رواية ترويض الاسد الفصل الرابع 4 بقلم ايه الدسوقي
الحلقة 4
قعمزو القناص علي الارض هوا واريكا والحراس حاطين السلاح علي روسهم وجي مدير الفندق جايب تسجيلات الكاميرا الي طلبوها
لزه فهد البرا وقعمز هوا وخوه يتفرجو عليهم والحراس رابطينهم الزوز
طبعا التسجيلات مكانش فيهم شي ملفت للنظر والقناص خش بروحه معنداش سلاح لاكن اريكا خشت علي اساس صديقة فهد متمش تفتيشها والمسدس كانت دساته هيا في شنطتها وسلماته ليه بعدين
فهد..من انتي
ليث ..ومن قال منقتلوك حتا تسليم للشرطة مش حنسلموك حنحتفظو بيكم مقالولكمش قصر الصياد كان فيه حبس ارضي وكان قلعة لي واحد من حكام وجدي احتفظ بالحبس بعد مجدده لانه كان قيمة تاريخية لاكن حنستفيدو منكم باش نطلعو المعلومات الي نبوها
اريكا...ههههه حبس تحت الارض تحسابني عيلة
فهد وليث شافو لبعضهم وناضو ضحكو واشرو للرجالة يحطو عليهم كمامات وتحركو
طبعا غطولهم عيونهم الزوز وهما ينزلو فيهم للحبس حست انها تنزل لوطا زي موصفلها ليث زعما كان صادق
فهد..اطلقو ايديها
سمعت صوت تسكير الباب وبسرعه نحت الغطاء من عيونها لقت ليث وفهد قدامها مقعمزين رجل علي رجل وهيا داخل الحبس زي سجون القصور القديمة الي تشوف فيها في المسلسلات وقدامها في الحبس القناص
اريكا..انتم شن تبو منا
ليث ..يتوقف علي الي بتقوليهونا اريكا ولا حقا شن اسمك الحقاني
سوسن كانت محتارة في فهد وليث لما شافتهم يخشو من البوابة الي مفاتيحها عند ليث بس ومتعرفش شن فيها معأن و سبق وشافتها مفتوحة لاكن كل الي فيها حيوط بس وهيا مربعه بالطول مترين والعرض مترين ومستغربة كيف يقعد فيها هوا وخوه وزوز نفار وعلاش مغطين روسهم مش كانو متعاركين زي مسمعت ؟؟غريبين الاطوار هما
سكتت البنت وبعدين تكلمت
اسمي جوليا وانا مبعوته من كرستيان ناردوتشي
فهد..شنووو؟صاحب شركات الادوية
جوليا ...ايه كنا لازم نصفوك انا ومانويل انت تهدد امنه
شركاتك تنافس فيه بي شراسة علي خاطر هكي بعتنا ليك
*******
دين معلق
رحاب كانت تبكي هلبا كانت ترفض في الماكلة واي شي بعد مكلمت الدكتور لان امها كانت تعاني من انسداد الشرايين التاجي
وقاللها لازم قسطرة تشخصية باش يعرفو نسبة الانسداد مرات تحتاج لي عملية مستعجلة
تمارة حاولت تهديها وتخفف عليها لاكن شدتها بكي لان امها مريضة ومعندهاش حق العملية لانها تعادل 5000دينار وهيا معندهاش المبلغ هذا ولا قدرت تحصله منين بتاخد حق العملية لو حتاجولها لان حقها غالي زي مقالها الدكتور حوالي 10.000 ومعندهاش شي تبيعه حتا لو باعت روحها متقدرش توصله نزلو دموعها لان معندهاش شن تبيع وحتا سنسلتها باعتها للكشف
لاحوش ولا اراضي ولا عقارات بكت وبكت
نوال...بي ابتسامة متخافيش عليا يارحاب حنكون بخير ان شاء الله
رحاب قعدت تبكي هيا وتمارة وجت جنب امها وساندتها وقلبها يتقطع
انتي بخير يام
نوال...طبعا الحمد الله
رحاب انتي مش حتخدمي وانا حنخدم بدالك
امها..شنووو بتسيبي قرايتك انتي مش حتناقشيني في الموضوع هذا الا لو تبي تقتليني بالحسرة
