رواية ترويض الاسد الفصل التاسع 9 بقلم ايه الدسوقي
ترويض أسد
الحلقة 9
**رحاب من ؟؟؟**
ناضت رحاب بكري لانها مقدرتش تتعود علي المكان وترقد رقدت قبل الفجر ولما ناضت ناضت مخلوعه تشوف في المكان كان غريب خدت فترة باش ستوعب وتفكرت المكان
نزلت فطرت معاهم وزي المرة الي قبلها خدو فطور للدور التاني
سوسن ..كشخت عليها ..انتي شن دخلك ؟؟
نصدمت فيها رحاب 
ليث..تعفلق من سوسن
ليث...سوسن 
سوسن ..سكتت
ليث..الفطور ياخدو فيه لي بوي هوا مريض
رحاب...انا اسفة مدام مكنتش قصدي نجرح مشاعرك او اني ندخل في شؤنكم الخاصة
شافتلها سوسن بتعالي هيا
وريان الي مردتش لا سلام ولا صباح الخير
ليث بس الي رد وسوسن علي راس لسانها ردت
بعد الفطور ناضت رحاب ونداها ليث
ليث...خودي هاذي 
رحاب..هاذي شن
ليث..هاذي بطاقة المصرف بتاعي خوديها واشري بيها شن تبي ريان توا تساعدك
بتاعي خوديها واشري بيها شن تبي ريان توا تساعدك رحاب..شن مندير بيها انا ؟؟
ليث...صوري في جنبها رحاب ؟؟ شن متفهميش انتي قتلك اشري منها لين نطلعلك وحدة خاصة بيك
رحاب...بعدين بتاخد فلوسك مني
ليث...ايه اعتبريه دين
رحاب...تمام موافقة
هوا مشي وسمعها تقلدفيه
صوري بيها رحاب 
تلفت هوا ابتسمتلها بي براءة 
ليث..شكلني منتعب هلبا باش نخليك بنت متاذبة للناس
رحاب..خيرني مشاء الله عليا بنت اخلاق واسلوب وعلم عندك طالب اكتر مني ذكاء ؟
ليث..تتفكري امك كانت في اما مستشفي مريضة ؟
رحاب..مش مصدق انه امي كانت مريضة ؟
ليث...صكري فمك رحاب
رحاب...علاش تسكت فيا وسئت الظن بيا انت ..
ليث..رحاااااب
رحاب..نعم
ليث..نبي نطلع شهادة تفيد انها كانت مريضة وانك مرافقتها وشهادة وفاة ...باش نعطيها للجامعه
هيا ابتسمت
رحاب...اسفة اول مرة نسئ الظن بيك دكتور ليث
ليث...درقي وجهك واختفي من قدامي توا
ريان ..اني جاهزة
ليث...يارن مهمتك تختاريلها حوايج
رحاب ..بغضب انا منلبسش علي دوق حد 
ليث...حتلبسي دوقك في اللبس نعرفه
رحاب...يكون في علمك انا مش حناخد حاجة مش من دوقي
ريان ...نصدمت كيف تكلم في ليث هكي
هوا الي خافو منه الناس تكلم فيه هكي الي كانت في الحضيض وتعيش في القاع وفوق هكي هيا طالبة عنده ؟
ليث..تمام اقسم بالله تجيبي حاجة متعجبنيش لما نردك بيها منين جيتي
رحاب...علاش انت تبي تلبسها معاي خيرك هكي
ليث...انا حذرتك وديري شن تبي
رحاب...من قالك حنقصر وحندير منبي 
ريان ...شهقت هاااا 
ليث...كويس ...تفكري بس اني حذرتك
