رواية ترويض الاسد الفصل الخامس 5 بقلم ايه الدسوقي
ترويض اسد
الحلقة 5
هروب من الحب **
كانت رحاب حزينة ومضايقه لانها اول مرة تكدب علي امها لو قالتلها مش حتوافق
قعمزت في مكان بعيد خارج البوابة وتستنا شبحت السيارة خشت الاولي لي خالتها هربت ادرقت طول والتانيه لي راجل خالتها
رحاب..ناجي ناجي
ناجي..جيتي مرة تانية عجبك الموضوع اني نعطيك الفلوس بي البلاش ؟
رحاب..امي بدير عملية تقدر تشوف وراقها والشهادات الطبية
مش حنقولك زورها عارفاتك مش حديرها وتجيها
شبحلها بي غضب
ناجي..قداش تبي؟؟؟
رحاب... 10.000
ناجي..قدااااااش؟؟
رحاب..اقسم بالله هكي كلفت العملية زي محسبوهالي بعد التخفيض ومراعاة ضروفنا
طلع من جيبه شيك وكتبلها المبلغ ومشت
ناجي... ناداها اذكري انه عندي دين في رقبتك وكبر
رحاب...ان شاء الله
علاش يعطيني كل الفلوس هاذي شن بيكون المقابل زعما ؟؟
رحاب...يام ناجي اتصل يسال عليك علي القسطرة ولما قتله اعطاني حق العملية
نوال...كيف !! ناجي ولد حسناء مستحيل يديرها ؟؟
رحاب..هذا الي صار
امها..رضت بالامر الواقع معندهاش شن دير
وجي اليوم الموعود يوم العملية
****
كانت نوال توصي في شادية علي بنتها وصت حتا تمارة
تمارة...باذن الله حتكوني بخير خالتي متخافيش
رحاب..شدت ايدها انتي مش حتخليني يام وحترجعيلي سالمة باذن الله
نوال..ابتسمت خليني نشوف لي عيونك الحلوة رحاب
رحاب...انا حلوة ؟؟
نوال..انتي ملاك ملكة جمال واحلا بنت في الدنيا غير مش مهتمة بي نفسك وتلبسي في لبسي وكنادري باش توفري الفلوس
تحسابيني منديريش عليك رحاب نعرف كل شي وعرفت انه ربي رزقني احلا واجمل بنت في الارض والدنيا
رحاب نزلو دموعها
متخلينيش يام انا نحبك ومعنديش غيرك
نوال..ربي هوا الي قادر علي كل شي ارضي بقضاءه لو قدرلي مت اوعديني متحزنيش علي خاطري وتعيشي حياتك وتكمليها ومتخليش شي علي خاطري كاني معاك لان روحي حتكون معاك اوعديني
رحاب...بدت تبكي متقوليش هكي يام ارجوك
نوال..اني نترجاك اوعديني وريحي قلبي يابنتي قولي نوعدك ارجوك
رحاب..نوعدك يام وانتي اوعديني انك ترجعيلي سالمة ونعوضك علي الي درتيهولي كله
نوال... دكري لو مرجعتش انك وعدتيني واعرفي انك اجمل شي في الدنيا عندي
الممرضات خدو نوال للعملية ورحاب انهارت بالبكي قعمزت علي الارض تبكي وجتها تمارة
حتكون بخير خالتي نوال قوي نفسك انتي ديما قوية
رحاب..معنديش غيرها هيا كل عيلتي امي وبوي واختي وكل دنيتي
بكت شادية
يابنتي حرقتيلي قلبي ارجوك اصبري وادعيلها
بكت رحاب وضمتها تمارة الي كانو زي الخوات وامهاتهم اكتر من خوات زي العيلة الوحدة
**
كان ليث متملل هلبا معنداش ميدير بعد مروح من العمل ومرقدش مع ولا مرا بعد الي صار مع اماندا
ليث...الشيت النساوين كلهم همهم الحب معندهمش شي تاني يفكرو فيه وشنهوا الحب اصلا وكيف يحس الواحد انه يحب ؟؟هوا الملعون سبب مرض بوي بعد مهربت مرته وبدي عايش كانه في عالم تاني
