أخر الاخبار

رواية لاخر نفس كاملة بقلم بسملة بدوي

رواية لاخر نفس كاملة بقلم بسملة بدوي



 لآخر نفس

واقفه على المسرح بثوبها الناري القصير تتمايل برقه ورشاقه عاليه وتغني بصوتها الساحر .......
Thought I found, thought I found a way out.
(Found)، but you never go away ,never go a way
So I guess I gotta stay now
Oh, l hope some day l'll make it out of here
Even if it takes all night or a hundred years
وقعدت تغني وهما يغنوا معاها
في الاخر اول ما خلصت علا صوت التصفيق الحار والتصفير
نفس بخجل....... شكرا لكم وخرجت وراحت غرفتها الي في المسرح وبتغير هدومها لشورت جينز ابيض وتشيرت ازرق وخرجت ومعاها البودي جاردات عشان المعجبين وركبت وراحت فيلتها
لقيت امها قاعده مع (جوزها مش ابوها لا جوز امها) وبيطالعها بنظرات وقحه
نفس خافت من نظراته، قطعتها أمها بغرور وثقه........ كنتي هايله ي بيبي طبعا كل ده انا السبب انا الي اكتشفت موهبتك وخليتك كده
بلاك بخبث ...... بالطبع عزيزتي انتي افضل النساء على وجه الارض وبيبوس أيدها
نفس بصوت خافت ...... مامي انا هطلع انام بقا
وطلعت بسرعه
بلاك بخبث ....... دقائق بيبي وراجع وراح ورا نفس
نفس لسا هتقفل الاوضه حط رجله ببرود وخبث وقال........ وحشتيني
نفس بخوف ....... لو لو سمحت ابعد وعيب كده احترم نفسك انت جوز أمي
بلاك بخبث....... بس انا صغير لسا 27سنه ، وبحبك واتجوزت امك عشان اكون قريب منك عاوز فرصه لكن انتي بترفضيني علطول
نفس بخوف ....... لو لو مش خرجت هقول لماما على كل حاجه
بلااك بخبث......... وهي هتصدقك لا مش هتصدقك وهتصدقني انا جربي كده وبيقرب منها
نفس بدموع .......لو سمحت ابعد
بلاك بجنون ......لي بس هو انا لسا عملت حاجه يبيبي ولسا هيقرب قاطعه صوت جينا (مامت نفس) ......جاك جااااك اتأخرت لي
بلاك بخبث.......نفدتي مني المرادي بس بعد كده نو وقرص خدها ومشي
نفس قعدت تعيط كتير على الي حصلها من بعد موت ابوها وامها الي كل همها الفلوس والشوبينج واتجوزت واحد هي اكبر منه بكتير قاطعها صوت فونها.......الو
- السلام عليكم
نفس بستغراب عشان بيتكلم عربي....... وعليكم السلام
-انا عمك انتي نفس صوح
نفس بفرحه ......ايوه انت اونكل جابر
جابر بحنان ......ايوه ي بنتي انا عمك چابر كيفك
نفس بسعاده ....... الحمدلله وحضرتك
چابر .......نحمدلله انا حجزتلك طياره بليل ضروري عشان الوصيه بتاعك ابوك وجدك ربنا يرحمهم
نفس بسعاده ........ حاضر ي اونكل باي
چابر بحنان ......مع السلامه
نفس بسرعه وتهور ........ماااااامي ماااااامي اونكل جابر كلمني وهروح الصعيد بليل انا فرحانه اوي
جينا بصدمه........نعم
_ايوه عشان الوصيه بتاعت بابي وجدو
جينا بطمع ....... امممم اوك
بلاك بغضب .......لا مفيش سفر
جينا بصتله بستغراب ونفس بخوف
بلاك أدرك نفسه وقال .....أقصد أن هي صغيره اوي على أنها تسافر لوحدها صح ي بيبي وبيوجه كلامه ل جينا
