رواية ترويض الاسد الفصل العشرون20 بقلم ايه الدسوقي
ترويض أسد
الحلقة 20
...سوسن ...
ليث رجع للشركة طلب من حراسه ميجوش معاه يبي يضرب ناجي وميبيش حد يمنعه
حراس الباب الي كانو يتفرجو علي التلفزيون وهوا متعفلق مكلمهمش خش لداخل يدور في ناجي ملقاشي وسال روحه
مشي للحراس وسالهم
ليث...ناجي طلع ؟؟
ناضو ال3 خايفين
ناجي باشا... حني
والتالت قعد يضحك بغرابة
لما عجزو يجاوبوه طلع بسرعه الحراس مقعمزين ومش فاهمين شي علي الي طالع والي خاش تصرفاتهم غريبة كانهم شربو مخدر
لاكن ليث لانه مستعجل منتبهش
ناجي يكلم في امه
ناجي...انتي لو محمتينيش يامانا ليث حيقتلني
حسناء...مش حيقدر يوصل فيك ناجي اولا هوا اكيد شك في النحس هذيكا وصدق علاقتك بيها وتاتيا حتي لو مصدقش واتق فيها هلبا وهذا مستحيل انت مدرق في قصر مساعد الوزير وليث مش حيعرف مكانك وبعد ايام حيبدا منتصر وزير ياولدي ومعاش عندك لازمة بي الشغل مع ليث
ناجي...ههههه انتي تظمني ناجي ياماما
حسنا..قتلك هوا قريبي انا
ناجي...مش قريب رحاب
حسناء...قريبي من بابا
حسناء كانت تكدب علي ناجي هي تقول انه بوه منتصر ولد عم بوها لانها كدابة وتكدب علي ولادها وراجلها
ليث..يدور علي ناجي
حسنا...ليث باشا اهلا وسهلا
ليث...ناجي وين
حسناء...منعرفش هوا قاعد مروحش من العمل
ليث...طلع بدون ميكلمها
حسناء...ههههههه
ليث...لما رجع للحوش قبل ميخش لاحظ سيارة شرطة
رحاب وسراج الدين وفريدة ورغد طلعو البرا مع صوت سيارة شرطة الي فتحولهم الحراس البيبان وقف ليث قدامهم
الضابط...ليث الصياد في امر تفتيش حوشكم وخازن الشركة
ليث...حوشي ومخازن شركتي ؟؟ علاش شن درت انا
قام الضابط الورقة في وجه ليث كان فيها امر تفتيش
سراج الدين بسرعه طلب اوس وقاله انه يجي بسرعه ويجيب خوه فهد
الشرطة كانت تفتش في القصر بعدين خدو ليث معاهم للشركة
رحاب كانت خايفة عليه
جي اوس يجري لداخل
اوس...وينهم
سراج الدين...مشو للشركة هيا حتي حني بنمشو
اوس..ليث وين
سراج..خدوه معاهم
جرت رحاب ركبت مع اوس بعد ما مشت رغد وفريدة مع سراج الدين
اول ماوصلت سيارة اوس ورحاب كان ليث واقف في وسط الشرطة تلاقت عينه مع عين رحاب همسلها متخافيش
فهمت هيا شن قال من حركة شواربه بس باش متخافش
مع وصول سيارة سراج الدين الشرطة طلبو الاسعاف والطب الشرعي بسرعه لان فيه جته مدفونة في واحد من المخازن
لحظات حرجة ..وجي فهد يجري الي مع وصوله طلعو الجته من المخزن مع الشرطة والدكتور الشرعي رحاب حاولت توصل في ليث لاكن الشرطة منعتها وهيا تعبط
رحاب...كدب ليث مقتلش حد مش هوا دفوها الشرطة باش تبعد
ليث...خلوها البنت
جي يجري اوس شدها
اوس..اهدي رحاب
رحاب..نهدا كيف منهدا اوس ساعد خوك ارجوك ساعده هوا مظلوم
رغد بوها شادها وهيا تتصرف بي هستيريا تبي توصل في خوها
فهد ...يكشخ كيف حطو الاصفاد علي ايدين ليث
فهد..انتم شن ديرو ؟ ليث مدار شي
كانو ال3 رحاب وفهد ورغد يدفو في الشرطة باش يوصلو لي ليث اوس شد رحاب سراج شد رغد وفريدة تبكي تهدي في فهد
ليث..عيط عليه اهدا فهد خلاص
فهد..مافيش حد حياخد خوي من هني
اوس جاه يجري
اوس..شن بتقاوم الشرطة والقانون ؟؟ اهدا وتصرف بحكمة باش نحلو الموضوع
