رواية عهد ومنصف ( لذة البدايات ) الفصل الثالث 3 بقلم دودو محمد
فى صباح اليوم التالى
استيقظوا البنات من نومهم اعتدلت عهد على فراشها ونظرت إلى غزل بضيق وقالت
ردت عليها بأستغراب وقالت
غزل :-صباح النور فيه ايه يا بنتى مالك مبوزه على الصبح كده اطمنى الشقه هتبقى لينا لو مش برضاهم يبقى غصب عنهم مش قولتلك هنعمل ايه معاهم
اومأت رأسها بالتأكيد وقالت
عهد :-ايوه بس زعلانه على فرحتنا اللى مش بتكمل ابدا فيها ايه لو كانت الشقه تبقى بتاعتنا على طول من غير كل القرف ده
ابتسمت لها وقالت بتحدى
غزل :-بالعكس أنا شيفاها حاجه مسليه الفتره الجايه ونكسر بيها الروتين
نظرت لها بضيق وقالت
عهد :-يا سلام يا اختى وجود رجاله غريبه معانا فى الشقه دى حاجه مسليه ده مرار طافح ولو اهلى فى الصعيد عرفوا بحاجه زى كده مش بعيد يجوا يطخونا كلنا برصاصه واحده
ابتلعت ريقها بخوف شديد وقالت
غزل :-تصدقى صح انا ناسيه موضوع اهلك اللى فى الصعيد ده بصى احنا هنشوف هيحصل ايه عند المحامى النهارده وبعد كده يحلها ربنا
نهضت من على فراشها وقالت بصوت مختنق
عهد :-هروح اجيب الشنطه بتاعتى من الاوضه التانيه علشان اغير هدومى
وخرجت من الغرفه واتجهت إلى الباب طرقت عليه وانتظرت احد يفتح لها
فتح لها منصف الباب وعقد ذراعيه على صدره وقال بتساؤل
-افندم عايزه ايه
تكلمت بصوت مختنق وقالت
عهد :-عايزه الشنطه بتاعتى من عندك
نظر إلى الحقيبه بالداخل وتحرك باتجاهها أحضرها واعطاها لها وقال
منصف :-اتفضلى اهى بس خليها زى ما هى علشان تخديها معاكى وانتى ماشيه انتى وصحبتك من هنا
ردت عليه بغضب وقالت
عهد :-احنا مش هنتحرك من هنا يا اخ وانت وقريبك ده هتسبوها برضاكم أو غصب عنكم
وأخذت الحقيبه وعادت مره اخرى إلى غرفة غزل ألقتها بالأرض وقالت بغضب
-بنى ادم مستفز
نظرت لها بأبتسامه وقالت بنبره هادئه
غزل :-لا طولى بالك كده خلى عندك هدوء اعصاب علشان ميوصلوش لهدفهم
تكلمت بضيق وقالت
عهد :- واحنا داخلين حرب يا بنتى أنا خايفه اوى من كلام المحامى النهارده ويكون العقد بتاعهم هما اللى صح
نهضت واتكلمت بغضب وقالت
غزل :-انتى مجنونه عقد مين اللى صح عقدنا احنا اللي صح اكيد هما اللى نصبين اجهزى يلا علشان ننزل عند المحامى
اومأت رأسها بالموافقه وأخذت ملابس لها ودلفت المرحاض
خرجت من الغرفه واتجهت إلى المطبخ وجدت فادى يقف فيه نظرت له بضيق وقالت
غزل :-لو سمحت اطلع بره خلينى اعمل النسكافيه بتاعى قبل ما ننزل
حرك رأسه بعدم اهتمام وقال
فادى :-مليش فيه ده المطبخ بتاعى وانا واقف اعمل القهوه بتاعتى لما اخلص ابقى ادخلى اعملى اللى انتى عايزاه
جزت على أنيابها بنفاذ صبر واقتربت منه بغضب وقالت
غزل:-براحتك اعمل اللى انت عايزه كده كده اخركم النهارده وهنرتاح من وشكم العكر ده
وتحركت من أمامه بغضب وتركته
نظر إلى أثرها وابتسم على حركاتها وبدأ يحضر له القهوه
وبعد وقت اجتمعوا الاربعه امام البنايه وتكلم منصف بصوت جاد وقال
-قررتوا هتروحوا عند أنه محامى
حركت رأسها بالرفض وقالت
عهد :-لا خالص احنا منعرفش اى محامى هنا
تكلم سريعا وقال
فادى :-تمام أنا أعرف محامى قريب من هنا وكويس
لكزتها بضيق ونظرت لها بنفاذ صبر وقالت
