رواية للحب جنون كشماء الفصل السادس عشر16 بقلم سعاد محمد سلامة

رواية للحب جنون كشماء الفصل السادس عشر16 بقلم سعاد محمد سلامة

فى شقه مفروشه بالمنيا..

جلس فادى ومعه أحدى الراقصات التى تتمايع أمامه بزيها الخليع وهو يحتسى الخمور ويدخن أحد انواع المخدرات

تُذهب بعقله يتخيل أن من تتمايع أمامه هن تلك الأثنان كامليا وكشماء كان فى البدايه يشتهى كامليا ولكن حين تأمل من الأخرى اليوم دخلت الى مزاجه هى الأخرى يريد الأثنتان معاً وأن كانت تلك الصغيره هى أكثر ما يشتهى ولكن لا مانع من الأخرى أيضاً

شعر بالغيظ من مجرد التفكير فى كيف أظهر الأثنتان نفورهن منه ليزيدن من أشتهائه لهن لكن كيف الحصول عليهن وهن لهن أقوى سند وهما أزواجهن

وليسو أزواج عاديه فهما كبيرا عائلتهم لابد أن يحصل عليهن بعيد عن هذان الأثنان ليسهل عليه وقتها الحصول عليهن ولابد من وجود طريقه وأمام الشيطان كل الطُرق مباحه.

.......... ـــــــــــــــــــــــــــــــــــــــــــــــــــ،،،

بدأت الشمس تبعث نورها

أستيقظ ركن وهو يشعر بألم بسيط فى عنقه وأيضاً تيبس ساقيه

لينظر ليجد وساده أسفل رأسه و عليه غطاء صيفى خفيف ً ليعلم أنها هى من أتت به وغطته وهو نائم

ليبتسم ساخراً ليقف ويقوم بعمل بعض التمرينات لجسده ليفُك تشنج جسده قليلاً،

ليدخل الى الغرفه وهو يضع المنديل على أنفه

لينظر بالغرفه ليجد كشماء تنام على الفراش بالوارب

ومروحه مكتب مُسلطه عليها

ليتجه أليها ويتأملها كانت نائمه دون غطاء على أحد جانبيها تضم وساده بين ساقيها واخرى أسفل قدمها وكان جزء من خصرها عارى بسبب أنحصار المنامه الحريريه ذات النصف كم التى ترتديها لينظر ركن لها هامساً

نايمه فى السرير ولا العربجى براحتها

لينظر الى التكيف يجده مغلق لتأتى أليه فكره خبيثه

ليقوم بتشغيله على أبرد درجه

ويتجه يخرج من الغرفه

.....

خرج ركن من الغرفه ليذهب الى غرفة أيبو ويقوم بفتح دولاب ملابسه

ليبحث بين ملابسه عن شىء يرتديه

ليشعر أيبو به ليصحو بنُعاس قائلا ركن خير هى الساعه كام

ليرد ركن ببساطه أحنا لسه بدرى نام أنت

ليفيق أيبو وينزل من على الفراش ويرى ركن يقف حائراً يبحث بين ملابسه

ليقول له أنت بدور على أيه بين هدومى

ليرد ركن بدور على هدوم على مقاسى هنا

ليقول أيبو بتعجب ليه وهدومك فين

ليرد ركن كشماء رشت عليهم بيرسول

لم يتمالك أيبو نفسه ليضحك كثيراً

لينظر له ركن بزغر قائلا عجبتك قوى

ليضحك أيبو قائلا وأيه الى خلاها عملت كده

ليرد ركن الناموس قطع جسمها تلديع بعيد عنك

ليرد أيبو بضحك ناموس أيه دا الجناح بتاعكم دون عن البيت كله معمول له نظام تهويه مخصوص غير أنه فيه صاعق للحشرات الطايره

ليقول ركن بضيق أصل الناموس مستقصدها هى

ليقول أيبو بمكر بصراحه يحق للناموس يستقصدها دى كانت حلوه بالطقم الشيك الى كانت لبساه دا غير الروج الجميل الى كانت حطاه واحنا رايحين عند عمتك رقيه إمبارح

لينظر ركن بضيق قائلا ببروده هى كانت حاطه روج كمان وماله

دلوقتى شوفلى لبس عندك يجى على مقاسى

ليقول أيبو البدل الى عندى أكيد مش على مقاسك أنت أطول منى بكتير أنما ممكن لبس كاجول

ليقول ركن كاجول كاجول هاتلى حاجه ألبسها أنا بالهدوم الى عليا من أمبارح غير أنى كنت نايم بهم

ليجلب أيبو بعض الملابس ويعطيها لركن

ليأخذهم منه ركن ويتجه الى الحمام

ليقول أيبو هتعمل أيه فى الحمام

ليرد ركن هاخد شاور أنعش جسمى

ليقول أيبو وحمام جناحك

ليرد ركن وهو يغلق باب الحمام ما هو الناموس كان معشش فيه و مرشوش هو كمان بعلبتين بيرسول

........

