recent
روايات مكتبة حواء

رواية حرب الملائكة الفصل الرابع 4 بقلم بنوتة الشيخ

رواية حرب الملائكة الفصل الرابع 4 بقلم بنوتة الشيخ


مكفاشي لا ضرب ع البطن ولا جبد شعر ولا حتى ضرب ع الوجه !
موقفش لين شاف الدم يطلع من فمها1💔
خديجة:قربت ومسكت يد ولدها وهيا خايفه تجر فيه بعيد .....خلاااااص ياسر
ياسر خلي البنت
احمد:متسمعيش فيها شنو تنبح الكلبه هادي ولا شنو !
خديجة:خلي تدوي المهم رد بالك يصير شي فيها بعدين شنو بيحل القصه فهمني
ليان:تمسح في الدم والدوخة محاوطتها مش قادره توقف
احمد:يشوف لي ليان بحقد .....ياسر مقعدينك هنايا يوم يلي مفيش حد رضي ياخدك كنهادا راهو قعدتي في الشرع
ليان :بصوت تاعب وطالع بسيف ......الشارع اهون من العفن يلي مريت بيه
احمد:رجعلها والشر في عيونه ......هادي باين عليها متبيش تعقل
خديجة :"دفاته بقوه ......خلاااااااص قتلك خليهاااااا
وتلفتت لي ليان وضربتها كفر .....انتي واضح علي متبيش تعقلي لين يقتلك نوضي لي دارك وجهك منبيش نشوفه تحركي نوووووضي
ليان :ناضت وكل شويه اطيح وترجع توقف ومش قادره تتزن بسبب الدوخه يلي هيا فيها
خديجة:وانت اطلع من هنايا خير ماترتكب فيها جريمه ونقعد حاصله فيها طول عمري
احمد:خدي نفس عمييييق ......سمعتي بي خوتك شن صار فيهم
خديجة :ضحك عليهم خالك الكبير احسن يستاهلو خليهم هما زي اليهود في بعض
احمد:كلهم مشو لي حوش جدي سكنو غادي مفهمتش كيف بيسدهم
خديجه:تتكلم وهيا سارحه تخيط في القميص.....يلي مش فاهماته كيف عدي ولد خوي يشري نص الحوش
من وينله ؟؟؟ووين كاين !
احمد:تلقيه مداير صفقات مخدرات من الحبس يلي قعد فيه واضحه
خديجة:يتعبى ولا ينحرق المهم يقعد بعيد عليا بس
كانت ليان تسمع في كل شي نقال وهيا في طريقها للحمام
حست ان المره هادي عندها وين تهرب !
حست ان المره هادي ممكن يكون ليها ملجئ من خالتها وولدها
___________________________________
قاطع السكوت المميت والموقف الصعب هادا صوت نوري يلي تكلم وسط خوته المنقهرين ومفيش حس طالع منهم
نوري:انزلو يابنات سلمو على ولد عمكم تعالي انتي وياها متتحشموش من براني
نزلو بنات العم يلي كانو متخبيين ورا الباب يتفرجو منو هادا يلي سيارته مدرسة برا
ريتال:السلام عليكم
نوري :وعليكم السلام يابنتي تعالي اقربي .....,وشاف لي عدي
هاادي رتال واختها رؤى بنات عمك مروان يا عدي
عدي:يتفرج وكلمة مردهاش !
ساره:خشت وهيا مبتسمه
نوري:وهااادي ساره بنتي ......يا ناهدددد ناهدددد
خشت ناهد وملامحها كانت حزينه
نوري:وهادي ناهد بنت عمك نجيب❤️
عدي:دور بين الوجوه يلي كانت قدامه وملقاهاش
ملامحها مش زي ساره ولا عيونها زي رتال ولا حتى ضحكتها زي رؤى ولا نضراتها زي ناهد
دور عليها بينهم رغم ان مشافهاش من زمان بعيددددد
لكن كان متأكد انها مش منهم .....سرح بي دكرياته البعييييييده
دكريات خلاته ينوض بدون مايرحب بي ولا وحده فيهم 💔.....سيبهم بدون مايحكي ولا كلمه معاهم
مروان:شنو يلي قاعد تهبب فيه ممكن نفهم !