جينا بلامبااالاه ........لا عادي هي 18سنه كبيره وكمان هي معروفه جدا يعني متخافش عليها وقالت .....روحي جهزي نفسك ي روحي
نفس بسعاده ....... حاضر وطلعت جري
على الجهه الأخري في الصعيد تحديدا
اتچوز غازيه يابوي غزيه ده البلد تأكل وشي ده انا العمده وولاد الحرام كتير هيستغلوا الفرصه يبوي ويشوهوا صورتي وهيبتي الي قعدتك سنين ابنيها
قاطعه أبوه
يعقوب اتحشم دي بنت عمك عنه يولدي مهما كان الله يسامحها امها بجا اخدتها منينا ورجعت بلادها الاجنبيه ،ودي وصيه جدك ي يعقوب ولازم تتنفذ لو على رجبتي
مستحيل يبوي مستحيل
يعقوووووب عيب أكده دي مهما كان بنت عمك يولدي وهي مغنيه مش غازيه عيب تتكلم عليها بكلام عفش أكده
يبوي انا مهتزوجش يبوي وكومان انا لو كنت اتزوجت كان زماني معايا قدها انا 33 يبوي وهي 18 وكومان انا مبحبش الدلع واكيد هي كومان مدلعه دلع مسخ وانا كومان مش عاوز حرمه تتحكم في ولدي
بقلم بسمله بدوي
يبني انا كبرت خلاص وعايز اطمن عليك جبل ما اموت فاسمع مني واتچوزها وكومان انا مهطمنش على بنت اخوي وهي بعيده عنينا والوصيه هتتنفذ يعني هتتنفذ لو على موتي
يعقوب بهدوء ......بعيد الشر عنك يبوي حاضري يبوي الي تؤمر بيه هيوحصل
في مكان تاني خالص
بالتحديد في سويسرا
Oh so beautiful
بجد يمامي هشوف مصر واخيرا والصعيد وقرايب دادي فرحانه اوي أن اونكل كلمني
الام بغرور ....... انتي فرحانه على اي ده الناس هناك لوكال خالص
بقلم بسمله بدوي
نفس بخنقه ....... مامي لو سمحتي مش تتكلمي على بلدي كده وتيك كير بقا عشان اجهز شنطي عشان هسافر كمان 5ساعات بااااي
وطلعت تجهز لبسها واخدت شاور ولبست شورت اسود قصير بلوزه بكم قصيره موڤ وكوتشي ابيض وشنطه ظهر بيضا وسابت شعرها الأشقر مفرود مطلقه له العنان ورشت من عطرها المثير الي يشبه رائحه التوت البري وحطت مسكرا تبين لون عينها الجذاب وهو الفيروزي بين الازرق والاخضر وملمع شفاه
تسريع الاحداث
نزلت برقه وهدوء زي شخصيتها الهاديه والحساسه
نزلت وقالت بدموع ......هتوحشيني ي مامي
الام بهدوء ......انا اكتر بس انتي. هتروحي بس ماتخافيش هتجيبي حقك من الورث وتيجي بس وانا كنت حابه اجي معاكي بس الشغل بقا والمستشفيات مين هيديرها غيري
نفس برقه ......ولا يهمك ي مامي انا أن شاء الله مش هتاخر اسبوع بالكتير
وبصت في ساعتها وقالت .....انا مضطره امشي الوقتي عشان الطياره وودعوا بعض ومشيت
وخرجت وقال بهدوء .......جاك وديني بسرعه المطار
-حاضر
بقلم بسمله بدوي
ووصلت وعملت الإجراءات وركبت الطياره
بعد حوالي 5ساعات نزلت وتوجهت كل الأنظار ليها من شده جمالها وفجأه فونها رن
نفس برقه......الو
يعقوب ببرود.......انا واقف بره قدام عربيه سودا وقفل السكه
نفس بخوف.......... شكلها ايام سودا
وخرجت ولقت شاب طويل ووسيم بدرجه فظيعه عيونه ازرق فاتح وبشره بيضاء وشعره بني بس ملامحه متهجمه وغاضبه وجنبه شاب بودي جارد ماسك لوحه وعليها اسمها