رحاب...ودموعها نزلو
انا منبيكش تعبي روحك كيف نقعد معززة ومكرمة وانتي مريضة وتخدمي منقدرش يام
نوال...من قال انك متخدميش
قرايتك هيا نفسها شغل
رحاب...نبيك تتريحي منبيكش تجهدي روحك
نوال...انا بخير مرات تحاليلهم غلط
رحاب....بدت تبكي يما ارجوك
نوال..انتي ارجوك متوجعليش قلبي بدوتك هيا
جي الصبح ومشت رحاب وصت جارتهم شادية علي امها الي رفضت تاخد اجازة ومشت شغل
لان كان همها انه بنتها تكون بخير لو صارلها شي وصت شادية عليها وقعدت تبكي
شادية...شن تقولي حتكوني بخير
رحاب...مكانتش بدير هكي بس علي خاطر امها كانت مجبرة ومعندهاش حل حتا لو كرامتها نهانت علي خاطر امها انها تمشي لحسنا
الخدامة تفضلي ؟؟
اني رحاب قولي لي حسناء هانم نبي نشوفها
الخدامة تمام
مشت وجت
حسناء هانم راقدة
دمعو عيون رحاب
قوليلها حياة نوال قي خطر بالله عليك نوضيها
الخدامة سخفتها ومشت لحسناء وهيا تزلمط في ظوافرها
ياهانم سامحيني لاكن البنت شكلها حزينة وقالت ضروري نبي نشوفك وقتلك حياة نوال في خطر
حسنا...شن دخلي بيها منخدمش في فريق الانقاذ قتلك قوليلها راقدة وتوا تبلغيني بعد منوض
الخدامة حست بشعور مش حلو من حسنا الي بلا ضمير ومشت لرحاب
الخدامة..اسفة مقدرتش نوضها اول مانوض حنبلغها
مسحت رحاب دموعها كانت تعرف انها خالتها نايضة وتوزع فيها مشت تجري للدروج وميزت مكان الدار الي خشتلها الخدامة والخدامة تنادي يا أنسة ستني وين ماشية
فتحت باب الدار وكلمت حسنا الي كانت عكس اختها من امها بلا قلب ولا ضمير اما امها طيبة وحنينة وشافو لبعضهم
حسنا ..كيف تخشي لداري
رحاب ... وعلاش متبيش تشوفيني
حسنا ...مش مجبرة نشوفك
انا حرة في حوشي نقابل من نبي
مسحت دموعها وهيا حست انها نذلت
خالتي امي مريضة هلبا ممكن تحتاج لعملية قسطرة ولا حنفقدوها
مقالتلكش امك انه معندكش خالات
شهقت رحاب وقالت
اعتبريه دين عليا في اي وقت وحنكتبلك فيهم شيك
حسنا...ضحكت ههههه منين بترديهم من شركات امك مالا
رحاب...شن معندكش قلب ميجمعكش الدم مع امي
حسنا..منجاوبك علي السؤالين لا انا وهيا مناش خوات وامك متهمنيش انا اسمي حسنا سليم وامك نوال عثمان
رحاب...يوم من الايام حندفعك التمن كل الي صار اقسم بالله حسناء سليم ومش حننساك وربي ميخليش حق انسان مظلوم اصبري بس
وطلعت تجري علي دروج ودموعها في عيونها وهيا طالعة من الباب ناجي كان موصله ليث لان سيارته فسدت واستغرب ليث لما شافها في حوش ناجي
ليث.. شن البنت هادي وين نمشي نلقاها ولا انا نتخيل
ليث ..انت تعرف رحاب ؟؟
ناجي بي ارتباك
ر...رحاب ؟؟؟ انت من وين تعرفها ريتها طالعه من حوشكم
ناجي..هيا من نفس قريتنا وامي تعطف عليهم لان بوها سيب امها وهيا بيبي وامها فقيرة اكيد جت تطلب شي من امي
رحاب مشافتش ليث لانه كان في سيارته ولانها كانت تبكي زعما تطلب من ناجي فلوس
زعما مش نفسه ولد حسنا الي بلا قلب الي كان يتهزا هوا واخته علي حوايجها وهيا صغيرة توا بيعطيها فلوس مش حيديرها
مشت في جنبه بدون متكلمه الله علي الدنيا مصعبها
