رواية ترويض الاسد الفصل الحادي وثلاثون 31 والاخيرة بقلم ايه الدسوقي
الحلقة الأخيرة
...ماذا تنتظر..
يوم العرس كانو كلهم علي استعداد في القصر اوس وفهد قعدو في القصر وبدي معبي من العيلة والاقارب وميسان في اسوء حال بسبب وجود وعد بنت خالها اخت شهد الميتة والي كانت مساعدة لي ايهم طبعا عزمهم سراج الدين وكانت وعد وميسان ميحبوش بعض نهائي
رغد .كانت وصيفة العروسة هيا وتمترة وداليا
ابتسم ليث وهوا يشوف لرحاب وهوا خاشلها في وسط الصالة وكان سعيد هلبا
طبس باس ايدها وجبهتها
ليث..انتي تهبلي طالعه ياروحي نتمنا متكونيش مليت من حضن الدبوب لان نبي حضني
ضحكت هيا والكلهم يشفولها
ابتسمت تمارة
تمارة ....رغد كانه رحاب وليث يتعاملو بصورة طبيعية
رغد..مفهمتكش
تمارة ..رحاب طبعها خجولة لاكن شوفي نظراتها لي ليث توا
رغد..ممكن تعودو علي بعض
تمارة ..كيف
رغد...هههه في النهاية هوا راجلها ومن حقهم اي شي متدقيقيش هلبا
تمارة..هههه شفتهم يبوسو في بعض لاكن شكله ان الموضوع فات هكي
رغد..انت ذكية هلبا ههههه
ضحكو الزوز
طلعو الزوز للمطبخ يشوفو في العاملات شن يوزعو
فهد خش المطبخ
تمارة ...لبست طول وشاحها
الزكرة تضرب ليه ليه برا مش عادية نبي حد يرقص معاي
رغد..اني نكره الرقص
فهد.. ابتسم وتلفت لي تمارة.. وانتي
تمارة ..تكلم فيا اني
فهد..مافيش غيرك انتي ورغد في المطبخ الا لو كان شيطان
تمارة..ممكن فيه شيطان تقدر ترقص معاه وانت تستحق
رغد..هههههههه
فهد... لسانك مقص
تمارة..باهي باش متتأذاش مني وخر من طريقي
فهد...ارقصي معاي نمشي من عليك
تمارة...لو تموت قدامي مانيش راقصة معاك
ايهم ..خشلهم تعالي سنفورة نرقصو
رغد..حسبي الله ونعم الوكيل وطلعت مشت
لحقتها تمارة وضحكو عليهم الزوز
طلعو الولاد الزوز يرقصو
لحقوهم ميسان وعد
مشت تجري وعد ترقص مع ايهم وميسان عيونها فيها بواقحتها كيف ترقص مع ايهم عيني عينك قدام ناس
فهد...جاها خيرلك لتوا عيونك عليه ميسان
ميسان..وانت سيبت تخدع النساوين فهد الصياد علي الاقل هوا صادق ميكدبش علي البنات
فهد..اني في عمري مكدبتش علي بنت ميسان
ميسان..تمام هما معتقدين انك تحبهم
سراج الدين ..مبتسم وفرحان بعرس ولده وخش لمرته فريدة يشوف فيها لقي رغد مقعمزة بروحها
سراج الدين ..رغد لازم تعيش حياتها زي اي بنت طبيعية يافريدة ترقص وتلبس قفاطين وتفرح
فريدة..توا متحسنه علي قبل بالاخص مع رحاب لاكن منعرفش امتا تبدا طبيعية مرة وحدة
سراج..لو لقت نصيبها وحباته تبدا طبيعية
فريدة..ان شاء الله تلقا من يستحقها
ليث..حنعوضك حبيبتي شهر عسل غير يكملو الامتحانات
رحتب..وتوا نهاية اسبوع ليث وين منقضوها منقدرش نرقد معاك ونواجه الناس بالاخص عمي وخالتي
ليث..ههه مش حنقضوها في الحوش كل نهاية اسبوع حتكون عطلة لينا زوز
الجناح الي بيسكنو فيه تغير بالكامل علي خاطرهم بعد مرفض سراج الدين انه يطلعو من القصر وايدت فريدة ورغد رايه
قعدو يرقصو وفرحانين لين تم العرس ورفع ليث رحاب
ابتسمت رحاب وهيا تشوف في الحوش الي رفعها ليه ليث كان في الريف ويحيط بيها بحيرة وخضرة وهواء نقي واصطبل خيول خاصة بي ليث
لف ايديه عليها .
