القائمة الرئيسية

الصفحات

رواية يا انا يا هي (عشق الجاسر) الفصل عاشر 10 بقلم هاجر عبدالحليم

رواية يا انا يا هي (عشق الجاسر) الفصل عاشر 10  بقلم هاجر عبدالحليم

رواية يانا ياهي الحلقة 10

ف المستشفى
عشق بصريخ..مامااااااااااااااااا
جاسر خدها ف حضنو وقال بعياط الله يرحمها ويحسن اليها ادعيلها بالرحمة هي مش محتاجة مننا غير كدا
فلاش باك
الكل جريو عليها وعشق كانت بتعيط وعمالة تلمسها خايفة تروح منها وتبقى هى السبب
جاسر بصلها وعيونه كانت مفتوحة مش معقول دي من كام ثانية كانت معاه
أميرة بقا كانت ف حتة تانية خالص قاعدة وماسكة ايديها بقوة ومش ببتكلم ولا بتصدر منها اي رد فعل خالص
جاسر بص لعطية بقرف وتف عليه وشال فهيمة وجري بيها ع المستشفى وعشق وأميرة راحو معاه وقفلو عليه بالمفتاح عشان ميهربش ركب العربية وعشق كانت قاعدة جمبو وفهيمة كانت ع رجل اميرة اللى عمالة تلمس وشها بخوف وعمالة تردد بقلب مقهور
يارب نجيها انا السبب سامحينى ياأمي حقك عليا انا السبب يارب نجيها مليش غيرها ف الدنيا يارب انت رحيم هبقى لوحدي لو هى راحت مني احفظها يارب
ف المستشفى
جريو بيها ع المستشفى والفريق الطبى استقبل فهيمة ودخلو بيها غرفة العمليات
عشق بخوف..هى هتقعد اد اي..جاسر انا مكنش قصدي انا معرفش اي اللى حصلى لما شوفت أميرة حسيت بقهرة بتاكل فيا بدون برحمة كان هاين عليا اشدها من شعرها واقولها امشى بقا من هنا كان شكلها بيعصبنى اوي رغم اني احلى منها بس الفكرا اني مش عارفة ليه بقارن نفسى بيها هى حاجة وانا حاجة خوفى بقا هاجس وشبح عمال يقتل ف الناس اللى بحبهم واهي اول واحدة كانت امي اه هي امي فعلا انا عمرى م اعتبرتها مجرد شغالة عندنا كنت دايما بشوف فيها حنية محستهاش مع امي نفسها محدش كانت واخد بالو مني غيرها لما باجي من الشغل مقهورة كانت هى اللى بتواسينى لما اتجوزنا رفضت تبقى ف الفلة وقالت مقدرش مبقاش مع عشق وجاسر دول ولادي تفتكر في ولاد بيعملو كدا ف امهم جاسر خليها تقوم وانا هبوس راسها ورجليها
وبعياط قالت..جاسر قولها انى بحبها والله معنديش استعداد اخش ف البيت وهي مش فيه انا ممكن يجرالي حاجة لو مشيت لسة انا مخلفتش مش هى كانت بتقولى يارب اعيش واشوف عيالك بين ايديا هى بقا دلوقت عايزة تمشى من غير متشوفهم قولها ياجاسر اني بحبها شوفت ف عنيها نظرة كره معقولة زعلانة مني اوي كدا هو فى ام بتزعل من بنتها ياجاسر بنتها وغلطت تضربها وتكسر رقبتها كمان بس متبعدش عنها ياجاسر خليها تقوم عشان اعتذرلها انا بحبها والله
جاسر شدها لحضنو وعمال يعيط هو ع طول قوي بس دي فهيمة قيمتها غالية اوي عندو دي امو ياااااااارب
