفت انك اناني.
الټفت صهيب للنحية التانية وكان شخص تالت بيكلمة.. لا انا بحب أريام ولولي اللي حصل وعمي ورطني عمري ما كنت عملتها ولا فكرت اتجوز علي اريام أنا عايش احلم باليوم اللي هترجعلي فيه.
الټفت للنحية الاولى... لو خدعت الناس كلها مش هتخدع نفسك يا صهيب انت لو زي ما بتقول كنت صممت تاخد البنت
وتمشي لكن انت انسان بتحركك غرزتك ورغبتك واهو لسه مكمل حتي ما فتحتش تليفونك تطمن على أريام
صهيب وقف بخضة... صح ازاي نسيت اصبح عليها. فتح تليفونه على اوضتها فضل باصص على صورتها رفع عينه لقي غصن خلصت صلاة نادى عليها
غصن صلت فروضها وخلصت وقامت خرجت لصهيب اللي بينادى عليها.
غصن... نعم حضرتك بتنادي عليا.
صهيب.... ايوه تعالي هنا جنبي في حاجه عاوزك تعرفيها.
قعدت غصن جنبه صهيب فضل دقيقتين باصص لوشها وكلمها بعصبية... انت ليه وافقتي تجوزي بالطريقة دي وانت صغيرة في السن ازاي توافقي تجوزي واحد اكبر منك بكتير .
غصن پخوف... قصدك ايه.
صهيب... قصدي انت ليه وفقتي تجوزني وانت عارفه اني متجوز وبحب مراتي وانها اهم حد عندي ليه توافقي
غصن پبكاء مش قادرة
________________________________________
تصدق.... حضرتك متجوز طيب انت ليه
تجوزني مدامك متجوز.
صهيب... انتي بتردي سؤال بسؤال هقولك انجبرت عشان الصلح مكنش ينفع ارفض والصلح يبوظ.
غصن.... انت راجل ومقدرتش ترفض انا بقي مش انجبرت لا انا مكنش قدامي غير اتجوز انت خفت تقل من علتك وانا خفت افضل في عيلتي انا مكنش عندي حل غير اني اوافق بس لو كنت اعرف انك متجوز مكنتش وفقت اخدك من عليها لكن انت راجل في ايدك ترفض ولا تخلي واحد تاني بدالك.
سابته واقف مش قادر يرد عليهم وجريت على اوضة النوم رمت نفسها علي السرير تبكي وصهيب مقدرش يستنى خرج ركب عربيته وراح لبيت عمة.
.
رفيق وصل امه وسنابل البيت نزل من العربية وقبل ما يدخل سمع الغفير سيد بينادي عليه.
رفيق... ادخلوا انتم يامه على ما شوف حصل ايه تاني.
قرب سيد منه وقاله... ربيع في المخزن ياعمدة..
رفيق... اقفلي الباب كويس يامة والصبح هخلي الخدمين يجهزوا فطار الصبحية وهعدي عليكم نروح نصبح على غصن.
ركب عربيته وشاور لسيد يركب وراحوا المخزن.
رفيق...لقتوه فين.
سيد.... خارج من سريا عدنان بيه اول ما نزل الدرة لقنا انا
والرجالة معرفش يفلفظ.
رفيق.... مصايبك كترت يا بثينة قوى.
وصلوا المخزن ودخل
لقي ربيع قاعد والغفر حوالين منه مربطينه قرب منه وقاله.... هتقول كل حاجه من غير لف ودوران ولا زي ما انت كده نشيعك لاخرتك.
ربيع... اقول ايه ياعمدة وانا اقوله طوالي.
رفيق... سيد شيله انت والرجالة ودوه على سكة القطر في السريع على وصول اهو يعدي عليه يوصلة لاخرته بسرعة.
ربيع....
هقول يابية بس اديني الامان.
رفيق.. قول.
ربيع حكي كل حاجه حصلت. والله يابية هو ده االي حصل بالظبط.
رفيق... اه ياكلب بقي ټحرق السريا وكمان تلبسني تهمة طخ صهيب انت والعقربة بثينة.
