رواية ترويض الاسد الفصل الثامن عشر18 بقلم ايه الدسوقي
ترويض اسد
الحلقة 18
...انتي ابنتي ...
في الوقت هذا مشي اوس وفهد للحبس باش يجيبو سوسن ويحطوها في حبس جدهم
ايهم خلاهم ومشي وعدهم بي زيارة تانية
سراج الدين تاملها ...اني ليا فترة مريتكش في الحديقة
رحاب..ابتسمت وقعمزت جنبه
..فقدتني ياعمي ؟
سراج...حرك راسه بمعني ايه وابتسم
رحاب...اني كنت في عطلة وقابلت شخص يدور عليك
سراج...يدور عليا انا
رحاب...ايه
سراج...من يكون
رحاب..تتفكر مرتك فريدة
ناض هوا ..خلوني بروحي ..اطلعو
ليث ...خالتي جت وهيا مهربتش من هني كانت مجبرة علي شي هذا
سؤاج...قلتكم اطلعو من هني انتم تبصرو
رحاب...حني منكدبوش ياعمي
سراج الدين نزلو دموعه بغزارة
رحاب...عمي
سراج الدين ..لا
ليث...هيا رحاب
رحاب ..لاكن ياليث لازم يكلمهت
ليث...تعالي توا رحاب
طلعت هيا وليث
اوس...بغضب انتم كيف طلعوها من الحبس قتلكم متطلعش
الضابط...يا اوس باشا حني معندناش دنب جي مسؤل كبير هني ومر علي الحبس ولما سالنا علي تهمتها وعرف معندهاش تهمه امر بطلوعها
اوس..الله يلعنه
فهد..حط ايديه علي راسه
في الوقت هذا حسناء تكلم في سوسن
حسنا...حني طلعناك من الحبس وتوا ابعدي من هني وبعدي علينا
سوسن..طلعتوني لانكم خايفين من ان نقول لي ولاد الصياد انكم انتم علي علاقة بناردوتشي ...وانكم معاونيه هني وانتم من دبر ليا قصة ماخدة رحاب
حسناء..بري يامراء ..درقي وجهك طلعتك وتم
سوسن ...وبنت خوي قاعدة غادي
حسناء..توا نحاول نطلعها لاكن منوعدكش روحو للحوش ولقوها غادي
سوسن..وانتي اصلا علاش عطلتي باش طلعيني من الحبس كنت مناخدها ومنهرب
حسناء...المسؤولين مش في جيبي نطلع منهم كل مرة واحد
سوسن...هههههه منتصر منصور في جيبك ياحسناء سمعت هدرزتك معاه وعرفت انك انتي وهوا علي علاقة لو حتجتلك ومساعدتنيش حنقول لي راجلك انك عشيقة مساعد الوزير والمرشح الابوة للوزارة
حسناء...الله ياخدك في جهنم
سوسن...ههه ساعدي ريان تجيني ولا حنوريك شن نديره فيك
ليث...شنوووو تي كيف تطلع كيف ومن طلعها
اوس...الوزير سليمان مشي للحبس ولقاها غادي ولما عرف معندهاش تهمه قرر يطلعها وطلب منهم يجيبوني ليه...لاكن الضباط قالوله انه مرت بوي والقصة عائلية وقالولي انه ترجاته باش يخليها تمشي بدون مشاكل وتم الموضوع
ليث...مكانتش تشكي باش منقلوش للوزير هيا شن دارت خافت وعلي خاطر هكي هربت ومشكتلاش
اوس..اطمن حنجيبها وين كانت
حسناء...هذيكا التافهة لازم نتخلصو منها هيا تعرف علاقتنا يامنتصر
منتصر... الله ياخدها اطمني حتلقا من يستناها غادي استني لين تنزل الطيارة
حسناء..هههه ايه هكي حبيبي
منتصر...امتي بتجيني
حسناء...خلي الامور تستقر بس
منتصر كان اصغر من حسناء بخمسة سنوات لاكن علي علاقة معاه من 9 سنوات وهوا مساعد وزير ومرشح لمنصب الوزير قريب
سوسن كانت تعرف انها مش حتأمن لحسناء علي خاطر هكي مسافرتش وغيرت رحلتها لي بلاد تانية
فريدة دموعها نزلو ..رفض يشوفني ؟
رحاب..خليه شوية وقت ياخالتي توا يتقبل انك جيتي توا مش مصدق
فريدة...معناها خلوني نمشيله انا ونواجهه
اني جيتك بي نفسي
وتلفتت فريدة لقاته وراها