شعرت كشماء بالبرد الشديد

لتقوم بسحب غطاء السرير عليها لتشعر بالدفء قليلاً ولكن عادت تشعر بالبرد مره أخرى

لتنهض نعسه وتنظر الى المروحه وتقوم بأطفائها

لتعود للنوم مره أخرى لكن مازالت تشعر بالبرد

لتنهض لتنظر بأتجاه باب الشرفه تجده مغلق والستائر أيضاً

لتعود بنظرها الى التكيف تجده مشتعل

لتنهض وتذهب أليه وتجده يعمل على أقل درجه للبروده

لتقوم بأغلاقه وتقول الحقير راجل العصابات عايزنى أتجمد ماشى قفل البلكونه واضح أنه غار فى داهيه مع أنى أتخنقت من ريحة البيرسول بس بكفايه نمت عالسرير لوحدى وبراحتى أنا غلطت كان لازم أرش البلكونه كمان كنت نيمته فى الجنينه للناموس يتسمم بدمه

نظرت الى الساعه لتجد الوقت مازال باكراً لتعود مره أخرى للنوم لكن جفاها النوم للتقرر النهوض من النوم وتذهب الى الحمام التى كادت ان تحتنق بسبب رائحة المُبيد

لتأخذ شاور سريع وتخرج ترتدى ملابسها بالغرفه فهى أقل رائحه

.....

بعد ان أنعش ركن جسده وشعر باختفاء تشنج جسده

نزل الى غرفة المكتب ليقوم ببعض العمل على الحاسوب الخاص به ومراسلة أحدهم

ليدخل عليه أيبو باسماً طيرت النوم من عينى قولت انزل أشوفك بتعمل

ليغلق ركن الحاسوب وينظر له قائلاً بخبث انا الى طيرت النوم من عينك ولا حد تانى أسمه جميله مثلاً

ليضحك أيبو قائلاً أكيد جدى الى قالك ما انت وهو محدش يعرف الى بينكم أيه

زى ما هو دايما بيقول ركن النسخه الأولى منى

ليبتسم ركن

ليقول أيبو تعرف ان كلامه صح دا حتى مراتك نسخه طبق الأصل من جدتك دريه بس معرفش جدتك دريه كانت جريئه زيها ولا لأ

يعنى عندك أمبارح وأحنا بنتغدى جه فادى الديب ومد أيده يسلم ويتعرف عليها كسفته قدامنا كلنا وقالت له انها متوضيه ومبتسلمش على رجاله حتى لما قالها نتعرف طنشته وقامت هى وكامليا وأنهوا الغدا

لينظر ركن متعجباً يبتسم

يفكر بها بشوق لرؤيتها الأن

ليقول أيبو ركن أنت هتجى معاناعند عمى جبر الليله

ليرد ركن أكيد طبعاً بتسأل ليه

ليقول أيبو انت مش بتقول ان فى حفله بكره فى غرفة الصناعه ولازم تحضرها

انا قولت يمكن هتسافر على بيات

ليرد ركن لأ الحفله بالليل هنسافر الصبح بدرى أنا وكشماء ومعانا السواق

ليقول أيبو والسواق ليه متخليكم لوحدكم أهو تبقوا على راحتكم

ليقول ركن لا هحتاج السواق معايا فى القاهرة لأنى هفضل يومين فى القاهرة عندى شغل هناك وان لقيت نفسي هطول يمكن كشماء ترجع معاه لهنا لوحدها

ليقول أيبو ترجع لوحدها ليه وأيه الشغل ده

ليرد ركن فى نقص فى مواد الخام محتاجينه وفى كذا مورد حاسس من ناحيتهم بالأستغلال لحاجتنا لهم وبيحاولوا يرفعوا الأسعار علينا هتفاهم معاهم وأشوف أخرهم

.........

نزلت كشماء لتدخل الى المطبخ لتجد بعض الخدمات يقفن به

لتقول لهن صباح الخير

ليردوا عليها صباح النور يا ست كشماء عايزه حاجه نعملهالك

لتقول لهن لأ أنا جايه أساعدكم و ست ايه قولولى كشماء من اى ألقاب بس الأول عرفونى عليكم

ليقمن بتعريف أنفسهن لها لتدخل معهم فى حديث مازح لبعض الوقت الى أن دخلت نجلاء الى المطبخ لتجدها تجلس معهن وهن يقومن بتحضير الفطور

لتقول بتعجرف لهن أيه انت وهى التأخير دا كله الرجاله صحيوا تجهيز الفطور أتأخر ليه النهارده

ولا المياصه والدلع مع الضيوف خدتكم

لتشعر كشماء أنها تلمح لها بكلمة الضيوف وكانت سترد لولا دخول أنعام قائله بس مفيش هنا فى المطبخ ضيوف يا نجلاء كشماء مش ضيفه كشماء زيها زيك وزى فى البيت ده ومرات ركن الدين الفهداوى كبير العيله من بعد عمى الجاح أبراهيم والتعامل معاها يكون على أنها عروسة البيت

لتبتسم كشماء لها بشكر

لتمسد أنعام على ظهر كشماء بترحيب

لتنظر نجلاء بغيظ شديد قائله بهمس بتحلم أنها تكون صاحبة مكان هنا بنت كريمه ومنصور لازم تنطرد فى يوم زيهم من هنا

لتقول وماله يا أنعام لو عجبك مياصتها فى التعامل مع الشغالين أنت حره بس البيت ده ماشى على نظام ولازم تحترمه لازم تعمل لنفسها حدود تعامل مع الى هنا وترفع بمقامها ومتقعدش تتساير مع الشغالين وتنم على أصحاب أهل البيت زى ما كانت معاهم من شويه

لترد كشماء أنا مكنتش بنم على حد أنا كنت بسألهم مين بيحب أيه وبيكره أيه مش اكتر

لتقول نجلاء ودخلك ايه فى مين بيحب بيكره ايه او بيحب ايه أنتى مالكيش دخل غير بجوزك انما أدارة البيت ده للكبار الى هما أنا وحماتك

