recent
روايات مكتبة حواء

رواية يا انا يا هي (عشق الجاسر) الفصل الحادي عشر 11 بقلم هاجر عبدالحليم

رواية يا انا يا هي (عشق الجاسر) الفصل الحادي عشر 11 بقلم هاجر عبدالحليم

 رواية يانا ياهي الحلقة 11

جاسر بيجرى ف الشوارع وعمال يبص حواليه وملامح الذعر واضحة جدا ع وشو ازاي دي كانت قبل م تموت موصياه عليها دلوقت مختفية ومش عارف يلاقيها؟
وأميرة واقفة ع الكوبرى وبتبص للسما شوية وبتبص للبحر شوية وحست انه اد اي البحر غويط ومليان اسرار ناس كتير وعمرو م قال السر دا بياخدو جواه ومحدش بيعرف عنه حاجة مليان غموض وسواد كأنو هموم الدنيا اتحطت فيه طب ياترى لما تتكلم ولو شوية هترتاح ويحس بيها ولا زي كل الناس بتدوس عليها من غير رحمة بعد الام اي يادنيا؟
راااااح رااااااح رااااااح
راح القلب الطيب راح
الحضن اللى انا فيه برتاح
سبلي حبييى الام و جراح
رااااح
راح القلب اللى مقويني
طعم حياتي واحلى سنينى
مفضليش غير دمعة عينى
رااااح
اميرة حست انها دايخة ومش طايقة حياتها ف لحظة ضعف منها فكرت ترمي نفسها ف البحر وفعلا كانت هتعمل كدا لولا الايد اللى شدتها
اميرة بعياط.ليه شديتنى انا كنت خلاص هرمي نفسى وارتاح واريح الكل مني
جاسر بعصبية..انتي مجنونة عايزة تموتي كافرة ليه مستعجلة ع الموت اوي م هو جاي جاي...هو يعني عشان ماما ماتت خلاص الحياه هتقف لا الحياه مش بتقف وغصب عننا بنكمل وبنعيش حتى لو من غير روح بس مش هنموت وراها انت ليه ضعيفة اوي كدا زيك زي عطية بالظبط بس الفرق انك عايزة تموتي كافرة وهو موت نفسه فعلا بس وهو حي
اميرة..انت بتقول كدا عشان تواسينى وبعدين متعصبش عليا انت مالك بيا اصلا؟
جاسر..مفيش حاجة اسمها انا مالي دلوقت انتى اختى الصغيرة اللى لازم اراعيها واشوف احتياجتها اي عشان البيها دا حقك عليا وحق امي كمان هى قبل م تموت وصيتنى عليكي يعني لو قصرت معاكي ربنا هيحاسبنى وانا استحالة اخيب ظنها فيا ابدا ومش هسمحلك تبعدي انا لازم ارد ربع اللى عملته ليا ولعشق
أميرة بعياط..انت عايز اي بقا مش كفايا المشاكل اللى حصلت ف بيتك بسببى سيبنى اروح اشوف حالي بعيد عنك وعن بيتك انت والله م قصرت وعملت اللى عليك وزيادة وانت صدقنى مش مجبر خالص تراعينى انا ليا اهل هروحلهم حتى لو معرفتش اروح بيت بابا ممدوح مفتوح وهروح المكان اللى انت جيبتنو منه ومتخفش طالما بتعتبرنى اختك تقدر تسال عليا ف اي وقت ولو ع عطية ربنا بقا يتولاه مفيش خوف من اي حاجة
جاسر حس انها سقعانة وعمالة تترعش راح قلع الجاكيت ولبسهولها وهى خدته منو وعنيها ف الارض مش عايزة تبصلو
أميرة..شكرا
