رواية ترويض الاسد الفصل العاشر10 بقلم ايه الدسوقي
ترويض اسد
الحلقة 10
...ليث...
ليث كان يفكر بينه وبينه نفسه انه رحاب منستش المعروف ومنستش عيلتها التانية من الهدايا
ركبت رحاب معاه السيارة
رحاب...نبي نشوف الشركة
ليث...مش اليوم عندي شغل هلبا واقف وانتي لازم تقري الي فاتك
رحاب..انا كبيرة منحتاجش انك تقولي وكان شكلها متغير كليا لاكن لسانها نفس اللسان
ليث...كيف منغيرلك لسانك ونديرلك واحد جديد
رحاب...منين منحصل لسان جديد ؟
..من المكان الي حصلت منه لنفسك علي هلبا لسانات لسان للشركة وهذا زي اللسان الي تكلم فيه منا
قعد هوا يتأمل فيها
رحاب...خيرك ؟
ليث..نفكر نحدفك من الروشن
رحاب ابتسمت ...هذا الي قدرت عليه معاي ليث
ليث...ليث؟؟
رحاب..ناديك زي منختار ليث ولا بابا
ليث...الله يحرقك في نار جهنم يارحاب
رحاب ..ادعيلي بالجنة خير وضحكت هههه
...الحب ليس ديانة ...
رحاب روحت للقصر وصلها ليث ومشي طول للمجموعة ريان كانت في مكتبها لما خش مشت تجري تسال فيه
ريان...لقيتها سليطة اللسان ؟؟
تجاهل الرد عليها زي عادته
لما يبدا بي مزاج سيئ ميردش وهوا توا في مزاج سي ولازم يحصل عشيقة جديدة لانه قاعدة بلا عشيقة واليوم لازم يحصل وحدة
علي تشرينة تلفونه قام الشاشة لقي الاسم جوليا
ليث... رد بصوت رجولي جويل
جويل ...انا ستاحشتك جدا
ليث...ابتسم انتي وين
جوليا...انا جيت منقعد هني لان تعاقدت مع شركة انتاج لي سنة كاملة
هوا ابتسم
ليث...استعدي منجيك اللليل مناخدك للعشي انتي قاعدة في نفس الجناح
جوليا ...ايه في نفس الجناح في فندق خوك اوس
ليث..تمام توا تشاو
طبعا جويل كانت ممتلة فرحانة هلبا لانه كانت متوقعة انه ميوافقش وي عادته لاكن هوا رحب بالفكرة واسعدها الموضوع مع ليلة لي ليث الصياد
ريان ...روحت قبله للقصر ورحاب كانت في الحديقة لما جت ريان في جنبها وابتسمتلها بمكر
ريان...ان شاء الله هاذي هيا الله ياخدها كيف بدت هكي ومشت تجري الداخل
ضحكت عليها ريان
ريان ...عمتي شوفتيها ريتها كيف ولت ياعمتي ؟؟
سوسن ..ريتها ياريان
ريان ... انا منبيهاش هني منبيهاش قريبة من ليث نهايي ياعمتي ساعديني
سوسن...اهدي ياريان حنتمه الموضوع قريب هلبا غير اصبري
ريان...كيف بينتهي ؟؟
سوسن ...اصبري بس
لما روح ليث تفاجاء بي رحاب مقعمزة في الحديقة ومعاها ياسر
ليث...الواطي مركز في صدرها التافه وجاه يجري بغضب
ليث...مقتليش انك جاي هني اليوم قتلك تعالا غدوة للوصية
ياسر ابتسم
ياسر...قررت نفاجئك والحمد الله درتها لقيت بنت عمي هني عندك وعيونه شبحو لي رحاب بي اعجاب
قعمز ليث
ليث...تمام قول شن تبي ياسر
ياسر ...انا منبي شي نيتي صافية وعندي قلب ابيض بعتني ربي اليوم باش نتعرف علي بنت عمي الحلوة ..اني مضايق اني تعرفت عليك متاخر رحاب
رحاب...متاخر هلبا لاكن مافيش مشكلة توا نعوضوها
ليث..تكلم بي اغصاب
تمام ياسر ..لو كنت جاي باش تتعرف علي من وصتني عمتي بفلوسها فالازم تعرف انها دارتني مسؤل عليها