لتقول كشماء أوعدك بعد كده انى أنا هكون هنا فى البيت ده من الكبار ودا بيت جوزى يعنى زيي زيك يا مرات خالى هنا وأما تتكلمى معايا تعمل حساب أنى كنه فى البيت ودلوقتى عن أذنك يا مرات خالى لازم أروح لركن أقوله الفطور خلاص هيجهز

لتبتسم أنعام

لتنظر نجلاء لأنعام قائله عجبك الى مرات ابنك قالته

لترد أنعام كشماء مغلتطش فيكي وبلاش تعملى عليها كبيره أنا الى حماتها مش أنتى وأهو أيبو عمى الجاح أبراهيم هيخطبله الليله وبكره يتجوز وأبقى اعملى علي مراته حما أو حتى كبيره

لتقول نجلاء بتفاجؤ مين الى هيخطبوله أيبو محدش قالى ليه ولا هو مش أبنى

لترد أنعام إبنك يا نجلاء بس أنت مش فاضيه غير لمين الكبيره وناسيه أبنك وكل تفكيرك مع بنتك بس وزرعتى فى دماغها وهم أنها تبقى خليفتك هنا

لتقول نجلاء ومين الى اختارها الحاج أبراهيم

ل أيبو أكيد زى كشماء ما أهو بيختارلهم على مزاجه

لترد أنعام لأ أيبو هو الى أختار عروسته وهى تبقى

جميله بنت جبر الديب عمدة البلد

لتقول نجلاء بتفاجؤ مين ليه ملقاش غير دى أنا مش موافقه عليها

لتقول أنعام براحتك بس لازم تعرفى أنها أختيار أيبو بنفسه ودلوقتي عن أذنك لازم أروح لسلطان

لتنظر أنعام الى الشغلات قائله خفوا شويه يا بنات،

وتتركهن

لتغادر خلفها نجلاء

ليتهامس الشغلات فيما بينهم على ما حدث أمامهن

......

دخلت نجلاء الى غرفتها لتجد على قد انتهى من ارتداء ملابسه لتقول بغضب الخبر دا صحيح

ليقول على باستعلام خبر أيه

لترد نجلاء خبر خطوبة أيبو من جميلة بنت جبر

ليرد على أيوا صحيح واحنا هنروح لهم الليله نطلبها رسمى

لتقول نجلاء ابنى هيخطب وأنا معرفش هو مش المفروض انا الى كنت اختارله عروسته

ليرد على بس أيبو محدش أختار له هو الى أختار لنفسه

لتقول نجلاء بس انا مش موافقه على جميلة

ليقول على ليه جميلة اسم على مسمى غير كمان أخلاقها كويسه ومتنسيش أنها أخت جلال صاحب أيبو من أيام أبتدائى وعمرنا ما شوفنا منه حاجه سيئه بالعكس أدب وأخلاق وهو بقى وكيل نيابه وعمرك ما عارضيتى صُحبية أيبو له أشمعنا رافضه أنه يتجوز أخته

لترد نجلاء الصُحبيه شىء والنسب والجواز شىء تانى وبعدين أنت الى المفروض كنت تعارض مش أنا

ليقول على وأعارض ليه دى حياته وهو حر فى أختياره أنا لوشايفه بيتختار غلط هعارضه لكن البنت أكيد نفس تربية أخوها

لترد نجلاء لأ مش حر أنت ناسى أن جبر يبقى أخو فكرى الى كنت مخطوبه له وسيبته علشانك

ليرد على بضيق القصه دى خُلصت وانتهت من زمان وفكرى نفسه مش فاكرها وانتى عارفه السبب ان هو نفسه كان هيفسخ خطوبته منك

لتقول نجلاء بتعلثم قصدك أيه

ليقول على مقصديش حاجه بس بلاش تفتحى ماضى أنتهى وأيبو حُر فى الى عايزها تشارك حياته وأنا هدعمه وأنتى حره بس بلاش تشغلى أسطوانه قديمه زهقت من كتر سماعها

ليخرج ويتركها لغيظها وحقدها من الماضي الذى يعود مره أخرى.

........ــــــــــــــــــــــــــــــــــــــــــــ،،،

دخلت كشماء الى المكتب لتجد أيبو يجلس مع ركن

لتقول صباح الخير أنا كنت جايه أقول أن الفطور جهز

لينهض أيبو باسماً يقول صباح النور أنثى الفهد

لتضحك قائله يا دى أنثى الفهد الى أنت وجدى مش بتنادونى غير بها أنا أساساً معرفش ليه بابا سمانى بالأسم ده يلا نصيبى بقى

ليضحك أيبو وهو ينظر الى ركن بخبث قائلاً أكيد نصيبك من أسمك

ليقترب أيبو ضاحكاً يقول لها بعد كده أما تحبى تعرفى ركن بيضايق أيه أبقى أسألينى مباشر بلاش لف ودوران أمبارح تمام يا أنثى الفهد

ليخرج أيبو قائلاً أنا هروح ألحق أفطر علشان عندى ميعاد فى المحكمه بعد ساعه مع المحامى الى ركن موصيه عليا وهو عامل قوى بوصايته

