رواية الحب الخطأ الفصل الثاني 2 بقلم امنية يوسف
البارت التاني
كنت مصدومه من الكلام اللي قاله...انا مستحيل ابقى بديل لحد...مستحيل أدفع تمن غلطه حد تاني ...كنت مرعوبه وخايفه من اللي جاي... وعلى قد كدا كان قلبي بيرقص من الفرحه ان الانسان اللي خطف قلبي هيبقى جوزي...بس بس دا واخدني بديل لأختي
♡♡♡فوقت على جملة المأذون الشهيره
انتهى كتب الكتاب وبقيت مرات حمزه رسمي...احتفلنا احتفال بسيط وقرروا اني هروح معاه... اتصدمت طيب المفروض اني البس فستان ابيض وكدا واعمل فرح!
روحت مع حمزه للجحيم وعذاب جديد...اهلى مكنوش بيحبوني ومكنش عندهم أسباب لده...بس حمزه عنده اسبابه...
♡♡♡
دخلت الفيلا حمزه وانا ببص ليها بإنبهار ايه دا كله ما شاء الله.. عمري ما شوفت فيلا بالجمال دا وبالهدوء دا
_قولت بسرعه الله يا حمزه الفيلا جميله خالص
حمزه ببتسامه...كويس إنها عجبتك
للحظه اتصدمت انا اتكلمت كدا بعفويه وحمزه حاف كدا إزاي بس عديت الموضوع وسكت وبعدين قررت أتكلم
"اوعا تضر'بني أنا مبحبش الضر'ب"قولتها بذعر وخوف من اللي جاي
حمزه رفع حاجبه وضحك"اضرب'ك إزاي وانا مش قادر أقف أصلا يا حنين وبعدين انا مش جايبك هنا عشان اعذ"بك انا كنت لازم احفظ كرامتي قدام الناس عشان كدا اتجوزتك"
_بصي جوازنا هيبقى صوري ومؤقت يا حنين...
قلبي وجعني إزاي يعني هنطلق طيب وانا وانا محدش عاملي أي اعتبار ابدا إني أخد لقب مطلقه دا ايه ليه محدش حاسس بيا وبوجعي...بس هي جات عليه يلا خليه ياخد دوره فيا زي الباقي وسمعت باقي كلامه
_اوضتك في الدور التاني على اليمين اول اوضه...واوعي اوعي يا حنين تدخلي الاوضه عندي او تحاولي تقربي مني فاهمه...قالها بزعيق
حنين بسرعه"اعوذ بالله انصرف انصرف"
حمزه باستغراب وضحك"مين اللي ينصرف"
حنين بسرعه "للعفر'يت اللي حضر مره واحده دا من غير احم ولا دستور"
هنا حمزه مقدرش يسيطر على ضحكته وضحك بأعلى صوت
حنين بهيام"ضحكتك قمر زيك"
حمزه ببتسامه"عفويه زياده عن اللزوم ودا هيوديكي في داهي'ه يلا اطلعي على اوضتك"
حنين بكسوف"تحب اوصلك اوضتك"
حمزه برفعه حاجب "لا شكرا وياريت متدخليش في اي حاجه تخصني"وسابني ودخل اوضته اللي في الدور الارضي
بصيت على فستاني وقولت بحزن
_حتى في يوم فرحي اللي اي بنت بتستناه باظ ...
♡♡استغفر الله
مرت الأيام وانا وحمزه عايشين زي الاغراب منعرفش أي حاجه عن بعض...لا هو بيكلمني ولا انا بكلمه...بس دايما كنت بشوف حزنه في عينه وبسمعه وهو بيكلم صورتها صورة ريم وبيبكي...وفي يوم كنت داخله المطبخ بالليل وفتحت افنور وفجأه صرخت لما شوفت اللي...حمزه واقع ومش قادر يقعد على الكرسي ...جريت عليه بلهفه وسندته لغايه ما قعد على الكرسي
حنين بدموع...ايه اللي حصل وازاي وقعت كدا
حمزه بتصعب عليه نفسه وبيقرر يسيبها ويمشي لأنه مش قادر يتكلم بعد ما شافته بالمنظر دا ...اما عند حنين فعذرته أي حد مكانه هتصعب عليه نفسه
عدا أكتر من شهر على الحدث دا وحمزه بيبعد أكتر عن حنين وفيه يوم حنين كانت نازله بس سمعت اللي صدمها
حمزه "أنا مش هعمل العمليه مش هعملها وادي نفسي أمل وفي الآخر يقولوا العمليه فشلت ومرجعش امشي تاني كفايا كفايا حرام عليكم
صاحبه"لا طبعا مين قال كده الدكتور قال إن الامل 50% وأكتر كمان"
حمزه بهدوء"احمد امشي دلوقتي مش حابب اتكلم مع حد" وفعلا خرج أحمد وهو وخارج شاف حنين واقفه بدموع
احمد"حاولي معاه مره واتنين وتلاته حمزه لازم يرجع يمشي من تاني الكل محتاجه وشغله محتاجه اكتر وسابها ومشي
عند حنين سمعت كلامه بس محبتش تتكلم معاه في الوقت وبعد يومين كانت داخله الاوضه وفجأه شافت...يتبع