ابتسم ياسر وعيونه يتاملو فيها
رحاب..تستاهل
ليث...بغضب خلاص رحاب نوضي مش عندك قراية
رحاب..كملتها
ليث...مشاء الله دروس اسبوعين تمو في ساعتين
رحاب...باش تعرف انه ذكية ياسر ضحك
وناض ليث
ليث...ياسر نبيك بروحك في مكتبي تعالا
رحاب...بدال متنوضه قتلي انه تبيه وكنت اني نوض
ليث..تمام نوضي رحاب
ضحكت هيا خلاص توا فتاتك وضاعت فرصتك برو انتم انا نبي نقعمز في الحديقة
ياسر ضحك علي رحاب وليث مشي بغضب
رحاب كانت سارحة وفجاءة لقت شخص واقف علي شباك الغرفة يشوفلها
زعما هذا بوهم ؟؟ علاش مقعمز بروحه وقررت انه تمشيله مهما كان الامر حتا لو قتلها ليث وحتا لو كان الموضوع خطير او بوهم مجنون ويئذيها لاكن موقفها شي ومشت طول
ليث..قعمز مع ياسر وحط رجل علي رجل وكلم ياسر
ليث..اسمعني كويس رحاب انا المسؤل عليها وعلي ميراتها ومش حنسمح لحد يتلاعب بيها او يخنبها او يقربها حد ابدا من يقرب عليها حيلقاني انا بالنرصاد
ياسر ..علاش تظلم فيا ليث ..انا بس نبي نتعرف علي بنت عمي مش اكتر من هذا
والحمد الله تعرفت عليها في حوشكم
***
طقت رحاب علي الباب ولما مجاوبهاش حد فتحت الباب وخشت
شبحاته واقف علي الروشن ومتحركش
قربت منه
رحاب..اهلين عمي
تلفتلها
كان راجل جميل هلبا بالرغم الشيب الي مغطي راسه لاكن كان حلو عليه
ابتسملها ومكانش يخوف شخص يخش القلب طول منغير اذن
رحاب...انت سراج الدين الصياد ؟؟
هوا ابتسم
سراج الدين ..ومن انتي ؟؟
صوته طلع عميق وغليض زي صوت ولده ليث
ابتسمت هيا
رحاب...انا قصتي طويلة لاكن قاعدة في حوشكم
ابتسملها
رحاب ..تبي تقعمز معاي برا ؟؟
سراج ..ابتسملها من يرفض التقعميز مع بنت في جمالك لاكن انا منطلعش
رحاب..الدكتور منعك من الطلوع ؟
سراج.. انا منعت نفسي
رحاب..ههه انت دكتور
سراج ..انا كنت مهندس
رحاب ..وتوا غيرت مهنتك وبديت دكتور ؟
ضحك هوا عليها وكان ناسي اخر مرة ضحك فيها
شدت رحاب ايده
رحاب..حنطلعو عمي انا نبي حد نتكلم معاه ولدك ليث ميهدرزش معاي الا لو امرني بس ومافيش حد في الحوش هذا يهدرز معاي
ابتسم هوا ومشي معاها كانت اخر مرة طلع فيها لما حاولو يغتالو فيه ليث هوا سمع الرصاص وشبح شن صار لان كان واقف علي الروشن قبل عام طلع يجري خايف علي ولده بعدين قال 3 كلمات لي ليث
دير حراس ليك
وتوا طالع بي سبب بنت مرحة خلاته يضحك
ياسر وهوا طالع فتح فمه ونصدم لقي سراج الدين ورحاب يضحكو ويشربو في القهوة مع بعض
ياسر ..عيوني في خلل انا ؟؟ ولا هذا سؤاج الدين حق الي هجر الناس من سنوات من لما كان عمري 13 سنة
جي جنبهم
ياسر ..اهلين عمي كيف حالك
شبحله سراج الدين ومباش يرد عليه وكمل مع رحاب
مشي ياسر مصدوم وجي ليث يجري وهوا مرعوب انه هوا الي يحمي فيه من كل الناس
ليث..انتي شن درتي رحاب ؟؟
وشاف لي بوه لقاه يضحك وشاد فنجان قهوة في ايده سكت
رحاب تضحك ..تعرف ياعمي في الجامعه ميكرهش حد الا اني
قلدت صوته