لتبتسم له

ليقف ركن الذى كان جالساً

لتقوم كشماء بالنظر أليه تصفر بأعجاب قائله أيه ده أول مره أشوفك بلبس كاجول بس لايق عليك يأما بشوفك ببدل رسميه يا أما بالشورت أهو التغير حلو كذالك حتى فى لبس الكاجول برضو شبه راجل العصابات

أقترب ركن ينظر لها بتمعن قائلا ً أنتى أمبارح وأنتى راحه عند عمتى رقيه كنتى حاطه روج زى الى على شفايفك دلوقتي ده

لتقول كشماء أيوا كنت حطاه علشان

قبل أن تعطى له سبب كانت شفتاه تقبلها عدة قبلات ويده تضمها أليه ولكن

دخول شيماء المكتب بعد أن فتحت الباب دون طرق

جعل ركن يترك شفتاها مرغماً يعطى ظهره لشيماء التى قالت بتعلثم أنا كنت بدور على أيبو والشغاله قالت لى أنه هنا فى المكتب وكنت جايه له

لتقول كشماء التى كان وجهها لها وهى تحاول أن تتمالك نفسها أمامها هو كان هنا وخرج دلوقتي هتلاقيه عالسفره

لتنظر شيماء بغليل قائله خلاص أنا هروحله

لتغلق شيماء خلفها الباب وتقف بجوار الباب تشعر بنيران تحرق صدرها لتقرر البدء فى خطتها بأقصاء تلك المتطفله فى نظرها قبل أن تسيطر على قلب ركن بخبثها

أما بداخل الغرفه قال ركن بحده الروج ده ممنوع يتحط تانى على شفايفك وتخرجى بيه وبعدين أنتى ليه أمبارح مقولتليش أنك هتروحي تتغدى مع أيبو

لترد كشماء عادى ولا أنا المفروض أديك خط سيري،

ليرد ركن أيوا لازم قبل ما تروحى مكان أعرف وتاخدى الأذن منى

لترد وهى لا تريد مجادلته تمام بعد كده هبقى أقولك وأخد الأذن

ليقول ركن بسؤال عمتى رقيه كانت عايزاكى ليه

لترد كشماء كانت عايزانى علشان أستلم ميراثى أنا وكامليا ووقعنا على أستلامه بس فى يوم لازم أروح أنا وكامليا مع سعد المحكمة علشان توثيق الأوراق وكمان نعمل توكيل لعلام وسعد بأدارة حقنا فى الميراث

ليستغرب ركن ولكن يقول تمام لازم تعرفنى قبل ما تروحى مع سعد المحكمة

لترد كشماء طيب هبقى أعرفك

ليقول ركن أعملى حسابك أحنا هنسافر القاهره بكره الصبح

لتقول له أحنا مين

ليرد ركن أنا وأنتى والسواق فى حفله خاصه هنحضرها وكمان هنفضل يومين هناك عندى شغل

لتقول كشماء ما تسافر لوحدك

ليرد ركن للأسف لازم تحضرى معايا الحفله بصفتك مراتى

لتقول له ليه هى الحفله خاصه بالمتجوزين

ليردركن لأ بس أنا معروف أنى أتجوزت من مده قصيره ولازم يبان أنى سعيد بجوازى قدامهم حتى لوكان عكس ذالك زى ما أنت عارفه

لترد كشماء وهى تفهم الى ما يُلمح تمام هاجى معاك أرتاحت

وكمان ودلوقتي خلينا نطلع نفطر معاهم أنا ماليش مزاج لخناق

ليرد ركن وهو يعطيها علبة مناديل مبلله خدى أمسحى شفايفك ووشك وبعد كده ممنوع المكياج بيبقى عليكى زى البلياتشو فى السيرك

لتأخذ منه العلبه وتبدأ فى مسح شفتاها من الروج قائله على فكره أنا مكنتش حاطه روج علشان أبقى بلياتشو

أنا كنت حطاه بدارى بيه الجرح الى كان فيهم بسبب عضك بدل ما يقولوا متجوزه حيوان ضربها على شفايفها

لتسبقه وتخرج قبل أن يرد

ليخرج خلفها يبتسم

......ــــــــــــــــــــــــ،،،

فى منزل النمراى

أنهت كامليا أرتداء ملابسها

لتجد علام يدخل الغرفه

لتقول له خلاص خلصت لبس شوف لبست فى عشر دقايق مش زى الستات الى بتقف قدام الدولاب ساعتين تفكر هتلبس أيه وساعتين قدام المرايه تظبط نفسها

ليبتسم علام قائلا بس الستات دول بيلبسوا أستايل تانى غير الي لبساه ده بيلبسوا لبس سيدات أعمال

مش لبس سيد العامل الى أنتى لبساه ده

لتزغر كامليا له قائله علشان تعرف أنا مؤدبه وأنت أهو الى بتبدأ

ليضحك علام قائلا خلاص يا مؤدبه خلينا ننزل نفطر وبعدها نمشي لأن عندى شغل كتير لازم يخلص النهارده

لتبتسم لمد يده لها ليخرجوا سوياً

حين نزلا الى ألى أسفل كانت العائله جميعها على السفره ليلقيا الصباح

ليرد الجميع

ليجلس علام وجواره كامليا

لتقول رقيه ببسمه هى كامليا خارجه

لترد كامليا أيوا يا تيتا أنا خارجه مع علام هروح معاه المصنع

لتقول تيسير وهتعملى أيه معاه فى المصنع

لترد كامليا بمزح هشتغل معاه هدير أملاكى أنا بقيت صاحبة أملاك

لتنظر الى عاطف مبتسمه قائله متخافش ياعمى أنا هشتغل نائب أداره علشان تعرف أنى مش طمعانه فى منصبك

