رواية ترويض الاسد الفصل الثاني 2 بقلم ايه الدسوقي
ترويض اسد
الحلقة 2
ام رحاب حطت ايدها علي صدرها وحست بي تعب
رحاب ...امي خيرك
امها...شوية الم متخافيش
امها...متخافيش مافيا شي غير شوية وجاع بس توا يتنحا امها كانت مكافحة هلبا ربت بنتها بروحها بدون مساعده من حد من بعد مامات جدها وهيا عمرها 12 سنة مات مظلوم في الحبس لانه كان يخدم حارس في مخزن واتهموه بي قضية سرقه وبعد موته طلعت برائته بدت هيا تشتغل وتربي فيها ورحاب حابة تنتقم من الي حبس جدها ظلم لانه كان أمين ومتقي ويأذن في الجامع ومعنداش علي السرقه حتا لما شدوه كان ياذن في العصر وقاموه قدام الجامع وسبب موته مصطفي الصياد وطبعا احفاده واحد منهم دكتورها ليث الصياد
طبعا كان في فكرها تتخرج وتشتغل وتعاون امها في مكان مناسب ليها وتنتقم من الي قتل جدها
ليث ..روح من سهرته متاخر بعد مرقد وناض لان عنده محاضرة في الكلية
ليث ...النهارات محاضرة مع صف تاني ومع سليطة اللسان رحاب راجي عطاها لعنة قداش متستفز فيا البنت هاذي وتخلي فيا نصيح ونعيط ونتعفلق
المتعالية هادي
ببرغم انها فقيرة كانت تشوفله بتعالي
وطبعا هيا كانت عكس الي يحبه في نساوين لانه يحب مطيعات وطيبات والي تهتم بي شكلها ومنظرها وتحط في مكياج لاكن هيا تغسل وجها وتطلع من الي نخلقت عمرها محطت روج في فمها وصوتها كان عالي وهوا يحب بنت رقيقة وكانت ضعيفة وهوا يحب سمينات كان يشوفلها زي ذكر غير ربي عطاه جمال بس
ليث ...شورني بديت نتغزل فيها الشيت خيرني شن فيها من انثي ربي يصبرني منها
شرقت الشمس وجي الصبح وناضت رحاب تجري وتغسل ولبست حوايجها وربطتت شعرها الي عمرها مهتمت بي شكلها اكتر من نظافتها بس
طبعا دارها عبارة علي طاولة فيها مشط جنب سرير وقفطان معلق وطواسي شاهي ناسيتهم بس
رحاب...وين الكندرة الزفتة
امها...ههههه خيرك
رحاب ...كندرتي مهناش وحدة لقيتها وتانية لا تقول فيها رجلين يتحركو
امها ضحكت...ممكن طالما تكلمي في كندرة احتمال عندها رجلين ومشت
رحاب..هههههه حتا انا قلت هكي ...شنطتي ريتيها
امها...دارت رجلين ومشت لطاولة الفطور
رحاب...هههههه بلاك انتي منقدرش نشد جيش حجاتي الي يتحرك
باست امها وطلعت تجري حي عليا عطلت علي محاضرتي والمهبول هداكا توا يحسابني متعمدة نعطل ميعرفش انه نقعد ساعة ندور في كرسي في الباص باش نقعمز وندور في كندرتي الي ديرو في رجلين وتطلع وشنطة تطلع بروحها
امها...هههه
وصل ليث اول مرة متاخر بي سبب انه عنده اوراق لازم يوقعهم في شركته وبيمشي طول للقاعه
رحاب...جت تجري تبي تمشي للقاعة تلتف رجلها وتجي متشقلبة بجسمها علي جسم زي صخرة
رحاب....هااااا ونصدمت من الشخص الي راته
من حظي الاسود رجلي مطيحني غير علي ليث
ليث الصياد ..يارب السموات يارب