رحاب راجي نوضؤ وجاوبي علي السؤال
ضحك سراج الدين
ونصدم فيه ليث
ليث..انت بخير بوي
تامله سراج الدين وشبح لرحاب حط الفنجال وخش لداخل بسرعه كانه تفكر شي
وجري وراه ليث اطمن انه خش لي داره وغاب فترة ورجع لرخاب وجهه ميتفسرش
ليث...نبي نفهم شن الي درتيه
رحاب..شن درت انت نفسك شفته كيف يضحك انا طلعت بوك من الحبس
ليث... بوي مريض هذا علاش يقعد بروحه
رحاب .برايك قعاده بروحه علاج ؟ ولا انه بيقعد في خير ؟ بالعكس حيجيه اكتئاب من الوحدة بين الحيوط وانتم صغاره مش مهتمين بيه
ليث..وحضرتك جيتي تعلمي فينا كيف نتعاملو معاه ؟
رحاب ..والله مرات نكون جيت باش نطلعه من حزنه كان بخير ويضحك الشي هذا ميجيش بين ليلة وضحاها حيكون بخير كل ميطلع من داره ويهدرز مع الناس
ليث..بالك تحسابي اني هامل بوي انا وخوتي ؟؟عرضناه علي اكبر الاختصاصين هني وبرا ومافيش حل
رخاب..تعرفو علي مشكلته وحلوها مقالولكمش الدكتارة هكي ؟؟
ليث..مشاء الله بديتي دكتورة وعندك خبرة في الطب رحاب راجي ؟؟ عموما ..ايه قالونا نديرو هكي لاكن مافيش حل بي ايدينا درنا المستخيل وكنجحتش
رحاب ..هوا شن مشكلته
ليث..ضحك بهزوة
شني بتحليها انتي ؟
رحاب..بالرغم نكره جدك ومش حنخلي حق جدي الي عندكم لاكن طحت في حب بوك ولو كان الحل نقدره حنديره
ليث... هههه طحتي في حب بوي ؟؟ اعرفي انه الحب سبب مشاكلنا وكل مشاكل الارض سببها الحب وانا منؤمنش بالحب وانه في شي اسمه حب بوي حب مرته الي تزوجها بعد امي هلبا لاكن هجراته وهربت
رحاب...عيطت ؟؟ هربت بعد محبها
ليث..ايه تتفقي معاي انه الحب هوا اكبر غلط يطيح فيها الانسان ؟
رحاب...لا منتفقش معاك واصلا انا وانت في عمرنا مش حنتفقو علي شي برغم اني محبيتش ومكنتش بنت لي والدين حبو بعضهم لاكن نؤمن بالحب
ليث...انا ننكر الحب رحاب راجي ..مافيش ديانة اسمها حب
رحاب ...انت علي حق مش ديانة ليث الصياد لاكن الحب هوا وجود الديانات والديانات نزلت باش يحبو العباد بعضهم وتنحي الغل والحقد والبغضاء
ليث..ههه علاش مقريتيش فلسفة
رحاب...باش نلاقيك قالولي اقري فلسفة قلت لا دخلوني اقتصاد منقدرش نقرا بعيد علي دكتور ليث
ليث...ههههه القدر الاسود بعتك ليا
تعفلقت هيا
رحاب...خيالك صورلك اني سعيدة بمعرفتك وانت متعقد
ليث...اني متعقد رحاب ؟
رحاب ايه متعقد وانت لازم تعالج مش بوك لان علاجه بس يقابل المرا الي حبها
ليث..وانتي شن تحتاجي
رحاب...فنجال قهوة تاني بس
ليث...اقسم بالله رحاب مافيك عقل في راسك
رحاب ..الحمد الله مش معقدة انا
تاملها هوا بغضب وجي جنبها هربت وخلاته وهيا تضحك
ليث...انا معقد الله ياخدك
ليث وجويل سهرتهم اختصرها هوا بعد العشي طول
ليث...نتلاقو تاني جويل اسف اني مشغول غدوة ولازم نرقد بكري
نصدمت جويل وتاملاته تحسابه انه بيسهر معاها ومن خلال حديته تحسابه وعدها بي شي لاكن علاش تراجع
حتي ليث نفسه مكانش يعرف السبب علي تراجعه علي السهرة مع جويل ....يتبع