جاسر..أميرة انا مش قادر اجادل كفايا اللى انا فيه والله واقف ع رجلى بالعافية وربنا اللى مقويني عشان لو وقعت كلو هيقع معايا متضغطيش عليا عشان خاطرى وغلاوة ماما عندك تعالى معايا نعدي بس اللى احنا فيه دا وبعد كدا لينا قاعدة وهريحك ولو حسيتى انك عاملة مشاكل ف البيت ف انا اهو بقولك تقدرى تمشى وساعتها مش همنعك بس انتي لازم تحضرى دفن ماما مينفعش متوديعهاش هتزعل منك جامد
أميرة..انت بتعمل معايا كدا ليه
جاسر..عشان ماما تبقى مرتاحة ف تربتها غير انه انا متعودش اهرب من مسؤلياتي
أميرة بعياط..مش هقدر اروح البيت وهى مش فيه هتعب جامد
جاسر..نتعب كلنا احسن من انك تتعبى لوحدك عشق محتاجالك ع فكرة ومتزعليش منها هى والله انسانة كويسة وكل اللى بتعملوا طبيعى عشان
قطعتو اميرة وقالت عشان بتحبك صح؟ هى اكيد لازم تطمن وتعرف اني مش جاية ع خراب ابدا انت بتحبها وهى كمان يبقى وجودي ملهوش لازمة وييقى حرام عليا لو فرقتكو عن بعض سواء برضايا او الظروف هى اللى هتحكم بكدا
جاسر..يبقى تعالى معايا بقا ومش عايز اسمع الكلام العبيط بتاعك دا تاني
أميرة..اوعدني طيب لو عشق اتضايقت من وجودي تمشينى وتنسوني خالص
جاسر بمهاودة.حاضر براحتك زي م تحبى نمشى بقا
أميرة بقلق..يلة
ف المستشفى
عشق اول م شافت أميرة ضحكت وجريت عليها وحضنتها وعيطت جامد اوي
اميرة وجاسر بصوا لبعض ومستغربين اللى عملتو صوتها العالي وجع قلب جاسر وطبعا اميرة فرحت كان نفسها ف الحضن دا من زمان ومش من اي حد دا من عشق
بادلتها الحضن وفضلوا يعيطو ع فراق فهيمة
جاسر استأذنهم وقال انه رايح يخلص كام حاجة وهيرجع ياخدهم عشان بكرا الصبح دفن فهيمة ف مقابر عيلة جاسر ف سوهاج
عشق بعياط..ماتت ياأميرة خلاص راحت ومش هترجع تانى ماتت وهى زعلانة ملحقتش اراضيها ياريتنى انا اللى موت مكنتش هحس بالوجع دا احساسى بالذنب بياكل فيا انا اللى موتها وحرمتك منها كل ركن ف البيت لينا فيه ذكريات كتير اوي معاها مش هعرف اخش هحس اني قبر وكل مدا بيضيق عليا انا كرهت نفسى خوفى موتها لو سكت ومقولتش اللى قولته كان ممكن تبقى معانا او ع الاقل قدرت احميها بس كنت انانية وكنت عايزاكي تخرجي من البيت كنت فاكرة اني كدا جاسر هيبقى ليا ومش هيميل ليكي بس كنت غلطانة غلط كبير اوي
أميرة بعياط..طب ممكن تهدي عشان اعرف اتكلم معاكي عشان طول منا شايفة دموعك هعيط انا كمان
عشق..انا عايزاها تبقى راضية عني عايزاها لما تشوفنى تاني تبقى مبسوطة والله مكسوفة اخش اودعها ومش قادرة اتحرك ربع خطوة ناحية الاوضة كل م افتكر نظرتها ليا
أميرة..كل واحد بينزل ف محطته انتي ملكيش ذنب ومينفعش احملك المسؤلية ابدا عشان دا مكتوب ومش هتعرف نهرب منه
