رواية ترويض الاسد الفصل الثامن 8 بقلم ايه الدسوقي
ترويض أسد
الحلقة 8
**قصر الصياد **
رحاب...انا مش حنمشي معاك لي ولا مكان وانا زي مقلت منشبهش لي نساوينك المفضلات لانهم هما ساقطات وانا مش زيهم اكيد معميات هما لان معندكش شي مميز
داليا ... اكيد علي خاطر فلوسك بس يحبوك
رحاب...وانا منبيش منك تقييم لي شخصيتي ورايك ميهمنيش في لبسي وكنادري
ليث...اقسم بالله حيكون رايي في كل شي من راسك حتا نهاية صوابعك
رحاب..لو دخلت فيا حندخل فيك وتطلع خاسر
ليث..قبلت التحدي جمعي حوايجك بسرعه
رحاب...قتلك منبيش نمشي
ليث..الله ياخدك حنحرمك من الورث
رحاب..هههه
ليث...انا مسؤل عليك عامين
رحاب...الفلوس ميهمونيش
شادية...لا رحاب خليك عاقلة انتي تحتاجي للفلوس وفلوسك هلبا حتخليك وحدة تانية تفكري انك محتاجة للفلوس مع مرض امك لازم يكون عندك فلوس
رحاب...كان مشيت برو معاي انتم
شادية...لا يارحاب هذا حوشنا لاكن حنزروك ديمة يابنتي في النهاية انتي زيك زي تمارة وداليل تفكري وصية نوال يارحاب قتلك عيشي حياتك وافرحي ومتحزنيش بلا حداد علي خاطر روح امك
رحاب...نزلو دموعها
ناضت هيا وتمارة بدو يوتو في حوايجها وهيا متعفلقة
رحاب ...قدري الاسود ملقاش غيره
تمارة ...متحبوش بعضكم انتم ؟
رحاب...ايه من لما كان مجرد استاد وطالب كنا نتعاركو ويلز فيا من محضاراته
تمارة ضحكت ...
رحاب...انا مش حنتغير بروحي ياتمارة انتي وداليا خواتي حنأمنكم مستقبلكم نوعدك
تمارة مهم تكوني بخير وتاكدي حني معاك ديما
ليث...خدي رقم صاحب الحوش باش يكلمه لما جت رحاب لقاته يكلم فيه
بعد متم
رحاب ...اشريهولي الحوش هذا نحبه فيه ذكرياتي لو تقدر تشريهولي ؟؟
ليث...تقدرس تشري الشارع كله والشوارع التانية
رحاب...نبي حوش هذا بس ومصنع المنسوجات الي خدمت امي فيه
ليث...هاذي طموحاتك
رحاب...طموحاتي بلا حدود توصل للسمي لاكن توا اشريلي هاذم بس
ليث ...توا نتفكرهم
طلعو ومشو معاهم داليا وتمارة وشادية باش يطمنو عليها
طبعا كانت سيارة ليث راقية وفي حياتها متوقعتش رحاب تركب في هكي سيارة قعمزت هيا وتمارة وداليا من لتالي وشادية القدام
تحركت السيارة وراهم سيارة الحراس
رحاب...علاش الحراس هادم مناش خايف ؟
شبحلها بغضب وركز في السواقة
شبحت ليي تمارة واستغربو !!
داليا ...لو ربطناه رحاب كان حيقتولنا حراسه الحمد الله مربطناشي
رحاب ...ضحكت
داليل...شوفي عدلاته مستحيل نقدرو نربطوه انت متاكدة استاد جامعي ..ولا ملاكم
رحاب...استاد يا داليا
حسناء كانت تمشي وتجي في نفس المكان وتفكر شن صار ؟؟
ليث..شن عنده مع رحاب حراسها قالولها انه لقاها في الحوش
الكلبة ...مهربتش زي منبي
خشت السيارة للفيلا من بوابة كبيرة يحرسها مجموعه كبيرة
اعطي ليث بطاقة مغنطيسية للخارس دارها علي البوابة ونفتحت
رحاب...بوابة تنفتح بي بطاقة مغنطيس ؟؟؟
ليث...ايه وحنديرولك وحدة
رحاب...علاش هذا كله ؟
ليث..دواعي امنية
رحاب...وعلاش ؟
ليث...كل شي تعرفيه في وقته
خشت السيارة في طريق طويلة كانت حديقة معبية بالاشجار تاملتها رحاب بي اعجاب وانبهار
سرحت داليا الي عمرها مشافت زي هكي الا في التلفزيون
داليا..كنت نحسابه في التلفزيون بس المنظر هذا
