رواية الظابط والدكتورة سما وطارق كاملة بقلم رحاب القاضي
الظابط والدكتوره١
ــــــــــــــــــــــــــــــــــــــــــــــ
سما
وعاملي فيها سبع رجاله في نفسك وانت راجعلي متصاب وحالتك منيله بنيله..
طارق
شوفي شغلك يا دكتوره وانتي ساكته
سما
براحتي، اقولك قولي بليييز عالجيني..
طارق
انتي هتستهبلي يا بت انتي..
سما
احترم نفسك وتكلمني تقولي بعد اذنك يا دكتوره سما..
طارق
لا وعلي ايه انا هعيش بالاصابه دي واسيب الشرطه وابقي قولي لابوكي بقي انك انتي السبب..
مسكت سما ايده وقالت
لا لا خلاص ده انا بهزر يا طروقه..
طارق بحده
اسمي حضرة الظابط طارق البحيري..
سما
عرفنا خلاص اتنيل اقلع
طارق
ما تحترمي نفسك يا بت انتي..
سما
يا ابني اقلع وخلص..
قرب منها طارق وقال
وسيادة اللواء باباكي عارف بموضوع اقلع ده..
اتكسفت سما اووي و؟؟
ــــــــــــــــــــــــــــــــــــــــــــــ
_وقبل ما نبدأ حكايتنا اعرفكم علي بطلتنا النهارده واللي اسمها سما احمد وعمرها ٢٨ سنه متخرجه من كلية الطب وبتشتغل تبع الجيش بوسطه من باباها سيادة اللواء..
احمد
استني هنا يا سما هعرفك علي القائد بتاع الفريق اللي هتكوني مسؤله عن علاجهم..
سما
طيب خليهم يبعتولي عصير قصب..
احمد
اخرسي يا سما..
_طلع احمد وبعد دقيقتين دخل طارق اللي عنده ٣٣ سنه وشكله حلو اووي وقال بجمود
طارق
سيادة اللواء فين؟..
سما
طلع ينده للواد اللي ماسك التيم..
طارق
تيم ايه وانتي مين؟..
سما
سوري قصدي الفريق بتاع المخابرات، انا الدكتوره سما اللي هتعين مع الفريق في المهمه الجديده..
طارق بحده
انتي دكتوره
سما
ااه والله اوريك الكارنيه
طارق
مستحيل تتعيني
سما بعصبيه
ليه يا عينيا ان شاء الله وانت تطلع مين اصلا عشان تقولي اتعين ولا لا..
طارق
انتي هيكون ده اخر يوم ليكي هنا اصلا بسبب انك طولتي لسانك علي حضرة الظابط طارق البحيري
سما
طظ
_قبل ما يرد عليها طارق دخل احمد وقال بحمااس
احمد
ايه ده انتو اتعرفتو طيب كويس
طارق بحده
البنت دي مستحيل تكون في الفريق بتاعي وبعدين انا هايز دكتور راجل..
سما
انت مين اصلا عشان تتشرط، طيب هبقي في الفريق وغصب عنك كمان..
طارق
شايف يا افندم بتتكلم ازاي، دي اخرها تبقي مربيه لاطفال والمطبخ
سما بغيظ
بابي اطرد الولد ده من هنا..
طارق بصدمه
ايييه هي دي بنتك يا افندم..
احمد
خلصتو انتو الاتنين اتفضلو بقي علي شغلكم وانا يا طارق اللي اخد القرارات وانت تنفذ ولا هتنسي نفسك.. 😊
طارق
تمام يا افندم
قال كلامه ومشي، وقال احمد لسما
روحي ورااه وركزي في شغلك مش عايز غلطه يا سما، وخلي بالك طارق اكفأ ظابط هنا..
سما
بعون الله انا هرفع راسك يا بابا لحد ما تبقي شبه الزرافه..
احمد
اطلعي بره يا سما..
_طلعت سما وراحت ورا طارق وقالت ليه بغرور وثقه..
سما
يا كابتن ابقي جمع التيم عشان اتعرف عليهم..
طارق بعصبيه
كابتن دي تقوليها للعيال التوتو اللي زيك. انا هنا حضرة الظابط طارق البحيري، وما اسموش تيم اسمه فريق..
سما
اياً كان اسمه عرفني عليهم..
طارق
نص ساعه وتكوني تحت في الاوضه ١٠٤..
سما بقلق
ايه اللي بتقوله ده انا مش بتاعت اوض.. يا استاذ يا محترم انت فاهمني غلط
طارق
مع الفريق الاوضه دي بيتجمع فيها الفريق عشان نتفق علي المهمه..
سما
طيب مش كنت تقول من الاول كنت هقراااك غلط..
_مشيت سما من قدامه وراحت الاوضه بتاعتها الخاصه بالدكاتره بتاعت مركز المخابرات، وقرب ايهاب من طارق وقال ليه..
ايهاب
الا هي مين الوتكه دي؟..
طارق
لم نفسك بدل ما مكالمه وحده لمراتك اخليها تخلعك وهي ما هتصدق
ايهاب
يووه عليك يا طاروقه بهزر المهم مين دي؟
طارق
الدكتوره اللي هتكون معانا في التيم يووه قصدي الفريق
ايهاب ضحك وقال
ههههههه لحقت تلحس عقلك..
طارق
اخرس يا ايهاب وجمع الفريق تحت يلاا..
ايهاب
اعتبره حصل..
بعد شويه اتجمع الفريق كله في اوضه كبيره وكانت سما قاعده وسط العساكر، وطارق واقف بيشرح العمليه..
طارق
كده تمام يا رجاله
الكل بصوت واحد
تمام يا افندم
طارق
يلا يا دكتوره اجهزي
سما
لا لا انا جو الاكشن ده ماليش فيه..
ضحك الكل وزعق طارق فيهم وقال
الصوت يا خفيف منك ليه، واحنا هنا مش بنلعب با دكتوره انجزي يلااا
سما بخوف
يا عم انا هستناكم هناا..
قرب منها ايهاب وقال
قومي الله يسترك ده لو اتعصب هيقلب علي الكل..
_طلعت سما وراحت اوضة باباها لقيته مشي في مهمه وجه طارق وقف وراها وقال بخبث😍
طارق
تقدري تمشي وتعتذري عن المهمه دي ما دام مش قد الشغل في الجيش المخابرات..
سما بثقه
خمس دقايق وهكون جاهزه يا افندم..
_بعد شويه كان الكل راكب في عربيه كبيره من بتوع الجيش..
طارق
يلا يا جماعه هنتحرك علي حسب الخطه..
سما
انتو هتسيبوني لوحدي..
ما ردش عليها طارق وقال لايهاب
ايهاب، مع الفريق بتاعك ورا البيت واحنا هروح من الناحيه التانيه..
سما بعصبيه
انت يا بني ادم رد عليا..
زعق فيها طارق وقال
عايزه ايه اكيد طبعا هتستني لوحدك ولو حصلت اصبات هنجيبلك المصاب لحد هنا تعالجيهم..
سما بدموع
طيب ما تقعد معايا والنبي انا خايفه
كتم الكل ضحكته عليها، وطارق قال بنفاد صبر
هبقي المره الجايه اجيبلك بيبي سينتر تقعد معاكي..