جاسر..متفوليش عليها هترجعلنا انا قلبي حاسس
عشق بصتلو وقالت..انا كنت انانية طبيعى هتزعل م هى اميىة كمان بنتها مكنش ينفع احطها ف موضع اختيار طبيعى هخسر اميرة معملتش حاجة عشان محبهاش بس انا من كتر حبي ليك بعمل كدا جاسر انت لو قربت من واحدة انا ممكن اموت انت ملكي لوحدي مش عايزة يبقى معايا جزء منك بس والجزء التاني مع واحدة تانية هاجس ومرض اللى انا فيه بس مش قادرة اسيطر عليه بقيت بخاف اوي من نفسى بقيت خايفة عليك ياجاسر ليحصل حاجة تتاذى بيها وابقى انا السبب.. بقيت انانية ووحشة اوي سامحنى عشان خاطرى
أميرة كانت بتبصلهم وشايفة نظرات حب ف عنيهم حست انه وجودها ملوش اي لازمة اتنين بيحبوا بعض اي اللى جابك عندهم؟ ليه بقيتى طرف غير مرغوب فيه اوي كدا؟ جاسر لو هيساعدك ف دا عشان خاطر امك لكن عشق بتحبو وبتدافع عن بيتها وكل شىء مباح ف الحب والحرب لو دخلتى ما بينهم هتبقى خرابة بيوت وحرباية انتى كدة ياأميرة؟
اميرة غمضت عينها بوجع وقالت..يارب عوضنى اللهم اني لا اسألك رد القضا ولكنى اسالك اللطف فيه
ليه كدا بس ياعطية ليه تكسر الحاجة الوحيدة اللى ف قلبى ليك يارب انا شوفت نظرة استغاثة ف عنيه انا اه مش بحبو بس هو صعبان عليا وكان عندي امل اني هحبه مع الوقت بس هو اناني عايزني وعايز القرف اللى ببشربو مستعد يأذينى عشان مزاجه ازاي وانا بين ايديه هبقى مطمنة م هو ممكن بعد م يتعالج يرجع تاني لو اتجوزته وهو كدا زي م كنت ناوية ابقى مطمنة ع نفسى وولادي بعد كدا هقدر اخلي نفسى مسؤلة عليه طب لو جرالي حاجة مين هيساعدني؟ هو صعبان عليا وحساه حابب يتغير بس معندوش العزيمة انه يعمل كدا حتى لما اتحط ف اختيار بينى وبين البودرة اختارها هى واذاني وضرب ماما ودلوقت هى بين الحياه والموت امي دلوقت بتموت وهو السبب وانا بردو مجرمة انا استاهل كل الوحش اللى ف الدنيا مش الحلو
مسحت دموعها وقامت تصلى وتدعي لوالدتها وهى ماشية خبطت ف شخص اتصدمت انه دا كان.........
عشق...انت بجد مسامحني؟
جاسر مسح دموعها برقة وقال..هعاقبك ياعشق بس مش دلوقت
عشق..انا مكنش قصدي متحملنيش ذنبها انا مقولتش لعطية انه يضربها ولا قولتله اشرب مخدرات هو الموضوع جي مرة واحدة والدنيا ولعت زي م شوفت