ليضحك عاطف قائلا لأ أطمعى وخديه وأنا أعتزل الملاعب وأفضى

لتضحك كامليا قائله تفضى لأيه بالظبط يا عمو هتتشاقى وتروح تلعب جولف بالقميص الأبيض والشورت الأبيص بقى

ليضحك الجميع عدا تيسير وأيه التى ترسم أبتسامه ساخره

ليقول نمر وأنا عايز أطلع أنا كمان معاش وأفضى بقى للموزه وأخدها ونسافر علشان نخاوى الشحطين دول ببنت برقابتهم تدلعنى

لتنظر نعمه له بأستحياء تقول قول تجيلك حفيده

ليرد نمر وماله يجى الأتنين ويتربوا سوا

لتقول نعمه بتمنى يارب يبقوا أتنين من علام وسعد

لتبتسم كامليا بخبث وهى تنظر لأيه التى بادلتها نفس الابتسامه

لتقول رقيه يارب انا عايزه أحفاد كتير يكبروا عيلة النمراوى

ليقول علام وهو ينظر الى عمه قائلا أنا هسافر أنا وكامليا بكره الصبح القاهره

ليقول سعد علشان تحضر حفلة غرفة الصناعه

ليرد نمر مازحاً طبعاً الحفله دى بتبقى مليانه موزز خد أبوك معاك ينوبك ثواب

لتضحك كامليا قائله حد يبقى معاه طنط نعمه ويبص لموزز دى هى موزة الموزز

ليضحك عاطف قائلا أه مش حماتك دافعى عنها علشان ترضى عنك

لترد رقيه قائله راضيه عنها كامليا تربية كريمه وأكيد تعرف تكسب رضا حماتها وكمان رضا الى حواليها

لتبتسم كريمه لرقيه

لتشعر تيسير بالغيره وكذالك أيضاً أيه اللتان تنظران لبعضهن

..........ـــــــــــــــــــــــــــــــــــــــــــــــــــــــــــــــ،،،

مساءً

بمنزل جبر الديب

جلس جبر ومعه أخيه فكرى وولده فادى وأيضاً جلال

ليرحب جبر ب

أبراهيم الفهداوى وأيضاً ومعه سلطان

وعلى وركن وصاحب التجمع أيبو

ليقول أبراهيم الفهداوى بص بقى يا جبر أنا طول عمرى بقول عليك راجل محترم وكمان زاد أحترامى ليك لما أستقبلت حفيداتى هنا بترحيب وانت مكنتش تعرف هما مين هما قالولى على أستقبالك الطيب لهم

وكمان جلال متربى مع أيبو وعمرى مشفت منه حاجه غلط ودا الى شجعنى وخلانى طلبت منك أيد بنتك جميله لأيبو بقلب جامد واثق أنها هتحافظ على أسمه وشرفه وكرامته وتعليهم كمان

ليرد جبر قائلاً أنا لو كنت اعرف أنهم حفيداتك وحفيدات الحاجه رقيه أنا كنت أستقبلتهم بشكل يليق بهم متنساش أن أنا ومنصور كنا أعز الأصدقاء والى حصل كان قدر بس هما والله مقالوش هما مين وما عرفت الا منك يومها

وبالنسبه لطلبك لجميله أنا لو مكنتش انت طلبتها يا حاج أبراهيم انا كنت هشورها وأجيبها لحد بيتك عروسه لأيبو

ليبتسم أبراهيم قائلاً وهو ينظر لأيبو قد قولك يا جبر بس عريسنا قادر يدفع مهرها بالدهب الى قصادها رخيص ودلوقتي عايزين نحدد ميعاد للخطوبه

ليتنحنح أيبو قائلاً بلاش خطوبه نخليها كتب كتاب والفرح يبقى بعدين

ليضحك الجد قائلاً خلاص زي ما قال أيبو

ليرد جبر قائلاً مقدرش أرجعلك كلمه يا حاج أبراهيم

الجمعه الجايه زى الليله يكون كتب الكتاب أن شاءلله

ليبتسم ركن لأيبو

ليقول الحاج أبراهيم تمام يبقى نقرى الفاتحه

ليتم قراءة الفاتحه

ليقول ألجد ان شاء الله أنعام ونجلاء هيجوا بكره ومعاهم هدايا العروسه وبعد بكره نروح نختار شبكة العروسه الى تليق بها

ليرد جبر قائلاً يشرفونا وينورنا والشبكه هدية العريس للعروسه

ليقف أبراهيم قائلاً تمام كده

لينظر الى فادى قائلاً عقبالك يا فادى أنت وجلال

ليرد جلال متشكر قوى يا جدى ان شاء الله قريب

لينظر أبراهيم الى فادى قائلاً وانت كمان مش ناوى تتجوز يا فادى وتعقل بقى

ليبتسم فادى قائلاً كل شىء بأوانه يا حاج أبراهيم

ليرد فكرى والله غلبت معاه بس هو له دماغ لوحده ربنا يكرمه بالى تعقله

ليبتسم أبراهيم قائلاً يارب

نستأذن أحنا بقى علشان ركن عنده سفر بكره بدرى

ليقول أيبو لأ أنا هفضل شويه مع جلال ندردش سوا

لينظر له الجد مبتسماً بمرح

لينظر فادى الى ركن قائلاً له أنت هتحضر الحفله الى عملاها غرفة الصناعه

ليرد ركن قائلاً أيوا

ليرد فادى أنا جالى دعوه بس بصراحه ماليش مزاج أحضر بحسها بتبقى حفلات كئيبه ومفيش منها منفعه غير سوية تفاخر بين رجال الأعمال ونسوانهم