يوم من الايام حنقطعلك لسانك هذا
طلع وهوا متعفلق عمته حطاته في مصيبه من بين كل البنات ملقاش غير رحاب وهوا مش قادر يأذيها مهما كانت قليلة ادب حتا قبل ميتوصا عليها
ركب سيارته والحرس وراه
طلعت ريان ورحاب والاتنين مش طايقين بعض
ريان..قررت انها مش حتساعدها باش تختار اشين اللبس وليث يؤدها منين جت ولو سالها تقوله هيا رفضت وهوا طبعا يعرف لسان رحاب
بعد مطلعو جي يجري السواق وفتحلهم الباب
وركبو الزوز ومشي
ريان...تلفتلها سيارة حراسة ليك؟؟ ليث..حطلك حراسة ؟؟
تلفتت رحاب ولقت وراها سيارة حراسة
رحاب...ممكن يكون خايف عليا من السرقة زي متشوفي انا كنز
ريان شافت كيف منظرها ولبسها وقلتها
واضح هلبا انك كنز
رحاب ابتسمتلها
لو كنتم تحكمو علي الناس من لبسهم فصبر جميل وبالله االمستعان
ليث..وصل المجموعه وكان يراجع في اوراق كان في غلط شخص متلاعب في حسابات وهوا مش حيرحمه
جي ناجي يجري بدون ميخبط علي الباب
شافله ليث
كيف تخش هكي انت ؟؟
ناجي تامل الاوراق الي في ايده
ناجي...اسف ريان مش هني كلهم عطلة وسكرتيرتي بعتتلك وراقي غلط هادم الاوراق الجدد
ليث..تامله فترة
ليث...الاوراق غلط ولافي حد يتلاعب بيهم يدور في شي باش يخدعني
ناجي..ابدا انت من يقدر يخدعك
ليث..انت ناجي ديما دير فيها وانا نفوتلك بي مزاجي زي الفلوس الي دفعتها لي ام رحاب لاكن يكون في معلوماتك اي تزاوج حتخش في حوش الليث وتحمل عواقبه
ناجي...ل..ل..ليث ..انت ..وانا اصدقاء وفلوس ام رحاب شي بسيط وا...وانا نعرف غضبك
ليث...ورحاب علاش قلت من مدينتكم وامك ساخفة عليها وهيا في الاصل بنت خالتك ؟
ناجي...ر..رحاب .امها اخت امي من الام بس
ليث..وهذا يخليها من نفس مدينتك ؟؟ سبحان الله مكنتش نعرف الاخوات الي من الام قرابتهم من نفس المدينه بس
ناجي..امي ...امي هيا السبب ماحبش رحاب وامها
ليث..تمام قول لي امك الي متحبش رحاب اني بديت مسؤل عليها اي شي يخصها والي يقرب منها حسابه معاي
ناجي...نصدم وفتح فمه
ناجي... شنوو رحاب ؟؟؟
ليث..شافله بغضب اطلع من قدامي ناجي
طلع يجري ناجي وطول اتصل بي امه وقالها علي صار
ناجي...ليث بدي مسؤل علي رحاب كيف شن القرابة الي بينهم شن الاعجوبة هادي ليها علاقة بي نوال
حسناء..بدت تعيط واتصلت طول بي سوسن واكدتلها الخبر
حسناء..رحاب بنت نوال ليث مسؤل عليها لا وفوقها تريا خلتلها املاكها رحاب بنت نوال الجعامة ؟؟الي تربت في الفقر
والجوع ...