تلاقو عيونهم مع بعض وتاملها كانت هيا مش كدب صح كبرت لاكن هيا حبيبته زي محبها ويتفكر فيها
فريدة تاملاته سراج كانت الايام مزداتاش الا جمال شيب شعره زاده هيبة
فريدة..سراج
سراج..وين كنتي علاش مشيتي
فريدة...جبروني سراج جبروني خفت عليك وعلي الولاد خليني نشرحلك بس وبعدين احكم
سراج...سامحتك بدون منسمع القصة المهم انك هني حبيبتي
مش تجريله وضبطها هوا
بكت رحاب ونزلت دموع رغد مسحتهم بدون ميشوفها حد
ليث...كان يتفرج عليهم ..فعلا رحاب صدقت علاج بوي كان فريدة
قعمزو مع بعض ناضت رحاب وهيا تبكي
رحاب..هيا
ليث...لي وين
رحاب...نخلوهم بروحهم
انتبه هوا وتحرك معاها
ناضت رغد نادتها فريدة
فريدة...رغد...انتي تعالي
سراج الدين تاملها وابتسم
سراج..رغد...فريدة هذي بنتي انا ؟
فريدة ..حركت راسها ايه
سراج...انتي حلوة حلوة زي امك انتي تشبهي لي فريدة حبيبتي فرحت هلبا اني بو لي بنت زيك وحضنها بقوة نزلو دموع رغد ومسحتهم
ليث...المفروض خلتيني نتفرج
رحاب..تتفرج ؟؟ تلفزيون هوا ؟؟ باش تتفرج
ليث...لسانك هذا ميتغيرش بكل
رحاب...لساني ..احلا لسان قالتها وطلعت لسانها ليه 
تجمد هوا في مكانه
ليث...شن المهبولة هاذي متعرفش شن دير بتخليني نهبل
شد ايدها وقربها ليه بقوة نزل راسه بدون ميفكر بالعواقب و
محسش بي شي وهوا الا ويجيه كف علي خده
الا ويجيه كف علي خده وقف وهوا مصدوم اول شي شن دار هوا وتاني شي من ردة فعله
ليث..اني اسف
رحاب..بدت تبكي ...انت اسف ؟؟ لا انت مش اسف لاني فقيرة ومعنديش عيلة وضعيفة درت هكي وقعدت تبكي
ليث..انتي مش فقيرة ولا ضعيفة رحاب عندك فلوس هلبا وعيلة
رحاب..انت تعامل فيا زي الساقطات ومش تجري تبكي
ليث..وراها انتي مش زيهم رحاب اني اسف
رحاب ..خشت تجري تبكي
وهوا طلع برا
ليث...مش عارف شن صارلي خيرني
رحاب...حتشوف مني لاعين شافت ولا وذن سمعت ليث والله لما نوريك النجوم في نص النهار ولا مش حنكون رحاب راجي كان مروضتكش زي ترويض الاسد
ليث...يحاسب في نفسه
اني شن درت هبلت ولا كيف راجل كبير نبوس بنت انا مسؤل عليها ..الله يلعني مقدرتش تبوس نساوين كبار بوست بنت صغيرة
لازم نعرض نفسي علي دكتور نفسي اول منحصل وقت
سراج الدين كان فرحان هلبا بي شن صار طلب من العاملة انه تنادي رحاب ...رغم حزنه علي موت ثريا لاكن فرحان انه عنده 3 نساوين هما سبب سعادته فريدة ورغد ورحاب
رحاب...طلبتني ياعمي
سراج..ايه ومشالها
نبي نقولك شكرا لانك هني معانا وانك رجعتيلي مرتي وبنتي للحوش وانتي بنتي التانية رحاب ربي اعطاني بنتين في نفس الوقت انا عمري محبيت عمر راجي بكل ...مش حنكدب عليك لاكن اقسم بالله انتي معزتك خاصة زي رغد تماما وحتا بعد متم الوصاية مع ليث حتقعدي معاي اني زي بنتي لين نزوجك بي ايدي وحيكون راجل محظوظ في الدنيا واقسم بالله لو مكانش التبني حرام انا كنت تبنيتك رسمي رحاب
نزلو دموعها المرة هاذي لاكن دموع حقيقية مش زي الي مع ليث ومشت تجري ضبطت سراج الدين الي حضنها طول
بكت فريدة ورغد الي مقدرتش تكتم دموعها المرة ثهادي لانه تحب رحاب حق الي جابتلهم الفرح والسعادة للكل رغم انها علشت فقيرة وبلا اب زيها زي رغد
...الحلقة الايضافية...