وقف فهد قدام سيارة الشرطة
وجاه سراج الدين
سراج..فهد بعد
فهد..نبعد وياخدو ليث زور ليث مقتلش حد
فربدة..مقتلش حد وحبطلع منها بس خلينا نفكرو بهدوء تعالا ياولدي
رحاب طاحت لوطا بدت تبكي
ليث...اوس الحق رحاب وشاف لفهد
وانت كون عاقل وهدي رغد اختك
انتبه فهد لرغد لقاها تشوف للجته برعب ومتهسترا جاها يجري فهد وسراج الدين
قام اوس رحاب من علي الارض وهيا تبكي
الشرطة خدت ليث ومشو وتحركت السيارة الي فيها الجته وكانت مغطية كلها
رحاب تبكي واوس شادها بين ايديه
اوس..رحاب حيطلع والله العظيم حيطلع اني نحل في المهمات الصعبة كيف منطلعش خوي
رحاب...انت متكدبش عليا اوس
اوس..اني صادق رحاب حنطلع خوي هيا روحي للقصر واوقفي انتي مع رغد جنب بوي هوا عنده الضغط ولو ارتفع مش حيكون بخير
رحاب...عمي معاه رغد وفريدة اني حنمشي مع ليث يا اوس
اوس...رحاااااب
رحاب...لا يا اوس حنمشي معاك وين متمشي
وصلو هما سراج الدين ورغد وفريدة القصر لان سراج راسه مصدع هلبا اكيد تاتير الضغط وفريدة طلبت الدكتور
البلقي كلهم مشو لقيم الشرطة
انصدمت رحاب لما عرفت انه الجته لي سوسن
ريان جت لامركز بعد مكان ليث مخليها في واحد من فنادق اوس تحت المراقبة باش تكون الفخ الي تجيب بيه سوسن
ريان..تبكي وتعيط ..انتم قتلتم عمتي ليث قتل عمي اقسم بالله حننتقم منكم ومش حنخلي حق عمتي
رحاب..ليث مقتلهاش
ريان...قتلها من ليه مصلحه بقتلها يا انتي ياهوا
فهد..بعد ريان علي رحاب والشرطي طلع ريان طول البرا
بعد مخدو ليث لحبس روحت رحاب مع اوس وفهد مافيش فايدة من قعادهم في المركز واوس منعوه من انه يمسك القضية
بعد مطمنو علي سراج قالولهم
فريدة...شنوووو سوسن ؟؟ ومن قتلها
فهد ...منعرفوش
اوس..كان سارح
اوس..اولا لازم ندورو علي حارس المخازن
رحاب...عيطت مرة تانية حارس المخازن ياعيلة الصياد
شافولها كلهم بصدمة
رحاب..في من الايام اتهم جدكم جدي انه خنب مخازنه ومفكرش باي حد غيى جدي المسكين وتوا انتم ملقيتوش حد غير الحارس المسكين وتتبت برائته لاكن بعد ما مات جدي
سراج الدين..لازم نشكو في كل الناس يابنتي ومش حنتهمو حد بلا دليل حني مناش مصطفي الصياد
رحاب..مصطفي الصياد في من دبرله الدليل بمكر
سراج الدين..انا منعرفش قصة جدك رحاب
لاكن كل الامور الوسخة كان يدبرها جلال لي بوي
فهد..زعما ممكن يكون جلال هوا الي دار هكي
سراج..وشن فايدته بي قتل سوسن
اوس..خلونا نعرفو راي الطب الشرعي بعدين نقروو شن يصير
رحاب..قصدك بتستنا شن يقرر الطب الشرعي اوس انت لازم تتصرف
اوس..تمام لازم نعرف مفاتيح المخازن مع من غير الحارس رحاب
رحاب..انا مقلتش متفكروش فيه انا قلت متمشوش وراه لانه الاضعف بين كل المتهمين
فهد..تمام اوس لازم نمشو ونحققو في الموضوع
وناضو
رحاب..ناضت
فهد..وين رحتب
رحاب..منجي معاكم
فهد ..لا انتي حتقعدي هني
رحاب..لا منمشي
فهد..لا اقعدي هني رحاب ولو توصلنا لي شي حنقولولك عليه
ليث..في اقواله قالهم بكل الي دراته سوسن ليهم وانها هربت منهم بعد مدراته هوا حكي لان الضابط وجه التهمة ليه انه قتلها وانه خوه اوس سبق وحطها في الحبس فحكالهم ليث سبب وجودها في الحبس وكل مدراته في رحاب
....
الحلقة الايضافية
...الكل فقط....