ليرد ركن براحتك عن أذنك

ليهمس فادى قائلاً ما طبعاً لازم تحضر تتفاخر بالغزاله الى معاك صياد يا أبن الفهداوى وأصتدت غزاله أن كان أنت ولا أبن النمراوى وقعتوا فى غزالتين احسن من بعض كل واحده فيهم لها طبع وجمال خاص بها غير قوة شخصيتهم الى واضحه جداً

لييذهب جبر مع الحاج أبراهيم وعلى وسلطان وركن الى باب المنزل ليودعهم على وعد بلقاء لأتمام عقد القران

ويذهب جلال وأيبو معاً

ليبقى فكرى وولده فادى

ليقول فكرى من أمتى مش بتحب تحضر حفلات دا هويتك تروحها وتصتادلك واحده تتبسط معاها يومين وتخلع منها بعدها أيه الى أتغير

ليرد فادى قائلاً مليت من النوعيه دى وفى نوع تانى عايز أجربه

ليقول فكرى أن كان الى فى دماغى صح أنصحك تبعد بلاش أنت مش قد بنات النمراوى

ليبتسم فادى قائلاً تعرف أيه الى بيخلنى أأيقن انى أبنك أننا تفكيرنا واحد وفاهمين بعض

يعنى انا عايز البنات وانت عايز أمهم الى بسببها سيبت أمى تموت بحسرتها بسبب عشقك لكريمه الى عمرك ما نسيته أبداً

لينظر فكرى له بتعجب

ليقول فادى أيوا أمى ماتت بحسرتها لما سيبتها وسافرت مصر تجرى وراء كريمه الفهداوى بعد ما أترملت

وقالت لأمى تخليك تبعد عنها لأنك متملاش عينها وفى نظرها الرجاله ماتت بعد منصور النمراوى

ليكمل فادى قائلاً أيوا أنا كنت،مع أمى لما راحت لها علشان تبعد عنك بس فوجئت بالحقيقه أنك أنت الى بتجرى وراها مش هى الى بتشغلك زى ما كنت بتقول

وكريمه هى الى بعدتك عنها لما قالت لك أنك لو مبعدتش عن طريقها هى وبناتها هتقول لأبراهيم الفهداوى عن مين السبب الحقيقى فى سجن أبنه سنه.وانت خوفت لأمى تفتش سرك التانى

ليرد فكرى وأيه هو السر التانى

ليرد فادى سر تجارة السلاح مع مطاريد الجبل وأنك وسيط بين أكتر من جماعه أرهابيه بتمدهم بالسلاح وكمان ساعات كتير بالبنات الى بيخطفوهم ويعتبروهم سبايا ويتمتعوا بهم والى ترفض تغتصب وتقتل

ليتركه فادى ويقف فكرى مذهولاً مما قاله أبنه من الذى أخبر ارملته بكل هذا ومتى أخبرته لولده.

...........ــــــــــــــــــــــــــــــــــــــــــــــــــــــــــ،،،

فى اليوم التالى

فى الصباح الباكر..

أستقل علام السياره مع كامليا

ليجلس جوارها بالخلف

لتقول له هو السواق جاى معانا علشان يريحك من السواقه شويه

ليضحك علام قائلا لأ بس هحتاجه معايا فى القاهره

لتقول كامليا ومفيش سواقين عندك فى القاهره

ليرد علام فى بس أنا برتاح لعبد الحميد وبطلى رغى عايز أركز

لتنظر له قائله تركز فى أيه بتعمل أيه عالابتوب ده

ليرد علام بشوف بورصة الأسمنت وكمان بقارن بين أرتفاع وأنخفاض سعره فى كذا مكان وبشوف الأسباب

لتقول كامليا طب ودا يهمك فى أيه

ليرد علام بتعجب مش شغلى كله فى الاسمنت ولازم أعرف كل حاجه عن السوق بتاعه

لتصمت قليلا وتقول

علام

ليرد قائلا نعم

لتقول بسؤال تعرف أنى لغاية دلوقتى معرفش أنت درست أيه

لينظر لهاقائلا فى رأيك أنا درست أيه

لتقول كامليا وانا أيه عرفنى بس أكيد حاجه تابعه لأدارة الأعمال

ليرد علام قائلا لأ دراستى بعيده جداً عن تجارة الأعمال

لتستعجب

ليقول لها أنا درست صيدله

لتتعجب أكثر وتقول صيدله دى بعيده جداً جداً

ليرد علام أصلى كنت فاشل زى حضرتك ودخلتها بالغش بس كنت بنجح وبتقدير كمان وكان بسهوله أنى أزيد من الفشل وأتعين معيد فى الجامعه

لتقول له طب وازاى بقيت رجل أعمال ناجح

ليرد علام النجاح واحد فى أى مجال بس شرط أنك تستعمل ذكائك وكمان علاقاتك بالى حواليك هتلاقى نفسك ناجح بس أنك تقدر تحافظ على نجاحك دا هو قمة الذكاء وأنك تعرفى تسيطرى وتتمكنى من عملك وتزيدى من خبرتك من خبرة الأخرين وتجودى فى نفسك مش تعتمدى على الصدف

لتقول كامليا أه

ليقول علام فهمتى حاجه من الى أنا قولتها

لترد كامليا لأ طبعا

ليضحك علام قائلا زى ما توقعت دلوقتى سيبنى أركز بقى وخليكي فى الهاند فري بتاعك.