ليث..عطبك حبيبتي
رخاب..يجنن يجنن هلبا ليث
ليث..فرحان لانه عجبك
رحاب...تحب الخيل انت
ليث..هلبا لاكن مش اكتر منك
رحتب ابتسمت
ليث..تخافي منها عمري
رحاب..شوية بس منعرفش كيف نركبها
ليث..حنعلمك كل شي ياعمري ونخليك تركبي معاي عليها متخافيش وباس خدها
ليث...مش ساد روحي 6 ايام نحلم بيك بين اديا حتا واني نخدم في المكتب بتهبليني
صوته حرك مشاعر رحاب وابتسمت بخجل
ليث...استاحشتني زي مستاحشتك
وجها تغير وتحشمت هلبا
ليث..اتفقنا نحكو في كل شي عمري ولاه
رحاب..ستاحشتك
ليث..تمام شن نستنو اهو انتي واهو اني خلينا نحطمو شوقنا وحاجتنا لبعض غمضت عيونها من قوة العاطفة الي شعلت قلبها وكان صادق كل شي مباح علاش يستنو
قامها ومشي كان قلبها ينبض بقوية يدل علي قوة مشاعره
خشو للدار وصكر الباب برجله نزلها لوطا و */÷#!$**#@-*)&$#$/*؛#=
عارفين الباقي
رحاب..ليث
ليث..عمري
رحاب..نحبك هلبا هلبا هلبا
ليث..ابتسم انتي روحي ونحبك هلبا هلبا هلبا رحاب راجي حبيبتي
...القلادة ...
ليث ورحاب حياتهم كانت منورة بالحب
في يوم من الايام قبل العرس بيوم واحد ليث دار مفاجاءة لرحاب مش حتنساها في عمرها
كانت مقعمزة طلب منها تغمض عيونها
رحاب...شن في ليث
ليث..هههه بس غمضي عيونك روحي هاذي مفاجاءة
غمضت عيونها وحست انه حط شي في رقبتها
ليث..افتحي عيونك
رحاب..فتحت عيونها وشهقت بعدين نهمرت بالبكي
سنسلتها الي باعتها علي خاطر علاج امها
رحاب..ليث من وين ؟ كيف كيف جبتها ؟ هاذي سنسلتي مش وحدة تشبهلها
ليث..كنت في هذاك اليوم مع ناجي نشرو لي اخته الحقيرة هدية لعيد ميلادها شفتك طالعه من محل الذهاب وانتي تبكي شدني الفضول نعرف سبب بكاك ولما مشيت للذهاب اعرفت من الصايغ انك بعتي سنسلة اشريتها اني كنت نفكر نهديهالك في حفلة تخرجك لاكن توا قدمتهالك هدية زواج
رحاب..انت احلا واغلا شي صارلي في حياتي كلها ليث هاذي غالية عليا هلبا هيا هدية من جدي علي خاطر هكي نحبها هلبل ونتفائل بيها
نحبك هلبا هلبا حبيبي انت سعادتي ليث
ليث..وانتي كل حياتي
حياتهم مشت بحب حتا الطلاب يشفولهم بحسد
ليث حاول يكون جاد في المحاضرة لاكن مرات يسرح معاها بالاخص الايام الاولة بعد الزواج لاكن رحاب متشوفلاش بكل
مش مخلية مجال لعيونها تلاقي عيونه رغم هكي مشاعرهم واضحة لين الطلاب و ينادو فيهم قيس وليلي
صداقة رغد وبشير متاترش بكل ومعاهم تمارة
العام الجاي عام تخرج للكل ورحاب تدعي ربي انه يتم العام علي خير وان متبداش حامل هيا عندها منافسة تبي تحافظ علي مستواها وتكون الاولة علي الدفعه لاكن راجلها المجنون مش مقصر منسبها كل شي
هوا مش مقصر يشرحلها كل شي في جميع المواد يوم من الايام دارلهم امتحان مفاجئ حطا ليهم زي عادته لان مخلاش لعنته
هيا ابتسمت وخشت تسحبت تشوف درجاتها
تلفت هوا لقاها وراه تتسحب بسرعه
