رواية ترويض الاسد الفصل الثلاثون 30 بقلم ايه الدسوقي
ترويض أسد
الحلقة 30 ما قبل الأخيرة
..لا اتذكرك ..
في باريس كانت رحاب ورغد فرحانات بيطيرو من الفرح
لما جو بيختارو الفيلو لزو ليث برا قعد مع ايهم
ورحاب شرت هلبا حاجات
رغد..هذيكا الحسودة دارتها متعمده باش تزعجنا لاكن من نصيبك كسبنا رحلة لي باريس
رحاب..ايه لاكن كوني حذرة منها حقودة وملعونه شكلها وتقدر دير اي شي وهذا رايي فيها
رغد..شن دخلي فيها اني
رحاب..منعرفش لاكن نحس فيها تبي ايهم وتحبه
رغد..متهمنيش تاخده وبتعدو علي حياتي
رحاب..احساسي يقول انه ايهم يميل ليك عنده شي ليك
رغد..اني معنديش اي شي ليه ومنظنش انه يميل ليا
شرين تلفون رحاب
رحاب...ههههه هذا خوك
اهلا ليث
ليث..روحي مزال في شي ولا تميتو
رحاب..خلينا علي راحتنا
ليث..حبيبتي بس علي خاطر الغدي كلمتك ناكلو شي وبعدين ارجعو بضعو
رحاب..تمام
مشو بيتغدو في مطعم فرنسي كان قنين هلبا والماكلة حلوة
ابتسم ايهم وهوا يشوف لرغد
رغد..نعم خيرلك تشوفلي
ايهم..ههههه كنت نفكر انه شعرك طول بسرعه ياسنفورة
رغد..تحب الشعر الطويل
ايهم..هلبا
رغد..ابتسمت معناها حنقص شعري
ايهم..علاش ديري في الي يضايق فيا ياسنفورة
رغد..متقوليش سنفورة واعرف انك مدخلكش فيا اني اصلا ندير شن يضايقك وانا مش متفكراتك باش تكلمني
ايهم ..تصنع انه مصدوم
اه ياقلبي رغد الصياد مش متفكرتني حي علي العار
ليث ورحاب ..ههههه
ليث..ناض تعالي حبيبتي في شي منوريهولك
ابتسمت رحاب وجها تغير
ناضت معاه وكانت عارفه هوا في شن يفكر طول الطريق كان يترجا فيها تشري ارواب من نوع خاص وهيا رفضت لين قنعها هوا في النهاية بيختارلها
رغد ..كانن تتكلم مع تمارة بالواتس اب
ايهم..من تراسلي ياسنفورة
مردتش عليه هيا وقعد تراسل في تمارة
بسرعه هوا فك منها التلفون وشاف في من تكلم
ايهم..من تمارة؟؟
بسرعه هيا خدت التلفون من يده وضرباته علي صدره
انت شن دخلك يابارد
ايهم..هههه اني ولد عمك
رغد..منعرفكش ومنعترفش بيك
ايهم..تمام تعالي نتعرفو
اني ايهم عز الدين مصطفي
رغد..حطت ايديها علي راسها وقالت يارب صبرني
ايهم ..ضحك عليها وهيا متعفلقة
ليث كان مع رحاب اختار شن يبي لي رحاب وابتسمتله الموضفة
الموشفة..عندك ذوق راقي بالفرنساوي
رحاب..تكلمت بالعربي قولي عنده ذوق منحرف
ليث..ههههه
بعدين خداها ومشو لمحل ذهب اشرالها هلبا حاجات رغم رفضها تشاركز في اختيار حاجات لرغد ولو قالت معجبوهاش قال لرحاب انه حيجيبها تختار غيرها لان المكان قريب
ايهم..بعد مرجعو ناض ومشي ستاذن منهم وقالهم حيرجع بسرعه
رغد..فرحت وتبكي فرحانه بالذهب بتاعها
رغد..ليا اني هاذم
ليث..طبعا حبيبتي رحاب جابتهملك
رحاب..ليث شراهم رغد زي مشرالي
رغد ...شكرا ليث
ليث..متصدقيهاش هيا الي شرتهم ولو معجبوكش ناخدوك تختاري غيرهم
رغد..كله يهبل هلبا
بعد ساعه رجع ايهم
ابتسم وحط باكوين قدام رحاب ورغد
ايهم..نتمنا يعجبكم ذوقي
فتحت رحاب الباكو وكان فيها عقد لؤلؤ ابيض وخراص وخاتم
رحاب..الله يهبل ايهم ياخد العقل شكرا هلبا علاش مكلف روحك
ايهم..في شن كلفت روحي رحاب الموضوع بسيط ومرت خوي هيا اختي
رغد....مكانتش تبي تفتح الباكو لاكن في اللاخير فتحتها وكانت نفس هدية رحاب وعجبتها هلبا
رغد..حلوة هلبا شكرا
ايهم...الحمد الله انه في شي عجبك
رغد..نردهالك ولا تسكت
ايهم...ههههههه لالا نسكت
طبعا رحلة الرجعه ليث مقعمزش جنب ايهم زي مصار في رحلة المشي خش قبل رغد وقعمز جنب رحاب
رغد ..علاش متقعمزش جنب ايهم وتخلي المكان هذا ليا اني
ليث..علاش انتي متقعمزيش جنب ايهم وتخليني مقعمز جنب مرتي
رغد..لا قعمز انت في جنبه كل الي قعد 4 ايام وتكون معاها
ايهم..شنو ولد العم هذا شن فيه باش يتقاتلو الناس علي بعده
ليث ورحاب...ههههه
رحاب..خلاص نقعمز اني جنب ايهم و...