شدها ليث باش مطيحش ولعن بضغط علي سنونه شن البنت هادي منين تطلعلي وفوقها طيح عليا ربي يفوت اليوم هذا علي خير وخلاص
رحاب...صباح الخير دكتور وهربت تجري للقاعه
شافلها هوا بصدمة وخلا فمه مفتوح
ليث ...صحة وجهها مش حتا اعتدرت مني ولا بررت الي دراته خلتني وهربت ؟؟؟ شن تربية الي تربتها هادي البنت يارب فكني منها رحاب راجي باي سبب او طريقة ولا ولد عمها يتزوجها ويبطلها في الحوش ...هاذي كندرة تلبسها خيره غريب زيها هيا
ومشي لي رحاب متعفلق وهوا متعفلق بدون ميسلم علي حد وخش في موضوع محاضرة
وهيا قعمزت في مكانها مخصص جنب صديقها بشير الي حاجزلهولها هوا
طبعا الدفعه كانت فيها نسمة اخت ناجي مساعد ليث وقري معاه جامعه كانت مكيجة مافيش شي مش مخلياته علي وجهها وتسمي فيها رحاب باكو الوان وتقعد تضحك عليها هيا وبشير
نسمه...كانت تشوف لي ليث وين مشي وتسرح معاه حتا لو كلمها لانها تحبها
نسمه...فعلا اسم علي مسمة الي سماه الاسم هذا ياوختي سلمه شخصية وهيبة وصرامة ورجولي غدوة عيد ميلادي ولازم يجي يحضرها حنخلي ناجي يصر عليه
تمت محاضرة
رحاب...رحاب راجي نوضي وهيا تقلد في ليث
دورة سمعاته ينادي عليها
ليث ...رحاب راجي نوضي
بشير...بصوت واطي..ههههه
ليث ..بي ما انه محاضرتنا علي مشروعات تكلمي عليها بي اعتبارها احد اشكال المشروعات
هيا ابتسمت لانه زابطة وقارية افكاره وانه حيسالها وبدت زي راديو
تعد مشروعات العامة شكلا من اشكال المشروعات في اطار تنظيم النظام الرأسمالي ويمكن ابراز اهم معلمها فيما يلي وبدت تشرحله
ليث...خلاص قعمزي
رحاب...ابتسمت بتصنع نص الكلام مزال مكملتاش دكتور ليث
ليث...خلاص ساد الي قلتيه وسمعته من صوتك المزعج
الطلاب كلهم ضحكو
رحاب...يوم من الايام حنشرح بدون ميسكتني حد ويضايق مني
ليث...امتا ان شاء الله في احلامك
الطلاب ضحكو
رحاب... مزالي عامين بس ونكون معيدة هني
ليث ...بمستواك هذا مش حتقدري
رحاب ....انا الاولة علي الدفعة ولو كانو عادلين معاي ومعطوهاش بالواسطة لي الناس الغنية حناخدها وتلقح بي كلامها عليه
ليث..تعفلق كل حد قعمز في هيئة التدريس خداها بجدارته
رحاب...في ناس اكفئ منهم ومخدوش الكرسي لان ظروفهم تعبانة وهما يستحقوها اكتر من بعض الناس الي ضروفهم مستريحة باش يشغلو منصبهم علي خاطر مظهرهم الاجتماعي
ليث...شبحلها بحدة وغضب
الاكتفاء الي تقصديهم عاينوهم في مؤسسات خاصة لو ملقوش مكان في هيئة التدريس برواتب اكبر من الاساتدة اظني معاش دكتور محاضر يسد تمن شيشة صنة؟
رحاب... هذا يتوقف علي نوع العطر دكتور ليث متلا صنتك انت مش زي بتاع بشير انت شيشة وحدة من صنتك تعيش عيلة بشير اسبوع كامل
بشير كتم ضحكته