طبعا كان قصر في منتهي الفخامة لونه ابيض وزليز رخام يوصل للبوابة وقف سيارته جوه الحراس يجرو كانه جنود يامنو فيه
نزلت رحاب والكل اجتمع من ايشارة من ليث
...ليث...هاذي رحاب هانم حتقعد معانا انا مسؤل عليها وهيا بنت راجل عمتي
كلهم رحبو بيها
بعدين خشت الدااخل والمكان كان ساحر
لقت لداخل مرا شعرها اشقر شافتلهت بحتقار
ليث...هادي مدام سوسن مرت بوي هادي رحاب راجي بنت راجل عمتي. وبتقعد معانا
شافتلها سوسن بعدم اهتمام
سوسن ...اهلا
رحاب ..ردت زيها اهلا
شاور بي ايده جوه الشغالات عرفهم بيها وطلب منهم يوصلوها لي دارها هيا وتمارة وامها واختها
سوسن مشت تجري لي ريان
سوسن...ريتي شن صار
ريان...شن صار ياعمتي
ليث..جاب بنت معاه بنت قال انه بنت راجل عمته وهوا مسؤل عليها
ريان..بيبي
سوسن ...لا شابة
ريان..شابة...كيف يكون مسؤل عليها مرات عشيقته جابها تقعد معانا
سوسن منظنش هكي متصلحش تكون عشيقته متشبهش نساوينه حوايجها قدم وشعرها ديل ومش حاطة مكياج ومداير زمالطو زي طالبات المدارس ممكن عمرها في ال18
ريان..معانها شينة الحمد الله
سوسن..مقلتش شينة قلت مش مهتمة بي نفسها عيونها خضر وضعيفة شعرها قصدلي وكتيف لو اهتم بي نفسها جمالها ينبرز
ريان...الشيت لازم نشوفها انتي تلاعبتي بي اعصابي
سوسن..ضحكت وريان طلعت تجري
رحاب...تشوف للدار بي اندهاش
تمارة...دارك تهبل هلبا
رحاب..جمان المكان بي جمال اهله ومنضنش موجودين فيه
خبط الباب وفتحت ريان
شافتهم كانو الزوز حلوات هلبا لاكن مش مهتمات بي نفسهم
لاكن عرفت رحاب طول من وصف عمتها
ريان..باحتقار ...انتي البنت الي جابها ليث؟؟
رحاب..شافتها ومتقبلتهاش كلامك هوا ينطبق علي العاملات لاكن اني اسمي رحاب راجي ومش البنت الي جابها ليث..
شافتلها ريان من فوق لي لوطا وطلعت
رحاب...شن البشر هادم ؟ كيف منعيش معاهم
تمارة ...اهدي رحاب مدوريهمش
داليا ...اكيد تغار منك يارحاب
رحاب..لا متغارش مني لاكن بعد اليوم حنهتم بي بنفسي ومنغير شكلي نبي نتغسر ونولي بنت جديدة ونعيش حياتي زي مطلبت مني امي
شادية...هكي الصح يابنتي اطلعي من حزنك ومتنسيش وصيت امك وانا شاهدة انها وصاتك متحزنيش وتعيشي حياتك تضحكي وتفرحي
فات الوقت وتعشو سمعت ليث يقول
ليث..بي انه غدوة مافيش قراية ياريان ارفعي رحاب وساعديها في شري الحوايج وحجات ليها
ريان..لاكن ياليت انا غدوة ...
ليث..انتي غدوة عندك المهمة هادي
رحاب..منحتاجش مساعدة توا نشري بروحي
ليث..ابدا نعرف دوقك
رحاب..انت متعرفش شي ليا
ليث.ساد الي نعرفه
رحاب...من اول يوم تلبسني علي مزاجك ؟
ليث..كل شي حيكون علي مزاجي تكمل عطلة الاسبوع وترجعي للقراية
رحاب..حنرجع مش علي خاطرك لان نبي نكمل قراية
ليث..رايك ميهمنيش يهمني ترجعي لي قرايتك
شافتلها بغضب ومشت لدارها
ليث..نوضي بكري غدوة باش تطلعي انتي وريان
رحاب..نشرب الحليب بابا ؟؟
ليث..ضحك توا نبعتهولك في فراشك
مشت خشت دارها وتدعي عليه
رحاب..الله يحرقك بي زيت منتهي الصلاحية
ليث....شن قلتي ؟؟
رحاب..مقلت شي ..
ليث..كلميني بي احترام خير
رحاب.مناش في محاضرة حني
ليث..حتا في الحوش تحترميني لاني مسؤل عليك
رحاب..الله يلعن اليوم الي بديت فيه مسؤل عليا وهربت للدار زي العادة لوحت كندرتها وحدة في باب الدار وحدة تحت السرير ورقدت علي السرير تلعن وتسب ....يتبع