عشق..بس انا عايزة اكفر عن ذنبى انا كنت رخمة اوي معاكي وبكرهك كأنك فعلا ختى جاسر منى وكنت بتصرف ع الاساس دا لغيت عقلى وثقتي ف جاسر وحولت كابوسى لحقيقة جوايا انا عايزاكي تعتبرينى اختك اكيد هتبقى مبسوطة لو شافتنا مع بعض ومحدش جواه اي حاجة وحشة ناحية التاني وندخل انا وانتى وايدنا ف ايد بعض ونودعها دي حاجة بسيطة اوي نعملها عشانها
أميرة بفرحة..اكيد موافقة متتصوريش كلامك دا رجع الفرحة فيا ازاي واخيرا اقدر اتنفس وابقى مرتاحة انا كنت حاسة بالذنب ناحيتك اوي انا ست وعارفة احساسك لو حد فكر يقرب من جوزي حبيبى دا انا اقتلو وممكن اعمل اللى عملتيه دا واكتر حبتين بس انتى كنتى صعبانة عليا مخاوفك دي بتعذبك وانتي مش دارية
عشق..ممكن بقا ننسى اللى فات ونبدا مع بعض صفحة جديدة وندي لنفسنا فرصة نعرف بعض وانا متاكدة هنبقى صحاب
أميرة بدموع..احنا اخوات ياعشق ومفيش بين الاخوات الرسميات دي هو سوء تفاهم وراح لحالو وخلاص تعرفي انا كنت فاكراكى متنكة وشايفة نفسك اوي ومعرفش ليه بتكرهينى عشان كدا تجنبتك خالص بس انتي كنتى بتعصبينى بصراحة ببقى عايزة اشدك من شعرك
عشق يين دموعها..وانا كنت عايزة ادبحك والله بشوفك بتخنق رغم انه ملامحك كلها طفولية ومش بتعرفي تأذى حتة نملة وكنت دايما بقول حرام عليا بجد دي قلبها طيب ومتعرفش حاجة بس كان عقلى دايما بيهاجمنى وبيقولى حتى لو هى كدا لازم تبعديها عن حياتكو بس دلوقت انا هثق ف نفسى وجاسر اكتر من كدا وهثق فيكي كمان وعارفة انكو انتوا الاتنين استحالة تكسىرونى ابدا عشان هو جوزي وانتى اختي صح؟
أميرة بحب..اكيد ياعشق
عشق واميرة مسكو ايد بعض ودخلوا عشان يودعوا فهيمة مقدروش يدخلو الاوضة لما شافو الغطاء الابيض مغطيها كلها جسمهم اتتفض وعنيهم كانت غرقانة دموع وعشق رفضت تخشلها بس اميرة قويتها وفعلا دخلوا وقعدو جمبها
أميرة..ماما..ماما حبيتي شوفى كدا مين دخل معايا دي عشق مرات جاسر اتصالحنا وبقينا كوبسين مع بعض مش دا اللى انتي عايزاه انا كنت متاكدة انك هتفرحى عشان كدا عشق قالتلى نروحلها مع بعض
عشق بدموع..انا اسفة اوي ياماما سامحيني ياحبيتي..انا عشمانة ف ربنا وعارفة انك سامعاني وشايفة اللى بيحصل خلاص ياماما ايوة انتي مش دادة فهيمة بس انتي امي اقسم بالله وعشان الكلمة دي مش هينة هنعمل بيها وهنبقى انا وأميرة اخوات ونحب الخير لبعض حتى لو وصل هديها روحى هعمل كدا هتبقى بنتى كمان ومش هعز عليها اي حاجة ابدا وهتبقى ف بيتها مش ضيفة كمان ياريتك كنتى معانا بس للاسف الانسان مش بيعرف قيمة الحاجة الا لما تروح منو بدرى اوي .. مشيتى فجاه فى حاجات لسة معيشنهاش معاكي ياماما بس صدقينى هتبقى معانا روحك وكلامك ونصايحك مش هتغييى عننا لحظة واحدة دا وعد مننا ليكي