لاحظ ليث دموعها اكيد عندها مشكلة ودموعها دل علي شي انه حسنا محلتلهاش مشكلتها وهوا يعرف حالتها المادية
ليث...امره انه يلحق رحاب ويعطيها شن تبي مهما كان المبلغ وحيوقعله علي شيك تاني يوم
مشي ناجي يجري وراها ومشي ليث بي سيارته لمحت السيارة ومستشبه فيها انه السيارة مارة عليها من الطارقة بتاعتها وتحرك الحراس وراه وعرفت انه هوا
رحاب...الدراه هوا شن يدير هني اكيد هوا الي كان واقف مع ناجي
ناجي ...جاها شن فيك
رحاب..تبي تتشمت فيا ناجي جلال
ناجي..لا منساعدك شن مشكلتك
رحاب...نبي 5000
ناجي...علاش
رحاب ..امي مريضة بي شريان القلب وتحتاج لي قسطرة تشخصية باش نعرفو نسبة الانسداد لو كانت تحتاج جراحة ولا لا
ناجي..والي يعطيك الفلوس
رحاب...الي بيعطيني بيكون جميله علي راسي مدي حياتي ناجي انت بجد بتعطيني ؟
ناجي..اي حنكتبلك شيك بالمبلغ لاكن تدكري انه عندي دين في رقبتك مدى الحياة منعرفش كيف بترديه لاكن متنسيش الشي هذا
رحاب...نوقعلك علي شيك ابيض تفيد بالدين
ناجي..لا خليه دين معلق بينا
حست انه ناجي خبيث لاكن تحتاج للفلوس وكنبلها الشيك
رحاب وكان حتجت تاني
ناجي..ارجعي ودكري انه دينك يكبر
ابتسم بخبث وحست بيه انه تكره
*******
غياب
رحاب مش مصدقة انها حصلت الفلوس من ناجي ولد خالتها الي مش معترف بيهم هوا زي الظل لي امه يدير شن تبي وبس لاكن محتارة علاش عطاها الفلوس وعما الناس تختلف بين ليلة وضحاها ممكن ناجي بدي خير منهم لاكن علاش مخداش توتيق بالدين المهم توا حصلت الفلوس لكشف القسطرة وبعد هكي تقدر دير العملية
سحبت رحاب الفلوس من البنك وروحت للحوش
امها ...منين جبتيهم الفلوس
رحاب ...ناجي ولد اختك اعطاهملي
نوال ..شن وانت مشيتيله علاش ماشية
رحاب...انتي كوني بخير وانا نخش للنار علي خاطرك
امها..كيف قبل يعطيهملك
قالي دين
امها..مستغربة منين حترديهم
رحاب المهم غدوة نمشو للمستشفي ونسجلك موعد للقسطرة وان شاء الله متحتاجيش عنلية
امها ..ان شاء الله بس اوعديني معاش تطلبي من خالتك وصغارها
رحاب..خاطري نعرف سبب خلافكم
نوال سكتت وسرحت وقالت لرحاب
الماضي بدي ماضي المهم انتي متمشيش اوعديني يابنتي حتا لو حتجت العملية انتي متاخديش منخظ قرش واحد
رحاب..خلينا نعرفو تحتاجي عملية او لاء
امها عارفة الي في راسك تنفديه لاكن منضمن انك مش حترجعيلهم
امي كانت امكم وحدة واكيد عندك فلوس عند جدتي عند اختك
امها معنديش جدتك اعطتني نصيبي فلوس لما خش جدك للحبس وانا كملتهم لما وكلت محامي بفلوسي الخاصة باش يدافع علي جدك
سكتت رحاب وقالتها
نصيبك كان بس اتعاب محامي
جدتك مكانش عندها فلوس زوجها قبل موته اعلن افلاسه
خالتي من وين فلوسها هاذي كلها
امها...راجلها كان ذراع مصطفي الصياد الايمين وتوا ولده يخدم مع واحد من احفاده
رحاب..كيف تهمو جدي
امها... انتي تتفكري ؟
رحاب... انا نتفكر كل شي ونتذكر جدي كان طالع من صلاة العصر وشدوه وانا جاية من حوش خالتي شادية
