رواية الوريث الفصل الخامس 5 بقلم داليا السعيد
البارت الخامس
جاسر بهدوء / انا عاوز وريث
حور بعدم استيعاب / نعم وريث ايه انا مش فاهمه
جاسر / بإختصار هتجوزك وعاوز اجيب الوريث الي هيورث كل املاكي وهتعملي تنازل عن البيبي بعدها هطلقك وتاخدي الفلوس
حور بدهشه وعدم استيعاب / ايه انت اتجننت ازاي عاوز تعمل كده انت واحد قليل الذوق
جاسر وهو يخبط ايده علي المكتب/ اخرسي ان سمعت صوتك مش هتعرفي ايه الي هيحصلك
ابتلعت حور ريقها من الخوف / انا عمري مهعمل الي انت بتقول عليه ده انت الظاهر عليك مجنون
جاسر / صدقينى انتي الي هتقولي موافقة وتتمني اقولك ماشي
حور/بتحلم
جاسر / اطلعي براا
.......................
خرجت حور والدموع في عينها وتندب حظها وخرجت من المطعم
وصلت حور الي شقتها ثم دخلت اتسعت عيناها من هذا المنظر
حور/ س سلمي ي ي
.......ٌ.................................ٌ..
خرج "جاسر"من المطعم وركب سيارته وورائه الحراسه الخاصة به الي مقر شركته
في مكتب جاسر يدخل ادهم
ادهم / اول مره تتأخر علي الشركه حاجه غريبه
جاسر ببرود /كنت في المطعم
ادهم / بتعمل ايه انت مش بتروح هناك يعني كتير فيه حاجه
"حكي له جاسر ما حدث معه وما قاله لحور "
ادهم بعصبيه / ايه الي بتعمله ده للدرجه دي معتش عندك قلب
جاسر بغضب / ادهم اتكلم كويس يا تخرج بره
ادهم / بتعمل كده ليه علشان اول واحده تقف قصادك قلت تعمل فيها كده تنتقم منها بجواز غصب وتاخد ابنها الي هتخلفه
جاسر ببرود / روح علي مكتبك يا ادهم
خرج ادهم سريعا ليكي لا يشتبك معه
بينما القي جاسر جسده علي اريكه المكتب بإهمال وهو يتمتم / اووووووف هلقيها من ادهم ولا من الهانم حور هتيجي برجليها لعندي
.......................................
حور / س سلمي ي ي
نظرت حور وجدت اختها سلمى واقعه علي الارض
حور بدموع/ سلمي فوقي علشان خاطري متسبنيش ونبي انا مليش غيرك سلمى حبيبتى
اتصلت حور على الاسعاف وذهبت الي المشفي
حور لموظفه الاستقبال / لو سمحتي دكتور بسرعة
موظفة الاستقبال / تمام اسم حضرتك والمريضه لو سمحتى
حور بدموع / اسمي حور والمريضه اسمها سلمى بسرعة
الموظفة ظهر على ملامحها التوتر / آآمفيش غرف فاضيه يافندم
حور بعصبيه / ازاي يعنى مفيش دي مستشفي دي ولا ايه اختي بتموت اخلصي
فجأه التليفون رن ابتاع الاستقبال
الموظفة / تمام يا فندم
الموظفة لحور تليفون علشانك اتفضلي
حور باستغراب / علشاني
الموظفة / ايوه اتفضلي
حور بتوتر / الو
.........../ ممكن اختك تعمل العمليه دلوقتى حالا القرار في ايدك يا مفيش مستشفي هتقبلها
حور بدهشه / انت
جاسر ببرود / ايوه ها قلتى ايه انا مش فاضي ليكى
حور بدموع / كفايه بقه ارحمنى اختي مالها خلي المستشفي تقبلها
جاسر / حياة اختك بين ايدك قرري الوقت مش في صالحك
حور بدموع وسرعه / موافقة موافقة