اوس وفهد كانو يدورو علي اي دليل باش يحلو قضية ليث لين تاخر الوقت ورقدو
تاني يوم الطب الشرعي وصلهم جزء من تقاريره وقال لي زملاءه اوس
الدكتور.... اولا الوفاة كانت قبل يومين ..وصارت بعيدة علي المخزن وبعدين جابوها للمخزن وهيا ميتة ...الامر التاني انه المخزن نفتح بمفاتيح مافيش مقاومة صارت اتناء فتح الباب ..والامر التالت ..هيا نقتلت بي مسدس من نوع اس اي جي بي 250
sigp250
صناعة امريكية ..لاكن السلاح الجريمة مفقود وماليشي اتر
اوس..الشيت من دار هكي ؟؟ حندور علي الكل مش حنستتني حد
التحقيقان مستمرة ..ومافيش راس خيط لقاه اوس وفهد ...لاكن متنازلوش بكل
حسناء...جت لحوش الصياد علي اساس بتواسيهم
رحاب ساكته
حسنا..الحمد الله هداك ربي يابنت اختي وخليتي ثارك مع عيلة الصياد وبدي وحدة منهم
كلهم شافولها بصدمة
رحاب..بغضب متقوليش بنت اختي انتي مش خالتي وانت بنفسك الي قررتي هكي قبل سنين
حسنا..انا امتي قلت هكي ؟
رحاب..باش تكوني صادقة قولي انا امتا مقلتش هكي
اوس..رحاب عندها ثار معانا
حسناء..متعرفش انه جدك حبس جدها زور وهيا قررت تنتقم منكم
رحاب..انتي مريضة ياخسنا مريضة مش طبيعية
وناضت لي دارها
في هذا الوقت سمعو سيارة شرطة
سراج..الله يلعنهم هادم شن يبو
وطلعو كلهم
الضابط..حني عندنا امر نقبضو علي رحاب راجي
اوس..شن دارت هيا
الضابط...اوس باشا انت رجل شرطة وتعرف القانون رحاب هانم متهمة بقتل مدام سوسن
رحاب...شنووووو اني
ضبط...هيا معانا
حسناء...ابتسمت ودعت رحاب بي يديها
اوس...وفهد مشو مع رحاب
وسراج الدين وفريدة ورغد لحقوهم
اولا خلو سبيل ليث بضمان مالي مع منعه من السفر لانه لقو سلاح الجريمة في حوش رحاب القديم وتانيا الدافع موجود لان ليث قلهم سوسن بعتتها ايطاليا لراجل خطفها عنده او يقتلهت تالتا رحاب تقدر تخنب مفاتيح ليث وتفتح المخزن
ليث..طلع ويعيط زي المجنون
رحاب ..مقتلهاش كيف رحاب بدير شي زي عذا مستحيل في من يتلاعب بينا
اوس..شده تعالا ليث ..انظن بديت نلقا راس خيط تعالا بس نتكلمو
وقعمزو الخوت ال3
رغد..خشتلهم زي الاعصار
مثعمزين هني ومخلين المسكينة محبوسة
ليث...تعالي قعمزي معانا
رغد..لا مش حنقعمز انتم ماكمش خوتي رحاب بس اختي حرام عليكم
ليث..اهدي رغد حني مش حنخلوها في الحبس تعالي واسمعي
قعمزت معاهم
اوس..اولا حنبدو من البداية حسناء شن لاحظتم في كلامها يارغد وفهد
رغد..سرحت وفهد تكلم
فهد...كانت تتكلم علي تار رحاب مع جدي وانها تبي تنتقم لجدها
رغد..وركزت علي قصة المخزن
ابتسم ليث وشاف لاوس
ليث..صح ياوس انت صح هذا اولا تاني شي ناجي استدرج رحاب وخداها لحوشهم وخلاها تفتح الباب بي مفتاحها ولقي فرصة حط المسدس
اوس..انت تخمن ياليث ان هذا الي صار
ليث..لت هذا الي صار فعلا وحني حنتقابلو مع رحاب باش تشرحنا شن صار
اوس..حنجيب تصديق زيارة ليها
رغد...حتا اني
سراج...واني
فريدة ..واني لما خشو عليهم
اوس..لا المرة هاذي حنمشو حني ال3 بس
رغد..حني ال4 اوس
سراج..باهي خودو اختكم معاكم واني فريدة المرة الجاية
لما مشو الصبح تمارة وامها كانو غادي
جت رغد وضبطت تمارة
بعدين تمارة عيطت علي ليث
تمارة..انت مش حتخلي رحاب محبوسة