راحت بتوتر وخطرات هاديه وقالت بصوتها الناعم ....... انا نفس
بقلم بسمله بدوي
يعقوب اول ما شافها كأنه ركبه عفريت من لبسها القصير وشرد في جمالها وعيونه كانت بتاكلها حرفيا
نفس بخجل ..... لللو سمحت في حاجه
يعقوب بغضب جحيمي........... ايه خلجاتك دي اتحشمي انتي هتعودي معايا الصعيد أكده
نفس خافت وهي اصلا مفهمتش منه حاجه قام قلع جاكت البدله ولبسه لها بغيظ وركبوا العربيه وطول الطريق نفس باصه من الشباك بتتهرب من نظراته وخوفها منه
ويعقوب في نفسه ......... يبوي لهجط جشطه فلجت جمر بالله بدر منور هتبقي بتاعتي وبعدين فاق وقال بغضب ........ اي ي يعقوب ده انت مش معبر حد لا في الصعيد ولا في القاهره فاق من شروده على صوتها وهي بتتكلم في الفون
نفس بهدوء ......مرحبا ماكسي انا بخير وانت لا انا خارج سويسرا انا في مصر بالتحديد وانت ايضا اعتني بنفسك
قاطعها يعقوب وهو بياخد الفون بشر ورماه من الشباك
نفس بخضه وخوف ....... في اي انت مجنون عملت كده ليه
يعقوب بصلها بتهديد وغضب شديد وقال ......مسمعش حسك خالص لحد ما نوصل تكتمي خالص
بقلم بسمله بدوي
يعقوب ببرود طله فونه وقال أنا مش هرجع الصعيد الوقتي خالص انا رايح فليتي الي في القاهره وقفل السكه
نفس بغضب ....... لوسمحت انا نازله عشان اروح الصعيد وأشوف اهلي تقوم انت واخدني عندك اي قله الزوق دي وكمان مينفعش نقعد لوحدنا
يعقوب ببرود وبصلها بسخرية وقال ....... ما انا هتجوزك
نفس بخوف......... اي لا طبعا
يعقوب ببرود.......انا ماباخودش رأيك
نفس بصريخ ......عاااااااا لا وقالت بصوت خاءف .......والله هصوت واقول خاطفني
يعقوب قرب منها وفجاه من غير سابق إنذار ضغط على حته معينه في عنقها واغمي عليها
تسريع الاحداث
وصلوا الفيلا ويعقوب نزل بغرور ونفس على أيده ودخل الڤيلا
كانوا للخدم واقفين على الباب
الخدامه بخوف ....... اهلا وسهلا ي يعقوب بيه نورت
يعقوب ببرود ......جهزتوا الجناح
الخدامه .....ايوه يبيه
طلع وحطها على السرير وراح اخد شاور وطلع ببنطلون قطني اسود بس وعاري الصدر وراح لها وفوقها
نفس بخضه ..... انا فين عاااااا
يعقوب ببرود .......في بيتك يعروسه
نفس بغضب....... لوسمحت متقولش عروسه وانا اصلا مش موافقه اصلا
يعقوب ببرود ......... وانا مش محتاج موافقتك في حاجه
نفس بسرعه .......بس انا بحب واحد تاني ومتفقين نتجوز
يعقوب ببرود عكس الي جواه......... مش كل الي حبينه وعايزين نحققه بيتحقق
نفس بتهور ...... حتي لو قولت لك اني مش بنت
يعقوب بشر وغضب جحيمي ووووو
ملحوظه ~
اسفه لو في اي كلمه غلط في اللهجه الصعايده بس والله من حبي فيها بحاول اتعلم فيها وانا والله مش قصدي لو في اي كلمه غلط
+الحوار بينهم في سويسرا بالانجليزي بس الي بكتب علي طول بدل ما اكتب واترجم
تحيه كبيره ل صعيدين واي واحد او واحده صعيديه بتقرا .

تعليقات



حجم الخط
+
16
-
تباعد السطور
+
2
-
close