رواية عهد ومنصف ( لذة البدايات ) الفصل السابع 7 بقلم دودو محمد
باليوم التالى
استيقظت عهد من نومها على صوت هتاف غزل عليها فتحت عينيها بصعوبه ونظرت لها بضيق وقالت بتثأوب
جلست بجوارها وربت علي ظهرها وقالت
عهد: نوم ايه يا بنتي النهارده عندنا انترفيو انتي ناسيه ولا ايه
زفرت بضيق وقالت
عهد: يووووه بقي هو الواحد ميعرفش ينام شويه في ام البيت ده
ارغمتها علي النهوض وقالت بنفاذ صبر
غزل: قومي يا اخرة صبري هنتأخر بسببك
تحركت بتكاسل ودلفة المرحاض
نظرة إلي الباب بأبتسامه وخرجت من الغرفة اتجهت إلي المطبخ وبدات تعد لها القهوة الخاصه بها وفي ذلك الوقت دخل فادي بأبتسامتة المعتادة اقترب منها وقال بنبرة هادئه
-صباح الخير
وقفت مكانها ثابتة ابتلعت ريقها بصعوبه واومئ رأسها وقالت
غزل بتوتر: ص ص صباح النور
نظر إلي يدها وقال بتساؤل
فادي: بتعملي ايه
ابتلعت ريقها بتوتر وقالت
غزل: ها ب ب بعمل نسكافيه اعملك معايا
حرك رأسه بالرفض وقال
فادي: لا خليكي انتي انا هعملك معايا وارهنك انك كل مره هتطلبي منى اعملك معايا
التفت له ونظرت له بتوتر واومئ رأسها بالموافقه وتراجعت إلى الخلف
وقف مكانها وبدأ يعد لهم القهوة وعدة ثواني وانتهي اعطاها الكوب الخاص بها وجلس على المقعد ونظر لها وقال
-تعالي اقعدي اشربي النسكافيه بتاعك هتشربيه وانتي واقفه كده
تحركت بتوتر وجلست علي المقعد وارتشفت من القهوة
نظر لها بترقب وقال بتساؤل
فادي: ايه رأيك عجبك
نظرت له بابتسامه وقالت بأعجاب
غزل: جميله اوي بجد تحفه تسلم ايدك
ابتسم لها بسعادة وقال بنبرة هادئه
فادي: بألف هنا مقولتيش بقي رايحه فين كده علي الصبح بدري
ارتشفت من القهوة ونظرت له وقالت بتوضيح
غزل: عندنا النهارده انترفيو في شركه السعدني
نظر لها بابتسامه وقال
فادي:ده انتي محظوظه بقي لان ابن صاحب الشركه صاحبي وممكن اكلمه علشانكم
نظرت له بسعادة وقالت
غزل:-بجد!! يعني ينفع تتوسط لينا عنده
ابتسم لها وارتشف من القهوه وامسك الهاتف الخاص به واجري اتصالا وبدأ يتحدث به
ظلت تتابعه بأعجاب شديد وتبتسم على ابتسامته وحدقة به ولم تشعر انه انتهى من المكالمة
نظر لها وظل يبتسم علي تحدقها به ثم حرك يده امام وجهها وقال
-ااايه روحتي فين كده
انتبهت لحالها نظرت إلى الاتجاه الاخر بتوتر وقالت بتلعثم
غزل: ع ع عملت ايه
اجابها بتوضيح وقال
فادي: اعتبري انكم استلمتوا الشغل خلاص
تكلمت بسعاده وقالت بامتنان
غزل: شكرا ليك بجد مش عارفه اقولك ايه انت عملت معانا جميل عمرنا ما هننسي ليك
نظر بعينيها وقال بصوت هامس
فادي: وهو ده اللى انا عايزه ان عمرك ما تنسيني وافضل شاغل تفكيرك
يدها ارتجفت بشدة وسقطت القهوه علي الارض فرهت شفاها من شدة خجلها وظلت تنظر له بعدم تصديق
