رواية عهد ومنصف ( لذة البدايات ) الفصل الثامن 8 بقلم دودو محمد
شعرت عهد بألم شديد ببطنها وضعت يدها عليها بألم وفي ذلك الوقت سمعوا صوت ضحكات منصف المستفزه قائلا
-بألف صحه وعافيه يا روحي نصيحه متطلعيش من الحمام النهارده خالص مش ناقصين زروطه وقرف في المكان
عهد:يا ابن ال انت حاطط ايه في الاكل ده
اقترب منها وقال بصوت هامس
منصف: متقلقيش هما بس شوية اسهال علي شوية ترجيع وشوية مغص وشوية سخونيه وعلي الصبح هتكوني زي الفل اصل كنت متأكد ان موضوع الفار ده مش هيمشي معاكي واول حاجه هتجري عليها الاكل خلي الطفاسه تنفعك يا روحي
وخرج من المطبخ وتركهم
قبل ان تتكلم شعرت الالم يتزايد ببطنها نظرت إلي غزل ونهضت سريعا وركضت إلي المرحاض
تحركت سريعا خلفها وطرقة علي الباب بقلق وقالت بتساؤل
-عهد انتي كويسه
تكلمت بألم شديد من الداخل وقالت
عهد:-بطني مش قادره هموووت بتتقطع يا غزل
زفرت بضيق وقالت بقلق
غزل: انزل اجبلك حاجه من الصيدليه طيب
صرخت من الداخل بألم وقالت
عهد: ااااي حاجه بسرعه هموت مش قادره نظرت إلي الباب بقلق وتحركت خارج الغرفه وجدت فادي ومنصف يجلسون علي الاريكه نظرت لهم بضيق وتحركت اتجاه الباب
نهض سريعا وهتف عليها وقال
فادي بتساؤل: رايحه فين يا غزل
تكلمت بصوت مختنق وقالت
غزل: رايحه اجيب حاجه لعهد من الصيدليه علشان تعبانه اوي من اللي ده حطه ليها في الاكل
نظر إلي منصف بضيق وقال بصوت هادئ
فادي: خليكي انتي انا هروح اجبلها حاجه بسرعه واجي
اومئ رأسها بالموافقه وقالت
غزل: ماشي بس متتأخرش ارجوك
ابتسم لها وقال بنبره هادئه
فادي:-حاضر يلا ادخلي اوضك
تحركت بأتجاه الغرفه ونظرت إلي منصف بضيق واغلقت الباب خلفها
نظر إلي منصف محذرآ اياه وقال بصوت غاضب
-انت عارف لو قربت منهم وانا مش موجود متلومش الا نفسك يا منصف
اطلق الصفافير من بين شفتيه بأنتصار وقال بتهكم
منصف: متخافش عليهم يا حونين انا خلاص اخد حقي منهم ولو فكروا يلعبوا معايا تاني يبقوا يستاهلوا اللي هيحصل ليهم مني
حرك رأسه بعدم رضا وتركه وهبط إلي الاسفل
خرجت عهد من المرحاض وهي ممسكه بطنها بألم شديد وقالت بصوت غاضب
-وربنا ما هسيبه انا هعرف ازاي ادفعه تمن اللي عمله ده
جحطت عيناها بألم شديد وركضت سريعا إلي المرحاض
جلست علي السرير بقلق وقالت
غزل: ربنا يستر عليكي يا عهد
وانتظرت عودة فادي من الخارج
..........................................
مر الاسبوع واستعدت عهد حتي تعود إلي عائلتها بصعيد مصر نظرت إلي غزل الباكيه بحزن واقتربت إليها احتضنتها بشدة وقالت بدموع
-كفايه عياط بقي متصعبهاش عليا يا بت وبعدين انا وعدك ان هرجع هنا تاني متنسيش ان الشقه بتاعتنا احنا الاتنين بس وعلي ما نخلص من الاتنين المستفزين دول هكون رجعتلك ادعي بس يكون عريس الغفله طيب ودماغه مش قفل ويوافق اعيش هنا وهو مسافر
ربت علي ظهرها وقالت بتمني
غزل: ان شاءالله يا حبيبتي بس ابقي طمنيني عليكي لما توصلي لو مكنتش لسه مستلمه الشغل جديد كنت جيت معاكي وفضلت جنبك في وقت زي ده
تكلمت سريعا وقالت برفض
عهد: لا طبعا مينفعش احنا الاتنين نسيب الشقه ونمشي لازم حد مننا يفضل في الشقه علشان محدش منهم يستولي عليها وانا هكلمك علي طول وابلغك بكل حاجه هتحصل وانتي اجمدي كده واوعي تضعفي قصادهم وبلاش اللهي يسترك الواقفه بتاعة المطبخ دي انتي وسي روميو بتاعك ده مش عايزه ارجع الاقي الشقه مليانه عيال فاهمه قصدي ها
نظرت لها بتوتر وقالت
غزل:-ف ف فاهمه متقلقيش هو محترم جدآ وبيتكسف من خياله اصلا
تعالت ضحكاتها وقالت
عهد: يا واد يا شقي انت انا فاهمه انتي عايزه ايه عموما انا ماشيه وهتبقي انتي وهو وثالثكم الشيطان اللي هو منصف طبعا، يلا انا لازم امشي علشان الحق القطر
واحتضنتها بشدة وفرت دمعه من عينيها ازالتها باناملها سريعا قبل ان تراها صديقتها ثم ابتعدت عنها بأبتسامه ونظرت لها نظره مطوله وتحركت خارج الغرفه نظرت إلي باب غرفة الشباب بضيق ونظرت إلي غزل وقالت
-اقفلي عليكي الباب كويس وخلي بالك من نفسك يلا باي
وتحركت سريعا وغادرت البيت هبطت إلي الاسفل واوقفت سيارة اجرة ووضعت حقيبة ملابسها وصعدت السياره وتحركت بها سريعا
نظرت غزل علي اثر عهد انهمرت دموعها بغزاره دلفة غرفتها واغلقت الباب خلفها ارتمت علي السرير وظلت تبكي حتي تقطعت انفاسها.