ليث...بغضب ويضغط علي سنونه المحاضرة الجاية منبيش نشوفك هني خوديها راحة وحنعتبرك فيها غياب واضح كلامي ؟؟؟
ابتسمت برود
شكرا علي الراحة استاد بارك الله فيك وفي خاطرها الله يلعنك
ليث في خاطره نشد شعري منها ونقطعه نمشي نقتلها مافيش حاجة تنفع معاها
وخدي حجاته وتحرك يسب ويلعن فيها وفي عيلتها
يشماتت الاعداء فيا لو سمعو انه اللبوة هاذي الصغيرة بتهبلني اكيد حياخدوها عليا نقطة ويستغلوني بيها باش يوترولي اعصابي الملعونة هادي
جتها نسمة
انتي امتا بتبدي عاقلة وتعرفي حجمك الطبيعي
رحاب .بي ابتسامة حجمي انا ؟؟
نسمة ...ايه انتي
رحاب ...والله وزني 60 وطولي 170 سنتيمتر وكله طبيعي
بشير ..ههههههههاااااي
نسمة...ناضت تعيط ليث الصياد لو يحطك في راسه حيمحيك من الوجود
رحاب...عنده سجلات الموالبد
بشير..ههههه
نسمة...ناضت تعيط تحسابي دمك خفيف ماهو
رحاب...اسمعي بري من عليا والله عادي جدا نطيحك من دروج ونقول طاحت وطاحو سنونها الحلوة معاها وقتها دوري باش تضحكي لدكتورك الجميل
نسمة ..هاااا 
مستغولة ومستكلبة انتي
مستغولة ومستكلبة انتيرحاب..اي ماهو شربت من حليب كلب جيرانا وانا صغيرة يرضيك هكي ترا بري من وجهي
خافت منها نسمة وهربت
بشير...هههه حقا شربتي حليب كلب
رحاب...ياغبي حتا لو اني مهبولة وفيوزاتي ضاربة بيخليني الكلب؟؟
بشير معش قدر بدي يضحك بصوت عالي
نسمة تجري ورا ليث وهوا حس انه بتجي في جرته مشي طول للمكتب وقام اوراق وطلع من باب ناضت نسمة تغير في لكنة صوتها بلعاني قدامه وهوا يعرفها انها متصنعه
نسمة..دكتور ليث
هوا قطع عليها بي رسمية زي عواديه انا متاخر ومنطلع
نسمة ..مفهمتش درس اليوم و....
قطع عليها خلي رحاب تفهمك
نسمة.شنووووو؟
ليث.خيرك ؟؟؟ قتلك خليها تشرحلك
نسمة...شنووو؟؟هاذي متوحشة ومريضة هادي شربت من حليب كلب
ليث..بصوت عالي وفم مفتوح شنووو شربت من شن ؟؟
نسمة..حليب كلب هيا هكي قتلي بنفسها و..
ليث..قطع عليهاا بغض النظر علي شرباته هيا وتصرفاتها المختلة هيا ذكية وحافضة وفاهمة الدرس اليوم تقدر تساعدك
نسمة ..قالت بطيحني من دروج
ليث مشي وفاتها قبل لاتكمل حديتها لانه اكتفي من رحاب اليوم في خاطره مفروض انا لزيتها 10 ايام مش محاضرة وحده افضل ياريت قلتها تعالي للامتحان مرة وحدة ومعاش تجي
مشي لسيارته وتحرك للمجموعه بتاعه مكتبه كان في الدور العاشر من المؤسسة المكونة من 16 دور وهذا جزء صغير من املاك الصياد البعض يقولو كان فقير في يوم من الايام لاكن الاحفاد من الي نولدو في فهمهم كاشيك دهب مجربوش الفقر ولا الحاجة ولا شرب حليب الكلب
ليث...الشيت منين خطرت في بالي الملعونة هادي وتصرفاتها الغبية نتوقع منها كل شي الا شرب حليب الكلب
