رواية قصه من العالم الاخر الفصل الرابع 4 بقلم اسلام احمد
في اللحظة كل لمُب البيت حصل فيها ذبذبة ،
من شدة الذبذبة اللمُب فرفعت وبقينا واقفين وسط الضلمة ،
فجاة شميت ريحة دخان ، ابويا اتكلم وقال " ايه ريحة الدخان دي !؟ "
الجو بدأ يسخن شوية بشوية و كأننا داخلين فرن ،
فجأة و وسط الضلمة سمعت صوت صراخ ،
شوفنا امي واقعة علي الارض وبتبكي بصوت عالي و بتبص علي ايدها ، بسرعة كلنا جرينا ناحية امي ،
و لما بصيت ناحية ايد امي انصدمت من اللي شوفته ، كان فيها حرق لسه جديد ! ،
اختي الكبيرة اتكلمت وقالت " ايه يا امي الحرق ده !! " ، ابويا قالها " انتي اتحرقتي في ايه !؟ " ،
امى وهي بتبكي ردت وقالت " معرفش معرفش ، انا كنت واقفة عادي في الضلمة ،
فجأة لقيت حاجة ساخنة اوي اتحطت علي ايدي خلتني صرخت " ،
الحرق اللي في ايد امي مكانش حرق عادي لا ،
الحرق كان مكتوب كتابة ، لما بصيت شوية في الحرق وقريته طلع معايا كلمة ( باسيليا) ،
ابويا بص للأسم شوية وبعدين قال " لا هتلاقي الموضوع صدفة يعني " ،
اختي الكبيرة قالت " امال الحرق دا حصل ازاي يا ابويا " ، ابويا رد وقال " عادي ممكن تكون آمك تكون ايدها لمست حاجة ساخنة وسط الضلمة " ،
يمكن اخواتي اقتنعوا بكلام ابويا شوية ،
لكن انا لا ، مكنتش قادرة اقتنع من اللي بيحصل معايا ، مش قادرة اقتنع ان كل ده صدفة ،
خصوصا الاسم اللي معمول علي شكل حرق ( باسيليا ) كنت باصة ناحية الكلمة و مركزة ليها اوي ، ابويا نزل جاب لمُب مكان اللي فرقعت و ركبها مع مساعدتنا ليه ،
حكاية الذبذبة التانية دي غريبة ! ، خصوصا لما ابويا سأل البيوت اللي حوالينا وطلع انها محصلش فيها اي ذبذبة ولا اي حاجة في الكهربا ! ،
ابويا تاني يوم جاب كهربائي و لما كشف علي كل حاجة في البيت لقي كل حاجة طبيعية ومفيش اي حاجة تسبب ذبذبة ،
المهم العريس جه عندنا تاني وقرينا الفاتحة ، العريس كام بيبص ناحيتي وبيبتسم ليا نفس الابتسامة اللي كان بيبتسمها ليا في الحلم بالظبط ،
كنا مبسوطين و حددنا معاد الفرح و انتهت الليلة علي خير الحمدلله ، بعد سهر مع اخواتي وحكاوي دخلت اوضتي عشان انام ، لكن لما دخلت باب الاوضة قفل و كانت المفاجأة من اللي شوفته منتظرني … يتبع