أميرة باست ايدها وغمضت عنيها بوجع وفضلت تقرا قراءن شوية لحد م الممرضة دخلت وخرجتهم شافو جاسر جاي وباين عليه التعب وعنيه مورمة ومش قادر يصلب طولو عشق جريت عليه وسندته ومسكت ايدو جامد بصلها بحب وقالها بهمس..بحبك
ضحكت بنعومة وقالت..وانا كمان
عشق مسكت ايد اميرة ونزلو.. جاسر ركب ورا وغمض عينه بتعب بس ارتاح انه اخيرا عشق وأميرة بقو كويسين وبيدعى يكون المخاوف دي كان مرحلة ف حياتهم ومشيت بس عشان تمشى كان تمنها موت اعز الناس دموعه نزلت غصب عنو وراح ف النوم ...عشق هى اللى ساقت العربية رغم تعبها بس مكنش ينفع جاسر يسوق وهو ف الحالة دي
ولما وصلو الييت
عشق صحت جاسر قام مخضوص وبينادي ع فهيمة واميرة بصتلو وعيطت مش متخيلة رغم انها مش امو بس حزين عليها بجد وهيفتقد غيابها اوي
عشق..حبييى انا اسفة والله مقصدش اخضك كدا
جاسر..انا مش عايز اخش البيت تعالي نروح بيت تاني نروح لاهلي ف الصعيد او نروح لاهلك انا موافق حتى لو هيسمعوني كلام انا موافق بس بلاش البيت دا بقا محرم عليا بعد موت امي
عشق بدموع..متعملش ف نفسك كدا ياحبييى اوم يلا احنا معاك اهو هنخش البيت وتروح لاوضتك وتريح الشوية اليوم كان طويل عشان نلحق الدفنة كمان مش عايزين نتاخر بعديها ياسيدي هنعمل كل اللى انت عايزو يلة هات ايدك خلينا نطلع
طلعو البيت ودخلو الشقة
جاسر بعياط..عشق هى ماما مش هتسقبلنا تانى دي كانت اول م تشوفنى بتقولى حمد لله ع السلامة البيت بقا وحش ومش طايقو
اميرة بدموع..دخليه ياعشق الاوضة وخليكي معاه متسيبهوش هو محتاجك اوي
عشق..هتنامي فين؟
اميرة..ف اوضة ماما
عشق..بلاش ياأميرة انتى مش هستحملي
أميرة..متخافيش عليا سيبك بس مني وخليكي مع جوزك انا معايا ربنا هو احن عليا من اي حد تصبحو ع خير
عشق بحزن..وانتي من اهلو
ف اوضة عشق وجاسر
عشق نيمت جاسر ع السرير وغيرتلو هدومه وهو كان مستسلم ليها وبيبصلها بحب
عشق ملست ع شعرو وباست راسو وقالت..تصبح ع خير
قبل م تمشى هو مسك ايدها ورماها ع صدره باحتياج ولهفة وحنين هى م صدقت انه عمل كدا غمضت عنيها براحة والدموع مش عايزة تسيبها
جاسر..وحشتينى
عشق..ع اساس اني غيبت عنك منا قاعدة ف وشك ليل نهار
جاسر ضحك بتعب وقال..يخربيتك انتي ع طول دبش كدا
عشق..بنكشك ياجاسر انا عارف انه عشق القديمة وحشتك وليك حق الفترة الاخيرة المشاكل كترت والبيت كان مولع نار وخسرنا الونس الوحيد اللى محسسنا بقيمتنا كانت الحنية كلها فيها ربنا يصبرنا
جاسر بتعب.انا بقالى كتير مدوقتش الشهد صحيح انتي الايام دي مش بس كنتى مجنونة لا وكمان بخيلة مش مراعية خالص انه حبييك دايب فيكي وعايزك ع طول جمبو وف حضنو بس انتى بعدي عنو بس انا بقا مش هقولك براحتك دا بعدك ع فكرة انا هاخد حقى فيك دلوقت