.............ـــــــــــــــــــــــــــــــــــــــــــــ،،،

بسيارة ركن

تنهدت كشماء قائله بهمس كويس أنه جاب السواق معاه بدل ما طول الطريق يقعد يتحرش بيا

بس غريبه من ساعة ما ركبنا العربيه وهو مكفى عالابتوب ومش بيتحرش بيا أكيد عامل مؤدب قدام السواق

لتنظر الى الأبتوب وتراها يكتب بلغه غريبه عليها

لتقول له أيه الكتابه دى

ليرد ركن دى أسبانى

لتقول له وانت بتعرف تكتب أسبانى

ليرد ركن أيوا

لتقول له وبتتكلم أيطالى كمان واضح أنك بتحب اللغات فى لغات تانيه كمان تعرفها

ليرد ركن انا بعرف سبع لغات قرايه وكتابه

لتنظر كشماء له بدهشه تجده يبتسم

لتقول له أكيد دارس ألسن او كنت، ف مدارس لغات

ليرد ركن لأ مكنتش فى مدارس لغات ومش دارس ألسن

لتقول له أمال دارس أيه

ليرد ركن أقتصاد وعلوم سياسيه

لتنظر له بدهشه

ليضحك قائلا أيوا أقتصاد وعلوم سياسيه وكنت معيد فيها لسنتين الكليه بتاع الناس النضيفه الى معجبتكيش وحولتى منها تربيه رياضيه

لترد قائله هى فعلاً معجبتنيش

ليرد ركن دا من حظى لأنى كنت معيد عالدفعه الى كان فيها زمايلك لو كنتى كملتى فيها كنت أتعرفت عليكي وقتها بس ربنا لطف بيا

لتنظر له قائله أكيد لطف بيا أنا كمان كنت هتتحرش بيا قدام الطلبه وشكلك كان هيبقى فى نظرهم مش كويس

بس أكيد فادتك دراستك وليه سيبتها

ليرد ركن هى فعلاً فادتنى كتير وسيبتها لأنى مكنش عندى هواية التدريس وكان لازم ارجع أمسك شغل عيلة الفهداوى

لتقول كشماء وفادتك فى أيه بقى

ليرد ركن فادتنى فى أنى أقدر أتعامل مع الى قدامى بطريقه تخلينى أكسب منه بالسياسة على طاولة الحوار قبل التنفيذ واخليه ينفذ الى أنا عايزه

وأتعامل كمان مع كل واحد على قد غبائه

لتنظر له قائله قصدك أيه أنك بتعرف تتعامل مع غبائى

ليرد ضاحكاً تعرفى أنك الوحيده الى فى حياتى معرفتش أتعامل معاها بأى طريقه

لتبتسم قائله أصلى أنثى الفهد

........ــــــــــــــــــــــــــــــــــــــــــــــــــ،،،

مساءً

وقف علام متذمراً أمام باب الغرفه ينتظر أن تخرج له كامليا

لتخرج بعد وقت

كان يعطيها ظهره

لتقول له خلاص أنا جهزت أيه رأيك أجنن طبعاً

لينظر لها تائها

ليقوم بلطم وجهه لعله يحلُم

لينظر لها قائلا هو دا الفستان الى هتبهرنى بيه

لترد عليه بفرحه قائله أه هو أيه رأيك

ليرد قائلا لبسالى سارى هندى وباروكة شعر طويله دا غير الشامه الى فى نص وشها ليه مفكره أننا رايحين حفله تنكُريه ولا أيه

دى حفله لرجال الصناعه فى البلد مش الصياعه الحفله دى بيتم على هامش حضورها صفقات بملايين مش حفله تنكُريه لجمع تبرعات للمستشفيات والملاجىء

وبعدين ارفعى ايدك لفوق كده يدها

ليظهر جزء كبير من بطنها وخصرها شبه عارى

ليقول ماشاء الله دا انا انبهرت لما عقلى طار

انتى جيبتى السارى دا منين

لترد كشماء اختى جابته ليا هديه من الجونه عارفه أنى بحب الهنود وبعدين انا لابسه توب تحته بلون الجسم

ليلطم قائلا هنود أيه وتوب بلون الجسم دلوقتى هتصرف ازاى الساعه تمانيه والحفله ميعادها تسعه ولازم اكون موجود من بدايتها ليتذكر ذالك البوتيك الفخم الذى أصطحبته أليه ذات مره جيلان

ليقول بعصبيه خمس دقايق تدخلى تقلعى الزفت ده وتطلعيلى

.........ــــــــــــــــــــــــــــــــــــــــــــــــــــــــ،،،

وقف ركن ينظر لها بتمعن بعد أن أنهتا

تلك المزينه ومصففه الشعر لها زينتها لينظر لها قائلا تمام كده يلا بينا

لتقول له بضيق أنا مش عاجبنى الفستان ده وبعدين ليه خليتهم يحطولى ميكياج مش ببقى شبه البلياتشو

ليرد قائلا للأسف لازمك مكياج قدام الى هيكونوا فى الحفله والفستان أنا شايفه مناسب ليكى مع فورمة الشعر الملموم

الطقم كله لايق على بعضه

لترد قائله أنا مش بحب اللون الأخضر ده وغير أنه ضيق من على الصدر وانا بتخنق من اللبس الضيق

ليرد ركن قائلاً واللهي هما ساعتين تستحملى فيهم الفستان زى ما أستحملتى فستان الفرح كده

ويلا بينا الساعه بقت تمانيه ونص والحفله الساعه تسعه.

