رواية للحب جنون كشماء الفصل الخامس عشر15 بقلم سعاد محمد سلامة

رواية للحب جنون كشماء الفصل الخامس عشر15 بقلم سعاد محمد سلامة

أستيقظ علام ليمسك يد كامليا قبل أن تضرب بها على صدره كالعاده

ليصحو قائلا صحيت من غير ما طولى أيدك ليقبل وجنتها قائلا وبترحكش بيكى أهو

لتبتسم كامليا وتقوم بتقبيل خده قائله وأنا مبحبش حد يترحكش بيا الى بيترحكش بيا بتحركش بيه

ليضحك علام ويجعلها تنام على الفراش وينظر لها ليرى تلك البسمه التى لا تفارق شفتاها

لينجذب عليها وينحنى يلتقط تلك الشفاه فى قبولات متتاليه و متلهفه

ليترك شفتاها مرغماً ليتنفسا من أنفاس بعضهم السريعه

ليبتسم علام قائلا أيه مش هتردي التحركش ده ولا أيه

لترفع نفسها من على الفراش قليلا وتقوم بتقبيل أسفل ذقنه مبتسمه لتنهض بعدها وتنزل من على الفراش قائله قوم وبطل تحركش عالصبح علشان انا الفضول هيموتني واعرف تيتا رقيه عايزانى أنا والبت كشماء ليه

لتنظر الى علام قائله مش عارفه ليه قلبي حاسس انك عارف هيا عايزانا ليه

ليبتسم بخبث قائلا الحاجه رقيه محدش بيعرف هى بتفكر فى أيه غيرها

لتقول كامليا بس انا شوفتك وانت طالع أمبارح بالليل من أوضتها قبل ما تدخل هنا

ليضحك علام قائلا كنت بمسى عليها مش أكتر صدقيني

لتقول كامليا بوداعه بقى أنت متعرفش هى عايزانا

ليرد علام باسماً تؤتؤ

لتقول كامليا تؤتؤ ماشى عالعموم هيبان

بس أنا متأكده أنك عارف السبب

شكلك خبيث يا مقطقط

..............ـــــــــــــــــــــــــــــــــــــــــــــــــــــــ،،

أستيقظت كشماء لتجد نفسها بين يدي ركن يضمها

لتنظر الى وجهه وذالك الشعر المتناثر على جبهته قائله والله ما كدبت أوأتبليت عليك فعلآ أنت شبه راجل العصابات وأخرك هتطلع تاجر سلاح

ليرد ركن لأ هطلع أكمل الى مكملش أول أمبارح لو مخرجتش من الحمام لقيت لبسى جاهز بعد تلات دقايق

لينهض من على الفراش ويفك حصار يده ويتركها متوجهاً للحمام

لتقول كشماء على فكره مبتهدديش

ليضحك ركن قائلاً أنا مش بهدد أنا بحذر مره واحده بس والتانيه بنفذ وفوراً

بلاش عناد معايا ليدخل ويغلق خلفه باب الحمام

لتنهض كشماء من على الفراش قائله ماشي يا راجل العصابات عارف لو مش عندى فضول أعرف تيتا رقيه عايزانى ليه مكنش همنى مش مشكله

لتذهب الى دولاب الملابس الكبير الخاص به وتفتحه وتقف أمامه تنظر أليه بأعجاب قائله واضح جداً أنك أنيق من ألوان هدومك ومع ذالك بخيل بتستخسر فيا ألبس حاجه منهم لتدخل الى داخل الدولاب وتقف بداخله حائره أى شىء تختاره

ولم تنتبه

لتسمعه من خلفها يقول أنا قولت تلات دقايق فين الهدوم

لتنخض وتقع فى الدولاب لتقع فوق رأسها بعض الملابس

ليضحك ركن قائلاً حلو قوى كويس كده شغلانه عالصبح أما تطلعى من الدولاب ترتبيه زى ما كان تانى

لتخرج من الدولاب قائله نعم أرتب أيه أنا عندى ميعاد مهم مع تيتا بعد شويه

ليقول ركن والميعاد المهم دا مش الساعه عشره

لينظر الى ساعه موضوعه على الحائط قائلا والساعه

دلوقتى تمانيه وعشره والسكه من هنا لبيت عمتى رقيه خمس دقايق بالعربيه وتلت ساعه مشى يعنى معاكى وقت أستغليه أفضلك من المجادله و العناد معايا

لتنظر أليه بغضب تجده يبتسم ببرود

لتقول له وهى تزفر أنفاسها بغضب أنا مش هرتب حاجه خلى حد من الشغالين يدخلوا يرتبوا الدولاب

ليقترب ركن منها ليلصقها على أحد درف الدولاب قائلا أنتى الى وقعتيها يبقى ترتبيها وحالا وألأ أنا مش مسئول عن الى هيحصل

لتقول بأرتباك أيه الى هيحصل هتضربنى مثلاً

ليرد ركن مش أنا الى أمد أيدى على ست دا أن كانت ست أصلاً

بس ممكن يحصل كده

ليرفع يديها لأعلى بيد ويحكم سيطرته عليها ويقوم بتقبيلها و باليد الأخرى يعبث بأزار منامتها ليفتح الجزء العلوى ويعبث بجسدها

ليترك يديها ويحرر شفتيها لتتنفس ليراها تسعُل بشده ولم تعُد ساقيها تقدر على حمل جسدها لولا أحاطته لجسدها لوقعت على الأرض أمامه

وقف ينظر أليها بندم الى أن تمالكت نفسها

لترفع كشماء وجهها تنظر لركن بقوه قائلة

وقفت ليه كمل أنا قدامك خد الى عايزه مش كل عقابك هو جسمي أتفضل خده ومش هتلاقى منى أى مقاومه

نظر ركن بأسف قائلا تفتكرى أن كان صعب عليا أخد جسمك فى أى مره قربت فيها منك أنتى غلطانه

ليتركها بعد أن تمالكت نفسها قليلا لتسند بجسدها للخلف على الدولاب ويتجه يأخذ ملابس له ويبدأ بأرتدائها الى أن أنتهى ليغادر الغرفه بصمت

بمجرد أن غادر ركن الغرفه تركت لساقيها الأنهيار لتجلس أرضاً لا تشعر سوى بالأنهاك فقط.

