رواية السند لين وسليم الفصل الثاني 2 بقلم نيرة محمد
البارت التاني.
لين...فوقت لنفسي وللحاله اللي انا فيها المفروض اتعامل بهدوء وحرص معاه عشان اعرف اكمل اللي جايه عشانه بعدت ايديه من عليا براحه وقولتله ...سليم بيه من فضلك انت لسه بتقول اننا اصحاب ينفع تخوفني منك كده من اول يوم .
سليم..طب مانتي بتقولي اصحاب يبقي بيه ازاي .
لين..استغربت اوي هو مش المفروض ان عنده اضطراب في عقله يبقي بيتكلم كده ازاي بس االي شوفته منه من شويه ايه بجد حاجه غريبه خرجت من تفكيري لما قالي .
سليم..لين اسمك جميل وانا قوليلي سليم ممكن اطلع بقا عشان عايز اخد شاور واغير هدومي قالها بزهق.
لين..طب طب اتفضل امشي اودامي وانا هاجي وراك هقول لماما حاجه واجيلك.
سليم...ماشي وطلع .
لين..طلع وانا فضلت بصاله بستغراب كلامه كلام حد بيفهم وكمان قمور اوي ايه ده اللي بفكر فيه اما اروح لماما احسن مشيت وروحت لقيتها واقفه في المطبخ بتجهز اكل روحت حضنتها من ضهرها وقولتلها
ست الكل بتعمل ايه
زينب ...دتك ايه يابت يالين خضتيني بعمل اكل يالمضه هكون بعمل ايه .
لين..طب بقولك ايه ياماما المفروض أتعامل مع سليم ده ازاي
زينب ..يابنتي هتعملي ايه يعني اكليه حضريله هدومه اللي هيلبسها لو عايز حاجه معينه يكلها قوليلي وانا اعملها كده يعني .
لين باستغراب ..ايه ده ياماما ده علي اساس انه ميعرفش يعمل كده لوحده.
زينب بحزن شديد..لايبنتي ميعرفش يعمل ده لوحده وساعات ممكن يخرج بالبجامه وكمان الاكل بيوقع لان ايديه ساعات بتترعش زي مانتي شوفتي واحنا داخلين والله يابنتي سليم بيه ده كان....
زيييينب نطقتها هناء اللي دخلت عليهم ..انتي هتفضلي ترغي انتي وبنتك كتيير اتفضلي خلصي الاكل اللي في ايديك عشان كامل ومراد فاتهم علي وصول وانتي يا لين هانم اطلعي شوفي سليم هيحتاج حاجه بدل مايفضحنا كالعاده .
لين..بصتلها بحزن شديد واحتقار وقلبي وجعني اووي علي سليم وقررت بيني وبين نفسي ان اساعده وادافع عنه حتي لو كان ايه اللي هيحصلي بس مانطقتش معاها غير بحاضر ومشيت من قرفي منها
طلعت لسليم وخبطت علي الاوضه بتاعته وشويه ولقيته بيقولي ..ادخل
لين ...دخلت وبصيت علي الاوضه حواليه لقيتها مش نضيفه ابدا وهو قاعد علي السرير وزعلان وبيبصلي بزعل رحت عنده وقواتله سليم مالك انت زعلان مني
سليم ..اه زعلان عشان انا كنت فاكرك بتحبيني وهنبقا اصحاب بس اتاخرتي عليا.
لين..طب ماحنا اصحاب وانا كمان هعملك كل حاجه انت محتاجها ممكن متزعلش مني بقا قولتها ببتسامه حلوه
سليم بطيبه شديده ..ماشي مش زعلان انا هروح اخد شاور زي هناء الغبيه ما بتقولي علي طول قالها بحزن وكسره وكمل..عشان انا ببهدل هدومي وانا باكل
لين ...قلبي واجعني اوي عليه ولقيت نفسي بمسك ايديه وبقوله باصرار غريب ...انا هعملك كل حاجه بس انت معنتش تسمح لاي حد يضايقك ولا يقولك اي كلمه وحشه اتفقنا .
سليم..اتفقنا وقايم.
لين..استني انا هجيبلك هدوم وانت خدها وانت داخل عشان تاخد الشاور بتاعك وتلبسها قبل ماتخرج .
سليم ..ليه طب ماخرج البسها هنا .
لين بفزع ..لااا ياسليم ماينفعش انت ماينفعش تتكشف علي حد ابدا اتفقنا ولا ازعل منك .
سليم..اتفقنا بضحك برئ
لين ...روحت فتحت الدولاب ونقيت ترنج اسود شيك والفوطه واديتاله يلا بقا هستناك عشان تتغدي
سليم ..ماشي عشان انا جعت
لين ...دخل وانا قولت مليش لازمه هنا اما انزل اشوف ماما خلصت اكل ولا لا عشان يأكل وحد ينضف الاوضه دي بالمره بس سمعت صوت خبط علي الباب وصوت ماما من وراه .
زينب ..لين افتحي ياحبيبتي
لين ...فتحت لقيت ماما وماسكه صنيه الاكل قولتلها ايه ده ياماما مش سليم هياكل تحت .
زينب بخوف.وطي صوتك يابنتي الله يكرمك لحد يسمع واه سليم بياكل في اوضته عشان هناء هانم بتقرف تاكل معاه ومراد بيه ابنها بيدايقه بالكلام فبقا بياكل فوق لوحده
لين بغل ...ايه ده هو فيه ناس بشعه كده وازاي كامل بيه يرضي بكده علي سليم بس قبل ماما ترد كان سليم خرج وقطع كلام ماما قبل ماترد.
سليم ...يلا ياداده عشان انا ميت من الجوع
زينب ...ماشي ياحبيبي وبالالف هنا ووجهت كلامها للين ساعديه ياحبيبتي وسابتهم ومشت وهي مطمنه من براءة سليم وانه مش هياذي بنتها وهما لوحدهم .
لين ..بعد ماما مامشت روحت وقعت علي كرسي في الاوضه وجنبه ترابيذه حطيت عليها الصنيه وندهت لسليم وبدات ااكله براحه وبحنيه وخلصنا اكل وقولتله ...اغسل ايديك وانا هنزل اودي الصنيه واجيبلك عصير بتحبه
سليم ...اه بحبه بس هاتي برتقال بلاش مانجا عشان زهقت منها
لين باستغراب ...ليه انت بتشرب مانجا كتير
سليم ...اه كل يوم لما اكل هناء تيجي وتجيبلي عصير وتصمم اشربه وزهقت اوي بجد قالها بحزن شدييد
لين ...استغربت اووووي لما سمعت كلامه وقولت لنفسي ازاي بني ادمه زي دي تيجي تجيبله العصير بنفسها وكل يوم كمان لا في حاجه غريبه انا لازم اسال ماما لما اروح عن كل حاجه عنهم قطعت تفكيري وقولتله ..طيب هجيبلك اللي تحبه ببتسامه وسيبته ونزلت ووصلت اودام المطبخ بس ملقتش حد فيه غير هناء هانم وعطيالي ضهرها وبتعمل حاجه وشكلها مستعجله
لين ...هناء هانم حضرتك بتعملي ايه