..................................................
جلس منصف بجوار فادي ونظر له بحزن ربت علي ظهره بحنو وقال
-اجمد يا بطل وبلاش الحزن اللي في عيونك ده انا عارف ان كل يوم بيفوت كنت بتتعلق بغزل اكتر بس انا قولتلك من الاول يا فادي بلاش هتتعب لان مصيرنا معروف انما انت مشيت وراه قلبك وطاوعة نفسك استحمل بقي
زفر بضيق وقال بصوت مختنق
فادى: اعمل ايه بس يا منصف مش بأيديا بس انا قررت ان مش هسكت هرفض اتجوز العروسه دى واللى يحصل يحصل
حرك رأسه بعدم ارتياح وقال
منصف: انا مش مرتاح للى انت ناوى تعمله ده صدقنى مش هيعدى بالساهل والله
نظر له بعدم اهتمام وقال
فادى:-مبقتش فارقه معايا قوم يلا علشان منتأخرش
هب واقفا وقال بقلق
منصف: ربنا يستر من اللى جاى
وتحركوا الاثنين إلي الخارج ونظر فادى إلى غرفة البنات وتنهد بضيق وغادروا المنزل سريعا واتجهوا إلى الصعيد.
..................................................
بعد وقت وصلت عهد إلى بيت والدها احتضنتهم بأشتياق وارتمت داخل احضان والدتها وقالت بحب
-توحشتك كتير يا اما وانت يا بوي توحشتك جوى جوى
ربت علي ظهرها بحنو وقالت
-الدار مكانش ليها طعم واصل من غيرك يا بنتى
ابتسمت لها بحب وقالت بمرح
عهد:-ليه بس يا اما تلاجيكم كنتوا مرتاحين من وجع النفوخ اللى بعمله ليكم طول ما انا فى الدار
قبلت راسها بحب وقالت
-بالعكس يا بنتى الدار بتبجى من غيرك ماسخه وملهاش روح ربنا يخليكى لينا ويحميكى لشبابك يارب
تكلم والدها بتوضيح وقال
-جومي يا بنتى غيرى خلجاتك دى وريحى شويه بكره عندينا يوم طويل علشان عمك وولده جاين يزورونا
نظرت له بحزن وقالت بصوت مختنق
عهد: هو لازم موضوع الجواز ده يا بوى ما بلاش منه انا مش حابه ارتبط دلوجيت عايزه اشتغل الاول واعيش حياتى
نظر لها بضيق وقال
-ايه يا بنت جلبي الجاعده فى المدينه غيرتك ونسيتك عادات وتجاليد اهلك فى البلد
نهضت سريعا وامسكت يده وقالت
عهد:انا عمرى ما انسي عادتنا وتجاليدنا يا بوى انا بنت الصعيد وهعيش واموت وانا فخوره بده بس يا بوي الجواز ده مسؤوليه كبيره جوى وانا خايفه مجدرش عليها
حرك راسه بالرفض وقال بنبره هادئه
-انتى بنت ابوكى يا عهد وانا عارف انك جدها يا حبيبتى
تنهدت بحزن شديد واومئ رأسها بالطاعه وقالت
عهد بصوت مختنق: حاضر يا بوي اللى تشوفه انا هدخل اريح جسمى من الطريج
وتركتهم ودلفة غرفتها ارتمت على فراشها بدموع ونظرت إلى الاعلي وقالت
-هتعملى ايه يا عهد واضح كده ان مافيش مفر وده قدرك ونصيبك ثم ازالة عبراتها وامسكت الهاتف الخاص بها واجرت اتصالا وانتظرت الرد
بعد عدة ثواني اتاها صوت غزل الحزين وقالت
-واحشتينى اوى هترجعى امته بقى
ابتسمت بحزن وقالت بأستغراب
عهد:هو انا لحقة يا بنتى ده انا لسه واصله البلد مبقليش ساعه المهم طمنينى عليكى عامله ايه اوعى يكون حد فيهم اتعرضلك وسكتلهم
اجابتها بصوت مختنق وقالت
غزل:-انا مخرجتش اصلا من الاوضه من ساعة ما انتى مشيتى بس واضح كده انهم نايمين لان مش سامعه صوت حد فيهم بره
ردت عليها بضيق وقالت
عهد:-اللهى يناموا ما يقوموا علشان نرتاح منهم
ردت عليها سريعا وقالت
غزل:-بعد الشر على فادى
ابتسمت وقالت بتهكم
عهد:-والله!!
تنحنحت بأحراج وقالت
غزل:-ب ب بعد الشر عليهم الاتنين حرام دول لسه شباب اينعم منصف غلس شويتين تلاته بس حرام ندعي عليهم
زفرت بضيق وقالت
عهد:-ماشي يا حونينه انا هقفل بقى علشان عايزه انام والصبح هبقى اكلمك تصبحى علي خير
اغلقت الخط والقت الهاتف بجوارها ونهضت بدلت ملابسها وعادت مره اخرى تسطحت على فراشها واغلقت عينيها وبعد وقت ذهبت فى سبات عميق.