خرج ركن من الغرفه ليذهب سريعاً الى سيارته ليركبها مغادراً دون أن يتحدث مع أحد

ليقف بمنتصف الطريق يزفر دخان سيجارته يشعر بالأنهاك هو أيضا لما يتعامل معها بتلك الطريقه كل مره لما يريدها أن تكون له ومعه كأنثى حقيقيه

هل حباً ليس بهذه السرعه ولا مع تلك العنيده.

...........ــــــــــــــــــــــــــــــــــــــــــــــــــــ،،

وقفت أيه خلف سعد تساعده فى ارتداء ملابسه

قائله متعرفش ليه الحاجه رقيه طلبت من عمى عاطف وكمان عمى نمر وانت وعلام وأشمعنا محدش من الحريم يحضر الأ مرات عمك كريمه وبناتها

ليرد سعد قائلا معرفش

لتقول أيه بضيق أزاى متعرفش أنا شايفه علام داخل وانت معاه وهو دخل عند جدتك وأنت دخلت هنا

ليرد سعد وهى ينهى الحديث معرفش

ليخرج من الغرفه ويتركها

لتقول أيه طالما فيها كريمه وبناتها يبقى أكيد حاجه مهمه هى سبب الاجتماع العائلى ده وراه سر بس أيه هو أيه تخطيطك يا كريمه من زرع بناتك هنا.

.......ـــــــــــــــــــــــــــــــــــــــــــــــــــــ،،

بغرفة عاطف

وقفت تيسر تقول ألا أيه سبب ان الحاجه رقيه طلبتك بالليل عندها أوضتها وروحت وأما رجعت قولتلى الى مالكيش فيه متسأليش فيه

ليقول عاطف طيب أنا قولتك ردى بتسألى تانى ليه خليكى مع بناتك واحفادك ومالكيش دعوه بحاجه متخصكيش

ليتركها ويخرج وهى تشتعل غيظاً منه قائله انا مش عارفه رقيه دى زى ما يكون ساحره للكل هنا كلكم كلمه منها الى عايزاه هو الى يحصل.

........ـــــــــــــــــــــــــــــ،،

بغرفة نمر اقترب من نعمه يناغشها قائلا بقولك ايه يا بتاعة النعناع يا منعنعه ما تجيبى قُبله

لتبتسم بحياء أكبر بقى يا نمر انت بقيت جد

ليرد نمر قائلا بس لسه فيا الرمق على فكره وأقدر أخاوى ولادك الشحُطه الأتنين

ليخلع جاكيته البدله قائلا تحبى اثبتلك

لتضحك قائله وهى تعيد عليه الجاكت قائله بمرح لا مصدقاك بس انا خلاص مينفعش لقد مر قطار العمر

لتكمل بادعاء ولا نويتلى على ضره

ليقترب نمر منها يضمها قائلا ولا واحده تملى نظرى بعدك يا منعنعه انت كنتى معايا عالمره قبل الحلوه وكمان أم الشحطين الى كبرونى فجأه وهتفضلى فى نظرى النعمه الى ربنا انعم عليا بها عمرك ما طمعتى واتصادمتى مع أمى أو حتى كريمه ولا حتى عملتى زى تيسير زمان لما كانت عايزه تسيطر عالبيت بعد الى حصل زمان وتبقى هى الكبيره وتلغى وجود أمى

لترد نعمه الكبيره كبيره بعقلها مش بالمريسه او مين الكبيره وانا ربنا أنعم عليا براجل حنين ومفرفش يبقى ليه المريسه والكبر يملوا راسى وكمان أنعم عليا بولدين هما الى شايلين اسم عيلة النمراوى يعنى كان فضل ربنا عليا كبير قوى

ليقبل نمر راسها قائلا أنا الى ربنا أدانى كتير من فضله لما أنعم عليا بيكى يا نعمة حياتى.

..........ــــــــــــــــــــــــــــــــــــــــ،،

بمنزل الفهداوى

جلس أيبو جوار جده بالحديقه

ليقول أيبو بص بقى يا جدى انا مش هلف وادور انا هدخل فى الموضوع مباشرةً

ليقول الجد الدوغرى مفيش أحسن منه المراوغه والملاوعه بزهقوا

ليقول أيبو بصراحه يا جدى أنا كنت عايز أخطب من زمان بس الى كان مانعنى عدم جواز ركن من جهه وكمان انى لسه مخلصتش دراسه ولا أشتغلت بس الحمد لله كل الأسباب دى خلاص خلصت

ليضحك الجد قائلا وماله أنا اختارت لك عروسه حتى كلمت أبوها وهو رحب وهى بنت ناس طيبين وكنت هفاتحك فى الموضوع ده بقى علشان نروح نطلب البنت رسمى

