رواية واحدة بواحدة الفصل الثاني 2 بقلم محمد عصام
تفضحها علشان مش عاوز تتجوزها ؟ ليه
-مش أنا اللي يجبروني أتجوز واحده مش عايزها يا آدم
بدأ ينظر علي البنات وبيرقص وترك صديقه عند البار وكان سعيد جدا ياللي عمله كأنه أنتصار
******
ملك في حجرتها مع والدها بيفكرو مين اللي عمل كده
-مين بس اللي عاوز يبوظ سمعتك وبيكرهك كده يا بنتي
-مش عارفه يا بابا انا عملت أي لحد حاجه وحشه علشان يكرهني الكره ده
بدأت تبكي ، ابوها أخدها في حضنه وابتسم
-هنثبت للعالم كله أنك بريئه ، أنا عملت محضر
-تتوقع المحضر ده هيعرف هو مين
بدأت تمسح دموعها ووضعت ايديها علي ايد والدها
-أنا خايفه انزل شغلي مش عارفه الناس هتقول عليا اي وخايفه أمشي في شارع ، شكلي هيبقي اي
-كلام الـ......
الحقوا يا مصيبتي ألحقو
الصوت ده كان خارج الحجره ، خرجت ملك ومعاها أبوها مفزوعين علي صوت الام والخاله
-في أي
-فيديو ملك نزل علي التليفزيون واتزاع
ملك الجمله دي نزلت عليها زي الرعد ، ظلت صامته مبتتكلمشي والأم والأب والخاله مصدومين وبيبكوا وهي بدون أي ريأكت حتي مبتبكيش
الام كانت بتبكي وقعدت علي الأرض وصرخت
-يا فضيحتنا يانا يا مصيبتي
*********
أسامه دخل حجرته وهو سكران جدا وبيغني أذان الفجر
-أنا العريس ، انا العريس
كان بيضحك جدا أترمي علي السرير وكان مش داري بنفسه ومش داري ياللي عمله ، دخلت عليه أخته وهي مصدومه
-اخيرا وصلت
-شششش
-في حاجه لازم تعرفها فيديو ملك بقي تريند
-مين ملك ؟!
كان مش حاسس ياللي بيقوله
قربت سندس أخته منه وكانت زعلانه جدا
-عارفه أنك زعلان باللي حصل النهارده بس عادي أحمد ربك أن هي أنكشفت ، ليه عامل في نفسك كده يا أسامه دي واحده متستاهلشي كل اللي انت عامله في نفسك ده
-شششششششش دوشه
قربت سندس من أخوها وحضنته وقالت
-قلبي عندك يا أخويا أن شاء الله هتلاقي احسن منها الفاجره دي
اسامه أنعدل وهو سكران وضحك وقال
-هاهاهاهههه قصدك ملك المغفله ، اوه نسيت الفاجره
انصدمت أخته من كلامه وابتسمت وقالت
-أها الحيوانه
-هي مغفله متعرفشي أن أنا اللي عملت الفيديو ده ، حطيت
كان بينام علي نفسه بس رجع تاني كمل
-حطيت وشها علي فيديو لبنت تانيه اي رأيك ، أنا مش طايقها قولت انا مش طايقها ليه عاوزين يجوزهالي شركة اي ووصية جدي أي وفلوس اي تولع طظ فيها
-يا نهار أسود
سندس لفظت بصدمه الجمله دي وهي بتضرب بأيدها علي صدرها ، وأسامه في دنيا غير الدنيا بيضحك
***********
ملك في حجرتها بتبكي كالعاده اليوم التالي وهي بتبكي ، كان في ماسيدج جايه من الفون ، قربت تمسكه ، رقم بيرن عليها وبصوت غليظ بيقول
-عارفه مين اللي عمل فيكي كده ؟
-مـ ...