رحاب...روحت للحوش بعد ما تمو محضارتها وخشت المطبخ تغسل في الماعين وسخنت الماكلة واستنت امها حطة الشنطة علي الطاولة والكندرة وحدة في دارها والتانية في غرفة الماكلة والصبح تقعد تعيط حاجاتي دارو رجلين وطارو
هيا نظيفة بس مش مرتبة ومتعرفش الترتيب
قعمزت تراجع في الدروس وتستنا في امها وهيا قالقة لانها تاخرت هلبا جت بتتصل بيها لقت نقالها بلا رصيد
رحاب..الزفت حتا مصروفي معاش يسدني لي نهاية شهر لازم نقتصد ونوفر امي تعطي فيا علي قد متقدر منبيش نكلفها تاخد في كنادرها ومتكلفش فيها في شري جديد لانهم نفس مقاس وحتا اللبس تعدل فيه وتاخد فيه منها صح مش علي دوقها ومناسبة ليها لاكن تضغط علي روحها باش متضغطش امها وتزيد عليها هم مصروف والاحذية والاقلام والورق ساد عليها مصاريف الكهرباء والايجار والماكلة لان رحاب تقرا علي حساب دولة لانها ناجحة من الاوائل
نسمة ...روحت للحوش وكانت فيلا راقية
ضحكت لي امها
امها مراة في ال50 تحب تهتم بي شكلها ومنظرها
حسناء..نهارك سعيد ماما كيف حالك
نسمة...كويس لولا بنت اختك المتوحشة ياماما
حسنا..رحاب مرة تانية ؟
نسمة.. ومنغيرها مش عارفة الحثالة هادي كيف تكون بنت اختك ؟
حسنا.. اختي نوال عاشت فقيرة طول عمرها لانها بنت راجل فقير وامي طلقت منه بعد مجابت نوال وتزوجت بوي الي هوا جدك وجابتني
نسمة ...مستحيل نعترف لحد انها بنت خالتي والحمد الله هيا متقولش للناس اني نقربلها
حسناء...ضحكت نوال تربي فيها علي عزة النفس
نسمة..اصلا الفقراء شن عندهم غير هذا
نوال...روحت للحوش لاكن شادة علي صدرها من قوة الوجاع
رحاب...انتي مش بخير لازم يشوفك دكتور وزنك نقص هلبا
امها..بخير حبيبتي متخافيش عليا وجاع خفيف بس زي مقتلك
رحاب..انتي ترهقي في نفسك يام هلبا شن رايك نخدم بدالك بعد منروح من الجامعه
امها...سبق وتكلمنا في موضوع الشغل هذا تنسيه وانا رافضة
انتي قرايتك زي الخدمة وحيدهور مستواك ونحتاج لمصاريف دروس خصوصية
رحاب..انا ذكية وحنحافظ علي مستواي انتي تعرفي شي هذا
امها...خلاص سيرة وتمت وقتلك لا يعني لا معاش تناقشيني وناضت تكح بي شدة وهيا خايفة علي امها لانها مش بخير وعارفتها انها مش حتوافق علي شغلها
جي صبح المحاضرة الي نطردت فيها مشت رحاب للجامعه وقعدت في مكتبة تقرا لين تمت محاضرة
جاها بشير..
بشير...اليوم الاسد مزاجه كان هادي
رحاب..ههههه اكيد بيكون هادي وانا عدوته مهناش شن بيعكرله جوه
بشير...هيا نمشو كافتيريا نتغدو
جعان هلبا
رحاب.. هيا
ومشو
خدو زوز عصير وزوز شاورما ناض بشير حطلها فلفل في صونيتها تعفلقت منه رحاب وخدت العصير تهدد فيه بيه قامت ايدها بتصبه عليه وتجي في شخص وراها ونصب عليه كله
ياترا...من الشخص هذا الي نصب عليه العصير ..؟؟
بي انه امس منزلتش حلقة حنعودهالكم بي وحدة توا ونكمل باقيها
شهق بشير برعب..