ليقول أيبو بأرتباك قصدك أيه يا جدى بكلمت أبوها

ليرد الجد انا أختارت لك عروسه على ذوقى أنما ايه أصل وجمال وكمان أخلاق

ليقول أيبو أنت خطبتلى من غير ما اعرف أفرض فى واحده تانيه غير الى أنت طلبتها دى

ليقول الجد هو انت فى واحده معينه عايزهه عالعموم مش أشكال أنا الى يهمنى سعادتك هطلبه أعتذر له وقوله ميعملش حساب زيارتنا له بكره وهطلبه قدامك أهو

ليبتسم أيبو براحه

ليفتح الجد هاتفه ويطلب رقم ليرد عليه

ليقول الجد وهو ينظر الى أيبو بخبث أيوا

يا جبر بقولك أيه

ليصمت وينظر الى ايبو

لينظر له أيبو قائلا قصدك البنت الى عايز تحطبها ليا هى جميله أنا موافق جداً حدد معاه الميعاد الليله ولا أقولك دلوقتى خير البر عاجله ياجدى

ليضحك الجد عاليا ويضربه بيده بخفه على وجهه قائلا خليك تقيل يا واد متبقاش خفيف كده

ليكمل على الهاتف قائلا انا كنت بتصل أأكد عليك ميعادنا بكره

ليقول الجد تمام فى رعاية الله

ليقف ايبو يقبل رأس جده قائلا أنا بحبك قوى يا جدى

ليقف قائلا بدهشه الأ عرفت منين يا جدى انى عايز أخطب جميله

ليرد الجد يا واد الشعر الأبيض ده شاب من كتر ما قابل بشر وفهمهم انا فاهم كل واحد فيكم وشايف أيه جواه وعارف عيوبكم قبل مزاياكم

ليبتسم أيبو

ليرى الجد كشماء تسير بالحديقه وبيدها كيس هدايا ورقى متوسط الحجم وتأتى بأتجاه جلوسهم

لينظر لها بتمعن ويري تهجم وجهها

لتقترب من جلوسهم

لتقول صباح الخير

ليرد أيبو صباح النور على أنثى الفهد بس أيه اللبس الشيك ده

لتبتسم بسخريه

ليشعر الجد بوجود ما يضايقها

ليقول لها صباح النور على نوارة عيلة الفهداوى أنت لابسه كده ليه أنتى خارجه

لترد كشماء أيوا تيتا رقيه طلبتنى أمبارح وقالت أروح لها عالساعه عشره وهروح دلوقتى

ليقف أيبو قائلا أنا عندى شغل فى المصنع عندنا هروح لركن أخلصه منه وأروح لمكتب المحامى تانى أيه رأيك أوصلك فى طريقى

لتقول كشماء بموافقه مفيش مانع

ليقول الجد تدخل معاها لجوه وتسلملى على عمتك رقيه

ليبتسم أيبو قائلا حاضر يا جدى وهبوسلك أيدها كمان

ليضحك الجد

لتغادر كشماء مع أيبو

ليقول الجد واضح أنك أنتى وركن مختلفين بس يمكن أختلافكم ده هو الى يجمعكم أنا متأكد

ركن مكنش هيقبل يتجوزك لو أنت مش شاغله تفكيره من أول مره وقفتى قصاده وأتحديته وكمان طردتيه هو وعلام وكمان لما رفضتيه قدامنا ولما حاولتى الهرب يوم الحنه أول مره تقف قصاده واحده وتشغل مش بس عقله لأ وقلبه كمان بس بقاوح وأنتى كمان زيه بتقاوحى أما أشوف هتفضلوا كده كتير ولا هتستسلموا وتعلنوا العشق.

.............ـــــــــــــــــــــــــــــــــــــــــــــ،،،

بعد قليل دخل أيبو مع كشماء الى منزل النمراوى

ليدخل هو وكشماء الى غرفة الضيوف

لتأتى أليهم رقيه مرحبه تقول

أنتم دخلتم أوضة الضيوف ليه أوضة الضيوف دى للأغراب

أنما أنتم أصحاب بيت وتتجه الى كشماء تضمها پحنان وتقبل وجنتيها قائله بنت الغالى حبيبة قلبى

لتبتسم كشماء قائله أزيك يا تيتا والله وحشتينى أكتر من كرمله على الأقل انتى بتسألى عنى مش زيها مش بتعبرنى

لتدخل كريمه ومن خلفها كامليا

التى ضحكت قائله بتعجب مين البت النضيفه الى حاضنه تيتا دى كرمله أنتى تعرفيها

لترد كريمه والله أنا بشبه عليها بس مش متأكده

لتضحك رقيه قائله لكشماء كريمه دى أسم على مسمى امال ركن مجاش معاكم ليه

لتصمت كشماء ويرد أيبو ركن عنده شغل وانا عرضت أوصلها أنا

لتقترب كامليا وتلف حول كشماء بتمعن قائله انت أتجوزت يا أيبو وجايب عروستك نشوفها

ليضحك أيبو قائلا أنا فعلاً قررت أتجوز بس مش أنثى الفهد

لتقول كريمه بتفكير أنثى الفهد يبقى شكى صحيح لتهمس بتعجب هو ركن بدلها فى الجونه ولا أيه

لتقول كامليا أشمعنا أنا رجعت من سهل حشيش سوده ومحروقه أنا لازم أخلى المقطقط يودينى الجونه بتاع النااس النضيفه لتقترب كريمه وتضمها باسمه وكذالك كامليا ولكن كريمه شعرت بوجود ما يضايق كشماء خاصة بعد عدم ردها على رقيه حين سألت عليه ولكن لن تسألها الأن أمام أحد

