رواية ترويض الاسد الفصل الحادي عشر11 بقلم ايه الدسوقي
ترويض أسد
الحلقة 11
...امتحان...
بعد ما ليث خدي جويل وعزمها علي العشي اختصارها هوا طول بعد العشي واعتذر منها انه يبي يرقد بكري عنده شغل
جويل ..نصدمت كانت متوقعة تقضي الليل كله معاه بي حسب ما فهمت منه هوا انه هكي طلب لاكن علاش تراجع علي كلامه
حتي ليث نفسه مكانش فاهم علاش وشن السبب الي خلاه يتراجع علي سهرته مع جويل الشي الوحيد الي حسه معنداش رغبة يرقد مع حد ومش عارفة شن صارله
ليث...خيرني زعما مريض ولا شن ؟؟
روح للحوش ورقد طول بعد موصل جويل للفندق
تاني يوم رحاب مشت للجامعه وكانت مستغربة في الحماية الي موصلتهة
رحاب...خيره هذا مفرط هلبا في الحماية
وكلهم يشبحولها منصدمين فيها اخر مرة شافوها لابسة كندرة قديمة من جيل الستينات وحوايج مش علي الموضه واليوم بدت انيقة وراقية وعلي الموضه
مافيش حد خطمت من جنبه ومتاملهاش مبهور بيها بي استغراب ومعظمهم معرفوهاش حتا بشير الي فتح فمه بي بلاهة
رحاب...خيرك بشير انا رحاب
بشير ..منظنش
رحاب ..مظنش ؟؟ شن ظن مالا ؟
بشير ..ممتلة انتحلت شخصيتها وحدة اجنبية
رحاب ..تطورت لي هاذي الدرجة لين بديت اجنبية ؟؟ غريبة كنت نحساب نمو بتاعي توقف
بشير ...نموك توقف اهلين وسهلين رحاب نفس اللسان متغيرش
رحاب ضحكت عليه
بشير ...ههههه انتي تسحتقي اكتر من هكي قلبك ابيض
رحاب .وانت بشير تستحق كل خير واطمن غير تخرج بس ضمنت مواقع شغلنا انا وانت باذن الله
بشير ...انتي حق صديقة متتقدرش باي تمن
رحاب سالت ليث كيف ترجع للكلية قالها توا هوا يتصرف
قعمز مع العميد واعطاه اوراق
العميد...انت شن دخلك فيها ؟
ليث..انا بديت مسؤل عليها وصي لين تخش ال21
العميد ضحك ..محظوظة ...عموما الاوراق حنقدمها في ملفها ونظر لظروفها حترجع للجامعه وتخش الامتحان ...وهذا كله علي خاطرك انت
ليث..شكرا دكتور فيصل
نسمة كانت تشوف لي رحاب بحقد وكره ...معجبهاش وضع رحاب الجديد
هاذي البنت متستحقش الا انها تكون في قاع المجتمع منين ما نولدت وتربت
خشو الطلاب للقاعة لما لقو ليث جاي ومتاخر نص ساعة علي غير عادته
رحاب قعمزت في مكانها جنب بشير
ليث بدي في الدرس
قبل نهاية المحاضرة طلب منهم يستنو وفي دقايق اعطاهم وراق امتحان
رحاب ...الملعون متاكدة دار هكي علي خاطري انا الله يلعنها مينساش افعاله الحقيرة علي خاطر قالي اقري ومبيتش عاقب كل الطلاب بامتحان ..صبر بس ياليث تو تعرف منهيا رحاب راجي
ليث جاب معاه زوز مراقبين والطلاب دموعهم بتنزل وعيونهم في نص راسهم
مر الوقت وهوا اوقات يوقف جنب رحاب ويشوف في ورقتها وشن تكتب
رحاب ..منعرفش نكتب وحد واقف فوقي
ليث ...اكتبي وصكري فمك
رحاب...قتلك منحبش نكتب وانت فوق راسي ليث
ليث..شنووو شن قلتي ؟؟
رحاب..دكتور ليث...
تحرك هوا ومشي من جنبها
بعد نهاية المحاضرة جمع الطلاب الاوراق وهما يسبو شن صار علاش امتحان مفاجئي ...