...........ـــــــــــــــــــــــــــــــــــــــــــــــ،،،

بعد قليل بالحفل.

دخل ركن بكشماء التى تضع يدها بيده لتلتقطهم عدسات الكاميرات لتشعر بخضه ليميل ركن قائلاً بهمس أفردى وشك للكاميرات عايزه الصحافه تتنبأ بقرب طلاقنا ولا أيه

لتبتسم بتكلف وهى تهمس قائله طلقه تدخل من عنيك تطلع من راسك قول أن شاء الله

......

دخل علام بكامليا الذى يضع يده بيدها

لتلتقطهم العدسات

لتضحك كامليا قائله يا حلاوه هو التلفزيون بيصور دا شبه الى بيجى هالفصائيات فى المهرجانات مش كنت تقول كده من الأول

ليبتسم قائلاً مالوش لازمه الأنبهار الى على وشك تعاملى مع الأمر على أنه شىء عادى

بداخل قاعة الحفل

جلس ركن جوار كشماء على أحد الطاولات بهدوء ليأتى أليه النادل ليطلب منه ماء فقط

حين دخل علام بكامليا

نظرت حولها لترى كشماء تجلس مع ركن على أحد الطاولات لتقول له دا البت كشماء ومعاها هنا تعالى نروح نقعد معاهم

ليذهبا أليهم

ليقف ركن مرحباً بهم بود

لتجلس كامليا جوار كشماء لتبتسم لها بمرح

ليجلس ركن وعلام يتداولوا الحديث حول تلك الحفله والاقترحات فيما بينهم بينما ظلتا كامليا وكشماء صامتان يستمعان لهم دون فهم

ليقف علام وركن ويذهبا معاً الى تلك الغرفه الضخمه ويتركان كامليا وكشماء جالستان معاً

لتقول كامليا بسخريه أيه الفستان الى أنتى لبساه ده

لترد كشماء لأ فستانك أنتى الى طلقه بصي لنفسك فستانك كله ترتر

لتضحك كامليا قائله أنا اول ما شوفتك بالفستان ده كنت هقع من الضحك بس مسكت نفسي دا الى يشوفك بالفستان ده يقول أنثى الحوت الازرق مش انثى الفهد

لتضحك كشماء قائله هو العما رجعلك تانى دا لونه أخضر يا غبيه

لتتمعن كامليا قائله خلاص يبقى الحوت الأخضر

مين الى أختارلك الفستان ده

لترد كشماء الرجل الاخضر قصدى رجل العصابات وانتى أيه الفستات الى كله ترتر ده

أنا اول ما شوفتك قولت ام ترتر نورت الحفله مين الى شار عليكي بيه

لتضحك قائله دا المقطقط هو الى أختاره ومعجبوش السارى الى أشترتيه ليا يا متخلفه

ليجلسا معاً لوقت الى ان عاد ركن وعلام وأصطحباهم الى مكان أخر ليقفان ينظران الى من حولهم لتقع عيناهم على هاتان الفتاتان

لتُشع النيران من أعينهن وهن يران

تقارب تلك الوقحه أليكسيا تقترب من ركن والمدعوه كضيفه للحفل

وتلك المتسلقه جيلان والتى تقوم بتغطية الحفل لصالح أحدى القنوات الخاصه

لتنظران الى بعضهن بتفاهم

ليخرجن من الحفل قليلا ثم يعودن

ليقترب علام من كامليا قائلا كنتى فين لترد عليه كنت فى الحمام

ليقول علام وبقالك أكتر من نص ساعه كنتى فى الحمام

لترد قائله كنت مع كشماء بتعدل فستانها وأتأخرنا وبعدين كفايه عليك المنفوخه من الجناب جيلان الناجى دى مركزه معاك قوى كأن الحفله مفيهاش غيرك

ليبتسم علام قائلا خليكى جانبى ومتبعديش عنى

لتبتسم له بسخريه

اقترب ركن من كشماء قائلا كنتى فين

لترد كشماء كنت فى الحمام مع كامليا بتعدل فى ميكياجها

ليقول ركن تمام خليكى جانبى ومتبعديش عنى

لتبتسم قائله ما كفايه عليك ام شعر منقرش أليكسيا أيه الى جايبها الحفله دى

ليرد ركن ضيفة شرف

لتقول كشماء اه وأحنا أصول الضيافه وكنت بترقص معاها تجاملها مش كده

ليضحك ركن قائلاً هى طلبت ان ارقص معاها يعنى أكسفها دى ضيفه هنا

لترد كشماء قائله أه ما لازم تضايفها مهما كان سايحه ومنقرشه شعرها وجايه بلدنا ليها عندنا حسن الضيافه.

....... ــــــــــــــــــــــــــــــــــــــــ،،،

تفتكروا كامليا وكشماء كانوا فين النص ساعه الى أختفوا فيها.

وياترى كامليا هتعمل أيه مع كشماء لما يلدعها التعبان هتديها أسم المصل المضاد لسُمه ولا هتترحم على التعبان الشهيد وتقرى له الفاتحه

السابع عشر من هنا

تعديل المقال