عشق بصتله بحب وقالت.انت بتكلم جد؟
جاسر..انتى شايفاني بهزر؟
عشق ملست ع وشو وشافت دمعه ف عنيه مسحتها برقة وباست كف ايدو وقالت..انت تعبان ياجاسر مش وقت كلام
جاسر..انا عايزك ف حضنى كدا يمكن انام واتدفا انا سقعان اوي ياعشق وجسمى كلو بيترعش ماسك نفسى بالعافية نفسى اصرخ زي العيال الصغيرة واقول عايز امي عايز اروحلها ماتت وحطتنى قدام حمل كبير اوي عليا مش هقدر عليه انا بحبك ومش عايز غيرك مش هعرف ابص لغيرك اصلا ولا اتجوز حتى لو من باب المسؤلية اموت ولا اني اخونك ياحبيتي
عشق بعدم فهم..انت بتتكلم عن اي؟ جاسر انت بتهلوس صح؟
جاسر اترما ف حضنها وشد عليه جامد وقال..احضنينى ياعشق انا مخنووووق اوووي مااااتت خلاااااص انا السبب ف موتها قلبها كان حاسس بكل اللى بيحصل وكانت دايما بتقولى ابعد عطية عننا وانا مسمعتش كلامها وجيبته وهو خطر ع الكل وع نفسه كمان وكانت هى اول ضحاياه مكنش لازم اسكتلو ولا اسمحلو يقرب منهم انا مستاهلش المسؤلية دي انا مش بعرف احمي الناس اللى بحبهم لو كنت ادها مكننش ماتت ياعشق انا مقهووور اوي هى وحشتنى من دلوقت مش عارف اجيب الصبر منين مش هقدر ع فراقها انا كدا فعلا حسيت ب اليتم انا بقيت يتيم مليش اهل ولا سند من غيرها
عشق حضنته جامد بقلق وفضلت تملس ع شعرو كأنو ابنها
عشق..اسفة اني ضيعت كل لحظة وانت بعيد عن حضني فيها
جاسر..انتي غبية اقول اي دايما فقر وبتقطعى برزقك مش كنا حلوين مع بعض وكان زماني باكل ف الشهد بتاعتي
عشق ضربته ف صدرو بخفة وقالت بكسوف..قليل الادب
جاسر...هههههه والله لو كنت بصحتى كنت وريتك اي قلة الادب ع اصولها بس انا فعلا مش قادر
عشق حطت ايدها ع بقه وقالت بكسوف...بس خلاص هى الحالة جت ولا اي اسكت عيب؟
جاسر..تعرفي نظرة عنيكي دي عندي زي الشجرة اللى مليانة فاكهة من كل صنف ولون وانا بقا كل شوية اخد كام قطفة وياريتنى بشبع بالعكس بجوع اكتر
عشق..انت بقيت بتقول شعر؟
جاسر..عشق عندي زي السما الصافية ببص بلاقى احلامي وامالى كلها فيها تعرفى الفترة الاخيرة دي عشقتك اكتر حسيت انه اد اي فارق معاكي
عشق شدته من قميصه وسط صدمتو بس ضحك بحب وقال..اسفين ياصلاح مكنتش كدا
عشق..انت مش عارف انت بالنسبالى اي صح؟
جاسر..لا عارف بس دا ميمنعش اني عايز اثبات
عشق..انا كلي ملك حبييى..تعرف ياجاسر انت فرحة جتلى بعد سنين كتير كنت فيها لوحدي وتعبانة ومش عارفة الاقي نفسى كنت عايزة اعرف مين عشق وعرفتها لما قابلتك شوفت فيك السند ختنى بكل احساسى وكياني انت اهلى وناسى تبقى قدامي احلامي كلامها بتحقق صورتك ف عينى وقلبى بتحضن ايامي كويس وبتخليها مليانة سعادة وهنا للحنان اللى ف عيونك دة بالدنيا عندي انت ملكي لوحدي ياجاسر