جاسر..انتي مش واثقة ف نفسك ولا فيا؟ عارفة ليه؟ عشان الست اللى واثقة ف نفسها عارفة انه جوزها مش شايف غيرها وبتبص قدام المرايا برضا حتى لو فيها عيوب مش عيب انها تبقى راضية عنها وتصلح من نفسها ثقتها دي هتخليها تحب نفسها اكتر وتهتم بيها وتدلعها كمان كل ست ليها لمسة خاصة بيها هى لوحدها بتميزها واي اضافة بتحليها ف طبيعى جوزها هيشوفها فتنة متحركة ف الشقة واتربعت ع عرش قلبو كمان مش عشان جميلة بس لا عشان بتقدر جوزها وعايزة تسعده م هو لما الراجل بيحب اهتمام الست بنفسها معناها انها بتحبه وعايزة علاقتهم تبقى كويسة ثقتها ف نفسها بتخليها لو شافت ملكة جمال متهزش فيها حاجة وتشوفها عادية عشان عين جوزها بردو مليانة بيها هى وبس
مشكلتك انك مش واثقة فيا هواجس ف دماغك بهدلت علاقتنا وبقت ف الارض رغم كل اللى قولتيه مش عارف اكرهك وحبك زاد ف قلبي مقلش رغم جنونك دا بقول بتحبنى ومن حقها تحافظ عليك حتى لو اتهمنينى بالباطل دورى بقا احتويكي وافهمك انه قلبى دا عمره م دق لغيرك ولا روحى بتكمل غير بوجودك انا بحبك ياعشق
عشق بدموع..وانا بحبك والله
جاسر..اللى بيحب بيتعلم الثقة مش هواجس توديه وتجيبو دا حلم ياعشق حلم طب ياريتك طبقتى والا مكنتيش شوفتيه
عشق..ايوة حلم بس صدقنى هيتحول لحقيقة
جاسر بعصبية..بردو ياعشق هو مفيش فايدة مهما اتكلم بردو اللى ف قلبك هيفضل موجود انتى ليه كدا؟
عشق..غصب عنى ياجاسر انا بحبك
جاسر..ليه عايزا حبنا يبقى لعنة علينا حرام عليكي
عشق..اللعنة دي الظروف هى اللى حطتنا فيها مش انا
جاسر..أميرة دي جزء من حياتنا خلاص ليه مش عايزة تقدرى وتستوعبى انها ملهاش غيرنا دلوقت
عشق..لا ليها انت نسيت عمي ممدوح ولا اي؟
جاسر بحزن..عمى ممدوح رجع بيتو من تاني واكيد لازم اكلمو عشان يبقى مع أميرة هى اكيد محتاجاه
عشق..بس ياجاسر
قطع كلامهم لما الدكتور خرج من العمليات
جريو عليه عشان يطمنهم بس صدمهم ب
نروح ل اميرة
اميرة بصت لحسين بصدمة وهو صدمتو متقلش عنها كان بيبصلها بلهفة وشوق وحنين وندم
اميرة بتفتكر كل حاجة حصلت بينها وبين حسين كأنها شريط
انتى حبيبتى ومراتى
جرا اي يابت انتى هتاكلى لوحدك ولا اي هاتى الايس كريم دا ايش حال انا اللى جيبهولك
حسين انت هتفضل الراجل الوحيد اللى حبيته ومحدش يقدر ياخدنى منك ابدا
بحبااااااااااااااك
انتى هتعملى فيها الخضرة الشريفة اللى مش بتغلط منا عرفت كل حاجة خلاص انتى ع علاقة بمحمد اخويا
انا مش هتجوزك بس انتى هتدفعى تمن وساختك دي مش حد تاني
اي بس انتى هتعملي فيها مكسوفة هي اول مرة
تعالى بقا فرهتينى يخربيتك
لاااا ياحسيين لااااااا انا خايفة حرام عليك بقا لاااااا
اميرة فضلت تتنفس بصوت عالى وضربته بالقلم جااااامد
حسين خد القلم وسكت هو عارف انه يستاهل القلم دا واكتر كمان
اميرة سمعت صريخ عشق قلبها اتنفض وجريت تشوف ف اي وسابت حسين موجوع وفضل يستغفر كتير مفاقش غير ع رنه صاحبه بيبلغو فيها انه خلاص كل اللى عايزو تم
عند جاسر وعشق
اميرة..ماتت!