سراج الدين حب مرته وهجراته وهربت ودمراته نهائيا علي خاطر هكي ليث يهرب من الحب يعتبر فيه زي الطاعون يقتل
سبب انه بوه عايش زي الميت حتا ولاده خلاهم هما وصغار ورباهم جدهم القاسي الي زرع فيهم ان الحب شي لازم يبتعدو عليه لانه فقد حنان بوه وعمره مكدب علي بنت ويشرط عليهم لو حبوه يبعد من عليهم وميدخلش في علاقة الا لو وافقت البنت بي شروطه والي تحبه يبدا غلطها وحدها
***
الحلقة الايضافية
وصية
طلع الدكتور وجاته تجري رحاب وتمارة وامها
الدكتور
الحمد الله العملية نجحت وحنحطوها في العناية المركزة لي 24 ساعة وبعدها حتكون بخير ان شاء الله
رحاب فرحت وحضنت تمارة وشادية
الممرضة..دكتور دكتور النبض ضعف
خش الدكتور يجري
رحاب ..انهارت وبدت تبكي شدوها شادية وبنتها
بعد نص ساعة انتظار
الدكتور هز راسه وحزين
عيطت رحاب وساخت
تمارة...رحاب رحااااااب
***
بعد مفاتو ايام من وفاة نوال ام تمارة رحاب صكرت علي روحها الدار لاماكلة لاشراب رافضة كل شي
**
شادية حرام عليك يابنتي امك وصاتك علي نفسك انتي وعدتاها
رحاب..مش قال نجحت العملية مش قال 24 ساعة وتطلع حالها باهي مش قلتلها متسيبنيش بروحي علاش علاش مشت وخلتني
شادية بدت تبكي
علي خاطر روحها الي تحت التراب مدريش في عمرك هكي لو امك عايشة مترضاش بي هكي تفكري وصيتها وصاتك متخشيش في حزن عليها وانك وعدتيها قتلك عيشي في سعادة بدون حداد عليها كانها معاك وروحها معاك
رحاب..اني سبب اني الي قتلتها لما درتلها العملية لو مدرتهاش راهي مماتتش
شادية ..انتي نيتك خير بتساعدي امك كيف تقولي هكي كنتي تبيها تعيش لاكن ربي اختارها
تمارة بدت تبكي
انتي تعدبي فيها حرام عليك
***
ليث كان يستعد للنوم لاكن شرين تلفونه وكانت عمته
ثريا الصياد
ليث..توا هذا وقت اتصال ياعمتي حتا بي فارق الوقت
ثريا...ليث لازم تجي
ليث..شنووو !!نجيك
ثريا...اكيد في كندا
ليث ..انا مشغول ياعمتي و...
ثريا...لو عطلت 24 ساعة مش حتلقاني
ليث...تبصري عليا في الليل ياعمتي وانتي وين بتمشي ؟
ثريا ..عندي اللوكيميا
ليث...ناض قعمز شنوو انتي تبصري
ثريا ..انا عندي اللوكيميا سرطان الدم
حاولت نزرع نخاع العظم لاكن منجحتش وانتشر المرض
ليث..مستحيل مستحيل
ثريا...غير تعال غدوة بالسلامة
ناض هوا بعد مغلبه النوم معقولة عمتي فيها سرطان عمتي القوية الي يخافو منها الرجالة توا ضعيفة ولا حول ولاقوة ليها
اتصل بالمطار يوتوله طيارته بسرعه مش حيستنا للصبح لان صوتها ميمطمنش نهائي
حاول يتصل بي فهد لاكن تلفوناته كانو مصكرات ولما اتصل بي حوشه ردت الخدامة وقتله مسافر لاكن متعرفش
ليث...زفت يتصرف زي المراهقين ميقولش لحد وين ماشي
ومتعبش نفسه واتصل باؤس لانه عنده مهمة سرية ميعرفهاش حد
**
في خلال ساعتين رتب اموره وقال لي ريان اهتمي بالمكتب في رسالة بعتهالها
ناضت ريان مفزوعه
شن مسافر هذا ولا شن
نزلت لقاته شاد شنطة صغيرة ونازل
ريان..ليث انت ...