ليميل أيبو يقبل يد رقيه قائلا جدى أبراهيم بيسلم عليكى

لتضع رقيه يدها على رأس أيبو بأمتنان قائله سلملى عليه يا حبيبي وربنا يسعدكو ويحفظك لأدبك

ليقول ايبو لكامليا أزيك يا بتت عروستى

لتبتسم قائله أنت لسه مصمم تتجوزها أنا حذرتك أنت حر عالعموم انا زى ما أنت شايف رجعت من سهل حشيش سوده شبه الأفارقه

ليضحك أيبو ويتجه الى كريمه يحتضنها قائلا أما أسلم على عروستى بقى غمضوا عينكم يا بنات

ليضحكن على مزحه

لتضمه كريمه قائله هما دول وش كسوف دول منحرفات

ليضحك أيبو قائلا طب أسيبك مع المنحرفات وأروح أنا عندى ميعاد مع ركن فى المصنع ولازم أروحه له دلوقتى

لتنظر كريمه الى كشماء ترى ملامح وجهها تغيرت عند ذكر أسمه

لينظر أيبو الى كامليا وكشماء قائلا أيه رأيك انا معنديش غير ميعاد ركن النهارده وفاضى بعد الضهر أيه رأيكم أعزمكم على الغدا أهو نقعد نتكلم مع بعض شويه ويهمس لهن قائلا حتى أعزم الموزه كمان تيجى تتعرف عليكم

لتضحكان له بموافقة

ليقول لهن تمام عالساعه أتنين هاجى هنا أخدكم سلام انا بقى

لتقول رقيه مع السلامه ياغالي

ليغادر ويتركهن

لتقول رقيه أنا طلبت كشماء أنها تجى النهارده وكمان قولت كامليا انى عايزاها علشان أمر خاص بكم

تعالوا معايا هنروح أوضة المكتب

ليذهبن خلفها

ليجدن كريمه تسير فى منتصفهت

لتقول كامليا بهمس هو أنت لازم تجى معانا هى قالت انا وكشماء بس أنتى ليه حشريه كده يا كرمله

لتضحك كريمه قائله قدامى وأنتى ساكته

لتقول كشماء بهمس أيضاً لها براحتك يا كرمله انا بقولك بلاش تجى معانا وأنا هبقى أقولك بعدين هى كانت عايزانا ليه بدل ما تحرجى نفسك قدامها وتعرف أنك حشريه

لتقول كريمه مالكيش دعوه أنتى وبعدين أحنا لنا قاعده مع بعض أعرف أيه سبب الهباب الروج الى حطاه على شفايفك ده وأزاى ركن سابك تخرجى بيه كده

لتصمت كشماء

ليدخلن خلف رقيه الى الغرفه

يجدن بها

علام ومعه كل من

عاطف ونمر وأيضاً سعد

ليتعجبن

ليقفوا لهن ويبتسموا

لتقول رقيه أقفلى الباب يا كريمه وراكى

لتغلق كريمه الباب

لتقول رقيه أقعدوا يا بنات يلا

لتجلس كريمه ويجلس جوارها كشماء وكامليا تجلس على مقعد قريب من علام تبتسم له بخبث

ليبتسم لها

بعد ان جلس الجميع

قالت رقيه أنا طلبت من كامليا وكشماء وكمان كريمه

وطلبت من عاطف ونمر وعلام وسعد اننا نجتمع علشان

ميراثكم فى حق المرحوم منصور

لينظرن كامليا وكشماء لبعضهن بتعجب ثم ينظرن الى كريمه يجدنها تبتسم كأنها كانت تعلم مسبقاً

لتكمل رقيه قائله

أنا من زمان كنت طلبت من علام يحدد قيمة حصتكم فى ورثكم من جدكم علام الله يا يرحمه ودا كان بناءً على وصيته ليا هو كان نفسه يرجعكم لحضنه بس الكبر هو الى كان مانعه وكان مستنى ان كريمه ترجع من نفسها بيكم هنا بس كريمه عفت نفسها ومرجعتش الأ اما بعت لها علام واترجتها ترجع بيكم لهنا وسط أهلكم فى مكانكم الطبيعى وطبعاً بما أن منصور مش مخلف ولد فأعمامك لهم حق الميراث معاكم لتكمل بألم وكمان منصور ميت وانا وعلام كنا عايشين بس علام الله يرحمه مش فاضل غيرى أنا ليا معاكم حق فى الميراث

بس أنا أخدت قرار وأعمامك وافقونى عليه

هو أننا هنتنازل عن ميراثنا فى المرحوم منصور كله لكم أنتم الأتنين بس ومحدش هيورث فى حقه غيركم أنتم وكريمه وكريمه قالت لى أنها متنازله عن حقها لكم أنتم الأتنين

وأنا طلبت من سعد وعلام يكتبوا أوراق وعقود بأسمكم بممتلكاتكم وهما خلصوها

وفاضل أمضتكم وكمان أمضتى أنا وأعمامكم وكريمه عالتنازل والكل هيمضى قدامكم دلوقتى وعلام وسعد هما الشهود

هات العقود والاوراق يا سعد وأديهالهم يقروها

ليقف سعد ويعطى ملفاً ورقياً لكشماء لتقف كريمه وتقول تعالى أقعدى مكانى يا كامليا

لتذهب كامليا تجلس جوار كشماء وتجلس كريمه على مقعد كامليا

لتفتح كشماء الملف لتقرئه هى وكامليا ويجدن به مجموعه من العقود لأراضى زراعيه وأسهم بمصانع النمراوى وكذالك بعض البيوت المملوكه لهم

