رواية حرب الملائكة الفصل الثالث 3 بقلم بنوتة الشيخ
مقطع مسرع:-
عُدى:رغم ان ولا مره شافها وهيا كبيره!
لكن خش يدور عليها بين الحاضرين !!
دورها بي عيونه وشاف هلبااااا وجوه لكن كان فاهم كويس انها مش هيا !
الملامح الطفوليه يلي كان مذكرها مشافهاش في ولا وحده من يلي كانو موجودين!
_________________________________
وقف نبض قلبها 
واستقام الخط الموجود على الشاشه صوت رنين الاجهزة يلي يدل على ان الشخص ميت موقفش ابدا
خشت ممرضة فلبينيه لابسه بالطو ابيض مايل لي الرمادي من كثر الشغل ....باين على وجها علامات القسوه ولا كأن في شخص بيموت
كانت ماسكة الصدمه الكهربائيه مدتها لدكتور بكل برود وبطئ
لبس الدكتور كمامته وحاول المره الاولى
والثانيه
والثالثه
والمره هادي جملة الثالثة ثابته كانت حقيقيه !
فجأءه ارجع الخط يتعرج من جديد واختفى صوت الاندار يلي طول الوقت مهداش
حط الدكتور جهاز الصدمات على جنب وداخله مستغرب !
كيف رجعت للحياه من جديد!
نفس السؤال سألاته ممرضه ليبية جنبه
ابتسم وهوا متعجب وقال
الدكتور:الله اعلم ربي شنو مزال يبيها تشوف في حياتها باش عطاها عمر جديد
طلعت الممرضه واخده معاها فرحه تعطيها لي اهل ليان وتبشرهم انها بخير وبي اعجوبه رجعتلهم من الموت !
متوقعتش تلقى رد بارد من مرا كبيره في السن واضح عليها الوسخ والخبث
جنبها ولدها يلي ابدا ميشبهلهاش وعيونه حمر من الحشيش وريحته معبيه ممر المشفى
ردت ببرود وحقاره وهيا تقول
خديجه :كنت عارفه حتى المره هادي تو تطلع منها متعوده بنت اختي
نصدمت الممرضه من الكلام يلي سمعاته !
ونسحبت اول ما فهمت ان العيله هادي مش طبيعيه
خديجه :لو يسمعو خوالك بيلي قاعد يصير مش رح نشوفو خير
احمد :مهمها سمعو !!!....في النهايه هيا البنت
وهيا يلي بيتصدق فيها الكلام كله
انتي قدامهم يكفي انك سكنتيها عندك وتصرفي عليها
خديجه:سرحت شويه وهيا تقول ....زياخوفي تكبر شويه وتولي عليا
تطلع زي امها وبوها الله لاتجوز عليهم الرحمه من سابع سماء
_____________________________________
عدي:شجرة العيله يلي قتلاته قدامه !
اسامسهم وصورهم الشخصيه كلها موجوده قدامه بشكل فوضوي
كل اسم حط قدامه صوره وصوره لي صغاره وترتيبهم كأن عايش معاهم بزبط 
قعد مكان واحد فاضي بس !
بنت بسمه وحسين في الشجره !
يلي ليهم 7سنين متوفين في حادث سير
ماتو ومخلو شي وراهم غير بنت صغيره اسمها ليان
وين صورتها ومعلوماتها ؟؟....وين عايشه !
شن صاير فيها بعد ماصارت يتيمه !
فكر عدي دقايق طويله بعدين سكر المجلد يلي موجوده فيه الشجره وهوا يقول ....تنجاب معلوماتها ساهل
رويـــــــات بنـــــوتـــة الــشـــيخأروى الطـــــــاهـــــر المسلاتي
القروب الاصلي400الف عضومرت الايام بسرعه وفات اسبوع
فات اسبوع بي 7 ايام كامله ولياليهم
حوش كبير بي زوز طوابق وجناناته .....كان فارغ والحديقه متعه جفت كلها
ركبه العنكبوت بعد ما كبير الحوش مات وكل بناته وولادها تزوجو
كل حد خدي صغاره وكون اسره بعيد وبدون اهتمام لي حوش بوهم .....خوت ع الاوراق لكن معش في حد يتواصل مع الثاني ولا حتى بعرفو اخبار بعض وان كانت صحتهم كويسه او لا !