خدي هوا الوراق وطلع
رحاب...امتا دار هذا كله ؟؟ يخدم في شركة ويقري في طلبة ويدير امتحانات ويرقد مع العاهرات ؟؟ شن عنده اكتر من نسخة
بشير ...هههههه بوك مقصرش معانا اليوم
رحاب...ههههه حليت انت
بشير ...الحمد الله مراجعتنا علي الواتس اب فادتنا
رحاب..ابتسمت
ليث مكانش يعرف انه رحاب وبشير يقرو الايام الماضية علي خاطر هكي الامتحان جي ساهل والحمد الله غيرت تلفونها لتلفون ساعدها في القراية
بشير...انتي رحاب نوع نادر من البشر ميتغيرش
رحاب..شن الي بي غيرني يابشير الفلوس ولا اللبس ؟ الانسان معدنه ميتغير بكل بعدين قولي لو خسرت كل الفلوس في لحظة زي مجت في لحظة شن منستفيدد لو تكبرت ؟؟
ليث ..وفهد وياسر ورحاب حضرو الوصية بعد معتدر ولد عمهم عز الدين علي الجيان ..وكانت الوصية زي مقال ليث كل شي ملك لرحاب تحت وصاية ليث لين تخش ال21
رحاب بدت تقرا بجد للامتحان لانه قرب بدي عليها اسبوع بس
نسمة ...تعيط مريتش كيف ولت ياماما الجعانة الحتالة هاذي
سيارة ليها وسيارة للحرس حوايج جدد وشعرها مستشور
حسناء...غير اصبري بس ..حنلقو حل للموضوع
نسمة..لا والطلاب بدو يقولو عليها حلوة
حسناء..منين الجمال وهيا متشبهش النساوين
رحاب حسمت الموضوع تبي تحل مشكلة سراج الدين مشتله بالدرقة لاك رفض يتكلم معاها رتها سوسن
سوسن...انتي شن تبي منه
خافت رحاب قريب طاحت
أ...انا
سوسن..اطلعي من هني وصكرت الباب في وجهها
ليث..كان يبتسم وهوا يصحح لان رحاب مجاوبة وكان سعيد منها ؟؟ بس شنوو ؟؟ ليث سعيد من رحاب ؟؟ مستحيل وهوا يضحك
خبطت علي الباب وخشت قبل ميقلها تفضلي
ليث..الله ياخدك متعرفيش الادب بكل ؟
رحاب..توا انا شن درت ؟ مش خبطت علي الباب ؟؟ وعيطت
رحاب...هاااااا 
وراق الامتحان انت صححت ورقتي وريني وجاته تجري
وراق الامتحان انت صححت ورقتي وريني وجاته تجري هوا بعد الاوراق علي طول
ليث...رحاب وقفي
رحاب..انوقف ...شكلك تبصر قدامي دراجاتي وتبيني نوقف ...منقدرش وريني درجتي
ليث..قام الوراق فوق ..لا
رحاب..بالله عليك بالله عليك ارجوك
ليث...لو تموتي مش حنوريك رحاب هدي الدرجان منضيف منها في درجات امتحانكم هيا تعادل 5% حتكون مهمة لي الي بيسقط ويكون محتاج شوية درجات
رحاب...ارجوك وريهالي 
ليث..لا لا لا
رحاب شافت تلفونه فوق الطاولة قماته وجرت
رحاب ..مش حنعطيهولك كان متورينيش درجتي
ليث..رمي الاوراق وجري وراها لان نقاله بلا حماية وفيه ارقام عشيقاته ..ورسايل بعتتهمله جويل تتحسر انه مرقدش معاها وتقوله شن فاته ورحاب مفروض متقراش رسايله علي خاطر هكي جري وراها زي المجنون
لحقها قبل متفتح الباب وبدي ظهرها في الباب محاصرة بين الباب من تالي وليث قدامها
لما بدت محاصرة رمت النقال في بطنها وهوا شاف لمكان النقال بصدمة وابتسمت بمكر ...
..أعدك ...
