رواية ترويض الاسد الفصل الحادي وعشرون 21 بقلم ايه الدسوقي
ترويض اسد
الحلقة 21
...تعبت منكم ....
ليث واوس وفهد قلبو الدنيا علي ناجي لاكن ملقولاشي اتر نهائي كانه الارض نشقت وبلعاته
اوس كلم زميله المتكلف بالقضية وعطاه شكوكه عليه وبدي هوا يتحرا عليه باش يوصله
ليث..لقيت ناجي
اوس..منكونش اوس الصياد لو منلقاشي
ليث...ههههه وين لقيته
اوس..مدسوس في حوش مساعد الوزير سليمان نصار
ليث...شنووو
اوس..توا نبي فكرة نطلعوه بيها والمشكلة انه غدوة ينعلن تشكيل وزاري جديد ومنتصر منصور مساعد الوزير مترشح يكون وزير والغريب هوا علاش داسه في حوشه
..معناها ناجي لازم يطلع اليوم من مكانه
ليث..ابتسم وطلع يجري زي البرق هوا واوس
لحوش مساعد الوزير
منتصر ..شن في ؟؟ انتم كيف تخشو هكي
اوس..منتصر باشا حني معانا امر نجيبو ناجي جلال
منتصر ..من ناجي جلال ؟؟ اني منعرفش الشخص هذا
اوس..معناها حنفتشو الحوش
منتصر ..تفتشو حوشي اني ؟
اوس..ايه طبعا نفتشو حوشك انت ..واعطاه الاذن بالتفتيش
منتصر غمز لواحد من الحراس بي عينه
البوابة الخلفية كانو يبو يهربو ناجي لاكن ليث وفهد يستنو فيه
ناجي..نصدم انتم شن ديرو
ليث اشرله بي ايده تعالا
فهد..ضرب الحارس ورقده لوطا
اوس جاته رسالة من فهد
منتصر ...ههههه قتلك مش حتلقا حد هني
اوس ..هههه اني ملقيتش لاكن غيرؤ لقي
منتصر..بصدمة طلع اوس وسحب قوته
نجحت الخطة وخوته شدو ناجي
تمارة كانت تابع حسناء طول اليوم وين ما مشت وقبل مشيان ليث وخوته بساعات قدرت تسجل فيديو لحسناء مع منتصر ..في اجتماع ليهم في واحد من الحياش ..البعيدة
ومشت تجري عطاته لي ليث مرات يفيدهم في القضية ومكانتش تعرف منتصر
ليث..خدي ناجي لقصر الحوش
ناجي..طلعوني من هني طلعوني
ليث..نطلعوك تبي تمشي وين ناجي
ناجي..شن تبي مني ليث
ليث..عمرك بس ناجي
ناجي..انا مدرتلك شي
اوس كان مقعمز مع تمارة هوا وفهد ورغد اعطتهم التسجيل
تمارة هذا تسجيل ليها مع راجل قبلاته ولقيتهم في وضع مش لائق
فهد..ابتسم ...ههه غير لائق
تمارة ..بغضب وانت وقفت علي هاذي
رغد..خليه تمارة مدوريشي هوا تافه
فهد..تلفونك تصويره حلو
تمارة ..هذا هدية من رحاب
اوس.. صيح فهد هذا منتصر
فهد..منتصر من مساعد الوزير
اوس..ايه توا بس عرفت سبب حمايته لناجي هوا عشيق امه
ليث..مع ناجي لين نزلوله خوته ومنعو البنات ينزلو
اوس...شنو حكي
ليث...لا مزال
اوس..من تحمي امك ولا عشيقها
ناجي..انت شن تخرف
اوس..ابتسم وفتح الفيديو الي رسله من تمارة قدام ناجي وليث علي اللابتوب وشهق ناجي لما كانت امه مع منتصر
نزل راسه لوطا وركع علي الارض
ليث..هههه انشر الفيديو اوس باش الناس تشوف مرشحهم واخلاقه مع مراء متزوجه
ناجي..بغضب اني منعرفش شي امي عطتني المسدس وحطيته في حوش رحاب والجته دخلوها حراس منتصر بعد ما اني خدرت حراسك
ليث..طول تفكر شكل حراسه ولان كان متعفلق مركزش فيهم
ليث..امك قتلك حاول تهجم علي رحاب
ناجي..طلبت مني ندير هكي اولا باش تكره رحاب وتانيا نخليك مشتت وتخلي العمل وانا نخدر العمال ونساعدهم يدخلو الجته الي كانو واقفين بيها البرا
اوس...هههه كلامك كله مسجل