اليوم وبسبب غلط بسيطه دارها خوهم الكبير رجع الحوش فتح ابوابه من جديد عشان يستقبلهم مفلسين
معندهمش مكان يسكنو فيه غير حوش بوهم يلي ليهم سنين هاجرينه !
________________________________
ساره:رمت الشنطه بقوه وتعابير وجها توضح انها مضايقه ومنزعجه.......لعند امتى بنقعدو عايشين في الحوش القديم هادا مع عمامي السوووس
نوري:مقعمز وماسك راسه بيديه الاثنين .......اسككتي ساره حسك منبيش نسممممعه متزيدينيش
ليلى:اطلع في الحوايج من الشنطه وبي نضره معبيه حقد وسم .....خلي بوك ياساره في حاله فرحان بي جمعته مع خوته
نوري:اي فرحة تحكي عليها !؟!....انتي عارفه كويس ان جيت هنايا بسبب الفلس والعمله يلي صارتلنا كنهادا شنو نبي فيهم وفي خلايقهم !
ليلى:ماهو غلطك من البدايه يابابا حني هنايا بسبب غبائك وعدم مسؤليتكك و......
نوري:اقعدي في امهاااا .............طلع وسكر الباب بعنفف
الغرفه يلي كانت جنبهم بزبط كان فيها نفس اصوات العياط بزبط!؟
ريتال:بالله عليك بابا نطلع نأجرو في اي مكان هنايا لا
مروان:يابنتي من وين بنجيبه حق الاجار ارخص حاجه 1000 جني في الشهر او تبو حوش واسع ومحترم تسكنو فيه !
محمد:مش عدر هادا يابوي انت عارف حني هنايا بسببك انا مش مجبور نقعد مع خوتك يلي كل واحد فيهم اشر من الثاني
مروان:تحشممممم الكلام هادا مينقالش على عمامك قدامي مهما كانو سيئين
رؤى:صح كلام محمد ....انا منبيش نعيش معاهم باقي عمررري
مروان:خدي نفس عميق .....هيا فتره بسيطه مستحيل نعيشو كلنا 4 عائلات في حوش واحد طول عمرنا
فتره بسيطه وتفوت تحملوها معاي .....وجه عيونه لي مرته ....ولا شنو !
تكلمي يامرا رطبي الجو بي كلمه
صالحه:معندي منقول ....خليني ساكته انا وصغاري خير ما ناخد ورقت طلاقي ونروح لي اهلي
طلع مروان من الغرفه وهوا مضايق
اتجه لي الصاله وشاف خوه نوري بنفس ملامح الضيق بزبط
قعمز بهدوء وبعد وقت طويل وصمت تكلم
نوري :الصغار مضايقين فوق
مروان :صغار ؟؟عندك بنت وحده وتقولي صغار !
امالا انا شنو نقول يلي عندي بنتين صبايا وولد راجل قريب حتى نزوجه !
نوري:خوك نجيب وين ؟
لازم ينحط حل للمهزله هادي
نجيب:جيت ......جيت بنفس الطريقه والعياط يلي سمعتها عنكم فوق
نوري:انا عندي بنت
ومروان بنتين وولد
وانت يانجيب عندك زوز ولاد بنت
فهمني كيف بنعيشو في حوش واحد والبنات كلهم صبايا وولادنا الله يبارك رجالا !
مهما درنا بالنا الشطان شاطر ومفيش حد بياخد راحته من غير مشاكل نساوينكم !
مروان:كانت من البدايه غلطتنا لما وقعنا التوكيل العام خوك الكبير
باع كل شي وخلا البنوك تحجز على حياشنا لين قعدنا في الديون
لا اسهم
لا شركات
ولا حوش ملك
ولا حتى فلوس في البنك ....خدي كل شي وهرب الله لا تربحه !
نجيب:خلي هادا كله على جنب واسمع القاضيه
نوري &مروان:شافو لي نجيب وعقدو حواجبهم بعد فهم !
نجيب:الاستاد خوكم الكبير .....كبير العيله باع نصف الحوش هادا لي شخص غريب
يعني في اي لحضه يجي يعطينا شوية فلوس متسدناش حتى حق خضره ويقولنا ربي معاكم انت وياه هادا حوشي
مروان :حط يديه بين راسه وفاتح فمه من الصدمه
اما نوري ناض ووقف ع الروشن يحاول يشم هواء قبل ماينجلط
نجيب :هادا كله ومزال ماعرفتوش منو يلي شري الحوش وعنده الحق حتى في النصف التاني
نوري:تلفت.....عع ع عنده شنو !