...الا تسامح هيا...
كانو ولاد الصياد مقعمزين كلهم ملتمين مع رغد وفريدة ورحاب..
سراج...ملقيتوهاش بكل
اوس...حجزت تدكرة طيران لقبرص بعدين حجزت حجز جديد ومشت لي ماليزيا اطمن حنجيبها وحتتحاسب سوسن علي دراته في رحاب
ليث..بعتنا من يدور عليها في ماليزيا يابوي وكان يتجنب انه يشوف لرحاب
سراج الدين .. الانر التاني نبي نجمع ولادي هني معاي فهد واوس حترجعو تعيشو معاي في القصر علي الاقل باش تتعرفو علي خواتكم رغد ورحاب
ليث...شنوووو رحاب
سراج...اي شن متسمعش رحاب من اليوم اختك زي رغد والكل حيرجعو يسكنو هني
فهد..لاكن يابوي اني
سراج...مافيش لاكن ...اني كلامي قلته وتمينا
ليث..حني معاش صغار يابوي راهو الوقت مشي هلبا حتا اني كنت ننوي نسيب الحوش ونخليك يا رحاب مع رغد وفريدة لازم تكونو علي راحتكم في الحوش
فريدة..راحتنا انه نكونو عيلة ملتمة نبو نعوضو الي فات وانتم لازم تكونو معانا
اوس...انا شخصيا منقدرش انه نرجع مرة تانية للحوش ونقعد فيه تعودت علي حياتي هكي
فهد..حتا اني لاكن نعودوك يابوي انا كل خميس نقعدو في الحوش معاك
ليث... حتي اني نبي ننتقل ورحاب حتكون سعيدة بوجودها معاكم منغيري
رحاب..لو كانت بتهلي الحوش علي خاطر راحتي انا لازم نطلع
ليث..مقتلش هكي يارحاب
سراج..كلامك معناه هكي يا ليث
ناضت رحاب ..معناها حنمشي انا
كلهم عيطو لا
ليث...لا اني ولا انتي طالعين رحاب حنقعدو واستعدي للسفر انتي ورغد
رغد...وين منسافرو
ليث...لي باريس اني عندي شغل غادي ونبي ناخدك انتي ورحاب
رحاب...حتاخد معاك رغد انا مش حنمشي معاك لي ولا مكان
ليث...مش تفقنا
رحاب...غيرت رايي
ليث...الشيت
رحاب...الشيت عليا ولا عليك انت انا مش حنمشي معاك لي ولا مكان
سراج...شن درتلها يا ليث باش معفلقها هكي
تفكر هوا شن دار
رحاب...ايه قول لعمي سبب تغيير رايب
ليث...انتي دوري في سبب باش متسافريش
بالعقل والمنطق احسبوها انتم بنت فقيرة عمرها مشافت باريس يجيها عرض تمشي ترفض علي خاطر سبب ميستحقش
فهد...هههه كلام رحاب منطقي ياليث ..