اتعدلت ملك بسرعه ووقفت وهي مصدومه وقالت بلهفه
-مين ،مين
-أسامه خطيبك
ملك سمعت الاسم وقفت مصدومه مبتتكلمشي
-هبعتلك اللي يأكد لك أفتحي الواتس
قفلت ملك بسرعه وفتحت الواتس ،انصدمت بفيديو لأسامه وهو بيتكلم مع شخص
-100الف اي اللي تاخدهم علي فيديو ميستاهلشي انت عبيط
-اللي عندك ولو الفلوس مرجعتش انا هبلغها يا حب سلام
-أعمل اللي يريحك مش هديلك قرش زياده مش أنا
وآدم في الفيديو مع اسامه والشخص
التليفون وقع من أيدها وهي بتبكي من شدة المصيبه اللي عرفتها ، معقوله ده اسامه ولا فيديو مڤبرك معقوله ده اللي كانت بتحبه ، ظلت صامته مبتتكلمشي بدأت تفكر هل الكلام ده صح ولا غلط
بدأ يدور بداخلها منولوج داخلي
-ليه مش هو ، ليه يعمل كده ، مستحيل ده كان فرحان وبيستعجل الفرح بأي طريقه ، معقوله هو ، وليه مش هو ، ما هو الوحيد اللي كان معاه الفيديو
وقفت واتحركت ناحية المرايا وقالت
-بس الفيديو عنده مكانشي مبعوت كان علي التليفون تفرق
خرجت بسرعه من حجرتها وهي تبحث عن حاجه
-ماما مااااما ماااااااااما
اتحركت أمها في هلع
-في أي يا ملك
-اسامه سايب التليفون اللي عليه الفيديو صح ؟
-اها باباكي أخده منه أمبارح
-هاتي التليفون
-ليه
صرخت ملك في امها بعصبيه
-بقولك هاتي التليفون
اخدت التليفون من امها وفتحته انصدمت ان الفيديو مبعوت شير علي برنامج شير من شخص اسمه أسماعيل
دخلت علي موقع اللوكيشن بحثت عن الأسم وابتسمت
-معقوله كل ده يطلع منك انت
-في أي يا بنتي فهميني
-مفيش
تركت ملك أمها ودخلت حجرتها تاني ، فتحت تليفونها وأتصلت علي آدم صديق أسامه
-ألو ...انت فين .... خليك مكانك نص ساعه وجايه لك .... من غير متسأل هتعرف أما اوصل استناني
اتحركت بسرعه بملابسها بتاعت المنزل وهبطت بسرعه وقفت تاكسي ومشيت ، ام ملك كانت فوق بتصرخ وبتصحي زوجها
-بنتك هربت يا موسي ، روح ألحقها قبل ما تعمل في نفسها حاجه
*******
ملك دخلت الكافيه ، آدم كان بيلعب في الفون ، قفل الفون اول ما ملك قربت منه ، ملك ظلت واقفه بتنظر له بحقاره
-كنت عارف ان هو اللي عمل كده صح ؟
ابتسم آدم ابتسامه كسوف وخجل وقال
-أقعدي هفهمك
-مش عاوزه أفهم ، انا عوزاك توصل له رساله واحده بس ، علشان مش هقابله وش لوش غير وأنا جايبه حقي منه ، عوزاك توصله أنـ...
وقف آدم وحاول يهديها بخوف
-ملك اهدي ووطي صوتك ، أقعدي أشرحلك
ملك صرخت فيه
-عوزاك تعرفه ان الشرف مش لعبه في أيده ، عوزاك تعرفه ان بنات الناس مش سهل يرجعوا شرفهم بعد ما تم الطعن فيه ، عوزاك تعرفه ان مش هسيبه وانا مش هستني ربنا يجيبلي حقي منه
-وأنتي بتكفري
-اسمعني للآخر
صرخت جامد بس هو كان واقف مزهول وكل اللي في الكافيه مصدومين
-الشرف مش لعبه في أيده يلعب بيها وانا مش هستني ربي يجيب لي حقي ...انا حقي هجيبه منه بالدم ولو معملتش كده يبقي مستهلش أني أعيش لحظه واحده ، انا يعمل فيا كده انا يطعن في شرفي انا مش هسيبه
آدم مسك الفون بتاعه وترك ملك بتصرخ ومشي