عشق بصتلو بحب وباسته هو تجاوب بسرعة وحس انه فعلا محتاجها وغاصوا في بحور عشقهم بكل الحب اللى ف الدنيا❤️
ف اوضة اميرة
اميرة فضلت تتقلب كتير اوي وهى نايمة شوية يمين وشوية شمال راحت قامت بعصبية
اوف بقا انا مش عارفة اتخمد ليه؟ اتزفتى نامي دماغك هتتفجر من كتر العياط والتفكير لا انا اقوم اصلى احسن يمكن ارتاح
قامت من ع السرير واتوضت ولبست الاسدال وصلت ف السجود فضلت تدعى لأمها كتير اوي ولما خلصت قريتلها الفاتحة
ووقفت ف الشباك شوية وهى بتفتكر القلم اللى ايديته لحسين كانت نفسها تعمل اكتر من كدا وتطلع كل وجع الدنيا اللى جواها فيه بس اللى نجده منها صريخ عشق مفكرتش ف اي حاجة غير انها تشوف أمها يمكن عشان لسة لحظة المواجهة مش دلوقت طب ياترى امتى؟
تانى يوم
سافرو عشان يدفنو فهيمة ف المقابر التابعة لاهل جاسر ف سوهاج الكل استغرب مين دي اللى عايز يدفنها بس طبعا سكتو ومتكلموش بسبب حالته كان ف دنيا تانية ومش سامع حاجة فرح اوي عشان عشق لبست اسدال وكانت مغطية راسها واتمنا من ربنا يهديها للحجاب وتبطل شغل الموديل دا عشان هو عارف انه مشاكلو كتير اوي ودايما بيدعى ربنا يحميها من الناس اللى ف المجال دا
ولما رجعو من السفر كانو تعبانين اوي وجاسر دخل نام وعشق دخلت وراه واميرة قعدت تعمل الغدا ولما خلصت قعدت تقرا قرءان وبعدها نامت
نروح بقا ل اهل اميرة ونشوف احوالهم اي
ف شقة عبدالرحمن
عبدالرحمن..هو الواد دا مش ناوي يعقل بقا انا مش قولتله ينزل معايا الشغل
فاطمة..سيبو ياحاج براحته انا مش فاهمه شاغل نفسك بيه ليه؟
عبدالرحمن..نقطينا بسكاتك احسن عشان انا بتعصب لما بتتكلمى م هو دلعك دا هو اللى بوظ الواد من ساعة اللى حصل مع أميرة وهو اشتغل ف دور الحلال والحرام ومقضي يومه كلو ف الجوامع وعمال يديه دروس بلوشى كدا وياريته بيطلع بمصلحة كنت سكت
فاطمة..مين قالك كدا م هو ماشاء الله بيخطب ف اكبر الجوامع وبياخد فلوس حلوة بس هو عشان مش بيتكلم ولا بيقول معاه كام يبقى دا تفكيرك عنو
عبدالرحمن..انا عارف ابنك اكيد مش بياخد فلوس ومش عايز يقول اكيد خايف نعايرو انه مجهودو كله ف الارض ولا مش عايز ينزل معايا وواخد الموضوع دا حجة بس اعملي حسابك انا مش هسكت اكتر من كدا
الباب خبط راحت فاطمة تفتح لقيته حسين
عبدالرحمن...انت جيت طب تعالى بقا عشان عايزك
حسين..انا مش عايز اتكلم مع حد بالذات انت
عبدالرحمن..لا محترم وأمك عرفت تربي تصدق فعلا انت شيخ بتقوم بالواجب وزيادة ناحية دينك مش مقصر والله
حسين كان هيدخل الاوضة بس وقفوا سؤال هز جدران قلبو
انت شوفت اميرة؟
حسين بصدمة..انت بتراقبنى؟
عبدالرحمن..الغبي اللى زيك لازم يتراقب والا هيودينا ف حديد