رحاب ..كانت في السوق وتختار في اللبس بروحها من غير شيرة ريان الي كانت مقعمزة وفايتتها ورحاب مش مدورتها
بعدين طلعت رحاب
رحاب...انا منعطل هلبا لو تبي خودي السواق وروحي
ريان..وحضرتك وين ماشية ؟؟
رحاب...اسمعي مدخلكش فيا ومتدخليش فيا خيرلك ايواه وطلعت
ابتسمت ريان خدت تلفونها وكلمت ليث
ليث...نعم ياريان
رحاب...ليث رحاب طلعت ومبتش تعدل عليا وانا توا منعرفش مكانها حططت شكايرهت الي شرتهم في السيارة وقالتلي خوديهم
ليث...شنووو كيف صكر الخط في وجهها واتصل بيها لقاه مصكر لانه قديم ويستهلك في البطارية بسرعه
طلع من شغله يجري وطلع يدور فيها
ليث...شن اللعنة الي نحطيت فيها هاذي انا شن ها البنت هادي
**********
الحلقة الايضافية
رحاب ...مشت مركز التجميل تبي تبهرهم كلهم الي يظنو انها شينة ومتعرفش تلبس
اختارت تسريحة شعر وصبغة ومكياج وكل شي
خبيرات التجميل كانو ينصحو فيها علي بشرتها وشعرها ومكياج
واللحظات هاذي ليث قالب الدنيا عليا زي المجنون
في المحلات المقابلة الي خلت فيه ريان حتا انه مشي لحوش شادية وملقاش حد
ليث...تي وين مشت هادي
حراس ليث ...يدورو معاه ومطوقين المكان يدورو فيها
ابتسمت رحاب وطلبت من وحدة من البنات تساعدها في شحن تلفونها بعد معرفت انه مصكر وطلبت منه تفتحه
فتحاته البنت وخشت مكالمة
البنت...رحاب هانم اجاك اتصال
رحاب..مني ؟؟
ضحكت البنت وقالتها ...الملعون
ضحكت رحاب ...وقالتها ردي عليه وقوليله علي مكاني لو سمحتي كارولين مش حتخليني نوض
البنت ...الو
وتسمع صوت عياط
ليث...انتي وين متفهميش انني اقسم بالله نلقاك بس لما نقتلك
البنت نزلت النقال
رحاب هانم ...واحد قال والله لما بقتلك نخبرو علي مكانك
رحاب...هههههه قوليله
البنت ...اهلا وسهلا فيك رحاب معنا صالون تجميل more beautiful
ليث..قوليلها تقعد في مكانها تستناني ومتتحركش صكر التلفون
البنت مرعوبة
رحاب...قلك لازم تقعدي مكانك انتي منك خايفي
رحاب...هههه لالا
ليث...طول اتصل بالحراس وقالهم علي مكان رحاب وامرهم يسبقوه غادي يحرسوها لانه معنداش تقة فيها انه تطلع لي مكان تاني وهيا مش عارفة انه هوا بدي مسؤل عليها وانه حياتها تغيرت او حياتها معرضة للخطر
شافت رحاب شكلها في المراية وابتسمت بسعادة طلعت زي متبي وزي موصتها امها لما حلمت بيها امس انه تعيش بي سعادة
وهيا منستنش ثار جدها وانها حتنتقم وبعدين طلعت بتاخد حجاتها لان الحقيرة قالتها مش حناخدهم وهيا مش خدامتها
طلعت برا ولاحظت وجود الحراس عرفتهم لاكن هما وقفو ومتحركوش وراها
ضحكت هيا وخدت جزء من حجاتها الي شرتهم من محل التجميل وتبي مساعدة رجعت للحارس وقفت قدامه قعدو هما يتاملو فيها
قعدت تضحك عليهم وناضت واحد منهم لانه تعرفت عليه
رحاب ...حمدي معرفتنيش
الحارس ...فتح فمه ونصدم 
حمدي...رحاب هانم ؟؟ هاذي انتي ؟؟
الاتنين الي معاه نصدمو زيه ومش مصدقين انها هيا لين دققو فيها وعرفوها بعد متغيرت ملامحها من مركز التجميل لاكن مش للدرجة هادي
حمدي نزل عيونه من عليها
وفجاء وقت سيارة ليث
وراه الحراس
هيا ابتسمت بي هزوة
جي هوا وهيا مشت جنبه باش تركب في السيارة وابتسمتله هوا شافلها ا قعد يتامل فيها لاكن قال في نفسه انه بنت تشبهلها في بعض الحجات ومشي
ليث...مستحيل تكون هيا هاذي انثي وهديكا لا خلت رقبته دور لين وجعاته وعيونه معلقات فيها ونسي انه يدور في رحاب كل حواسه مع البننت
عمره مكانت حواشه تفضحه كان ديما مسيطر
فكر انه يطلب من الحراس انه يستنو رحاب وهوا يمشي يلحق البنت
لانه كل استجباته الحسية نشغلت في مراقبتها وهاذي اول مرة تصير معاه اول مرة تلفته بنت
ليث...لاكن خيره الحمار هذا يلحق فيها وناض يعيط عليه
ليث...انت تعالا هني
حمدي ..تلفتله انا سيدي...