لتنظران لبعضهن بعدم فهم

لتقول كشماء أنا مش فاهمه أى حاجه من الملف ده

لتضحك رقيه قائله دا ميراثكم فى ورثكم من جدكم علام

لتقول كامليا طيب وأحنا مش هنعرف ندير الورث ده

لتضحك رقيه قائله الى هيدير كل شيء هو سعد وعلام زى ما هما وهيعطوا لكم نسبه الأرباح عن ميراثكم كل سنه بس الأوراق دى لحفظ حقكم

ليبتسمان لبعضهن

لتقول رقيه ودلوقتي الكل هيمضى على الى قولت عليه

أنا وكريمه وعاطف ونمر هنمضى عالتنازل

وكامليا وكشماء هيمضوا على أستلام ميراثهم

وفى أوراق تانيه هتمضوا عليها لسعد وعلام علشان أدارة أموالكم دى بعدين

أنما دلوقتى أنتم هتمضوا على أستيلام ميراثكم وأحنا هنمضى عالتنازل لكم

ليخرج سعد ملفاً أخر ويعطيه لجدته

لتقوم بالأمضاء عليه وتمريره الى عاطف ونمر وكذالك كريمه للأمضاء عليه

ويمضى علام وسعد كشاهدين

لتقوم كامليا وكشماء بالأمضاء على الأوراق التى بالملف الذى معهن

لتقف رقيه قائله كده أنا رجعت الحق لأصحابه بدون ظلم لحد

ليقف نمر وعاطف مبتسمان ويقتربان من بنات أخيهم ليقول عاطف برحابة بصدر مبروك عليكم وربنا يزيد الخير على وشكم ويضمهم له

لتقول كامليا يزيد أيه يا عمى أكثر من كده يبقي أفترى الحمدلله

لتضحك رقيه قائله ما يحسد المال الا أصحابه قولى ماشاء الله والحمد لله

لتضحك كامليا قائله ماشاء الله والحمد لله

ليتركهن عاطف

ليقترب نمر منهن بمزح قائلا عمكم الغلبان نمر مزنوق فى قرشين وعندى شحطين مش نافعينى ما تسلفونى ينوبكم ثواب وأهو حسنه قليله تمنع عنكم عين الشحطين ولادى

لتقوم كامليا بتقيبل وجنته قائله أهو خد حسنه منى ياعمى

ليرد نمر بخبث لأ انا مش عاوز منك أنتى الحسنه دى دى تديها للواد علام

أنا عايز حسنه زيها من البت الحلوه أم شفايف حمرا دى

ليقرب خده من كشماء لتقوم بيقبيله عليه

ليقول لها الروج الاحمر طبع كويس

لتضحك قائله طبع كويس

ليقول لها طب أما أروح أفرجه لنعمه وقولها أنى أتجوزت عليها وهخاوى الشحطين دول ببنت زى القمر زيك كده أنا كان نفسى فى بنات بس للأسف ربنا بلانى بالشحطين دول

لتبتسمان له

ليضحك سعد قائلا أنا هسجل التنازل ده وكمان أستيلامكم الميراث فى المحكمه وهعوزكم يوم معايا

لترد كشماء تمام حدد اليوم ونروح معاك

ليقول تمام كده أنا بقى لازم أشوف أشغالى

ليبدأ الجميع فى مغادرة الغرفه

لتقول كريمه لكشماء تعالى معايا عايزاكى فى حاجه

لتذهب معها

لتقول رقيه لعاطف ونمر وأنتم كمان يلا شوفوا وراكم أيه وأنا هطلع وتنظر لكامليا بمكر قائله هستناكى فى أوضتى علشان أعلمك غرزة التريكو الى قولتى عليها

ليخرج جميع من بالغرفه عدا علام

الذى أقترب من كامليا لتنظر له قائله كان أحساسى صح لما قولتلك أنك عارف تيتا رقيه عايزانا فى أيه لأ وكمان مشارك معاها فى الموضوع من أوله

ليبتسم قائلا أنا كنت وسيط ومأتمن وهى الى قالت لى مقولش لحد اللا فى الوقت الى هى تحدده

وبعدين تعالى هنا أيه الجرأه دى أزاى تبوسى بابا كده قدام العيله

لتضحك قائله تصدق أنا لو هو مش عمى وما يجوزش ليا كنت طلقتك واتجوزته راجل فرفوش وعسل زى كده ومش عصبى زى ناس أعرفهم

ليضحك قائلا أنتى الى تطلقينى ليه هى العصمه فى أيدك من واريا ولا أيه

لتفكر قليلا وتقول تصدق دى فاتت عليا خلاص أخلعك بقى

ليضحك قائلا أيه الأملاك غيرتك

لترد بغرور أكيد دلوقتى أنا مبقتش الدكتوره كامليا منصور بقيت المليونيره كامليا منصور النمراوى من عيلة النمراوى الشهيره فى السوق

ليقول علام وقبل كده مكنتيش من عيلة النمراوى الشهيره دى

لترد كامليا لأ طبعاً كنا أنا وكشماء بنختصر الأسم أو لو كملنا الأسم كامل بنقول تشابه أسماء مش أكتر لأن مكنش لنا أى صله بالعيله هنا

ليقول علام وهو يضع يده على كتفها قائلا بس خلاص بقتى نمراوى بالكامل أباً وزوجاً

لتضحك كامليا قائله كنت أباً من زمان من يوم ما أتولدت أنما زوجاً دى لسه عليها شويه

ليميل علام قائلا والشويه دول هيخلصوا أمتى ليضمها أليه مقبلاً لتدفعه عنها قائله أحنا مش فى أوضتنا وكمان الباب مفتوح علينا

ليضحك علام بشده

لتنظر له كامليا ضاحكه تقول أنا هروح لجدتى أتعلم منها الغرزه الجديده أنا بقى معايا فلوس وهفتح المشروع بتاعى بس مش هيبقي مشغل صغير دا أنا هفتح مصنع كبير وهنافسك وهبقى سيدة أعمال راقيه

ليضحك علام عالياً يقول ممكن تكونى سيدة أعمال أنما راقيه دى متوقعاش ليميل يقبل وجنتها قائلا أنتى يليق عليكى التشرد أكتر

لتقول كامليا تراهن شايف البت كشماء أما أتنضفت وراجل العصابات لبسها طقم حلو بقت موزه أزاى أنا بقى هعمل زيها يلا سلام يا مقطقط.