تعالت ضحكاته علي ردة فعلها ونهض من علي مقعده وقال
-طيب يدوب امشي انا علشان منتأخرش علي الشغل وانتي كمان قومي يلا علشان تلحقي الانترفيو بتاعك
وخرج من المطبخ وهو يبتسم علي حركاتها
دلفة عهد إلي الداخل وهي تنظر خلفها علي فادي وتكلمت بغضب وقالت
-بتعملي ايه كل ده يا بنتي
نظرت إلي الارض بصدمه وقالت
-مين اللي عمل كده
ثم نظرت إلي غزل بأستغراب وجدتها فرها شفاها بصدمه حركت يدها امام وجهها وقالت بصوت مرتفع
-اااااايه فينك مالك يا بنتي مبلمه كده ليه هو ايه اللي حصل بالظبط
تكلمت بصدمه وقالت بعدم تصديق
غزل: قالي مش عايزني انساه ويفضل شاغل تفكيري
نظرت لها بعدم فهم وقالت بنفاذ صبر
عهد: هو مين ده اللي قالك انا مش فاهمه حاجه
اجابتها بسعاده وقالت بصوت هامس
غزل: فادي
ابتسمت لها وقالت بسعاده
عهد: فااااادي، الله يسهله الحب ولع في الزرع يا سعديه
امسكت يد عهد ووضعتها علي قلبها وقالت بتوتر
غزل: بصي قلبي بيدق ازاي انا حاسه ان هيحصلي حاجه بسبب ضحكته دي والله
احتضنتها بحب وقالت
عهد: ربنا يسعدك يا حبيبتي لو فيه الخير يقربه ليكي ولو فيه الشر يبعده عنك ويرزقك بواحد ابن حلال تحبيه ويحبك
ربت علي ظهرها بحنو وقالت
غزل: ويريح قلبك يا حبيبتي ويسعدك يارب يلا بينا فادي كلم ابن صاحب الشركه واتقبلنا في الوظيفه
تكلمت بعدم وقالت
عهد بسعادة: بجد!!
ابتسمت لها وقالت بحب
غزل: مش قولتلك انه حاجه كده مافيش منها ياربي بقي كان مستنيني فين ده بس ياربي
تعالت ضحكاتها وقالت
عهد: مجنونه والله امشي يلا
وتحركوا سويا وغادروا البيت سريعا.
...............................................
بالمساء
عادوا البنات من الخارج وجدوا منصف يجلس علي الاريكه وينظر لهم بأبتسامه غير مفهومه نظروا إلي بعض بأستغراب وشعروا ان الامر به شئ وضعت يدها داخل ذراع غزل وقالت
عهد: امشي يا بنتي خلينا ندخل اوضتنا
تكلم بتهكم وقال بأبتسامه مستفزه
منصف: نورتوا مطرحكم يا شوبات ادخلوا ادخلوا
ضاقت عينيها بقلق ونظرت إلي غزل وقالت بصوت هامس
عهد: انا مش مطمنه ليه ضحكته بتقول ان وراها حاجه
اجابتها بصوت هامس وقالت بعدم اهتمام
غزل: ولا فيه اي حاجه هو بيعمل كده بس علشان يستفزنا كبري دماغك ومتدهوش اهتمام
تحركوا الاثنين إلي عرفتهم واغلقوا الباب خلفهم
ظل يطلق الصفافير من بين شفتيه وينظر إلي باب غرفتهم ويبتسم ثواني قليله وسمع صوت صراخ من الداخل تعالت ضحكاته بانتصار خرج فادي من غرفته يركض بقلق وقال بتساؤل
-هو فيه ايه الصوت ده منين
اجابة من بين ضحكاته وقال
منصف: اقعد وانت هتعرف دلوقتي
نظر له بعدم ارتياح وقال بتساؤل
فادي: منصف انت عملت حاجه في البنات!؟
اومئ رأسه بالتأكيد وقال