ليث...عيط رحاب راجي مافيهاش شي عنده علاقة بالمنطق الشيت انتي شن تبي رحاب ..كفرت انا بي الي درته
رحاب...ايه كفرت ليث ومش حنمشي معاك لي ولا مكان
ليث...الله يلعنك
رحاب... عليك انت
ليث...نقتل روحي باش ترتاحي
رحاب...براحتك
بغضب ناض هوا وطلع
رغد..طلع باش يقتل روحه
رحاب...هههه اطمني مش حيديرها تعود علي مضيقاتي بدت جزء من طقوسه
ضحكو كلهم
ليث...سافر بروحه لان رحاب مخصماته ورغد رفضت علي خاطر رحاب سالتها وهما في السوق
رغد..علاش متعاركة مع ليث...قبل مكنتوش متخاصمين لاكن ليكم اسبوع متتكلموش وهوا متاتر هلبا
رحاب... مضايقة علي خوك
رغد..لا لاكن حسيت انه مخاصمتك من ورا قلبك وانك مش متعفلقة منه
رحاب..علاش كل هذا
رغد..نتابع في نظراتك ليه رحاب انتي تابعي فيه بعيونك ونظراتك صافية ولو تلاقيتو ديري روحك متعفلقة انتي تحبيه رحاب
رحاب...انا نحب ليث ؟؟ حتكون اكبر مصيبة في حياتي رغد
رغد..انتي كدابة رحاب الزوز عندكم مشاعر للتاني وتعاندو في بعض ..حتي هوا مزاجه متعكر لان مدايرة روحك متعفلقة من شي داره وانتي اصلا مش متعفلقة منه
رحاب..ههههه المفروض تخدمي محلل نفسي
رغد..هههه هوا باسم
رحاب..انتي ملعونة زي خوك رغد الصياد
رن تلفون رحاب باتصال فيديو كان ليث
ضايقتها رغد وفتحت الخط هيا
رحاب...لااااا رغد
ليث..هههه شكرا ياختي
رغد..شاورتله كيف حالك ليث
ليث...انا بخير حلو انكم مع بعض نبي نوريكم حجات تختارو منها
اعطت رحاب التلفون لرغد ومشت
رغد....رحاب تعالي هني
ليث...الزفت متسامحش هيا بكل ؟؟
رغد..انت شن درتلها
ليث.سكت ..تمام رغد انتي اختاري ليك وليها
رغد..دوقي زي الولاد رحاب الي تختارلي انت تعرف
ليث..تمام صكري الخط رغد سديتولي نفسي
رغد...ضحكت وصكرت
وجت لي رحاب
رغد..حرام عليك رحاب شن فيها لو باسك
رحاب...شن فيها ...رغد حني مناش في ايطاليا هذا اولا تانيا هوا مش حبيبي وحتا لو حبيبي ولا راجلي منسمحلاش يبوسني
رغد...مش حبيبك ؟؟ صدقتك اني رحاب باهي من حبيبك
رحاب...معنديش حبيب لتوا ولما نحب حنجيبه لي ليث
رغد..ممتاز ونخشو في حرب وقتل
رحاب ..علاش كل هذا
رغد..انتي تبصري رحاب...تحطي حبيبك قدام ليث وهوا يرحب بيه
رحاب...شن بيدير يعني
رغد..بيدير......
اهلين ....
رحاب...تمارة وناضت تجري ضبطتها
رحاب...هذي رغد اخت ليث وهاذي تمارة الي حكيتلك عليها صاحبتي وزي اختي بالتمام
رغد ..ناضت تسلم عليها
حسناء...كانت تضحك وتكلم في ناجي
ناجي...الموضوع خطير ياماما
حسناء..مش خطير ..متخافش انت مدخلكش اصلا ومش حتتاتر بي شي بس جيبلي مفاتيح مخزنه
ناجي...السكرتيرة جديدة صعب نتعامل معاها ومش حتعطيني ياماما
حسناء...تصرف ناجي ..لازم تجيب نسخة من المفاتيح باي تمن
ليث..روح من السفر رحاب مسلمتش عليه بكل رغم انها اول من قابلاته واعطاها هدايا جابهملها حطتهم بدون متشوفهمش
ركب لمكتبه الي في القصر وكان يفكر في رحاب لين نسي مفاتيحه ونزل لقي رحاب مختفية من قدامه بوه وفريدة ورغد طلعو لاكن رحاب رفضت بحجة بتمشي لخالتهت شادية
بعدين مشي لشركته وخلا السواق يسوق بيه لانه مش مركز
ناجي...اهلا ليث الحمد الله علي سلامتك
خش ليث المكتب وتفكر انه نسي مفاتيحه الشيت
اعطي الاوراق هاذي لي سلافة دسهم لاني نسيت مفاتيحي في الحوش
طول الفكرة لمعت في راس ناجي مشي يجري للسكرتيرة ورجع بسرعه
ليث...امي مريضة منرجع نشوف الدكتور شن يقوللها وحنرجع تاني
مشي يجري لقصر الصياد حراس الباب دخلوه لانه معروف وسبق جي للقصر اكتر من مرة لحظة خشوشه رحاب وتقابلو في الباب
ناجي..بنت خالتي كيف حالك
رحاب...شن تبي ناجي
ناجي...ليث يبي يعاقبني بينقص اسبوع من مرتبي والورق غدوة بيمشي للحسبات نبي نعدل الورقة هيا توا في مكتب ليث
رحاب...وانت تحلم اني نزور معاك
ناجي..انتي مش حتزوري بس بتساعديني
بان نخش المكتب ونجيب الورقة ونعدلها
رحاب..متحلمش مش حندير شي
ناجي...عندي دين في رقبتك تفكري
ناجي...الله يلعنك ناجي .....يتبع
