رواية السند لين وسليم الفصل الثالث 3 بقلم نيرة محمد
البارت الثالث
هناء بتوتر ..لييين انتي ازاي ياغبيه انتي تدخلي كده من غير ماتعملي احم ولا اي حاجه سرعتيني.
لين ..اسفه ياهناء هانم بس كنت جايه اجيب الصنيه دي واعمل عصير لسليم بيه .
هناء بنرفزه ..انتي مالك انتي بصي بقا انتي شغلتك انك تراعي سليم بس وتشوفي طلباته غير كده ملكيش دعوه وبعدين انا كنت بعمل لسليم عصير المانجا اللي بيحبه بعد الغدا فتفضلي بقا حطي الصنيه وغوري من هنا
لين باستغراب وبشك ...بس حضرتك هو قالي انو مش عايزمانجا معني كده انو مش بيحبها
هناء بعصبيه شديده ..انتي بتكذبيني يا متخلفه وبعدين ده واحد مجنون هتاخدي علي كلامه
لين مدافعه ..حضرتك اسفه بس هو مش مجنون حتي لو عنده اضطراب شويه مش معني كده تقولي عليه مجنون
هناء ..طب بصي بقا غووري من وشي الساعه دي احسن والله اعرفك شغلك
لين ..مشيت وانا نفسي اقتلها والله بس برضوا مش عايزه اضر ماما باي تصرف مني متهور بس وانا ماشيه خبطت في كتف واحد طول بعرض كده نظرته مش بريئه ابدا سمج اووي
مراد ..ايه ده مش تحسبي ياقمر
لين بقرف ..معلش مخدتش بالي
هناء ..تعالي يامراد ياحبيبي دي بنت زينب اللي جايه عشان سليم
مراد ..اه اه تمام انا طالع بقا ياماما اصلي هلكت انهارده في الشغل
هناء.. ماشي ياحبيبي اطلع ريح شويه ربنا يعينك
لين ...مشيت من وسطهم وهما بيتكلموا ومش اخدين بالهم مني اصلا انا مش مرتاحه لا لهناء دي ولا ابنها السمج روحت لسليم اشوفه محتاج حاجه وبعد ما اليوم خلص اخدت ماما وروحت ..
زينب ...بت يالين انتي يابت
لين ..ايوه ياماما انا معاكي اهو
زينب ..معايا ايه يابنتي انتي من ساعه ما جينا من بيت كامل بيه وانتي قاعده وسرحانه حتي مكلتيش اكلتك.
لين..اه صحيح مشوفتوش يعني كامل بيه انهارده ماشوفتش غير هناء والسمج ابنها
زينب بضحك .دتك ايه يابت يالين يا لهوي لو هناء هانم سمعتك بتكلمي كده علي ابنها ده عندها ايييه مقولكيش وبعدين كامل بيه مشغولياته كتير بيجي يتغدي ويرجع علي شغله خاصه ان الحمل عليه تقل من ساعه اللي حصل مع سليم ياحبه عيني وهو مش بنشوفه كتير في البيت .
لين بانتباه واهتمام ..ايوه ياماما انا عايزه اعرف بقا ايه حكايه سليم وهو مولود كده ولا ايه .
زينب بحزن ..مولود ايه بس يابنتي ده من 4 سنين بس كان شاب يشرح القلب وهو كان اللي ماسك مع ابوه كل حاجه اكمنه يعني مهندس وكده .
لين بصدمه ..مهندس
زينب.. اه يابنتي مهندس انا عارفه انك متفاجاه لان عمري ماجبتلك سيره عن حياتهم قبل كده بس مكنتش حابه اشغلك عن مذاكرتك خاصه انها حاجه مش مهمه بالنسبالك يعني كفايه انهم ناس كويسين ومحترمين وخلاص
لين مقاطعه ..خلاص ياماما مش مهم انا عايزاك بس تكملي حكايه سليم
زينب ..بصي هو كان كويس وزي الفل وبيشتغل مع ابوه في عقارات الهواري اللي بيملكها وكان عند الست هند الله يرحمها وجومانه اخته الصغيره كل حاجه في حياتهم لغايه ما العقربه اللي اسمها هناء لفت علي كامل بيه وخدته من مراته لا وكمان كان معاها ولد من جوزها الاولاني اللي هو مراد وقهر الست هند واتجوزها عليها وجابها هي وابنها يعيشو في القصر معاها ساعتها سليم عارضه جامد واتشاكل معاه والست هند كانت هتموت فيها من الزعل بس مع الوقت رضوا بالامر الواقع وعاشوا مع بعض كلهم بس كانت دايما هناء تبخ سمها في ودن كامل بيه وتقلبه علي الست هند بس هي الله يرحمها كانت اميره استحملت عشان خاطر سليم وجومانه اللي كانت ساعتها ياقلب امها 10 سنين بس كل ده كوم واللي دمر سليم وخلاه زي مانتي شايفاه دلوقتي كوم
لين بتاثر ..بجد مش قادره اصدق ان فيه كده فعلا انتي كنتي دايما بتقولي كلام حلو اوي علي ام سليم وانها طيبه جدا الله يرحمها ويرحم جومانه ياحبيبه قلبي صغيره اوي بس ايه ياماما اللي ممكن يكون اكتر من كده حصل مع سليم .
زينب ..ان فيه شك ان هند هانم وجومانه يكونوا ماتوا مقتولين مش موته طبيعيه
لين....
الرابع من هنا