بص للغفر وقال.. يفضل هينا متربط زى ما هو لحد ما اشوف هعمل ايه.
صهيب وقف بالعربية قدام بيت عمة
رن الجرس وخبط على الباب من غير ما يوقف ايد على الجرس وايد على الباب لحد ما سمع صوت عمه بعد ايده.
قاسم قام مڤزوع من النوم نزل السلم بسرعة .. ياساتر يارب جيب العواقب سليمة الله ما جعلة خير حملك يلي على البال انا جاي .
فتح الباب وقف باستغراب.... ص صهيب خير يابني كفالة الشړ أري.
صهيب مقاطعة بعصبية... أريام زى ماهي ياعمي أنا اللي تعبان وهجنن من اللي حصل.
بعد قاسم عن الباب دخل صهيب وكلمة ليه ياعمي ليه عملت كده هي أريام مش بنتك ليه توصلني اني اخونها واتجوز عليها ليه
تتحداني عشان اتمم الجوازة متقوليش عشان نحمي الناس وبحور هتتفتتح على العزب الخمس حصل اللي حصل وكتبت عليها لية انت بالذات تجبرني بكلامك ادخل على البنت.
قاسم قعد على الكرسي ربع ايده خلصت كلام ولا لسه عندك كلام
اسمعني يا صهيب انت يابن خويا عارف قد ايه أريام بنتي بالنسبالي ايه أنا حرمت نفسي من متع الحياة عشانها هي خفت عليها وعلى نفسيتها تتحطم لما تلاقي ابوها هو كمان اتخلي عنها وشاف نفسه زي امها حرمت نفسي يكون ليا ولد من صلبي واكتفيت بيك وبيها كنت طاير من الفرحة لما عرفت بحبك ليها رغم خۏفي من تأثير جيداء عليها بس رهنت على شخصيتك وقوة تحملك وخصوصا انك ظابط جيش بس للأسف خذلتني لم قدمت استقالتك واتفرغت للشركة عشان تراضيها قلت عملتها قبل منه مجرب الحب وعرف تأثيرة سنه وراء سنه لقيتك رحت في سكة جيداء وسبت أريام لامها تمشيها زي ماهي عايزة لحد حصل اللي حصل احترمتك وكبرت في نظري لكن للأسف خذلتني للمرة الثانية والتالتة حميت بنتي وضعت انت بتحاول بكل قوتك تحافظ عليها وبترمي نفسك للمۏت كل ليلة اياك معرفش بعمايلك وبجوازاتك قصدى نزواتك وسوقتك المرعبة اللي ربن وحده بينجيك منها لو وفقت على جوازك بالشكل ده مش بس عشان الاتفاق لا ياصهيب كان ممكن ترفض مهما حصل لا كلامي ولا كلام شفيق كان هيأثر فيك انت وفقت عشان انت تعبت من الوحدة تعبت وقرفت من رغبتك بان يكون ليك ابن هى اللي حركتك وبخصوص دخولك
على البنت لا كلامي ولا تريقتي هم السبب انت اللي وتعودك كل ليله مع ست هي اللي دفعتك تتمم الجوازة ولحظة الندم بتاعت كل مرة لم تشيع غرزتك وتجري بعربيتك وتروح ترمي نفسك قدام أريام ټعيط وتطلب السماح وتلوم نفسك وامها وانك بدافع عن رجولتك اللي هنتها قدام الناس بدليل وقوفك قدامي بالشكل ده مع اني متأكد انك فتحت تليفونك ولمت نفسك قدام اريام مليون مرة بس المرة دي غير في حاجه مخلياك محتاج تتكلم وعاوز تسمع من حد انك معملتش حاجه غلط وان ده حقك وانا بقولك أهو انت معملتس حاجه غلط لا شرعا ولا قانونا انت عفيت نفسك من الحړام و بنفس الوقت حميت حياة ناس أبرياء روح لمراتك يابني
________________________________________
روح اتمتع وعيش حياتك وبلاش تحسسها بحاجه كفاية انها اتجوزت بين ليلة وضحها واحد لا
تعرفة ولا شفته واوعك تجرحها البنت ملهاش ذنب..