ليث
اعطيني التلفون رحاب
وانفاسهم كانت مطربة ومحاصرة قدام رحاب وهوا يشوفلها اولا يشوف لجسم رحاب وتانيا التلفون في بطنها
ليث...الشيت اني شن يصيرلي علاش نشوفلها هكي وتامل عيونها وخدودها نبوس خدودهاالناعمة الوردية ؟؟ ليث فوق كيف تفكر هكي شن مريض انا باش نبوس بنت قاصر وانا مسؤل عليها ..الله يلعني اني نحتاج دكتور دكتور نفسي زي مقالت هيا صح
رحاب..بمكر نعطيك تلفوني مقابل ورقتي تخليني نشوفها متتنازلش منتنازلش انا
ليث...بغضب ..لا لا لا يارحاب
رحاب ..خلاص بعد من طريقي باش نطلع
ليث..تطلعي بتلفوني مستحيل هاتي التلفون
رحاب ..اعطيني ورقتي
ليث...منلعبش معاك اني
رحاب ..وانا منلعبش معاك ليث
ليث..معناها حنقعدو للصبح
رحاب..خلاص ميهمش خلينا للصبح
عيط عليها
ليث..الله يلعنك يابنت
شرين التلفون من بطنها شاف هوا موقعه
ليث ..طلعيه رحاب المكالمة مهمة علي خاطر العمل
رحاب..مش اهم من درجاتي
ليث..صيح عليها اعطيني التلفون وبري شوفي الدرجات اوينه علي الطاولة
هيا ابتسمت
عيونه تابعو ايدها وهيا طلع في النقال ومشت تجري للطاولة وقبل متوصل لحقها وخدي الاوراق في ايد والتلفون في الايد التانية
رحاب..ضحكت عليا ولاه توا تشوف 
ضحك عليها ليث
ليث..زي مديري انتي بديت نفكر زيك
تاملت وجهه وهوا يضحك كان قريب للبشر
رحاب...انت تضحك زي الناس 
ليث ..علاش منضحكش 
رحاب...لانك فكرتني بي معنا اسمك المفترس (تقصد الاسد) انت خطير وسنونك ميطلعوش ينتشو
ليث..ينتشو ؟ شن انا مصاص دماء ؟؟
رحاب..انت قريب الشبه بيهم قالتها وتاملاته
ليث..قريب الشبه بهم ؟ شن سبق وتلاقيتي مع دراكولا ؟ رحاب راجي ؟؟
رحاب ..ريتهم في التلفزيون وقريت عليهم نحب هلبا دور ادوارد كولن انا نعشقه
سالها بصدمة ؟؟
ليث...ادوارد كولن من ؟؟
رحاب...مصاص دماء حبيب بيلا سوان ..كانت بشرية بعدين تحولت دراكولا و... وقع عليها
ليث .... رحاب اطلعي من قدام وجهي
رحاب...علي اساس فرحانة بالقعاد معاك ليث باشا
ليث...خلاص مندامنا مناش فرحانين مع بعضنا بري وكملي قرايتك رحاب امتحانك قرب
طلعت هيا بغضب
ليث...رحاب...
رحاب...شنوو
ليث..معندكش اسلوب خير من الرد هذا
رحاب...ناديتني باش تناقش اسلوبي
ليث..اسلوبك توا نحاول نعدله بعدين توا نبي نعرف علاش جيتي لمكتبي علاش جيتي اصلا ؟؟
رحاب ...مش قلت تلفونك مهم ؟؟ توا تمت اهميته ؟ انت خداع
ليث...الله ياخدك انا مخادع ؟؟ شن استادنتك باش ناخد تلفوني الشخصي رحاب ؟
رحاب...انا منطلع خير ليا وليك
ليث..مقلتليش علاش جيتي
رحاب..هههه جيت نبي نصورك ونحط الصورة نخوف بيها الصغار لو مكلوش غداهم
ليث تعفلق ...رحااااب اختصري
رحاب..خافت...كنت نبي نسالك سؤال بخصوص مرت بوك انتم دورتو عليها ؟؟
سكت هوا بعدين جاوبها
ليث... جدي دور عليها لاكن ملقهاش
رحاب ..معنديش تقة في جدك وشن يقول
عيطت عليها
ليث..جدي راجل محترم وعنده مكانته وسمعته بين الناس وتوا جايا انتي تقولي هكي ؟
رحاب ...جدك اتهم جدي بالزور ودخله الحبس وبعد كل هذا تقولي محترم
سوسن كانت تتنصت وراه الباب
ليث...بغضب محدش يعرف شن صار زمان متظلميشي رحاب
رحاب...انا مظلمتاش
ليث..جدي لقي مخازنه فاضية اول شخص حيتم اتهامه اكيد الحارس الي عنده مفتاح المخازن
رحاب..علاش يتهمو شخص بدون دليل ؟
ليث..لقو عنده الشيمنت في حوشكم يارحاب حد ضلل جدي واتهم جدك ...وحنعرف من دار هكي نوعدك
رحاب..لو كنت تبي توعدني خليني نعرف من نبي ناخد حق جدي
ليث..مافيش جريمة كاملة رحاب ...ديما الناس توصل للحقايق
رحاب ...ايه بعد ميدمرو سمعة عيلة كاملة ولاه ؟
ليث..انا منعتبرش جدي مذنب جدي لو اذنب معناها ذنب بس في حق ولده عز الدين
رحاب...جدك عنده ولد تاني ؟؟
ليث...ايه عمي ...عز الدين عنده ولد واحد اسمه اسهم وتوا عايش البرا جدي حرمه من الورت وهوا اقسم مش حياخد قرش واحد لاكن جدتي عوضاته هيا وبوي كتبتله بالتراضي مع بوي جميع املاكها والحمد الله رجع هوا وابنه بعد موت جدي ...ومؤخر مات عمي لاكن قاعدين نتواصلو مع ايهم
رحاب...حتا ولده مسلمش منه
ليث..متظلميشي رحاب راجل ميت
رحاب..جدك ظلم اكتر من شخص ...انت لازم تقتنع بالشي هذا
ليث...في النهاية مهما كان جدي
رحاب...الله يهنيك بيه قالتهى وطلعت متعفلقة وصكرت الباب بالقوة
ناض يلعن ويسب فيها
شاف لتلفونه كانت مكالمة من جويل
ليث...شن هاذي مصرة نطلع معاها وانا منبيهاش شن معندهاش احساس معنديش رغبة فيها
سوسن مشت تجري لدارها ...