ليث...ايه انت مهمتك تحرس رحاب مش تجري ورا النساوين
رحاب...ضحكت بصوت عالي
ليث...هذا صوت رحاب
مشي جنبها وقعد يتامل فيها
ليث...هااا هيا هاذي رحاب
ليث..الله ياخدك ليث ..تبي البنت الي اني مسؤل عليها تبدا عشيقتي رحاب عشيقة ليا اني مستحيل
شافلها من راسها لي رجليها كيف لابسة جينز اخر طرحات الموضة وسواريه مورد ابيض معاه بوت بني عالي وشنطة بونية وشعرها الي بارز جمالها منحنياتها كانت انثي كاملة
رحاب...اعجبتك يابابا ؟؟
ليث...بابا ؟؟
رحاب...ايه بابا
واقفة بتقة
شن رايك فيا وهيا تقيم في شعرها بدلع
ليث...بهدوء من اختارلك الحجات هاذي ؟
رحاب ...بروحي مش حلو ؟؟
ليث...حلو هلبا وين حجاتك حناخدوها
رحاب...حمدي يعرف مكانها
ليث...من حمدي
رحاب...الحارس
ليث...وانتي تعرفي علي الحارس
رحاب...ايه نشات بينا علاقة كويسة بين وبين عمالك دكتور ليث نعرف اسمايهم وعايلاتهم
ليث..بصراحة معنديش وقت منتعرف علي 3 مليون عامل
رحاب...تلاتة شنوو
ليث...مليون 
العطر الي بخاته شعل حواسه لاكن مستحيل من رحاب علي جتي
اتصل بيه ياسر انه يبي يحضر قراية الوصية
ليث...تمام باهي ياسر قتلك صكر التلفون توا
رحاب...من هذا الي تعالمل فيه زي الخادم ؟
ليث..ههه هذا ياسر ولد عمك
رحاب...ةلد عمي ؟!
ليث...ايه
رحاب...وانت تعامل فيه هكي
ليث..لانه يستحق المعاملة هاذي ياسر مش حمامة بيضاء لازم تعرفي ومرات يحاول يدير مشاكل
رحاب..نبي نمشي حوش خالتي شادية
ليث..توا ؟
رحاب...ايه ستاحشتهم
ليث..تمام وقال للسواق يوصلهم
رحاب تفكر انه لو ليث كان كويس ويعامل فيها كويس لاكن جده حبس جدها ظلم واتهمه زور وهيا حاطة شي هذا في راسها وحيكون شي هذا حاجز بينهم طول العمر ولازم تكشف الشي هذا باي تمن
تمارة وداليا نصدمو في رحاب بدهشة كبيرة
داليا...انتي بديتي زي الممتلات الي فالتلفزيون
رحاب..هههه بجديات
ومش لي شادية دهلتها معاهت للدار بروحها
وليث..يستنا فيها
بعد مطلعت
تمارة ..شن تبي رحاب يام
شادية فتحت الشنطة وكانت معبية فلوس
تمارة ...علااااش واخدتيها منها يام
شادية...قتلي لو تمارة عطاتك الفلوس هادم بترفضيهم ؟
سكتت تمارة بعدين قتلها امها
شادية ...رحاب تعرف انه مدفعناش الايجار من 4 شهور علي خاطر هكي عطتهملي لين خبط الباب
فتحت الباب
خش حمدي وحط شكاير ضحكت رحاب من ورا الباب
هاذي شوية حجات للجامعة ياتمارة نعرف لو رفعتك معاي مش حتاخديهم هذا علاش مشيت بروحي وجبتهملك
تمارة ..ياملعونة
رحاب..زيك تماما بالسلامة توا نرجع تاني دودي عندك حجات تو تعطيهملك تمارة
داليا ..عيطت بسعادة ومشت رحاب .....يتبع