منصف: هما اللي بدأوا يستحملوا بقي
حرك رأسه بعدم رضا واتجه إلي غرفة البنات وطرق علي الباب وقال بقلق
فادي: يا بنات انتوا كويسين غزل عهد حد فيكم يرد عليا
خرجت غزل من الغرفه تركض وارتمت داخل احضان فادي بجسم مرتعش وظلت تنتفض بخوف
تفاجئ بما فعلته غزل ابتلع ريقه بتوتر وحرك يده ببطئ شديد واحاطها بذراعه وتكلم بصعوبه وقال بتساؤل
-ف ف فيه ايه حصل جوة انتوا كويسين
حركت رأسها بدموع وقالت
غزل: مش كويسه يا فادي الاوضه فيها فار وانا بخاف اوي منهم
نظر إلي منصف بضيق وجده ينظر لهم بأستغراب وقال
-جوزين كناري يا اخواتي وفين التانيه بقي انا كمان عايز حضن زي ده
انتبهت للوضع ابتعدت عنه سريعا وقالت بتوتر
غزل: ا ا اسفه معرفش انا عملت كده ازاي بس غصب عني بخاف من الفيران اوي
وفي ذلك الوقت خرجت عهد وهي ممسكه بالفأر وتربت عليه بأبتسامه وقالت
-طيب والله ده كيوت اوي
ركضت غزل سريعا خلف ظهر فادي وامسكت به بخوف شديد وقالت
-ابعدي البتاع ده عني بخاف منهم والله
تعالت ضحكاتها وظلت تنظر إلي الفأر بأعجاب وقالت
عهد:بذمتك فيه حد يخاف من الكأين الكيوت ده بس هبله
ثم نظرت إلي منصف بابتسامه وقالت
-يعني هو ده اخرك في المقالب ده انت طلعت عبيط اوي
كان يتابعها بصدمه لم يتوقع ردة فعلها هذا صك علي اسنانه بغضب وقال
-صح ما انا نسيت انك ملكيش في الانوثه خالص ومستحيل تخافي من حاجه زي كده زي البنات الكيوت شوفي صحبتك اترمت في حضنه ازاي من الخوف هي دي البنات بجد مش واحده شبه الدكر راجل متنكر
نظرت له نظره مطوله ثم اقتربت منه وامسكته من عنقه بغضب وقالت
عهد: وده شرف ليا ان اكون دكر ومش حاجه تزعل يعني انت بس محروق علشان مخوفتش ومعرفتش ترد فيا اللي عملته فيك امبارح
ثم ابعدت يدها عنه ونظرت له بأبتسامه مستفزه وقالت
-لما اروح اشوف حاجه اكلها
وتركته واتجهت إلي المطبخ
تحرك بغضب إليها لكن امسك ذراعه فادي وقال
-اهدا يا منصف انت اللي غلطان قولتلها كلام صعب
نظرت له بضيق وركضت سريعا عند عهد جلست علي المقعد المجاور لها وامسكت يدها وقالت بأسف
غزل: انا اسفه يا عهد مكنتش اقصد ان كل ده يحصل
وضعت الطعام بفمها بأبتسامه وقالت بعدم اهتمام
عهد: بتتأسفي علي ايه مش فاهمه انتي ملكيش دعوة وانا مزعلتش اصلا ده واحد مريض وانا مش باخد عليه خدي كلي وكبري دماغك
نظرت إلي الطعام بأستغراب وقالت بتساؤل
غزل: ده منين الاكل ده
حركت رأسها بعدم معرفه وقالت
عهد:-مش عارفه انا دخلت لاقيته محطوط هنا
حملقت عينيها بصدمه وقالت
غزل:يا بنتي انتي مجنونه افرضي ده اكلهم وده الاكيد اصلا ازاي تاكلي اكلهم
شعرت بألم شديد ببطنها وضعت يدها بألم عليها وفي ذلك الوقت سمعوا ضحكات منصف المستفزه قائلا...........