سوسن..معناها البنت هاذي دور ورا فريدة مرت سراج الدين علي تخبيطة الباب وخشت ريان
ريان..نادتيني عمتي
سوسن..ايه البنت دور علي فريدة
ريان...من فريدة
سوسن...مرت سراج الدين
ريان..من البنت قصدك رحاب ؟
سوسن..ايه من غيرها يعني فضولية وتحشر في خشمها في كل شي ..ولازم حني نتفتكو منها
ريان..كيف ؟
سوسن ..خليها عليا ..
رحاب ..تمت امتحاناتها والطلاب يبو يصادقوها لاكن هيا معطتهمش فرصة كان شعارها الي مصاحبهاش وهيا فقيرة وعاجزة متبيش صداقتها وهيا غنية
تمارة جت لرحاب وبشير
تمارة...شن كان امتحانك رحاب
رحاب ..الحمد الله مخليتش مكان فاضي والي معرفتاش تخيلته
بشير ..هههه خليها ياتمارة حتنجح بي امتياز زي العادة لان خيالها ميخطيش
حست رحاب بحركة وراها تلفتت لقت ليث
ليث..اهلين تمارة بشير
رحاب ..امتا بتروحي الحوش ؟
بشير يخااف من ليث علي خاطر هكي وقف
اشرله ليث باش يقعمز
تمارة ..اهلين دكتور ليث
رحاب ..زي مريت مقعمزة مع اصدقائي وتمارة جت تزورني
ليث..انا مقتلكش روحي قتلك امتا بتروحي ؟
رحاب..منعرفش محددتش اليوم كيف تمينا امتحانات وتمارة تمت ونبو نقعمزو مع بعض ونطلعو ندهورو
ليث..اطلعو مع عمي حسين والحراس معاكم
رحاب..انت تغم في حريتي
ليث..نغم في حريتك شن منعتك من الطلوع ؟ اطلعي وادوهري مع صاحبتك لاكن خودي الحراس ولا متطلعيش
رحاب...اووف مش متعودة علي شي هذا
ليث..تعودي واي تلاعب حتدفعي التمن
رحاب...الله يسامح هذاك اليوم
ليث..اللهم امين قالها وطلع
تمارة ..ههه انتي متعبتيه هلبا
رحاب...يستاهل هوا ملعون
لما روحت رحاب للحوش لقت سوسن مقعمزة
مبتش تسلم عليها رحاب تعودت انه مافيش علاقة كويسة بينهم
سوسن ..استني رحاب نبيك
رحاب...نعم
سوسن..نعرف انك متحبينيش ممكن لاني كنت صعبة معاك ...لاكن قدري ضروفي الي اني فيها.. قعمزي
قعمزت رحاب
سوسن..انا بنت صديق مصطفي باشا الله يرحمه هوا الي زوجني لي ولده سراج الدين وكنت طول عمري نحبه بعد تزوجته عرفت انه خش في حالة رفض للدنيا بعد مهجراته مرته فريدة وعرفت انه متحباش ومتبيشي لاكن سراج الدين رافض هلبا انه يسمع الشي هذا ..او يصدقه ..انا نبيك تساعديني رحاب
رحاب..باش منساعدك
سوسن...بريلها واطلبي منها انه ترجع ترجيها ..اشرحيلها وضعه الي فيه مرات تسمعلك ..ارجوك انا بس نبي الابتسامة ترجع لوجهه
رحاب..باهي هيا وين ؟؟ وكيف منمشيلهت ؟
سوسن..حنقولك علي كل شي حبيبتي ...لاكن اوعديني تحاولي بكل مجهودك
رحاب..انتي تعرفي مكانها ؟؟ تعرفي وين هيا؟؟ فريدة ؟؟
سوسن...ايه اسمها فريدة ونعرف مكانها وحندلك عليه بس اوعديني انك تساعدي راجلي
رحاب..لاكن علاش ممشوش صغار عمي ليها ؟
سوسن ..لان جدهم قسم انه يحرمهم من الورث لو مشولها ..لانه غضب عليها وبعدين معاش اهتمو بيها ..وميهمهمش شفاء بوهم
رحاب...تمام نوعدك انه حندير الي نقدره ....
يتبع