شد ليث ايدها
ليث..رغد وافقت تقعمز جنب ايهم
رغد..موافقتش وحنقعمز بروحي وانت اشبع بمرتك ليث وتحركت متعفلقة قعمزت بعيد
ضحكو كلهم عليها
ايهم...ليث انت واختك سمعتو انه فيا مرض معدي
ليث..ههههه
رغد..عجباته بلوية فمها
ليث ورغد كانو مستمتعين في عالمهم الخاص
ليث..لو صار حنكون اسعد راجل
رحاب بخجل..هكي حيلخبطلي قرايتي ليث
ليث..مش حيصير ياعمري حنقريك اني في كل المواد انتي دريها واحملي بس
رحاب..لو مصارش ليث مرات ربي ميكتبلناش
ليث..انتي قلتيها عمري مرات ربي ميكتبلناش وقتها بس حنقبل بامر ربي اهي عمتي مجابتش صغار
ليث..لاكن راجلها خانها
ليث..اني مش حنخونك في عمري حبيبتي في فرق كبير بيناتنا في العمر حتقعدي ديما مرتي صغيرة
رحاب..انت درت تحاليل كاملة وطلعت تقدر تنجب معناها لو مصارش مني انا
ليث..لو صار لاقدر الله ومجناش بيبي هذي قدرت ربي وارادته رحاب وانا شخصيا جبت احلا بنت من الي بديت مسؤل عليك ضحكت هيا
تلفتلهم ايهم
ايهم..ناس يضحكو فرحانين وناس يتفرجو علي السحاب
ضحكو الزوز عليه
ايهم..وسنفورة تشوف ليا بي طريقة السفاحين نشك انها بتقتلني لو غفلت عليها او رقدت
ليث..هههه اختي بنت رقيقة ايهم
رغد..منبيش نكلمك حتا انت ليث خليتني مقعمزة بروحي وقعمزت مع رحاب
ليث...تمام تعالي قعمزي معاها وانا نحاول نتحمل ايهم المنبوذ
ايهم..هههه حي علي العار
ليث..هههه
جت تجري رغد قعمزت جنب رحاب
بعد مروحو ميسان تشوفلهم بغضب بالاخص انه ايهم مشي معاهم بدون نيطلب منها تمشي معاه
ميسان...شن قصة تلحيق ايهم للقزم رغد عنده زعما شي خاص ليها اني قدرت نبعد هلبا عليه ومش حتغلبني اي بنت حتي رغد هاذي مش حنحمل اي هم منها ايهم ليا اني وبس حتي القدر خلا امي تموت باش نعيش جنبه حتي لو اضطريت نقتل حد علي خاطره حنديرها زي مدبرت قصة الحادت المروري الي ماتت فيه شهد بنت خالي لانه عندها مشاعر اتجاهه ودبرتلها قاتل مأجور يدف سيارتها وطيح في الوادي
اني عندي هلبا فلوس بوي يعطي فيا باش يعوضني غيابه
وصفاء خالتي تسخف عليا وتحبني لاكن هيا متعرفش حقيقتي اني في رايها بنت مسكينه وضعيفه الي فقدت امي ...