نوري:نحاول نصلح العلاقه الكلبه يلي بينا وبينه
بالك تسحابه بينسى الماضي ولد خوك هدا؟يمين بالله لو بوه كان عايش وهوا طلع من الحبس راهو حرق بوه وهوا حي ع الشي يلي داره فيه
امالا حني اعمامه شنو رح يدير فينا !
نجيب:يشوف للارض وهوا مهموم ....
مروان :تعرض عليه في البنات علاش ....رد باااالك نوري انا بناتي مستحيل نعطيهم لي واحد زي هادا رزقه مش معروف من وين جايبه
نوري:قرب عليك وبي ملامح جاده وصوت هادي قال ....خلينا توا نقيوها بيه ونعطوه مكان في العيله لين نرتبو اوضاعنا
مرات ياخد البنت يلي تقدر اطلعنا من هنايا كل واحد لي حوشه
نجيب:شن تقصد !
نوري:كلنا نعرفو الراجل كيف يتأثر بي كلام مرته مفيش داعي لي التوضيح اكتر من هكي
مروان :سكت وهوا يفكر في الكابو س هادا
الكابوس يلي خلا مصيره ومصير عيلته في يد واحد حاقد عليه ومغلول عليه سنين
رؤى:حسب رايك عمامي شنو يحكو !
رتال:تنضف في ضوافرها....الله اعلم شنو بيديرو من فالطه واضحه الحكايه
رؤى:عدي نصدمت فيه وربي كيف تغير
رتال :انا حتى مندكرش شكل كيف كان
رؤى:احسن ....لا تدكري شكله ولا كيف كانو يعاملو فيه لان صدقيني كنهادا رح تموتي من الخوف بعد ما تفهمي يلي جاينا
رتال:سرحت ... ربي يستر بس
ساره :انتي مرتاحه لكل يلي قاعد يصير !
ناهد:بي ملامح بأس.....علاش في حد عاجبه يلي قاعد يصير !
ولا في حد طايق الثاني اصلا !
طلال:شنو صار
ناهد:شنو بيصير يعني !
اهو بوك وعمامك يتخابطو في بعض
طلال: وانتي خيرك هكي نازل عليك هموم الدنيا
ناهد :بالله سلم خوي والله مناقصة وخر من عليا !......ومشت
طلال:خيرها هيا !
ساره :اختك وتعرفها متوحده ديمه
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
طاحت الشمس وبدت النسمه البارده تهب
بدي الضلام يغطي المكان .....
وكل غرفة ولع فيها الضي وبدت الهدرزه فيها
كل حد يحكي ويحاول يرضي مرته بي اي طريقه كانت يبيها تستحمل الوضع يلي هما فيه
اما بنات العيله كلهم كانو في دار وحده بسبب ضيق الحوش
كل وحده لاهيا في تالفونها وتحاول تطلع من الجو المتوتر
وشباب العيله كانو في المربوعه الخارجيه
كل واحد يفكر في شي معين وكل واحد وراه سر كبير
يلي خايف من شي كبير داره زمان
ويلي خايف من سره ينكشف
ويلي متوتر مش عارف كيف يهرب من عيشة الفقر الجديده يلي هما داخلين عليها
__________________________________
الحوش يلي كان قديم وديكوره من عام 1995 بدي ديكوره حديث وفخم
عدي حوله من خرابه قديمه لي فيلا الوانها زاهيه ❤️
من ضيق وديار واسعات بي الطول لي 3 دوار وكل حد بي جناحه الخاص من جنان معبي رشاد بطريقة فوضويه لي حديق معشبه ونافوره فيها بحجم حوش تاني ❤️
استريحو عمام عدي ونساوينهم
وكل حد فيهم نحا فكرة يطلع من الحوش بعد ماشافو العز وشافو انهم عايشين من خير عدي في الماكله والصرف وكل شي
لقو الراحه والرفاهيه
محدش فيهم كان يعرف ان هادا كان هدف عدي
وانهم 3 عائلات نحطو في سجن عمرهم ما رح يطلعو منه !
الساعه 3 في الليل _
ليان:تزحف ع الارض بيديها هاربه من الغرفه يلي كانت فيها
ووراها يدين يسحبو فيها ومانعينها تطلع ولا حتى توقف !