حسين..اللى حصل مات واتدفن ليه مصمم تفتح بيه دا انا م بصدق انسى وبحاول اكفر عن ذنبى تيجى انت وتدوس ع الدمل اللى بيوجعنى ليه انت عايز منها اي ها؟
عبدالرحمن.انت فاكر اني هأذيها لا خالص انا هرجعها ييتها معززة مكرمة مع اللى بيحبها مش انت بردو لسة بتحبها لو دا مش صح اي اللى خلاك متفكرش ف الجواز لحد دلوقت وكل شوية عرض بيجى وانت بترفض انت ماشاء الله سمعتك كويسة والكل يتمناك
حسين بعصبية..انت عايزنى اتجوزها عشان تاخد ورثها طب اسمع بقا انا مش هتجوز أميرة حتى لو روحي فيها ومن ساعة اللى عملتو فيها جنس الحريم كلو اتحرم عليا انا مش هلمس اي ست غيرها يابويا انا مش هسحملك تأذيها وابقى انا السبب ولو ع حقها هيتجاب وانت مش هتقدر تعمل حاجة انا خلاص كلمت المحامى وطالما اللعب بقا ع المكشوف اميرة هتيجى وتاخد ورثها من ابوها هى احق واحدة بيه وانتو بقا هتاخدو الورث حسب شرع ربنا انتوا جاهلة اقول اي؟ لو عمى غلط وكتب الورث كلو بأسمها انتوا كان لازم تصلحو الغلط دا عشان هو ميتحاسبش انه كل حقكو عمى الله يرحمو مكنش عندو غير أميرة وهى بنته مش بنت مراته زي م انت قولت أميرة بنت عمى ومن دمي غصب عن عين الطخين وانت بقا لو مش عايز تصدق دي حاجة ترجعلك انتوا لو عارفين دينكو صح هتعرفو انها ليك من ورث ابوها والاكترية ليكو انتو بس اقول طمعكو ضيع حاجات كتير واهمها انا بس بردو انا اللى غلط انا اللى سلمت نفسى لشيطانى وكسرتها بس هصلح غلطتي وهخليها تسامحني بس اعمل حسابك لو حاولت تأذيها ولو بكلمة انا هنسى خالص انك ابويا انت سامعني
فجر كلامو ومشى زي الاعصار
عبدالرحمن..انا لازم اتصرف مش هفضل واقف زي التمثال كدا اخرتها ياحسين بتعلى صوتك عليا لولايا كان زمانك مرمي ف السجن من زمان بس ملحوقة مش هخليك تلحق تعمل اي حاجة من اللى ف دماغك والشاطر اللي يضحك ف الاخر
عند عشق وجاسر
وهما قاعدين بياكلو
جاسر..تسلم ايدك ياأميرة تعرفى اكلك بيفكرني بيها اوي
عشق بحزن..الله يرحمها فعلا البيت كأنو بينادي عليها
أميرة..مش سهل ننسى هى هتفضل عايشة جوانا حتى لو الحياه مشيت
عشق..انا هفضل لابسة الاسود عليها ومش هقلعو ابدا وهاخد اجازة من الشغل وهراعي البيت مع أميرة عشان متبقاش لوحدها لحد بس الفترا دي م تعدي
جاسر فرح جدا عشق بتحب شغلها جدا ولاول مرة يشوفها حبة تهتم بيبتها حتى لو شغلها هيتأثر
عشق..متبصليش كدا ياجاسر انا مش عشق بتاعة زمان انا اتغيرت كتير مش معقولة اشتغل والبس واتصور واحضر حفلات وعروض وامي لسة ميتة ع الاقل احزن عليها شوية دا حقها
جاسر باس ايدها وبصوا لبعض بحب نظرات عنيهم لوحدها كفايا وتغني عن اي كلام