جاسر بعياط..ادعيلها ياأميرة
عشق كانت قاعدة منهارة وجاسر كان بيفكر ف المصيبة اللى حصلت فهيمة قبل م اتموت حطته ف نار ومش قادر يخرج منها بص لعشق وبلع ريقه بصدمة كأنو بيقولها كل مخاوفك خلاص قربت تتحقق
اميرة خرجت برة المستشفى خالص وجاسر مخدش بالو منها
فضلت تمشى وهى سرحانة ف كل اللى بيحصلها
الدنيا مطرت جامد اوي وكان فى رعد شديد
رغم انها كانت سقعانة بس سابت نفسها للهواء والمياه كأنها بتعيط معاها
قعدت ع الارض وفضلت تعيط بصوت عالي
اااااااه يارب هى كدا الدنيا بتاخد حبايبنا ف لحظة سهو كدا مننا من يوم فات كانت جمبى وبتضحك معانا ومفيش اي حاجة اليوم اللى بعدو تمشى وتروح عند ربنا والله انا مش معترضة هى مش هتعز للى خالقها بس صعب اوي فراقك ياأمي حضنك اللى كان مالى عليا الدنيا من وانا صغيرة وانتى بتحبى تنامي جمبى وتحضنينى وكنت بنام بسرعة بسبب الدفا اللى كنت بحس بيه سيينى لمين حسين ياماما ابن عمي!! لا هو مش ابن عمي دا واحد غريب عني بس انا عمرى م فكرت فيه كدا كنت دايما بعتبرهم اهلي انتى قولتيلى دول عوضك وعمرى م حسيت انه جوزك دا مش ابويا بالعكس كان حنين عليا وبيحبنى اوي رغم انه في حاجة جوايا بتقولى دا ابوكي مش بسبب تعامله معايا لا فى حاجة اكبر من كدا مليون مرة بس اهو رجع تانى وشوفته شكلو كان شيطان ياماما رجع تانى وعايز منى اي انا خايفة اوي اهلى دول محاولوش يدورو عليا اي هما مش بيحبونى بس انا مأذتش حد فيهم وعطية ياماما الشاب الضعيف ضحية الادمان كسر قلبى لا انا محبتوش بس كنت عشمانه انه يتغير ودلوقت بعد م قتلك الله اعلم هيجرالو اي انا مش هتنازل عن حقك ولازم يتحاسب بس هو هيخرج اكيد عشان هو مكنش ف وعيه مش هيقعد ف السجن دقيقة واحدة بس حتى لو خرج انا استحالة احتك بيه تحت اي ظرف دة هو اللى بعدنى عنك كنت متخيلة اني هعرف اغيرو بس ف كل مرة بتحط مواجهة مع اللى ببشربه بخسر وحياتى بتبقى ع المحك
طب جاسر وعشق ذنبهم اي ف كل دا بعد موت ماما اكيد مش هيستقبلونى حتى لو جاسر وافق عشق استحالة توافق طب اروح فين ياربي اعمل اي عشق بتغير اوي ع جوزها وحذرتنى اني اقرب منه مينفعش اخرب بيتهم بسببى هيبقو ف مشاكل ع طول لازم ابعد عشان يعرفو يعيشو انا خلاص بقيت لوحدي بقيييت لووووحدي
عند عشق وجاسر
جاسر كان حاضن عشق كانت نايمة ع كتفو بعد وصلة من الصريخ والنحيب وهداها بالعافية
فضل يملس ع شعرها وهو بيفتكر اي اللى حصل قبل م فهيمة تموت
فلاش باك
عشق..خير يادكتور؟
الدكتور..للاسف الخبطة كانت شديدة وعملت ارتجاج شديد ف الجمجمة نزفت كتير وممكن ف اي لحظة متكونش موجودة معانا بس المريضة فاقت وعايزة استاذ جاسر ف ياريت مطولش وحاولت تريحها ع اد متقدر اتفضل
واول م دخل هى كانت تعبانة اوي وحواليها الاجهزة من كل حتة قعد جمبها وباس ايدها وفضل يعيط بصوت عالي
فهيمة ملست ع شعرو وقالت بصوت مليان تعب
جاسر
جاسر بصلها بعيون متورمة من كتر العياط