ليث..بعد الوراق رحاب راجي هذا اسمه غش
رحاب.ليث ارجوك خليني نشوفهم بس درجاتي اني وبشير
ليث..لا
رحاب..علي خاطري حبيبي اني حبيبتك وباست خده
ابتسم بمكر
ليث..لا
رحاب..باست خده التاني قربها منها اكتر مدت ايدها بتاخد الوراق بعد ايده رن تلفونه خطفت منه التلفون ودساته في صدرها وضحكت
رحاب...مش حنعطيهولك
ليث..ابتسم ودخل ايده خدي التلفون رد هيا نصدمت فيه
بعد تم المكالمه رده تاني في صدرها
رحاب..انت فاسد ليث
ليث..ههههههه علاش فاسد
رحاب..خديت التلفون من صدري
ليث..ههههه انتي كلك ملكي اني روحي زي ما اني ملكك
رحاب..ضحكت بخجل ليث لو متقوليش درجاتي اني وبشير متمشيش وراي للدار
ليث..اعطاها الوراق باش نكون عادل غدوى حنعطي للكل درجاتهم
رحاب..هههههه
ليث...البسي القفطان هذاكا علي خاطري
رحاب..الامتحانات قربت والعطلة قريب منقعدو شهر 1 ليث
ليث...حتكون العطلة كلها حبي
رحاب..قصدك 3 شهور ليث
ليث..ايه 3 شهور محمود موجود وبوي قال حيساعده اني مخديتش عطلة من 10 سنين
ورن التلفون تاني وهوا في صدرها ضحكو الزوز ومدو ايديهم وخداه هوا غمض عيونه ويتكلم بلا تركيز لي فهد
ليث..منتفكرش فهد كلمني بعدين
فهد..انت وين ليث
ليث..في الحوش
فهد..مع رحاب
ليث..هههههههه ايه
فهد..تمام مع السلامه
ليث..سلام وحاول يرد التلفون تاني ضربت ايده وتضحك
رحاب..تمت اللعبة
رحاب..هههه خلاص خلينا نلعبو في دارنا بري نحط الوراق ونلحقك
ليث..اني فرحان بيك حبي انتي ذكية
ابتسمت هيا ومش لدارهم
شهر العسل استمر 3 شهور حست انهم احلا 3 شهور في حياتهم ليث حبيبها ومخليها سعيدة
رحاب..قبل نهاية شهر العسل مرت في مرحلة شك مش عارفه انها حامل او لاء مرات تتمنا تحمل ومرات تحس بالخوف لاكن هيا خايفة من شن وليث معاها
رغد..قريب كسرت التلفون لما وصلتها رسالة من مجهول وعرفت مصدرها ومكتوب فيها
مساء الخير سنفورة كيف حالك اليوم
عرفت انه ايهم واخد راقمها وبعتهالها
رغد..الله ياخده هوا شن يبي مني شخص يراسلني ومنردش عليه شن يبي مني
رحاب وليث يحبو بعضهم هلبا ويحترمو بعض في قرارتهم
عام 1 يفصل علي تخرجهم هيا ورغد وتمارة وبشير
رحاب سعيدة مع ليث ورغد وفريدة وسراج الدين واوس وفهد الي تعتبرهم خوتها وحتا ايهم الي وصلت لقناعه انه عنده شي مع رغد كانت تابع في نظراتخ والابتسامه علي وجهه لما يشوف لرغد وزيارته المتكررة وبصارته عليها
حتا انها تكلمت مع ليث في الموضوع
ليث..لو كان حق اني مش حنرفض ايهم بس تكون اختي تحبه وهذا المهم لان رغد لو كانت ترفضه حنكون في صفها مش صفه ايهم كبير وصلب لاكن اختي صغيرة وضعيفة وحننصرهت علي اي حد
لي هني وتمت قصتنا من قصة حب متملك الي قاعدة متمتش
لقاءنا حيتجدد ان شاء الله في الجزء التاني من حب متملك تحت عنوان رقصة حب وبطلتها رغد الصياد