امها ..جدك كان حارس عندهم في مخازن وفي يوم اكتشفو نقص كبير وكل اصابع الاتهام جت علي جدك وخداته الشرطة وهوا اقسم انه معمره خدي شي مش ليه وانا خديت حصتي وكلت محامي لي جدك والامر الكارتي انه لقو في حوشنا البضاعة المخنوبة ومحدش كان يعرف بي وجوده وبعدين طلعو براءة جدك وحد من الحراس قال انه هوا من دار هكي وطلب من جدك الاحتفاظ بيه بدون ميندري جدك منين مصدره
رحاب...لاكن ندكر حوار بيناتكم انتي وجدي الله يرحمه لما مشيتي تزورؤ فيه وانا شديت فيك دخليني وخدتيني وهوا يقسم انه مخداش شي وفي من حطها في حوشنا البضاعة وسمعت اسم مصطفي الصياد ونذكر انه سمعت اسم بوي في الحديث وقبل متم الاجراءات طلوع جدي مات في حبس بي حسرته علي الي داروه فيه
نصدمت نوال
مصار شي ومجبناش سيرة بوك انتي تتخايلي ممكن زمان طال عليك وانتي صغيرة
رحاب...كان عمري 12 والله ندكر لما قلتي عمر راجي والحديث شتد بيناتكم لما ذكر جدي الاسم ولزتوني بوي هوا الي خنب الشمينت ؟
نوال...لا نهايي
رحاب..نشك في شي دسي فيه عليا ومصطفي الصياد حيدفع التمن
نوال...الراجل مات ومعنداش دنب رجل لقي مخزنه فاضي والشرطة شكت في جدك لما لقو الشميمنت في حوشنا واكيد بيتهموه هوا
رحاب..دخله الحبس لين مات ومتتبتش البراءة بتاعه ومات بحسرته علي الي داروه فيه ومش حنخليها تمر بالساهل لين نعرف الي صار اقسم بالله حننتقم ونتبت حقنا منهم جدي عتمان مش زي اي جد وبس هوا الي رباني وسهر معاي انا وانتي وكان ظهر لينا وهما مسروه
ودموعها نزلو وبكت امها
رحاب...متبكيش كل شي حيكون بخير واحتضنو بعض
جي الصبح ومشي ليث لي المجموعه وقابله ناجي
ناجي .. صباح الخير
ليث..صباح النور كل الاوراق الي طلبتها جاهزة ويمكن توقع عليها
ليث...خليني نراجعها قبل
ناجي...شيت ميوتقش في اي حد بكل مافيش مجال وهوا يراجع ورا الكل
قام الاوراق
ناجي....رحاب راجي محتاجة واعطيتها 10.000
نزل ليث الاوراق الشيت معقولة تقامر وتلعب في الكارتة باش تبيع دهبها وتدين مبلغ زي هذا
ليث...في شن تحتاجها ؟
قالت امها مريضة وتحتاج كشف قسطرة وقيمة الاموال 10.000 وممكن بعدين تحتاج حق عملية
ليث..زعما تكون مدمنة وتقامر ولا تاخد في حشيش
قاله ناجي وهوا يكدب والله منعرفش كل شي وارد
ليث...مستحيلة تكون تقامر ولا مدمنة صح مجنونه لاكن مش من نوع هذا
وطلع دفتر شيكاته وقع علي 10.000 وابتسم ناجي انه طلع بي صفقة يكسب منها ضعف
ليث...قداش عمولتك
رعش ناجي وهوا يقيم في الشيك
الشيت مافيش شي ميعرفاش زي الشيطان
ابتسم وقاله 5000 بس
ليث منظنكش ترضا بي اقل منهم لاكن ميهمش مهم ساعدتها
رعشو ايديه ناجي
وابتسم ليث لانه كان يعرف انه ناجي خبيث ويحب الفلوس وميهمه حد غير مصلحته
رحاب كانت هيا وتمارة وشادية يستنو في امها وكانت تدعي ربها تكون بخير
ونست انها عندها محاضرة في جامعه
بشير اتصل يطمن عليها وعرف انها مش حتحضر المحاضرة وحيخطم عليها
ليث عرف انها مش موجودة لان مكانها فاضي وهكي حتمنع من دخول لي امتحان لو غابت محاضرة زعما وين مشت
قام الورق وطلع
بشير...دكتور لو سمحت
.ليث.. نعم بشير
بشير برعب ...