........ـــــــــــــــــــــــــــــــــــــــــــــــــ،،،

بغرفة كريمه

دخلت كشماء لتغلق كريمه خلفها الباب

لتنظر لها بمقت قائله ركن شافك وأنتى خارجه بالروج الى على شفايفك ده

لتصمت كشماء

لتقول كريمه لها ردى وتمسك منديلا وتقوم بمسح الروج من على شفاها

لترى ذالك الجرح بشفاها

لتضحك كريمه قائله أيه سبب جرح شفتك كده أتعميتى زى الغبيه التانيه زمان و دخلتى فى حيطه

لترد كشماء لأ دخلت فى أبن أخوكى الوقح

لتضحك كريمه مره أخرى قائله وأبن أخويا الوقح عملك أيه

تعالى نقعد على الكنبه دى واحكى لى

لتجلسان معاً

لترد كشماء عض شفايفى

لتضحك أكثر كريمه قائله بأستغراب أيه عض شفايفك وعضهم ليه

لترد كشماء بغيظ من ضحك كريمه الوقح قليل الأدب الى مش متربى بيستغل أى فرصه وعايز يفرد سيطرته عليا وعايزنى أعمل كل الى هو يقول عليه

دا حتى هو الى أختارلى اللبس ده

لتنظر كريمه لها قائله والله عنده ذوق عالى وبيفهم

بس مش دا بس الى مضايقك منه قولى الى حصل

لترد كشماء قائله الوقح بيقول عليا بارده جسم أنثى أنما مشاعرى بارده

لتقول كريمه دا أنا متأكده منه أنتى دلوقتى معدتيش كشماء الصايعه الى بتسوق توكتوك أنتى بقيتى زوجه لراجل والراجل دا محتاج يحس أنه متجوز واحده ست ناعمه ورقيقه مش واحده مسترجله زيه

وأكيد أنتى بتتحديه وبتعانديه ومفيش راجل يقبل أن مراته تتحداه وتعانده فى كل شىء

دا أن كانت بقت مراته أصلاً ولا أنا غلطانه

لترد كشماء لأ مش مراته أرتاحتى

لترد كريمه وهى تجذب كامليا لحضنها قائله تعرفى أنك بتفكريتى بنفسى زمان

لترفع كشماء وجهها وتنظر الى كريمه قائله بتعجب قصدك أيه

لتبتسم كريمه قائله أنتى مفكره أنى أتجوزت من منصور عن حب وعشق

أبداً أنا جدك فرض عليا أنى أتجوز منصور زمان وفى ليلة فرحنا قولت له أنى بكرهه ورفضت أنه يلمسنى وهو أتصرف وقتها ومخلاش حد عرف بينا أيه وفضلنا وقت زى الأخوات بس منصور كان بيقرب منى كتير وأنا بحاول أبعده عنى بأى طريقه بس فى عز رفضى له عشقته و ندمت بعدها

أنى مسلمتش لحبه من أول ليله بينا

لتقول كشماء بس ركن مش بيحبني ولا أنا كنت أعرفه أصلاً

لترد كريمه قائله وقدامك الفرصه أنك تخليه يحبك وتتعرفى عليه مضيعيش وقت أنا شيفاه هو بياخد الخطوه الأولى يبقى تحاولى أنتى كمان علشان مترجعيش تندمى تانى أدى لنفسك وله فرصه يمكن تقدروا منها تبتدوا حياتكم مع بعض.

لتعقل كشماء حديث والداتها لها وتفكر لما لا.

........ــــــــــــــــــــــــــــــــــــــــــــ،،،

بأحد مصانع الفهداوى للسراميك

جلس أيبو أمام ركن يقول بتذمر يا عم خف من السجاير دى شويه علشان صحتك

ليقول ركن مالكش دعوه

ليقول أيبو خلاص خف علشان كشماء بلاش تأذيها بشربك للسجاير وبعدين خلصنى أنا هنا من ساعتين مستنيك وقعلى على الأوراق دى علشان ألحق أوديها مكتب المحامى وأروح عند عمتى رقيه

ليقول ركن وهتروح عند عمتك رقيه ليه

ليرد أيبو هروح أخد كامليا وكشماء عازمهم على الغدا وكمان عازم جلال وجميله

ليشعر ركن بالغيره قائلا وكشماء راحت عند عمتى رقيه لوحدها

ليقول أيبو لأ أنا الى وصلتها ليكمل بمكر أيه رأيك تجى معانا أنت كمان عالغدا

ليقول ركن لأ مش فاضى عندى شغل كتير خليها مره تانيه

ليقف أيبو ويأخذ الملف من أمام ركن بعد أن وقع عليه قائلا أيه الدعوه الى قدامك دى

ليرد ركن دى دعوه لحضور حفله لرجال الصناعه فى مصر

ليقول أيبو وهتحضرها

ليرد ركن أيوا هسافر أنا وكشماء القاهره لحصورها بعد بكره

ليبتسم أيبو قائلا كويس، طب يلا أنا بقى سلام لتأخر

ليخرج أيبو

ليرمى ركن بالقلم ويقوم بأطفاء السيجاره ويمسك الدعوه بين يديه يفكر بها ويلف مقعده ويعطى ظهره للمكتب متنهداً يشعر بالغيره من أقتراب أيبو منها وكذالك يشعر بالحيره من نفسه لما يشتاق للعوده الى المنزل ويراها ويضُمها أليه الأن لما أصبحت تحتل وتسيطر على تفكيره .

