رواية عهد ومنصف ( لذة البدايات ) الفصل الرابع 4 بقلم دودو محمد

رواية عهد ومنصف ( لذة البدايات ) الفصل الرابع 4 بقلم دودو محمد 

وصلت عهد وغزل إلى البيت وصعدوا إلى الأعلى وحاولوا فتح الباب لكنهم لم يستطيعوا ظلوا يضغطون على الجرس بغضب شديد ويطرقون على الباب بقوه وفى ذلك الوقت سمعوا صوت من الداخل يقول لهم

منصف:-اللى سبق اكل النبأ يا حلوه روحوا بقى شوفوا مكان اقعدوا فيه

تكلمت بغضب شديد وقالت

عهد :-افتح الباب احسنلك

تعالت ضحكاته وقال

منصف :-لا، مع السلامه يا حلوه واه متبقيش تقلعى هدومك الا لما تتأكدى أن الاوضه مفيهاش حد

ركلت الباب بقدمها بغضب وقالت

عهد :-ماشى أنا هوريكم

ونظرت إلى غزل الصامته وقالت بغضب

-انتى مالك واقفه كده ساكته ما تتصرفى يا ام العريف اموت واعرف ازاى وصلوا قبلنا

تكلمت بصوت مختنق وقالت

غزل :-هنزل اجيب اى نجار يفتح لينا الباب

وتركتها وهبطت إلى الأسفل وبعد عدة دقائق أتت ومعها النجار وفتح لها الباب وتركهم وغادر دلفوا إلى الداخل وجدوهم يجلسون على الأريكة وينظروا لهم

اقتربت منه بغضب وقالت

عهد :-انت مفكر أننا مش هنعرف نتصرف تبقى عبيط أدينا اهو دخلنا وقاعدين فى الشقه ومش هنتحرك من هنا

نظر لها نظره مطوله وهب واقفا ونزع التيشيرت من عليه وصار جسده عارى من الاعلى

نظروا الاتجاه الآخر سريعا وتكلمت بغضب

غزل :-ا ا ايه اللى انت بتعمله ده انت اتجننت البس التيشيرت لو سمحت

جلس على الأريكة وقال بأستفزاز

منصف :-الجو حر وبعدين دى شقتى اقعد فيها براحتى

صرت على أسنانها بغضب وقالت بنفاذ صبر

عهد :-لو مفكر أننا هنسيب الشقه علشان شوية العبط اللى بتعملهم دول تبقى بتحلم احنا قاعدين ومش متحركين

ابتسم لها بتهكم ونظر لها بتحدى ومال بجسده واوهمهم أنه سيخلع السروار الخاص به

جحظت عيناهم بصدمه وركضوا سريعا إلى غرفتهم

تعالت ضحكاته وتراجع إلى الخلف بأنتصار

نظر له بضيق وقال

فادى :-منصف بلاش الطريقه دى معاهم متنساش أنهم بنات انا مش معترض على أننا نخرجهم من الشقه بس بلاش الاسلوب ده البس التيشيرت يلا

نظر له بأستغراب وقال

منصف :-مال قلبك بقى رهيف اوى كده يا خويه عموما متقلقش مكنتش هقلع البنطلون بجد أنا كنت بهددهم علشان يدخلوا اوضتهم

ثم ارتدت التيشيرت وقال بصوت مختنق

-البنات دول لازم يمشوا من هنا بأسرع طريقه مش علشانى لا علشانهم هما وجودهم معانا فى الشقه هنا غلط بكره السكان تتكلم عليهم وتبقى سمعتهم على كل لسان

اومأ رأسه بالموافقه وقال

فادى :-عندك حق وجودهم هنا خطر عليهم وعلينا احنا كمان احنا هنتعب اوى علشان نقدر نعمل لنفسنا ضبط نفس

ابتسم له وقال

منصف :-اعتقد يعنى انك من امبارح عينك هتنط على اللى اسمها غزل

اجابه بتهكم وقال

فادى :- ده على اساس انك مكنتش هتموت على عهد من ساعة ما وقعت فى حضنك فى الشارع، أنا مهما روحت ولفيت مش هلاقى فى جمال بنت بلدى

نهض وقال بتهكم

منصف :-جمال الله يرحمه قوم حضر لقمه ناكلها احسن هموت من الجوع وانا هدخل اخد شاور

وقف سريعا أمامه وقال

فادى :-وحياة امك حد قالك أن انا الخدامه الفلبينية بتاعتك

ابتسم له وقال بمرح

منصف :-ما انت عارف يا ابنى أن مليش فى المطبخ ومبعرفش حاجه فيه

عقد ذراعيه على صدره وقال

فادى :-معنديش مانع أنا هعمل الاكل وانت تنضف الشقه

نظر إلى غرفة البنات وقال

منصف :-ودول أن شاءالله هيعملوا ايه مش عايشين معانا فى الشقه يبقى ينضفوا معانا

حرك رأسه بالرفض وقال

فادى :-خليهم احسن فى الاوضه ملناش دعوه بيهم

زفر بضيق وقال

منصف :-ماشى هدخل بس اخد شاور علشان افوق واكل لقمه وبعد كده يحلها ربنا

وتركه وذهب إلى الغرفه

نظر إلى أثره ثم نظر إلى غرفة عهد ورغد ثم تحرك إلى المطبخ .