ليث... بي عصبية اتفضل
بشير...انا اسف دكتور رحاب امها مريضة وهيا مرافقة ليها و...
ليث ..تجيب شهادة طبية تفيد انها امها مريضة ومشي
نسمة ..تجري وراه دكتور هيا منافقة وامها مش مريضة انا نعرف متبيش تجي للمحاضرة
بشير..انتي الكدابة ورحاب متكدبش
ليث مهتمش بيهم ومشي
****
هروب من حب
****
رحاب ..طمنا دكتور
دكتور ..العملية لازم منها بي نسبة 95%
حطت ايدها علي راسها وطلعت تجري
وبدت تبكي
علاش دنيا تظلم هكي علاش يصير هكي
تمارة جت وراها
حتكون بخير متخافيش وحضنتها
ناضت
رحاب.. هيا خلينا نمشو نطمنو عليها وكانت تفكر كيف تقابل ناجي بلا علم امها
خدت امها للحوش ومشت لي ناجي في شركة ليث
رحاب... حيييي عندي محاضرة ونسيتها وهذا تالت غياب ولو غبت 4 ايام يفصلوني من الامتحان بتاعه يعني مزالي وحدة بس هذا القانون شن المصيبة هادي بس
وشبحت بشير جاها
كيف حال امك ان شاء الله بخير
رحاب..الشريان الايمين مصكر وتبي عملية مستعجلة
بشير كيف ومنين
رحاب منمشي لي ولد خالتي مناخد فلوس منه
بشير عندك ولد خالة
رحاب..ايه
بشير ..والله لو عندي فلوس كنت عطيتك
رحاب...نعرف يابشير
بشير ..من هوا ولد خالتك
رحاب..مساعد ليث
بشير ..شن !!!مساعد دكتور ليث
هيا ..ايه
بشير ..مش مساعده هوا خو باكو الالوان نسمة
رحاب ايه
انتي ونسمة بنات خالات
رحاب ايه ومكنتش نحب نقول لان امي وامها من الام مش نفس الاب وكل وحدة من بيئة معينة
بشير ..بس في اللاخير بنت خالتك
رحاب..هما ميعترفوش بينا وحتا حني منبو منهم شي غير مرض امي بس
سامحني منمشي ناخد الفلوس
بشير ..قال لي رحاب علي قاله دكتور ليث علي موضوع الشهادة طبية
رحاب..عنده حق حتا اني غبت هلبا
كانت خايفة رحاب هلبا ومتوترة كانها بتخش البيت الابيض
الحارس وخري يابنت خيرلك
رحاب ...قتلك اني بنت خالة ناجي
ونبيه ضروري
الحارس.. قتلك هادي شركات مش مكان زيارات ومش حندخلك بلا موعد وكان ولد خالتك اكيد عندك تليفونه خليه يأمر بخشوشك
بشير ..الامر مهم
الحارس برو ولا نادي الشرطة
شد بشير ايد رحاب هيا مستحيل نخشو
رحاب شن خاشين البيت الابيض حني
الحارس لا ابيض لا احمر وخري يابنت
رحاب ..تقول طلبنا مقابلة مع ترامب
عيط الحارس كرامب الله يشغيك وخري من هني
ضحك بشير ورحاب
يقول كرامب ويعيط زي كلب الحراسة وانا الي ربي يشفيني
الحارس كلب حراسة ؟والله لما ناخدك للشرطة علي اخلاقك وانك إثيري في الشغب وقام سماعة التلفون
هربو الزوز من جنبهم والحارس وراهم متعفلق علي كلمتها بالكلب
وقفو لما ابعتدو منه وشافت لي بشير وطربقو بالضحك وبعدين بدت تبكي
بشير.. حتكون بخير امك ان شاء الله
رحاب.. يارب وروحت للمستشفي لقت تمارة نهت وراق الخروج ويستنو فيها يروحو للحوش
نوال كانت حزينة ورحاب ساكتة تفكر كيف توصل في ناجي وصلت لقرار انه بتستناه في الطريق
رحاب يام منمشي للجامعه منقرا مع بشير محضاراتي
نوال...بري ومتعطليش
رحاب ..تمام وكانت حزينة انه كدبت علي امها
.....يتبع