ليث..اهدي تمارة والله العظيم ماني مخليها اقسم بالله لو ملقيتش حل حنعترف علي روحي ونطلعها رحاب مش حيصرلها شي
تمارة كانت تكلم في ليث ورجعت لتالي خطوة خبطت فيه حد
تمارة ...معمي انت ؟؟
فهد..والله اني واقف انتي مشيتي بظهرك
تمارة..مشيت بظهري شن الغباء هذا
ومشت لي ليث انت وعدتني دكتور
فهد...يسال في اوس
قريبة رحاب هادي
اوس..منعرفش لاكن عيونها حلوة ولاه
فهد ...كلها حلوة لاكن مجنونه
اوس..مافيش حد قريب لرحاب وعاقل يافهد
فهد..هههههه
تمارة...وقت ضحك توا رحاب متورطة وانت تضحك
فهد...وعلاش كل تركيزك معاي اني اهو اوس يضحك ولا عيونك تشوف فيا اني بس
تمارة...الله يلعنك من هذا دكتور
ليث...فوتيه تعالي قعمزي حنقابلو رحاب بعد شوية
فهد..فوتيه ؟؟ خوك قالها فوتيه ؟ شن العار هذا كاني شب بلا قيمة
اوس..كانك هكي فهد..هيا خلينا نطلعو تصديق
بعدين اوس ..طلع تصديق لي 5 بعلاقاته لان ليث قال انه تمارة جاية معاهم
رحاب...جت تجري حضنت تمارة وبعدين رغد وابتسمت لي ليث وسلمت علي فهد واوس
ليث..وانا مافيش سلام رحاب
رحاب..لا معندكش سلام
ليث..روحك المرحة زي مهيا رحاب الحمد الله حنطلعوك من هني
رحاب..انا مقتلتهاش علي خاطر هكي عارفة انه حنطلع
ربي مش حيخليني
اوس..ساعدينا رحاب حني نشكو بخالتك وناجي وليث قال انه ناجي خداك لحوشكم انتي خلتيه فترة
رحاب..ايه طلب يشرب
ليث..التافه اقسم بالله ماني راحمه
رحاب..اصلا خالتي تكرهني وانا معنديش اعداء
غيرها وحتا لما جت لحوشكم جت تزرع في نفوسكم فكرة اني نبي ننتقم لجدي منكم ..واني فعلا نبي حق جدي لاكن مقتلتش سوسن
ليث..تبي حق جدك منا حني
رحاب..ههه من حفيد مصطفي الصياد الكبير تحديدا ليث
ليث..هههانتي اطلعي من هني وانتقمي مني زي متبي واطمني حتطلعي نوعدك بس كوني قوية
رحاب..قتلك مانيش خايفة ليث
ليث..لو متبتش براءتك حنعترف علي نفسي
كلهم عيطو
رحاب..انت مش حديى شي زي هذا
مش حنسمحلك تتهور
ليث..انا مذنب ورطتك فيه بدون منحس في اعترافي لما سالوني علي سبب حبس اوس لي سوسن والله مكنت نعرف هكي انه منورطك ويتهمون
رحاب..اني نعرف ليث
ليث..نظراته كانت مستاحشة لي رحاب
علي جية الشرطي
فاضل 3 دقايق
رغد..خلو ليث مع رحاب هوا مسؤل عليها واكيد عنده شي يبي يقولهوها علي انفراد
فهد..علي لنفراد
تمارة ..وانت شن دخلك اصلا رغد كلامها صح هيا انت اول واحد اطلع .ومن انت اصلا
فهد..اني سواق ليث الخاص ياليث ولاه
ليث مش مركز معاه
اوس..ههههه
تنارة ..ملا هيا اطلع
رحاب...لا تعالو
مردوش عليها
ليث جي قدامها
ليث..حتكوني قوية رحاب زي موعدتيني ومش حتخافي من اي شي ولاه
حركت راسها رحاب ايه
ليث..انتي غالية عليا هلبا رحاب تاكدي من شي هذا وقام راسها
الضابط تم الوقت
ضبطها ليث وطلع
قلبها بدي يدق بقوة
رحاب..نحبه ايه نعرف طحت في حبه من فترة لاكن هوا ميعترفش بالحب وناكره واني مش حنقبل لو ما امنش بيه ومش اي حب الاسد لازم يجتاح الحب اجتياح باش نسمح لنفسي نقرب منه مرة تانية لو مقالش نحبك مش حيضبطني تاني ومش حنضبطه اني باش يعترف بالحب وفي ايده خاتم خطبة
ابتسمت ورددت اما كلهم الكل بس ولا ولا شي ليث الصياد
وخدوها بعدين للحبس ....يتبع
