رواية الحب الخطأ كاملة بقلم امنية يوسف
_لا يا ماما لااا مستحيل أتجوزه إنتِ عوزاني أتجوز واحد مشلو'ل
_يا بنتي مشلو'ل بس غني وبيحبك وكمان قمر وبعدين إتجوزيه واعملي منه كام مصلحه وبعدين اطلقي
_لا برضو لا يا ماما أنا ريم اللي الكل بيحلف بجمالي أروح أتجوز واحد زي دا؟! بقولك ايه يا ماما جوزيه لحنين اهو هو مشلو'ل وهي سمرا وشكلها يقر'ف هينفعوا لبعض
سمعت الكلام وانا قلبي بيتقط'ع إزاي أمي وأختي وصل بيهم الحال لكدا، أحب أعرفكم بنفسي أنا حنين عندي ٢٨ سنه كنت مخطوبه قبل كدا وللأسف مات قبل فرحنا ومن ساعتها وانا مش قادره اتخطي الحدث او كلام الناس إني نح'س لدرجه ان الكل كان رافض يتقدملي عشان ميحصلوش حاجه
وبعدين ماما مسكت ايد ريم وهي بتتحايل عليها"فكري يا ريم فكري كويس دا غني ومركزه كبير اوي في الدوله"
ريم"ويفيد بإيه وهو مشلو'ل"
الام بقلة حيله"لا اله الا الله شكلك اتحسدتي ولا ايه" وبعدين بصت عليا بقر'ف وانا وواقفه ورا الباب والدموع مغرقه وشي
"غووور'ي حضري الكل ونضفي الشقه يلااا بدال مانتِ مش نافعه في أي حاجه"
جريت وانا قلبي بيتقط'ع على المعامله دي طيب ليه مش عارفه ساعات كتير بفكر اني مش بنتهم ...
____
مر أكتر من شهرين كمان وحمزه كل شويه عندنا في البيت اش مره يجيب هدايا كتير وكتير اووي كمان لريم...مره تليفون جديد...لبس...مكياج ...كان قلبي بيتقط'ع لما بشوفه أصل حمزه دا كان مديري في الشغل وكنت مُعجبه بيه وبس ...كان بيمر الوقت وانا قلبي بيتعلق بيه أكتر ..عشان كدا كنت لازم أتجنبه خالص ...وجه يوم كتب الكتاب او بمعني اصح يوم المُصيبه...بصيت عليه كان فرحان وعينه لامعه ومستني ريم بفارغ الصبر صعب عليا أنه بيحبها للدرجه دي وهي وخداه عشان فلوسه...بعد فتره كبيره
لقيت ماما بتشد بابا وبتاخده على جنب وهي بتقوله ...ريم هرب'ت يا حسن ريم هر'بت هي وبتبكي وبتلطم
بابا كان باصص بضياع وهو مش عارف يعمل إيه فجأه سمعنا صوت حمزه وهو بيقول
_بنتك فين يا حسن
_حمزه بيه ..اصل ..اصل
_ولا اصل ولا فصل بنتك الرخيصه هربت يوم كتب الكتاب...بنتك بعد ما اخدت شيك بنص مليون جنيه عشان حجاتها و هربت
_والله يا بيه...اصل وراح قعد وكان هيبوس ايد حمزه بس حمزه بعد ايده عنه وهو بيقول
حمزه بغضب "انت لسه هتقولي اصل اظن معاك بنت تانيه صح دي هتجوزها ...دي اللي هتتحمل نتيجه أخطاء بنتك الأولى ..."يتبع
