رواية جاسم وجودي ما بين الحب والالم كاملة بقلم اروي الشرقاوي
رهف :بنت بسيطه وجميله تدرس الطب وجدت أمام إحدى المساجد ومنذ ذلك الحين وهى تقيم فى إحدى الملاجئ ولاتخلو حياتها من المشاكل
جودى :حياتها لاتختلف عن رهف فهى وجدت ايضا وهى صغيره فى أكياس الزباله وتعيش فى الملجأ وهى بنت جميله وقويه وتدرس تجارة
هدى :مديرة الملجأ ست قاسيه بدرجه هائله وتحاول فى كل الاوقات إهانت البنات وتذكيرهم بأنهم ليس لهم اهل
ريان الجمال : شاب وسيم وذو جسد رياضى رجل اعمال وتولى مسؤلية العائله بعد وفاة والده ولكنه لم يتزوج حتى الان لان ليس لديه رغبه فى ذلك ووالدته تركتهم بعد وفاة والده وتزوجت رجل اعمال كان صديق زوجها
حور :اخت مراد عاشت فى مأساه بعد زواج والدتها ووفاة ابيها ولكن مراد إستطاع إخراجها من هذه الازمه بحنيته عليها
صافى :عمة مراد وتعيش معه وتعمل معه فى شركاته امرأه متسلطه تعشق المال وتنظر للبشر من فوق جشعه تعشق السلطه بسبب حادث تعرضت له فى الماضى ولم تتزوج لأسباب سوف نتعرف عليها
فريده :والدة ريان إمراء حنونه وطيبه ولكن خطأها الوحيد هو زواجها بعد وفاة زوجها وهى تحب اولادها بشده ولكن ريان لم يسمح لها بالاقتراب منهم ومن اخته وكذالك صافى لم تسمح لها
ريناد الصايغ: زوجة جاسم عز الدين جميله لكنها متعجرفه ومتكبره وتعيش مع جاسم لأجل ثروته وليس حبا فيه
جاسم عز الدين :شاب فى الثلاتين من عمره وسيم تزوج من ريناد وبعد فتره إكتشف أنها لاتنجب ومنذ ذالك الوقت وهو يعيش فى جحيم بسبب ماله الذى تعب فيه لمن سيتركه وهو صديق ريان
.............. ..................
فى الجامعه
تجلس رهف بمفردها ليس لديها اى اصدقاء ولااحد يريد الاقتراب منها سوى ملك
فى هذا الوقت اتت ملك
حور :رهف قاعده بعيد ليه
رهف :كده احسن ياحور انا مش ناقصه مشاكل كفايه الى دكتور حازم عمله معايا جوه وكل ده علشان رفضته حتى الجواز هيبقى غصب المفروض انى ابقى فرحانه واحد زيه بمركزه فكر يتجوزنى المفروض افرح مع انى عارفه انى دخلت دماغه علشان كده فكر يتجوزنى يومين يتسلى شويه ويطلق تانى وانا ماليش اهل يعنى سهله بالنسبه ليه
حور :يابنتى أنا عارفه كل ده وقولتلك أكلم ريان يظبطه إنتى إلى رافضه
رهف :بلاش تشغلى نفسك بمشاكلى كفايه إنك بتنزلى من نفسك وقاعده معايا
حور :إنتى إتهبلتى إنتى أنضف منهم كلهم يارهف إنتى عارفه إحنا أصحاب من إمته أنا ذاكرت وإجتهدت علشان أدخل معاكى طب ورفضت أدخل جامعه خاصه علشان أبقى معاكى
رهف :طب خليكى جدعه بقا ووصلينى فى طريقك
حور :تعالى هكسب فيكى ثواب وأوصلك تعالى ناخد جودى فى طريقنا واهوه الثواب يبقى جماعى
............. ..............
فى الملجأ
هدى :اتأخرتو ليه ياست الحسن انتى وهى
جودى :اسفين المحاضرات كانت كتير انهارده وكل الشتايم حفظينها والشغل هنعمله فى ايه تانى
هدى :لسانك ده هيجى يوم واقطعه وعلشان قلة ادبك دى هتجيبى الملجأ كله مسح فوق وتحت انتى والهانم الى جمبك
ومشيت
رهف:عجبك كده اهى دبستنا فى التنضيف كله
جودى :هى كده كده كانت هتدبسنا انتى مفكره بسبب ردى عليها لا هى اصلا كانت مستنينا اما نيجى ياله ياختى نبدأ
وبدأت كل من رهف وجودى التنضيف
........... .......