غزل :-لا شكرا أنا أعرف محامى كويس هنروح عنده
نظرت لها بأستغراب وقالت بتساؤل
عهد :-مين ده يا غزل وتعرفيه منين
نظر لها بأعجاب وقال بتساؤل
فادى :-انتى اسمك غزل !؟
نظرت له بضيق وقالت
غزل :-ايوه عندك اعتراض
ثم نظرت إلى عهد وقالت بضيق
-تعرفى تحطى لسانك جوه بؤقك وتسكتى شويه يا عهد بدل ما انتى هضيعنا بعبطك ده
ابتسم لها وقال بتهكم
منصف :-عهد !! اسم مش على مسمى خالص
نظرت له بضيق وقالت
عهد :-احترم نفسك لو سمحت وملكش كلام معايا خالص
أمسكت يدها ونظرت لهم بضيق وقالت
غزل :-امشوا ورانا
وتحركوا من أمامهم
تكلم بصوت هامس وقال
فادى :-غزل وعهد اسمهم حلو اوى
نظر له بنفاذ صبر وقال
منصف :-والله !! طيب امشى يا عم النحنحو
وتحركوا خلفهم واتجهوا عند المحامى وقفت أمام المبنى الخاص به وقالت
غزل :-هو ده المحامى
عقد ذراعيه على صدره وابتسم لها وقال
فادى :-على فكره هو هو نفس المحامى اللى كنت هخدكم عنده
نظرت له بعدم اهتمام وقالت
غزل :-مليش فيه المهم أننا جينا عند حد أنا بثق فيه
وتركتهم وصعدت هى وعهد إلى الأعلى
زفر بضيق وقال بنفاذ صبر
منصف :-اللهم طولك يا روح الواحد ماسك أعصابه بالعافيه
وصعدوا إلى الأعلى دلفوا عند المحامى واخذ منهم العقود حتى يفحصهم ظلوا يتابعوا بتوتر شديد وبعد عدة دقائق نظر لهم وقال
-العقد ده سليم
وسلمه للبنات
نظروا له بسعاده وقالت
غزل:-كنت متأكده أن عقدنا احنا السليم يلا يا بابا منك ليه ورونا عرض كتافكم
تكلم المحامى مره اخرى وقال
-والعقد ده كمان سليم
وأعطاهم العقد الخاص بهم
حملقوا عينيهم بصدمه ونظروا إلى المحامى بعدم تصديق
أخذوه منه بأستغراب وقال بتساؤل
فادى :-ازاى حضرتك احنا الاتنين العقد بتاعنا سليم
اجابه بتوضيح وقال
-العقدين معمولين فى نفس الوقت والتاريخ ومافيش حد فيكم سابق عن التانى يعنى محدش منكم ليه الاسبقيه وكده العقدين صح
نهضت بغضب وقالت
عهد :-يعنى ايه بقى ان شاءالله الشقه دى بتاعتنا وحقنا احنا ملناش فيه إذا كان انضحك عليهم منه ولا لا إنما الشقه محدش منهم هيخطيها
نهض بغضب وقال بنفاذ صبر
منصف :-بت انتى شايفه نفسك على ايه الشقه حقنا احنا وانتوا روحوا شوفوا حد تانى اضحكوا عليه
اقتربت منه ونظرت بعينه وقالت بتحدى
عهد :-احنا مش هنتحرك من الشقه وانتوا رجليكم مش هتخطى فيها تانى مش علشان احنا بنات مفكرين انكم هتعرفوا تضحكوا علينا
اقترب اكثر ونظر بعينيها وقال بصوت غاضب
منصف :-واحنا مش هنسيب الشقه واللى عندك اعمليه
ركضوا سريعا إليهم أمسكت غزل ذراع عهد وابعدتها عن منصف وأمسك فادى ذراع منصف وابعده عن عهد
نظر لهم وقال بتوضيح
-الشقه حاليآ بتاعتكم انتوا الاربعه حاولوا تقسموا نفسكم فيها لحد ما تقدروا توصلوا لصاحب الشقه ده وحد فيكم ياخد نصيبه لأن حاليا القانون مش هيكون فى صف حد فيكم
جزت على أنيابها بغيظ ونظرت لهم بغضب وامسكت يد غزل وقالت
عهد :-امشى يلا
وهبطوا سريعا إلى الأسفل ونظرت إلى صديقتها وقالت بغضب
-احنا هنفذ اللى اتفقنا عليه تعالى نلحق نوصل قبلهم ونغير كالون الشقه
اومأت رأسها بالموافقه وقالت
غزل :-ماشى يلا بينا
وتحركوا سريعا بأتجاه البيت وصعدوا إلى الأعلى وبدأوا يفتحوا الباب لكنهم تفاجئوا ب...............