خديجة:خلاص خليها تو نحكي معاها انا
احمد:سرعيلي روحك الراجل برا يستنى خير ما وربي نقتلها ونشرب من دمها متحشمنيش معاه
خديجه:خلاص اطلع واسكت قتلك دقايق ودخله
ليان:صاحت بصوت عالي .......لااااااا لالالالا خلاص يكفي معش قادره نصبر اكتر من هكي
خديجه:الراجل يلي جايبه احمد فلوس يا ليان
ليان :منبيشي لا هوا ولا فلوسه انا تعباااااانه جسمي كله يوجع فيا حرام عليك خليني
خديجه:الايام يلي فاتو طلبتي مني 500 دينار صح ولا انا غالطه ؟
ليان :نقرت حواجبها بعدم فهم .....صح
خديجة :رديهم توا نبيهم
ليان :من وين بنجيبهم !
خديجة :شفتي كيف !....
خديجة :قربت على ودن ليان وتكلمت بكل مكر وخبث ....عندك وسيله تخليك تخلصي اي حد بدون فلوس !
عندك طريقه تخلي الفلوس تجيك لتحت رجليك وبدل ال500 يجوك 5 الااف
معش تسكري راسك وطاوعيني يابنت
تحصلي فلوس وترقدي متعشيه مرتاحه غير من تاكلي طريحه وينقص شعرك وترقدي في دار الخزين مع الفيران
ليان:بلعت ريقها بمجرد ما ادكرت دار الخزين يلي ياااااما نحبست فيها
هزت راسها بي موافقه وماكانش لا قلبها ولا حتى عقلها موافق على الشي هادا !
___________________________________
طق طق طق
ساره :عاطيه بضهر وتتفرج على الروشن ....ادخل
ناهد:ساره نبي شحن لي النت عندك !
ساره :بدون ما تحرك عيونها من على الروشن ....فوق السرير تلقيه
ناهد :قربت منها .....على منو تتفرجي !
ساره :صاحب عدي يجنن شوفيه
ناهد:قربت راسها من الروشن وكان ضياء يحكي لي عدي بجديه
فجأه قام عيونه بطريقه عفويه تلاقت مع عيون ناهد❤️
وخرت ناهد بسرعه وحاطه يدها ع فمها
ناهد :تو يقول يتجسسو علينا
ساره :منزلتش عيونها من على ضياء ولا حتى تحركت من مكانها !....خليه يقول بالك يلاحض وجودي ع الاقل🥺
ناهد:ردي بالك ... تصبحي ع خير
ساره :تتفرج على ضياء يلي نزل عيونه اول ما اختفت ناهد ...تلاقي الخير
عدي:ساهل ساهل
ضياء :كل شي عندك ساهل انت ...بعدين هوووب يطيح فوق راسي انا
عدي:واقف يدخن ويتفرج على الحوش
ضياء:لكن الحوش شي مش طبيعي يا حاج
عدي:نفخ الدخان في جبده وحده....جاي على بالي في صاروخ يطيح بي الناس يلي فيه
ضياء:وهوا يولع في دخانه .....الصاروخ يلي تحكي عليه اهون من يلي بديره فيهم والله
عدي:سارح ويدخن
ضياء:هي تصبح توا
متنساش غضوا تخطم على دفتر الشيكات
عدي:تم
ضياء:عندكم وحده في الحوش ....اوووف قلبي ضعف
عدي:قام حواجبه وضح بسخريه...ز رد بالك ضياء
مش لينا الاشكال هيا
ضياء:ضحك ...كون هاني ياحبيبي هي نتلاقو
عدي:اشرله بيده
ضياء:ولع سيارته وقال بصوت عالي ...تصبح يا عدييي
عدي:ضحك لانه يعلم كويس ان ضياء تكلم بصوت عالي عشلن يسمعوه بنات عمه ويشوفوه من الروشن
لوح الدخان ع الارض وعطي ضهره لي الشارع بيخش الحوش
فجأءه يسمع بي صوت انوثي يرجف ...عدي!؟
وقف فتره وهوا مركز في الصوت يلي هز قلبه❤️
تلفت ببطئ وشافها💔
كانت هيا !
نفس الملامح يلي كان كان يدور فيها !
نفس الفم نفس الملامح نفس خصلات الشعر المتناثره بزبط
ياترى هيا نفسها؟!....يتبع


google-playkhamsatmostaqltradent