نجيب:شري نصف الحوش وعنده الحق في النصف التاني .....
مروان:بي صدمه .....كيف هيااا....كيف جتت!؟؟؟؟؟
نجيب:يلي شري نصف الحوش يكون ولد خوك
مروان :منو !
نجيب:يحكي وهوا مقهور.....عدي
ولد خوكم يلي مفيش حد وقف معاه وخليتوه لي مرت بوه
تجوع فيه وجسمه كان مينشافش من الضرب
خش للحبس ومفيش واحد فيكم سأل عليه حتى شنو تهمته !
نوري:عدي !.....ولد خوي الله يرحمه !
من وينله الفلوس باش يشري نصف الحوش هادا
نجيب:قعمز وعلامات الرعب على وجها
معش تعرفوه خلاص فلوس شركات وسيارات المصدر من وين الله اعلم !
نوري :ومدام عنده هادا كله شن يبي فيه نص الحوش هادا !!
مروان:وهوا سارح......واضح شنو يبي يدير يا نوري واضح
قعمز نوري وعلامات الرعب في وجها !
معقوله مصير عيلته وعيلة خوته توقف على عدي!
ولد خوهم يلي كان ديمه مضلوم في العيلة !
يلي كان عيل ميسوى شي وديمه المضلوم والحق عليه !؟
____________________________________
خديجة :وتي روحك
ليان:راقده ع الكنبه ووجها اصفر .....واضح عليها علامات التعب يلي خلتها مش قادره تتكلم
عطنها نضره تاعبه توحيلها ان تسمع فيها
خديجة:شديلي حيلك عندنا راجل الله يبارك عليه بعدين جاي وجايب معاه شيخ يقرالكم الفاتحه مدامك تحبي الحلال
ليان:متشوفيش فيا تاعبه !
خديجة:مفيك شي نوضي خودي بنادول وحطي شوية مكياج على خليقتك تشوفي روحك كيف تتبدلي
وصلت لعند الباب ورجعت .....تكلمت والمكر معبي صوتها
منبيش نقعد نوصي ونعاود....حمل في الجديد لاااا
انتي كبيره وتفهمي كيف تتصرفي توا معش زي قبل ....تحملي بدوري منو يربيه !
طلعت خديجه ولحقها صوت ريان وهيا تقول
ليان:خلااااصصصصص زهقت وقرفت وتعبت مستحيل نطلع اليوم لو نموت
تعبت من قصة الحلال الكدابي هادا
رجعت خديجه لي الصاله وعلامات الصدمه على وجها .....ليا انا الكلام هادا ؟
احمد:طلع من المطبخ وفمه معبي بي الماكله
احمد:شنو فيه!
ليان :يلي فيه اني قرفتك انت وامك وتعبت من عيشتكم الوسخه يلي كلها حرام في حرام تعبتتتتتتتت
احمدوسع عيونه....انتي صاحيه !
ليان:اييييي صاحيه مش زيك 24 ساعه دايخه منعلم بربي وين حاطني وشنو قاعد ندير
احمد:بدون مقدمات هجم عليها وضربها
مكفاشي لا ضرب ع البطن ولا جبد شعر ولا حتى ضرب ع الوجه !
موقفش لين شاف الدم يطلع من فمها1
___________________________
صدمة العمام ال3منو بيفسرها لما شافو ولد خوهم عُدى؟!
تغير وكبر !
قام روحه بروحه ومفيش حد ساعده فيهم!!
معش في نضرة الطفل يلي فاقد امه وبوه ماشي على كلام مرته
معش فيه الولد المضلوم يلي يلصقو ويمسحو فيه كلللل عمايلهم
خاش وراسه فوق حتى السلام مسلمش !
قعمز وهوا يتفحص في الحوش بعيونه وولع دخانه بدون اي احترام لي عمامه !
نزلو بنات بسرعه يجرووو من الدروج
فهم عدى انهم نزلو يبو يعرفو منو صاحب السياره الفخمه يلي درست قدام الحوش!
ضحك داخله وقال ....كلاب فلوس شنو بيخلفو غير كلاب فلوس صغار على هيئة ملائكه ؟!....يتب