اميرة امانة ف رقبتك ياجاسر خد بالك منها هى دلوقت ملهاش غيرك اوعى تجرحها او تظلمها اتجوزها يينى وعوضها عن اللى شافتو دي وصيتى ليك يينى انا عارفة انك بتحب عشق بس أميرة لو راحت لغيرك هتبقى صيدة سهلة لعطية او اهل ابوها مش هيسيبوها ف حالها وممدوح مش هيعرف يحميها البت ملهاش سند يبنى حافظ ع بيتك بس اميرة يبنى هتروح فين اعدل ما بينهم ومتحسش بواحدة فيهم انك متجوز اتنين انا انانية واستاهل شتايم الدنيا كمان بس انا خايفة ع بنتى وصيتى ليك ياجاسر اول م تحس انه اميرة هتضيع لوحدها اتجوزها واحميها هسالك عليها يوم القيامة اتمنى لما اشوفك ساعتها تبقى اد ثقتى بيك اوعدنى ياجاسر
جاسر بعياط..اوعدك ياماما
فهيمة تنهدت براحة ونطقت الشهادتين وراحت الروح للى خلقها
باااااك
جاسر مفقش غير ع كلمة الدكتور
الدكتور..هتبدا اجرأءات الدفن؟
جاسر..ايوة
الدكتور..انا لازم ابلغ البوليس
جاسر..اعمل اللازم يادكتور عطية عندي ف البيت وانا اللى هتولى القضية
الدكتور..تمام
جاسر ف سرو..إنا لله وانا اليه راجعون..اللهم اجرنى ف مصييتى واخلفني خيرا منها يارب نور بصيرتي
وفجاه جسمو اتنفض وهو بيردد
اميرة! اميرة فين؟
نروح عند حسين
كان قاعد ف المسجد وعمال يقرأ قرآن وعمال يعيط ويستغفر
حس بشيخ عمال يطبطب عليه
الشيخ....مالك ياحسين؟
حسين بدموع..تعبان وحاسس اني انسان خسيس اوي
الشيخ..لا متقولش ع نفسك كدا انت انسان كويس وقلبك مليان نور
حسين..انت مش عارف انا عملت اي زمان لو شوفت اللى حصل مكنش دا هيبقى كلامك
الشيخ..ربنا غفور رحيم
حسين..بس انا غلط ف حق انسانة وربنا مش هيغفرلى الا لو هى سامحتني انا من ساعة اللى حصل مش بعرف النوم وبأنب نفسى كنت متخيل انه اللى زيي ميستاهلش يروح لطريق النور ويبقى ع طول ف التراب والضلمة واللى رايح واللى جاي يدوس عليه
الشيخ..هى اكيد هتسامحك بس انت ادعي ربنا
حسين بأمل..هتسامحنى بجد!
الشيخ..ابشر ياحسين اللى جاي من حياتك كلو خير
حسين حس انه لوحده ف الجامع وبص ع الشيخ ملقاش حد قرر يقوم ويصلى ويدعى ربنا يسامحو ع اللى عملو ف اميرة فضل يعيط بصوت عالى وهو بيفتكر كل اللحظات اللى جمعته بيها
عند جاسر
كان بيدور عليها زي المجنون وهو بيردد اسمها وببعيط ودماغو كلها بتجيب كل الذكريات اللى جمعته بفهيمة
ذكريات ام مع ابنها
عند حسين
قاعد ع سجادة الصلاه وف ايدو السبحة وعمال يستغفر ويعيط بندم شديد وقلب اهلكو الشوق والحرمان ومفيش ف دماغو غير لحظات اغتصابه أميرة
عند عشق
عشق فاقت ومفيش ع لسانها غير كلمة ماما..ماما..ماما ماتت بسببى لااااااا
عند عطية
عطية فاق من الحالة اللى هو فيها واتصدم باللى عملو فضل يصرخ ويكسر كل اللى يقابلو
لقا البوليس داخلين عليه واتهموه بقتل فهيمة واتقبض عليه بتهمة القتل
عند اميرة
اميرة قاعدة وحاضنة نفسها ف الشارع وجسمها كلو بيتتفض وبيترعش عشان هدومها كلها اتلبت مياه وبتعيط ع فراق امها
وهنا تصدع اغنية تجمع بين عشق وأميرة وجاسر وهما بيفتكرو فهيمة وكل واحد بيودعها بطريقته الخاصة
وهنا هنبدا احداث جديدة من نوع اخر
عشق وجاسر وأميرة وحسين وعطية
ياترى القدر مخبيلهم اي بعد موت فهيمة؟
حسين اتغير وندم فعلا؟
طب جاسر هيتجوز أميرة؟
عطية هيتسجن ودوره ف حياه اميرة خلص؟
عشق هتسكت ع اللى بيحصل؟
أميرة قلبها هيميل لجاسر ولا هو اصلا ملكية قلبها معروف لمين؟
جاسر هيحب اميرة وينسى عشق ولا القدر ليه رأي تاني؟
تابعونى للاخر

تعليقات