ليث..معنديش وقت نشرح اهتمي بالمكتب وبس زي مقتلك والغي كل مواعيدي وناجي توا يتصرف زي منقوله ومافيش ورقة تتوقع قبل لا نجي وطلع
ريان..الشيت وين ماشي هذا ؟؟زعما لوحدة من عشيقاته ؟ بعد ما هجر اماندا اكيد ميقدر يقعد بلا مراة
عرفت انه هجرها لما بعتلها ورد وخاتم الماس وداع مع كلمة حظ موفق لانه كان هكي يدير مع كل بنت
طارت الطيارة وكان يلهي في نفسه بالشغل لاكن بدون فايدة كان يفكر في عمته لين وصلها
اتصل بيعرف مكانها ومشي لي فيلتها لاكن ملقهاش لقاها مجورة اتصل بيها و ردت الممرضة عليه وقتله انه في المستشفي ليها شهور وعطاته العنوان
اول موصلها لقاها راقدة في سرير ابيض ودار حلوة لما شافها لاقاها كابرة 10 سنوات
وعمته كانت تبان اصغر من عمرها كانت شاحبة هلبا زي الورقة البيضاء والتجاعيد معبية وجهها وكانت ضعيفة هلبا جلد علي عظم
*****
ليث ..انتي بخير عمتي
ثريا...زي متشوف فيا لاكن جيت بسرعه زي متوقعت كنت الانسب في خوتك لي المهمة هادي
ليث..اي مهمة
ثريا قعمز
الممرضة ...متجهديش نفسك في الدوة
ثريا ..لازم نقوله علي كل شي مرات نموت وملحقش
ليث...شافلها بصدمة وقعمز جنبها ومعنداش حل يديرهولها
ثريا ...تعرف راجلي المرحوم ولاه ؟
ليث ..اي نعرفه
ثريا ...هوا عم ياسر او ولد عم جلال راجل حسناء بو ناجي ونسمة
ليث...ايه
ثريا راجلي تزوج بعدي وحدة لاني منجيبيش في الصغار علي خاطر هكي تزوج من ورا ظهري وحتا مرته كدب عليها ومقالهاش انه متزوج ولما دريت انا قلبت الدنيا علي راسه وهوا كان ضعيف قدامي خليته يطلقها وبعد 12 العام عرف انه مرته حامل وجابت بنت لما سمع تواصل مع امها وحاول انه يرجعها انا دخلت وطلبت من جلال يدربلي مؤامرة باش نبعده عليها هيا وبنته وساعدتنا حسناء الي هيا اخت مرت راجلي وهيا الي قالت لي اختها انه متزوج مني حسناء كانت حقيرة ساكتة لانه عمر دفعلها فلوس علي خاطر هكي مقالتش لي اختها انها متزوج لما دفعتلها انا اكتر باعت عمر وقالت لي اختها انه متزوج
***
وحتا ساعدتني انه نبعد عمر علي بنته ومرته بعد اكتشافه لي بنته توا ياولدي مش حنخش معاك في حوار طويل نبي نعوض البنت وامها علي ظلمي ليها وكتبت انا عقد بيع لكل املاكي للبنت وانت حتكون المسؤل عليها
ليث...شنوو مسؤل علي من
ثريا علي البنت ليث لين تبدا بالغة راشدة هيا توا عمرها بين ال19 او 20
ليث...انا منين منجيبهالك ياعمتي
ثريا ...مش ليا بتجيبهالي ليك انت ياعمتي
ليث...وانا شن مندير بيها
ثريا ..ليث درتك وصي عليها
ليث...الشيت شن تشوفي فيا مربية صغار
ثريا..تبيني نموت ونخش نار جهنم ؟
ليث..شن انا الي قتلك اظلمي خلق الله باش نتحاسب انا بي تربية عيلة
ثريا ..لو رفضت انت حنعين ياسر ولد عمها علي الاقل هوا ولد عمها وتكون كل الشركة في ايد ياسر
ليث..الهم الاحرف وانا شن بيوصلني ليها ؟
ثريا..نعرف كيف توصلها برا لحسناء سليم اضغط عليها باش تقولك علي مكان اختها وبنتها قلها نعرف الي صار هددهت ليث انت تقددر تتغلب علي الموضوع وحتوصل لي الي تبيه
ليث..من قالك نبيه نوصلها اصلا
ثريا...خلاص احمل ذنبها انت خليتها في رقبتك الوصية وانت حر تبي تسمع لي وصيتي
ليث...ماهو عندي حل تاني
فجاءة غمضت عيونها بألم
ليث...عمتي عنتي
الممرضة جت تجري هكي تخش في غيبوبة مرات
ليث طلع برا المستشفي وعنده هم البنت هوا كيف بيتصرف مع بنت صغيرة خلاته وصي عليها بالسيف من عليه ولو رفض ياسر بيستولي علي كل شي ومرات مينفدش الوصية زعما لي اي بنت بيبدالها بو
ليث...شنووو !! بوها ؟ شن منكون لي بنت راجل عمتي غير بو
هيا عمرها 19 وانا عمري 34 يعني 15 سنة بيناتنا ربي يصبرني وخلاص
جاته الممرضة
الممرضة ..ليث باشا الدكتور يبيك
ليث مكانش يبكي لاكن كان يحس بي وجاع عمته ماتت كيف بيقول لي بوه وهوا مريض ميندريش علي شي وحيزيد مرضه وبيقعد ساكت
تم الجراءات بروحه
بعدين اتصل بيه فهد بعد مقالوله ليث اتصل بيه
اول مسمع لحقه طول ودفنوها ودارولها عزاء في كندا زي مطلبت منهم انها تندفن جنب راجلهت عمر راجي لانه حباته هلبا لاكن هوا شن دارلها خانها وخان بنته وزوجها
ليث...فعلا انا صادق لما قلت انه الحب وباء لازم نبتعد عليه ؟؟عمتي بي سبب حبها لراجلها ظلمت بنت وامها وبعدت بنته علي راجلها توا الحب مش ازفت شي في الدنيا وخلتني بو لي بنت في عمر 19 سنة
هذا الشي خلاه يفيق من الكابوس حتا فهد مقالاش انه بدي بو وصي علي بنت
اكيد الملعون حا يتشمت ويضحك عليا الشييييييت
....يتبع