ناجي...مافيش شي نخاف عليه بعد الي صار الكل حيشوفو فيديو امي وننفضحو
ليث..ههههه لاكن انتم كيف حصلتوه
الفهد..الفيديو
حنقولولك بعدين من جابهولنا الي جابه مجند حلو دار هكي
حسناء..تمنت الموت في اللحظات هاذي الفضيحة حدمر عيلتها ولازم تهرب قبل ميوصل جلال
جمعت حجاتها بسرعه وكانت حاسة انه في حد يراقب فيها طول الوقت لاكن توا عرفت انه مش مراقبتهم وبس لاكن صورتهم
نسمة ..تشوف لي امها بحقد وهيا شادة حجاتهت ..انتي احقر ام علي وجه الارض انا نكرهك
مجاوبتهاش جرت هربت
منتصر كان بيهرب لاكن الشرطة حصراته
حسناء..شدوها الشرطة وكانت تبكي
اني مدخليش منتصر قتلوها حراسه انا بس قلت لي ناجي حط المسدس في حوشها
لاكن منتصر نكر كل شي
منتصر..معنديش علاقة بي شي وحتا الفيديو فوتشوب والمدعو ناجي ملقيتوشي لما فتشتم عليه كيف بيكون عندي علاقة بالموضوع هيا ولدها قتلوها انا شن دخلي اكيد منافسيني واعدائي يبو ينتقمو مني باش منرحبش الانتخابات هذا تفسيري
الشرطي ..الفيديو حيفحصوه مختصين باش نعرفو مركب ولا لاء وحسناء اكدت انه حراسك قتلوها
منتصر..تكدب هيا كدابة
علي خشت الشرطة ومدخلين جلال راجل حسناء
جلال..حضرت الضابط اني عندي تسجيل فيديو لحسناء وهيا تتفق مع منتصر باش يقتل سوسن
الشرطي..عندك تسجيل ؟علاش مجبتاش لتوا كنت تتستر عليها لين عرفت خيانتها
جلال..لا لقيته صدفة لتوا معرفتش من سجله ليها كنت نتابع فيديو فضيحة مرتي في التلفون وفجاءة ريت الفيديو
الضابط...هههه فجاءة ؟ باهي وريهولي
عطاه التسجيل وفتحه الضابط
حسناء..حني لازم نتخلصو منها منتصر انت تعرف سبق وشرحتلك
منتصر..استريحي حسناء حراسي حيوصلو فيها في ظرف ساعات بس سوسن جمال حتكون جثه هامدة
وتم التسجيل
حسناء ..اني عيت منكم ومن تحقيقاتكم تعبت ارحموني سادني
رحاب..تمت اوراق الخروج ولقتهم كلهم يستنو فيها تمارة ورغد فريدة شادية وداليا ليث اوس فهد سراج الدين
ضبطت البنات وحضنها سراج الدين والخوت ال3 يشفولها مع ابتسامة ليث لاحظتها الي كانت حواسها معاه
بعدين روحو للحوش
رحاب..في حياتي مكنتش نتوقع انه دير هكي ..تتفق تقتل سوسن وتخون راجلها صح كانت نحب الفلوس والمظاهر
رغد..خلينا منهم توا رحاب الحمد الله انك طلعتي بخير
رحاب..نبي من ظلم جدي جدكم الي مات باش يتم الموضوع هني ولا في حد تاني
سراج..الشخص الوحيد الي عايش هوا جلال وجلال ربي انتقم منه بفضيحة مرته وحبس ولده يارحاب سامحي يابنتي حتا خوي عز الدين بوي ظلمه وحرمه من الورا
رحاب..علاش كل هذا ياعمي
سراج الدين ..بسلان عز الدين حب بنت وبوي شاف انها متلقيش بعيلتنا وتزوجها
رحاب..هكي بس علاش متليقش بيكم
سراج..صفاء كانت تخدم ممتلة علي خاطر هكي رفضها بوي
رحاب..ممتلة علي خاطر هكي رفضها شن فيهم الممتلات صحيح نصهم حقير قالتها وشافت لي ليث الي جت عينها في عينه وفكر انه يبي يحضنها لان مستاحشها لاكن كيف وهيا محاصرة
سراج..صفاء ممتلة معتزلة ومراء محترمة وراقيا حتشوفيها هيا بتجي مع ايهم
رغد..وحضرته جاي
سراج..ايه جاي ايهم تعفلق لان مقلنالشي علي مشكلة ليث ورحاب جي يبي يشوفهم ....