فى شركة الصياد
صافى :كده غلط يامراد الصفقه دى كانت لينا احنا من نصيب شركتنا
ريان :بس احنا عندنا شغل فى الوقت الحالى داخلين فيه مش مهم صفقه نتنازل عنها
صافى :انا مبحبش التنازل بكرهه
ريان :وانا مش بحب العداوه
صافى :إنتا حر أنا نصحتك وان الصفقه كانت مهمه لينا
ريان :انتى مكنتيش كده اتغيرتى بدرجه كبيره
صافى :أفعال الناس هى إلى حولتنى من إنسانه بريئه طيبه إلى وحش عايز يدمر الكل إلى شوفته كان كتير جداا على ان حد يتحمله
ريان :ايه هو الى شوفتيه افتحيلى قلبك
صافى:أنا عندى شغل وإلى فى قلبى مش هيطلع سلام
وطلعت نوال وسابته
ريان لنفسه :أكيد فى يوم من الايام هتتكلمى وأعرف إيه إلى وراكى
.................... .........
فى فيلا جاسم عز الدين
يتحدث جاسم مع زوجته ريناد
جاسم :وأنا عايز عيال ياهانم مهو مش معقوله الثروه الى بعملها ديه كلها واموت وأسيبها وميبقاش ليا إبن من صلبى
راندا :وأنا مبخلفش ياجاسم وتبقى إتجننت لو فكرت إنك تتجوز عليا
جاسم :انتى نسيتى نفسك انا راجل واتجوز وقت ماحب مش انتى الى هتقوليلى
ريناد :إنتا الى نسيت نفسك انا ريناد الصايغ الى انتا زمان حفيت وراها علشان تتجوزها
جاسم مسكها من شعرها :مش جاسم عز الى يتقاله كده انتى اتجننتى ومخك لحس انا ساكتلك إحتراما لأهلك وخدى عندك ياهانم أنا هتجوز عايزه تفضلى بيتك ومطرحك مش عايزه مش هغصب عليكى
ريناد:وأنا مش قعدالك فيها أنا رايحه عند بابى
ريناد سابته وطلعت على فيلا عزت الصايغ
فى فيلا عزت دخلت ريناد وهى تبكى مما فعله جاسم بها قصت على والدها ماقاله كريم
عزت :وإنتى سيبتى البيت وجيتى على هنا غبيه
ريناد:أمال أسيبه يجيبلى واحده ويتجوزها وتقعدلى فى البيت وهى الى تطردنى وتقولى دى فلوس جوزى أنا لازم أبهدله فى المحاكم
عزت بإنفعال :غبيه هتسيبى جاسم عز الدين المليونير الى كل بنات البلد بيحسدوكى عليه إنتى عارفه إن جاسم هو الى بيمشيلى شغلى يعنى من غيره ولا حاجه وانا عارف هعمل ايه فى موضوعك انا بفكر فيه من فتره ولقيت الحل
ريناد:وإيه الحل
عزت :انا هتصل بيه ويجى ونتكلم وإياكى ياريناد تعترضى على اى حاجه انا بعمل كل حاجه لمصلحتك ومصلحتنا
ريناد :مش هيوافق غير بالجواز
عزت :ومين قال انه مش هيتجوز
ريناد:بابا انتا بتحلها ولا بتعقدها انا ازاى هوافق بضره
عزت :لازم توافقى هتقدرى تلاقى واحد بمواصفات جاسم تتجوزيه ويعيشك فى المستوى ده
ريناد:لا
عزت :يبقا تسبينى اعمل الى فى دماغى واريح جاسم انا هجوزه بس بطريقتى وبالخطه الى فى دماغى
............... ................
عند جاسم ذهب الى ريان ليتحدث معه فهو صديق عمره
ريان :انتا بقيت كده ازاى هتتخلى عن حبك علشان ايه
جاسم :عشان عيل يقولى يابابا علشان بشوف نظره فى عيون كل واحد وهو شايل ابنه وبيلاعبه بتخلينى نفسى فى طفل ده حقى ياريان
ريان :وريناد مش هتوافق استحاله
جاسم :يبقى تتطلق واتجوز واحده تخلفيلى العيل الى نفسى فيه
ريان :هطلق ريناد ازاى يابنى دى حب حياتك
جاسم :ريناد إتغيرت كتير الفتره دى ياريان بقت جشعه وعايزانى اكتبلها املاك بإسمها عايزه تأمن حياتها ده اسمه حب
ريان :كمان جواز الحب معدش نافع مش انا صح لاجواز ولا وجع دماغ
جاسم :يابنى الدنيا من غير جواز متمشيش بس اختار صح بلاش تمشى ورا قلبك زى وأدى النتيجه أنتا عارف أنا لو لسه بحب ريناد مكنتش فكرت اتجوز عليها بس أنا علاقتى بيها بقت فاطره أنا لو حياتى سعيده معاها كنت كملت بس أنا تعبت وقرفت
ريان :أنتا تعرف واحده على مراتك
جاسم :مش للدرجه دى ياعم ريان أنا بس محتاج عيل اشغل نفسى بيه يملى عليا حياتى
أعلن هاتفه عن وجود متصل
جاسم :أزى حضرتك ياعمى
عزت :أنا زعلان منك ياجاسم بس مش هعاتبك دلوقتى أنتا تيجى نشرب فنجان قهوه مع بعض ومش هنختلف هستناك وتاخد مراتك
جاسم :حاضر ياعمى هكون عند حضرتك كمان ساعه
أغلق معه جاسم
ريان :كان عايزك فى إيه
جاسم :أكيد علشان يرجع الهانم ريناد أنا هعمل مشوار كده وبعدين أروح أشوفه
ريان :بالتوفيق ياصاحبى
خرج جاسم وترك ريان
........................ ....................