ليث ميخشش للكافتيريا ابدا لكن حظه الاسود خلاه يخش بيشري شيشة ميا ويجي ورا المختلة رحاب بدون ميدري والكافتيريا كلها وقفت مصدومة دكتور ليث سراج الدين مجموعتين قابضتين تعتبر اقوة قوة في السوق والعازب اكتر وسامة في البلاد طالبته تبزع عليه عصير شن دارت في روحها
رحاب...وهيا بخوف وضحكة انت كنت وراي وانا معنديش عيون في ظهري زي الجراد وانا مش جرادة
ليث..بامكانه ياخدها للعميد ويقول مش مجرد حادث هيا تعمدت شي هذا من الخلافات الي عند بعض ومتوقع منها تصب عليه مياة نار لاكن تحرك لي سيارته وحوايجه صفر من عصير المانقا ويدعي عليها
ليث...ان شاء الله ربي يلعنها يارب يخطفوها داعش وينفدو عليها حكم الاعدام طول ويسوق في سيارته بيمشي للحوش بيغسل لانه بيتاخر علي اجتماعه والسبب هيا
شن نديرلها البنت هادي ياربي بس نستاجر قاتل مأجور يقتلها ويرحني منها كاني مجرم راني قتلتها بي ايديا علاش نتعب في روحي بالتدوير علي قاتل
رحاب روحت الحوش بعد مرواحة ليث بدون متتلفت وراها ومتاكدة انه حيقتلها لو لقي فيها فرصة لاكن كل مصايبه منها تجي علي راسه
قعمزت في دارها وبدت تضحك زي مجنونه علي منظره المبزع عليه لان من اول مبدت تقرا وكوارت تجي علي راسه منها زي ناقر ونقير كانت تحسابه بيسقطها ولا يحطها في راسه لاكن مدارش شي تحسابه الي يصحح شخص تاني لان ليث الصياد استحالة ان يعطيها اكبر درجة في المادة بتاعه لان هيا الاولة علي الدفعة وكانت تتوقع صفر منه علي خاطر عداوة بيناتهم ومن الي عرفت انه حفيد مصطفي صياد تتعمد ديرله عملة يوم تنقبله عجلة سيارة وهوا ميعرفش من دار هكي لاكن كان شاك فيها
وصل ليث الاجتماع متاخر وريان نفدت تعليماته في حجرة ضيوف وتصبلهم في قهوة وتشغل فيهم علي غيابه لاكن انتبهو وصل هوا وقت مناسب طبعا كان هوا يتكلم والكل يسكت معأنه كلهم كبار في عمر بوه لاكن كل الرؤس تنحني ليه
في شخص ميحباش ويحقد عليه اسمه ياسر لانه يغار منه من لما كانو صغار هوا يكون ليه ولد اخت راجل عمته بوه كان رجل اعمال وعنده شريكات مع خوه راجل تريا عمة ليت طبعا مات وخلا كل الورت والاملاك لعمته
وعم ياسر خلا ورثه ليه
خلت ثريا ادارة الشركات لي ليث
طبعا ياسر وليث بينهم مشكلة علي العمل لان ياسر يبي يسطير علي الشغل كله وليث ميبيش يعطيه فرصة لان املاك عمته بي نسبة 70% وياسر 30% بس لان ثريا اشرت 20% من سلفها علي خاطر هكي الكلمة الاولة والاخيرة لي ليث الي محملاته مسؤليتهم
ياسر...عطلت علي الاجتماع
ليث من طرف عينه وقعمز في كرسي
ياسر..مفروض تعتذر منا
ليث..انا منعتذرش من حد ومنبررش تصرفاتي لي حد
ياسر ..تعفلق حني مناش صغار عندك ولا غير مهمين شوفو كيف يتعامل مع مديرين في عمر بوه
ليث..احترم نفسك وقعمز ساكت ولا تفضل اطلع
ياسر..يعيط انت تلز فيا
ليث..ايواه زي مفهمت
ياسر...قعد يشوف للحاضرين يستنا في دعم منهم لاكن ملقاش اي دعم دف الكرسي وقعمز بتعفليق من يوقف قدامه هدا
ليت تكلم وكان واتق من نفسه ورزانته ويعرف حدود امكانياته ويعتبر انه القوة الي في السوق
والكل يعرف الشي هذا
نوال....كانت تخدم في مصنع لنسج الاقمشة والعائد الماديي بتاعها كان شوية هلبا لاكن ربي كان يدبرها في امورها هيا وبنتها .....يتبع
