رواية خيانة زوجة كامله بقلم مصطفي جابر
مراته ببرود: انت هتفضل عاطل كدا كتير.
كرم: جرا اي يا مروه هو انتي شيفاني نايم منا بدور علي اي شغلانه ليل نهار مش لاقي حاجه اعمل اي .
مروة ببرود: اتصرف انشاء الله تلمع جزم حتي انا محتاجة مصاريف ليا وللعيال وشويه شويه مش هنلاقي ناكل وهنشحت.
كرم بحزن: طب مانتي شغالة يا مروه اصبري عليا لحد ما ربنا يفرجها من عنده.
كرم : بقي كده ؟ طيب خلاص هاتي دهبك ابيعه واعمل مشروع علي قدي وهرجعه لك اكتر.
مروة بخضة: نهارك اسود ؟ عاوز تاخد دهبي يا كرم دا بدل ما تزوده ؟ ....اسمع اخرك معايا اسبوع لو ملقتش ليك شغلانه يبقا كل واحد يروح لحاله تمام ؟ .
دخلت الاوضة ورزعت الباب بغضب...
كرم بحزن: حسبي الله ونعم الوكيل في اللي كان السبب يارب ارزقني ب اي حاجه من عندك يارب.
عند مروه في اوضتها بتتكلم في التليفون بصوت واطي شبهها
مروة بخبث: مش لاقي اي شغلانه و انا بكره او بعدو هطلب الطلاق.
شخص ما: هو دا الكلام انا موصي الكل محدش يشغله نهائي.
مروة بمكر: احسن حاجه عملتها انا هقفل دلوقتي وأشوف كرم .
خرجت مروه لاقت كرم مش في البيت: ايه ده راح فين يكون طفش والله هيبقا احسن حاجه عملها اهو ارتاح منه
كرم كان ماشي في الشوارع مش عارف يعمل ايه.
بيلاقي بنت قاعده بتعيط استغرب كان هيمشي بس رجع ليها: احم انتي بتعيطي ليه.
البنت مسحت دموعها: وانت مالك.
كرم باحراج: اسف.
كان هيمشي وقفته: استنا انا اسفة والله مكنش قصدي بس انا مضايقة.
كرم بهدؤء: لا محصلش حاجه عن اذنك.
البنت: استنا ممكن تقعد افضفض معاك شويه انا محتاجة اتكلم ومش لاقيه حد.
كرم بابتسامة: ممكن.
قعد بهدؤء: مالك.
البنت بحزن: انا اسمي ريم و النهارده كانت خطوبتي علي حب طفولتي بس للاسف طلع خاين و حبيبته جت فضحته ليا ولما وجهته بالحقيقة اعترف وكان عادي بالنسبة له ف سبت الخطوبة وهربت.
كرم بهدؤء: انتي تحمدي ربنا انه كشفه ليكي قبل الجواز مش تعيطي وتزعلي نفسك.
ريم بحزن: بس انا حبيته اوي.
كرم بهدؤء: وهو محبكيش يبقا تنسياه وتبدئي من جديد.
ريم مسحت دموعها: عندك حق متشكرة جدا ليك يا هو انت اسمك ايه.
كرم بابتسامة: كرم وبعدين مفيش شكر تحبي اوصلك.
ريم: ميرسي معايا عربيتي.
كرم ابتسم وهي قامت مشيت ..
كرم بهدؤء: الخيانة وحشة اوي فعلا الحمدلله اني عندي انسانه زي مروة اه عصبية بس قلبها ابيض.
روح البيت.. وتاني يوم.
كرم كان بيجهز نفسه: انا نازل ادور علي شغل عاوزة حاجه.
مروة ببرود: لا يخويا شكرا.
نزل كرم راح مقابله في شركه جديده يقدم فيها
السكرتيره: الاستاذ كرم سعد.
كرم: افندم.
السكرتيره: اتفضل دورك.
قام بهدؤء دخل المقابلة لاقي المدير لافف بالكرسي: اقعد.
قعد بهدؤء: احم انا كرم سعد معايا...
سكت لما لافت بالكرسي: هو انتي.
ريم بذهول: هو انت ؟ انت بتعمل ايه هنا.
كرم بابتسامة: جاي اقدم علي الوظيفه بتاعت السكرتير الخاص.
ريم بهدؤء: اممم تمم انا قراءت السي في بتاعك وهايل حضرتك اتقبلت معانا.
كرم بفرحه: بجد.
ريم بابتسامة: ايوا و تقدر تستلم شغلك من دلوقتي هتكون السكرتير الخاص بمكتبي.
كرم بسعادة: تمم متشكر جدا.
ريم بهدؤء: مريم برا هتفهمك الشغل تقدر تتفضل دلوقتي.
كرم بابتسامة: تمم يا فندم.
خرج و مريم فهمته كل حاجه اتصل علي مروة يقولها مبتردش بعت لها رسالة وبدء شغله...
عند مروة.
مروة بصدمة: لاقي شغل وكمان في شركة كبيرة.
الشخص: خلاص اي المشكلة.
مروة بغضب: انت بتقول ايه بقولك لاقى شغل احنا طردناه من الشركة عشان القي سبب اطلق منه فيه واتحملته شهر تقوم تقولي اي المشكلة.
الشخص: بصي مبقاش في اي حل اخلعيه وخلاص.
مروة ببرود: لا انا عاوزة حقوقي.
الشخص: خلاص اطلبي منه الطلاق ويلي يحصل يحصل.
مروة بشرود: تمم هشوف.
عند كرم.
كان بيشوف شغله بييجي شاب ما: ريم هانم جوا.
كرم: ايوا يافندم مين حضرتك.
الشاب ببرود طنشه ودخل لها بغضب: انتي هربتي امبارح ليههه.
ريم ببرود: ازاي تدخل بالاسلوب دا دي شركة محترمة اطلع برا.
علي بغضب: مش هطلع غير وانتي معايا وهنكمل الخطوبه.
بيدخل كرم: بعد اذنك اطلع برا.
علي بغضب: وانت مالك انت واحد وخطيبته غور برا.
ريم بغضب: لا مش خطبته انت خاين وجبان وانا مش عاوزة اكمل معاك ف اطلع بالذؤق احسن لك فاهم.
علي بمكر: بقا كدا طب استحملي بقا.
خرج وزق كرم وهو خارج.
ريم بعصبية: اول واخر مرة حد يدخل بدون اذني تاني يا كرم.
كرم بهدؤء: انا اسف بس هو دخل علي طول وانا جيت ا...
ريم بغضب: خلاص اخرج دلوقتي.
خرج وهو مضايق منها وهي قعدت بحزن..