أميرة...احم احم نحن هنا ع فكرة اوعدنا يارب دا انا مش لاقية حد يبصلى البصة دي حتى لو صرصار شوفتو الهنا اللى انا فيه
عشق..ههههههه متزعليش هبقى ادورك ع عريس المهم ياجاسر اخبار عطية اي؟
اميرة فضلت تكح جامد اوي اول م سمعت كلامو وافتكرت كل اللحظات اللى جمعتها بيه
أميرة..هو لسة ف السجن؟
جاسر..خدي اشربي
أميرة شربت وهى بتسمع جاسر
هو حاليا ف السجن بس عرفت طبعا انه عشان ف اللحظة دي مكنش ف وعيه ف مش هيتحكم عليه بالاعدام بس ممكن يتسجن عشر سنين بس فى احتمالية انه يخرج لو احنا اتنازلنا عن المحضر
عشق بعصبية..لا لازم يتسجن عشان يتربى انت عايزنا نتازل بالسهولة دي احنا كدا بنضيع حقها
جاسر بص لأميرة لقاها سرحانة ومش مركزة معاهم
جاسر..حيرانة؟
اميرة..ها لا ابدا مش حيرانة ولا حاجة بس انا بقول عطية لو دخل السجن هيضيع زيادة وبدل م يخرج مدمن لا هيطور وهيبقى مجرم كمان وساعتها قلبه هيبقى ميت وممكن يدوس ع اي حد وغريزة الانتقام عندو هتعلي اوي وهيكرهنا وهنبقى احنا السبب ف كل دا انا من رايي نتنازل عن القضية مقابل خروجه من حياتنا نهاءى وربنا يعينه ع نفسه بقا انا حقيقى مقهورة عليه مكنتش عايزا نهايتى معاه توصل لكدا
عشق بعصبية..مكنتش اعرف انه دم امك رخيص اوي كدة عندك اعملى اللى انتى عايزاه مش فارقة هو انا من امتى كلامي مهم انا ماشية عشان اخد اجازة وراجعة تاني
وبصت لجاسر وقالت..جاي ولا قاعد معاها؟
جاسر بلع ريقو وقال...لا طبعا جاي معاكي يلة بينا
أميرة..عشق انا مش قص
قطعها جاسر وقال..خلاص ياأميرة مفيش داعي للكلام انا هتكلم معاها بس انتى يعنى خلاص قررتى هتتنازلى عن القضية؟
أميرة بحيرة..ايوة عشان منبقاش احنا السبب ف اللى هيحصلو هو يخرج بقا ويحاول يصلح من نفسه عشان لو جراله حاجة مش هنحمل ذنبو فاهمني
جاسر بجمود..تمام
ف عربية جاسر
عشق بعصبية...انت ازاي تسمح بالمهزلة دي؟
جاسر..طالما أميرة عايزا كدا مقدرش امنعها
عشق..بس هى امنا بردو واكيد لينا راي انا مش موافقة عطية هو اللى حرمنا منها لازم بتحاسب
جاسر..بس عطية ضحية ومقتول مش قاتل انا مع أميرة ف القرار دا والظروف هتأكدلك اني صح ولو كنت حاسس انه القرار دا غلط مكنتش سمحت بيه وانتى عارفة كدا
عشق..انا ابتديت احس انه مع كل كلمة اميرة بتقولها مش بتعرف تعارض وبتوافق من غير حتى م تتناقش معاها وتعارضها ع الاقل عشان تراضيني
جاسر بتعب..يووووه ياعشق ابتدينا تانى ارحمينى
عشق..لا ارحمك ولا ترحمنى انا هسكت خالص
جاسر بعصبية مسك الدريسيكون وساق بسرعة وقال..هيكون احسن بردو
عند اميرة
الباب خبط اميرة لبست الاسدال وجت تفتح اتصدمت بحسين
وهنا نقدر نقول انه حانت لحظة المواجهة


google-playkhamsatmostaqltradent