...............ـــــــــــــــــــــــــــــــــــ،،،

بعد وقت بأحد المطاعم

جلس أيبو

ومعه كامليا وكشماء وكذالك جلال

وجميله التى كانت سعيده بالتعرف على كل من كامليا وكشماء وبساطتهم فى التعامل مع الأخرين ليتداولوا الحديث فيما بينهم بود ومرح الى أن

سمعوا ذالك السمج فادى

يقول أيه الصدفه الجميله دى

أنا بتغدى هنا فى المطعم كل يوم أول مره نتقابل أكيد صدفه جميله انى أقابلكم النهارده يا شباب

كان يتحدث وعيناه على كامليا

التى تشعر بالأشمئزاز من مجرد صوته

ليقف جلال وكذالك أيبو معه ليمد يده يسلم عليهم

ليقول انا أتعرفت على عروسة علام بس التانيه دى عروسة ركن بس متعرفناش على بعض رغم أنى انا وبابا عرضنا عليها هى ومدام كامليا أننا نوصلهم قبل كده ليمد يده لها قائلا فادى فكرى الديب

لتشعر كشماء بالنفور منه ولا تمد يدها قائله متوضيه ومبسلمش على رجاله معرفهمش

ليقول فادى بخذو من ضحكهم عليه نتعرف قدمنا فرصه

لتقف كامليا قائله أنا لازم أرجع الوقت سرقنا

لتقف كشماء تقول نفس الشىء

ليقف أيبو مبتسماً قائلا تمام يلا علشان أوصلكم زى ما خدتكم أوصل كامليا لبيت علام

وكشماء أرجعها تانى البيت

لتقف جميله هى الأخرى

ليقول جلال أنا هوصل جميله البيت على ما توصل الى معاك ونتقابل تانى

ليرد أيبو تمام

ليربت جلال على كتف فادى قائلا منور يا فادى يلا أشوفك فى البيت المسا

ليغادروا جميعهم وهو يقف يشعر بنيران الخذو والتجاهل منهم.

......... ــــــــــــــــــــــــــــــــــــــ،،،،

فى المساء

ببيت الفهداوى

بعد أنتهاء العشاء

أستأذن ركن للصعود لغرفته للراحه

ليأخد كشماء معه الذى يشعر بالضيق منها بسبب ما حدث بينهم صباحاً و عدم أخبارها له عن ذهابها للغداء مع أيبو وأخذ الأذن منه قبل ذهابها كما يريظ ان يعرف ماذا كانت تريد منها جدتها رقيه

لكن

بمجرد أن دخل ركن الى الغرفه شعر بالغثيان بسبب تلك الرائحه الغريبه بالغرفه

ليضع أخد المناديل المعطره على أنفه سريعا قائلا لكشماء التى دخلت خلفه

أيه الريحه الى فى الأوضه دى

لتبتسم بمراواغه قائله ريحة أيه أنا مش شامه حاجه

ليرد ركن لأ فى ريحه دى ريحة مُبيد حشرى

لترد قائله أه دا بيرسول أنا رشيته علشان الأوضه فيها ناموس ومبعرفش أنام منه

ليقول بضيق ومين الى قالك ترشيه بدون أذنى وفين الناموس ده

لتقول كشماء محدش قالى أنا الى رشيته من نفسي والأوضه كلها ناموس حتى شوف أيدى عليها علامات قرص ناموس

ليشعر أنه كاد أن يختنق

ليذهب الى دولاب ملابسه ليأتى بملابس للنوم

بمجرد أن فتح الدولاب أشتم نفس الرائحه ليختنق أكثر ليضع المنديل مره أخرى على أنفه قائلا أنتى رشيتى بيرسول كمان فى هدومى

لتمنع ضحكها قائله أنا رشيت الأوضه كلها وكمان الدولاب مش يمكن الناموس يكون متخبى فى الهدوم الى فى الدولاب

لينظر لها بغيظ قائلا وأنا هلبس أيه دلوقتى

لترد كشماء ببساطه ما تلبس منهم دا حتى عليهم البيرسول مفيش ناموسه هتقرب منك لتتخنق

لينظر لها وهو يود قتلها الأن أنتى متعرفيش أنى عندى حساسيه من المبيدات الحشريه دى

لتقول كشماء بفزع مصطنع ها محدش قالى

لينظر لها بغيظ قائلا أوعى من وشى خلينى أدخل الحمام

لتبتعد قليلا

ليتجه الى الحمام ويدخله

لليشعر بأختناق أكثر ويخرج سريعا

يقول لها أنتى راشه الحمام كمان

لترد كشماء قائله ما كنت لسه هقولك قبل ما تدخل أنا رشيت هنا أتنين وفى الحمام أتنين

ليتجه ركن الى باب الشرفه ويقوم بفتحه ويخرج

لتتجه كشماء الى باب الشرفه تنظر وهى تحاول ألا تضحك وتقول له أقفل الباب علشان التكيف وكمان الناموس ليدخل الأوضه تانى