عند عزت وريناد
عزت :أنتى تسكتى وهو هنا أنا إلى اتكلم فهمتى
ريناد :بس لو الكلام مش عجبنى هتكلم وهعترض
عزت :لا الكلام هيعجب الكل بس إنتى متتكلميش وتسبينى أنا اتفاهم معاه
جاء جاسم :انا جيت زى ماحضرتك طلبت بس أنا مش هتنازل إن يكون ليا عيل
ريناد :وانا مش هوافق إنك تتجوز عليا ياسى جاسم
جاسم:براحتك أنا هتجوز مش باخد الإذن من حضرتك
عزت :متقتلو بعض بالمره هو مفيش إحترام لوجودى أنا هتكلم وأن الكلام معجبش حد فيكم إبقو أتخانقو
جاسم :اتفضل حضرتك إحنا سامعينك
عزت :جاسم هيتجوز وهيخلف بإذن الله مش ده إلى إنتا عايزه
جاسم :أيوه
عزت :بس ريناد هتبقى أم الولد
ريناد :إزاى يابابى
عزت :هنجيب بنت تتجوز جاسم وتخلف العيل إلى نفسه فيه وتاخد مبلغ وتمشى ونكتب الام ريناد
جاسم :وهنجيبها منين بقا دى ده لو أنا وافقت من الاصل
ريناد:مش ده السبب إلى إنتا عايز تتجوز علشانه لإما إنتا عايزه تتجوز علشان سبب تانى
عزت :هنجيبها من ملجأ وإلى زيها مش هتصدعنا هتاخد الفلوس وتخرس ملهاش ظهر ولا حد يقفلنا وأنا اتفقت مع مديره ملجأ هنروح نشوف البنات ونختار بنت هاديه تجيب العيل إلى إنتا عايزه
جاسم :موافق بس بشرط أنا إلى هختار البنت
ريناد :ليه بقا ما أى واحده وخلاص
جاسم:ده شرطى موافقين
عزت :موافقين
وأكملو حديثهم
........... ............. .............
فى فيلا الجمال يجلس ريان وصافى وحور
حور :حصل مشكله فى الجامعه الدكتور حازم زعق لرهف من غير سبب شخص لايطاق
ريان:مين رهف دى
حور :صاحبتى انا حكيتلك عنها قبل كده والله زعلت النهارده علشانها الدكتور حازم بهدلها بدون سبب كل ده علشان رفضت تتجوزه
صافى :دكتور فى الجامعه وهى متربيه فى ملجأ ده بالنسبه ليها معجزه
حور :لاهو مش بيحبها هى عجباه وعايز يتجوزها يومين وبعدين يرميها وبيقول اهى ملهاش حد يقفله لو طلقها
ريان:ده شخص زباله ازاى يعمل كده هى البلد مفيهاش قانون
حور :أنا عايزاك تيجى بكره بعد إذنك تكلم العميد علشان خاطرى أنا ياريان تخلى حازم يسيبها فى حالها
صافى :هو أحنا فاضين لأصحابك ياحور هيعطل نفسه علشان بنت من الملجأ
ريان فهذه حور لايرفض لها طلب :علشان حور أفضى نفسى
فرحت حور كثيرا وقبلت ريان على خده وصعدت إلى غرفتها
صافى :إنتا اتجننت هتورح بجد
مراد :دى حور طلباتها مجابه
ظلو يتحدثون لفتره
............. ...............
فى اليوم التالى ذهب ريان إلى الجامعه
وتحدث مع العميد بأن رهف مثل حور لن يسمح لأى شخص بالتعرض إليها
طمأنه العميد فهو فى الأخير ريان الجمال لا أحد يعترض على كلامه
كانت تجلس رهف مع حور
رهف : أنا قولتلك متقوليش لحد دلوقتى أهلك يقولو عليا إيه إنى مصحباكى علشان كده
حور :ماتهدى ياحاجه حصل إيه يعنى لكل ده أنا بصراحه كان نفسى حازم يتربى
رهف :أنا مش حمل الليله دى ولا حمل حد يبقى عدو ليا كفايه لحد كده أنا ماليش حد يعنى ظهرى مكشوف يعنى لو حازم ده قال فى الجامعه إنى على علاقه بأخوكى الكل هيصدقه علشان ده مجتمعنا شوفتى أنا قولتلك ليه
وكان هناك من يقف فى الخلف واستمع إلى حديثهم