صهيب يا اااه ياعمي انت لخصت كل اللي جوايه بعد ما عرتني قدام نفسي عارف يا عمي انا جيت ليك هنا عشان ألومك بس انت صدمتني بحقيقتي المخزية.
قاسم قام وقف راح وقف جنبه مش عيب نعترف باغلطنا ونحاول نصلحها العيب اننا نعلقها على شماعة غيرنا والظروف.
صهيب ياريت ياعمي كنت وجهتني من زمان امكن مكنتش وصلت لكدة.
قاسم كل شئ بمعاد يابني وانك تعرف غلطك وتعترف بيه احسن ما تكابر وتفضل ماشي فيه.
قعد قاسم وصهيب جنبه فضلوا يتكلموا قاسم صهيب اوعك تكون قلت كلمة كدة ولا كده لعروستك.
صهيب بخجل للأسف قلت ولمتها. بس هي كمان عرتني وقالت.
حكي لعمه كل الكلام اللي قالوه ليها وردها اللي خلاه مش قادر يفكر وجه ليه.
قاسم إرجع ليها يا بني ورضيها البنت كلامها صح هي بنت اخرها ټعيط لكن متقدرش ترفض يلا
قوم على ما اشيع للخدمين يجوا يجهزولكم فطار العرايس.
صهيب فطار ايه ياعمي ما حضرتك بعته من بدري.
قاسم بعت ايه يابنى مكنتش انت اللي مصحيني من النوم تلاقي بيت نسيبك اللي بعتوه.
صهيب لا اللي جابه غفير من عندنا انا عارفه شكلا بس مش فاكر اسمه.
قاسم وقف بړعب افتكر اسمه او اوصفهولي.
صهيب وصفه
قاسم بړعب انت اكلت من الأكل ده
انت ولا مراتك.
صهيب لا مكلتش مكنش ليا نفس وهي لحد ما سبتها مكنتش اكلت.
قاسم بينا على الاستراحة بسرعة ربنا يستر متكونش كلت منه.
صهيب وهو بيجري وراء عمه في ايه ياعمي
قاسم بسرعة اركب العربية وسوق باقصي سرعة يارب نلحق مراتك متكونش كلت من الاكل ده.
صهيب وهو بيسوق العربية ليه ياعمي بتقول كده.
قاسم الغفير
اللي وصفته يبق عبدالغفار غفير بثينة مرات أبوك فاهم ده معنته اية.
صهيب ساق بسرعة اكبر وقف العربية قدام الاستراحة ودخل بسرعة ووراه عمه وقف بص على الأكل لقاه زى ماهو وقف ياخد نفسه وقاسم قرب من الأكل اخد طبق طبق يشمه وصهيب دخل اوضة النوم لقي غصن نايمة قرب منها بقلق يتأكد من انها كويسة اول ما لمس وشها بايده اتنفضت قعد جنبها على السرير يهديها.
صهيب هشش انا متخفيش كنت بطمن عليك كملي نومك انا خارج تاني شوية وراجع انام انا.
غصن بنعاس شديد مش قادرة تفتح عنيها من البكاء هزت راسها وسكتت اتاكد انها شبه نامت قام بشويش خرج لعمه .
صهيب لقيت حاجه ياعمي.
قاسم ريحه الأكل مش باين فيها حاجه لكن ايه جواه مش معروف بثينة كونها تبعت الأكل ده من بدري يبق أكيد نيتها مش سليمة الحداية مبتحدفش كتاكيت لولي خاېف اشيل ذنب كنت رميت الاكل للكلاب والقطط ونتأكد بس خاېف وبنفس الوقت عاوز اتأكد.
صهيب متقلقش ياعمي انا هصرف هشوف كيس بس اخد عينه من الأكل ابعتها للمعمل في مصرتتحلل
وياولها لو كان الأكل فيه حاجه يبق امها دعيه عليها وهخرج القديم كله وافتح قبر ابويا وإمي لان متأكد ان موتهم مش طبيعي.
قاسم نثبت الأول وساعتها يا ولها مني.
صهيب اتصل بالتليفون.