ليستنشق ركن الهواء قائلا لأ أنا هنام الليله فى البلكونه

لترد كشماء لو كنت أعرف ان عندك حساسيه من المبيدات الحشريه مكنتش رشتها وكنت أستحملت لدع الناموس

لينظر لها بغيظ

لتقول له أنت هتنام فى البلكونه هنا على الكنبه دى

لتشير له على اريكه وجوارها عدة مقاعد صغيره بالشرفه

ليقول لها أيوا هنام هنا

لتقول كشماء براحتك بس مش هتغير هدومك

ليرد ركن بضيق لأ هنام بهدومى وأتفضلى أدخلى نامى أنتى لناموسه تلدعك من عينك

لتقول كشماء له براحتك تصبح على خير

لم ركن يرد عليها

لتدخل كشماء وتضع يدها على شفاتها حتى لا تضحك عليه

لتقول عندك حساسيه من المبيدات الحشريه ياراجل العصابات ومعندكش حساسيه من السجاير الى بتحرقها ليل نهار لما خنقتنى

لتتجه الى الدولاب لتغلقه وهى تنظر الى الملابس قائله مش بتستخسرهم فيا ألبس،منهم وبتقول عليهم ماركات سلملى بقى عالماركات.

..........ــــــــــــــــــــــــــــــــــــــــــ،،،

بمنزل النمراوى

شعرت كامليا بالضيق والزهق

لتنظر جوارها تجد علام ينام

لتفكر

لتقوم من على الفراش وتاتى بريموت صغير وهاتفها

لتقوم بتشغيل البلوتوث وتاتى باحد الاغاني الشعبيه

لتضىء تلك النجفه الموجوده بالغرفه بالريموت

ثم تشغل الهاتف بالاغنيه

وتدعى النوم هى الاخرى

ليصحو علام فزعاً

بسبب ذالك الصوت العالى الذى يشبه الافراح

ليقول وهو يشعر بالضيق أيه ده

لتصحو كامليا وهى تدعى الفزع

أيه الى شغل النجفه واحنا نايمين أزاى الأوضه أكيد ساكنها عفريت

وهو الى شغل النجفه وتدعى الخوف وتحتضن علام

ليقول علام عفريت وبيشغل أغنية ركبنى المرجيحه ليه عايز يتمرجح الساعه أتنين بالليل وفى اوضه واحده معاكى اكيد هو الى هيخاف

لتنظر أليه بغصب لتبعد عنه قليلا وتقوم بتغير الاغنيه الى أخرى

لينظر علام لها قائلا أنا متأكد أنك أنتى الى بتلعبى

حاطه أيدك وراء ضهرك ليه

لترد كامليا ولا حاجه أيديا الاتنين أهم قدامك علشان تصدق أن الأوضه فيها عفريت

لتفتح يديها أمامه ليجدهم خاليتين

ليقترب منها وينظر خلفها ليرى جيب خلفى لتلك المنامه التى ترتديها ليخرح الهاتف ومعه ذالك الريموت

ليقول بغيظ وصلت للعفريت الى فى الأوضه كان مستخبى فى جيب البنطلون الخلفى

لتقول له بأستغراق أيه ده أنت لقيت تليفونى فين دا أنا من العصر مش لقياه وعماله أدور عليه أكيد العفريت هو الى كان واخده ورجعه تانى زمانه عمل مكالمات وخلصلى الرصيد هشحن أنا منين دلوقتى

ليرد علام بضيق دا انا الى هشحنك عالأخره

لتبتسم كامليا قائله أيه يا عم الزهق يعمل أكتر من كده أنا زهقت من قعدة البيت أنا عايزه أشتغل

ليقول علام والى عايزه تشتغل تعمل كده أنا أتفزعت من صوت النجفه والاغنيه الى انت مشغالها دى ولا فرح

لترد كامليا خلاص ما يبقاش قلبك أسود زى شعرك انا عايزه أشتغل

ليقول علام تمام هكلم مدير المستشفى الى هنا تروحى تمارسى معاه

لتقول كامليا ومين الى قالك انى عايزه أشتغل فى الطب تانى

ليقول علام أمال عايزه تشتغلى أيه

لترد كامليا عايزه أشتغل معاكم فى المصانع أنا بقيت صاحبة أملاك شغلني نائب مجلس أداره

ليقول علام نعم عايزه تاخدى منصبى وأشتغل أنا أيه

لترد كامليا ببساطه أشتغل نائب تانى ومتزعلش أنت فى منصب شرفى مش أكتر أنما رئيس مجلس الأداره هو عمى عاطف

ليرد علام تعرفى أن عمك عاطف هو الى فى منصب شرفى وأنا الى بدير مصانع النمراوى كلها وعارفه كمان أن منمتيش وسيبتنى أنام أنا ممكن أعلقك فى النجفه الى ساكنها عفريت دى وأعملى حسابك أننا هنروح القاهره بعد بكره فى حفله فى غرفة الصناعه وهنحضرها سوا

لترد كامليا بجد أنا بشوف الحفلات عالتلفزيون وكان نفسى أحضرها فى مره خلاص دلوقتى الزهق راح يلا تصبح على خير

بس هات تليفونى

لتذهب الى الفراش وتنام قائله تصبح على خير يا مقطقط دا هبهرك بالفستان الى هلبسه فى الحفل دى.

........ـــــــــــــــــــــــ

يا ترى كامليا هتلبس ايه هتبهر علام بأيه

السادس عشر من هنا

تعديل المقال