جلست على السرير بغضب وقالت

عهد :-شوفتى الحيوان كان هيعمل ايه ده وقح وقليل الادب

ابتسمت لها وجلست بجوارها وقالت

غزل :-عادى ما هو ده المتوقع منهم يستخدموا أسلحتهم ضدنا واحنا كمان مباح اننا نستخدم الاسلحه الخاصه بينا

نظرت لها بعدم فهم وقالت

عهد :-قصدك ايه مش فاهمه هنقلع احنا كمان وهنقعد قصادهم كده ويبقى مولد سيدى العريان دول هما ما هيصدقوا

تعالت ضحكاتها وقالت بتوضيح

غزل :-لا طبعا نقلع ايه انتى اتجننتى هنعمل فيهم اللى اتفقنا عليه اكيد هينزلوا شغل ولا حاجه وهيفضى البيت لينا وندفعهم التمن غالى

نظرت لها بلؤم وابتسمت لها بتوعد وقالت

عهد :-عندك حق هما اللى ابتدوا ويستاهلوا اللى هيحصل ليهم

ثم وضعت يدها على بطنها وقالت

-زوزو أنا جعانه اوى وعلى لحم بطنى من الصبح

تسطحت على السرير وقالت بتساؤل

غزل :-امممم والمطلوب منى ايه يا قلب زوزو

اجابتها سريعا وقالت

عهد :-تقومى تحضرى بأيدك الحلوين دول لقمه ناكلها انتى عارفه أن مليش فى المطبخ احنا عايزين يكون عندنا صحه علشان اللى جاى

حركت رأسها بالرفض وقالت

غزل :-وانا مالى وانا خدامة اهلك

تسطحت بجوارها وقالت بترجى

عهد :-علشان خاطرى يا زوزو جعانه اوى والله بصى اعملى انتى الاكل وانا هعمل البيت ايه رأيك

نظرت لها نظره مطوله وقالت

غزل :-ماشى موافقه قومى يلا

نهضت سريعا ثم نظرت لها بضيق وقالت بعدم رضا

عهد :-بس لما احنا نعمل البيت هما هيعملوا ايه

حركت رأسها بالرفض واعتدلت من على فراشها وقالت

غزل :-احنا ملناش دعوه بيهم احنا نعمل اللى يخصنا بس وهما يعملوا اللى يخصهم

اومئ رأسها بالموافقه وقالت

عهد :-ماشى يلا بينا

وخرجوا الاثنين من الغرفه واتجهت غزل إلى المطبخ وتفاجئت بوجود فادى نظرت له بضيق وقالت

غزل :-ممكن لو سمحت تخرج من المطبخ

حرك رأسه بالرفض وقال

فادى بأقتضاب-لا

عقدة ذراعيها على صدرها وقالت

غزل بصوت غاضب:هو ايه اللى لا، عايزه اعمل اكل لينا

التف لها ونظر لها بابتسامه هادئه جعلها تتوتر من شدة جماله ثم عقد ذراعيه على صدره وقال

بصوت هادئ فادى :وانا برضه بعمل الاكل لينا عايزه تستنى لما اخلص واطلع استنى عايزه تعملى فى نفس الوقت المطبخ واسع ويسعنا احنا الاتنين

ابتلعت ريقها بصعوبه وتكلمت بتوتر قائله

بتلعثم غزل: م م ماشى هعمل الاكل بس ملكش دعوه بيا خالص ولا تكلمنى فاهم

وضع يده على فمه ونظر لها بأبتسامه

تكلمت سريعا وقالت

غزل:ممكن بلاش تبتسم ليا خالص

نظر لها بأستغراب وقال

فادى بعدم فهم:اشمعنا بقى

نظرت الاتجاه الآخر سريعا وقالت

غزل بتوتر:ك ك كده وقولتلك متتكلمش معايا خالص

تركها وبدأ يعد الطعام فى صمت تام وظلت تتحرك غزل بالمكان وتحاول تتلاشى النظر بعينه حاولة أخذ الملح لكنه كان يعيق الطريق أمامها زفرت بضيق وقالت

-ممكن لو سمحت توسع كده علشان اخد الملح

اومئ رأسه بالموافقه وابتعد عن طريقها وظل يتابعها وهى تحاول أن تصل له ابتسم على قصر قامتها واقترب منها وأخذ الملح واعطاه لها

توترت من قربه لها اخذت منه الملح سريعا وتكلمت بصعوبه وقالت

غزل :-ش ش شكرا ب ب بس ممكن تبعد شويه لو سمحت

ابتسم لها وافسح لها الطريق وقال

فادى بصوت هادئ : اتفضلى يا انسه أنا لاقيتك مش عارفه تجبيه قربت ادهولك لكن مقصدش حاجه مش كويسه

اومئ رأسها بتفهم وقالت

غزل بتوتر: ع ع عارفه

ثم ابتعدت عنه واكملت ما كانت تفعله وفى ذلك الوقت تذكرت انها لا تعلم اسمه التفت له وقالت بتساؤل

-هو انت اسمك ايه

نظر لها بأستغراب وأسند ظهره على خزانة المطبخ وقال

فادى بتساؤل :أسمى فادى بس بتسألى ليه !؟

حركت رأسها بعدم اهتمام وقالت

غزل أجابته بتوضيح : عادى فضول انت تعرف أسمى وحبيت اعرف اسمك ايه

ظل ينظر لها بأبتسامه ساحره وأكمل ما كان يفعله

استدارت سريعا وتنهدت بتوتر وقالت

بصوت هامس :يخربيت ضحكتك هو فيه كده يا ناس

ارتسمت بسمه على ثغره عندما استمع لما قالته غزل وقال...........

يتبع

الخامس من هنا

تعديل المقال