رواية خطوة مميتة 17 الفصل السابع عشر بقلم بنوتة الشيخ
غابت عليهم فتره طويله ومصعب حس بي ان في شي
ناض للمطبخ وراها
لقي جمانه واقفه وسند قدامها يحكي ....
مصعب:شافهم الاثنين واقفين استغرب ....جمانه؟!
جمانه:تلفتت لي مصعب وابتسمت....خش حبيبي 
مصعب:شن صاير ؟
خيركم الزوز هنايا!
جمانه:شافت لي سند وضحكت بعفويه....نفضحك قدام خوك توا؟
سند:بملامح ملل....اياااه علينا عاد
جيت شكيتلك همي طالب مساعدتك بتفضحيني
اسوء مرت خو شافتها عيني ؟
جمانه:هههههههه
مصعب؛ضحك....خيره هادا؟
جمانه:قربت ع مصعب وتمسح ع كتفه بهدوء.....هاذا ياحنه
سند خوك بدي يتمعشق
ومن الحب يلي ضربه يبي يخطبها طول
ويبيني نوقف معاه ونكلم امك
مصعب:ههههههههه
سند:عادي نفهم علاش الضحك؟؟؟
مش طالع عليا ولا كيف!
مصعب:منو يلي داعيه عليها امها هاذي
سند:فنص في جمانه.....برحمت امك لا
جمانه:مبتسمه بخبث.....خلاص في هاذي مش رح نقول
مصعب:خدي نفس من الضحك....هيا ياقلبي وقت ع الغدي
جمانه:من عيني هاذي قبل هاذي
طلع مصعب وسند من المطبخ مع بعض
سند:سبحان من يغير ولا يتغير بجديات ....هادي نفسها يلي قبل قريب تلزنا من حوشك؟!!
مصعب:سارح ومبتسم بي اعجاب.....شفت ولا!!
سند:هلبا الجو والله
___________________________________
هديل:تقص في العصبان وترتب فيه بتنسيق قنين في السفره
رتبت طاولة الاكل الارضيه وكان فيها مفرش على اللون الاصفر
في النص كسكسي مسقي وجنبه اطباق ع اللون الابيض فيهم عصبان وسلايط
فجره:نحيت صونيه لي ريان وادم
لكن مقابلونيش وضي الحوش مطفي
سيف:مكلفش نفسه حتى يعزم على حوشه الجديد هوا
فجره:بسم الله غير يستقر باش يعزم
خوك هاذت لازم تعدره في كل شي
سيف:شرب كوب المشروب في مره وحده ....بنقولك شي
فجره:قول
سيف:نبي نتزوج
هديل:كانت منزله عيونها وتمسح في يديها ...تجمدت في مكانها لما سمعت سيف ومن الصدمه مقدرتش تقييم عيونها!!
فجره:نعمممم؟؟؟!
سيف:نبي نتزوج ....بي العربي قلتها
فجره:وعلاش؟؟؟؟؟
ان شاء الله خير شنو يلي ناقصك؟؟؟
قاعد عريس ومرتك زي الغزاااله
سيف:قام كاشيك سلاطه وكلاه.....عريس بسيف
ومرتي متعطيش فيا في حقي الشرعي
هديل:قامت راسها ووجها احمرررر من الحشم قدام فجره
شافت لي سيف وهيا مصدومه....تحشم!!!
سيف:من شنو بنتحشم؟؟
هاذا كلام الحق خليني نتزوج وحده قادره تعطيني يلي نبيه
هديل:لمعو عيونها دموع لكن شافتله بنضره حاده معبيه قوه
....نخليك؟
....نخليك؟علاش انا شاداتك باش تبيني نخليك؟
برا تزوج يا سيف ....وقربت راسها منه وقتله بي استفزاز...حلال عليك!
وناضت وخلاته يشوفلها مصدوم ومش قادر يمضغ يلي في فمه
لين جاته خبطه على عنفقته
فجره:تو باهي هكي يلي ماتتحشم انت حوش واحد مش قادر عليه بتفتح زوز يلي ماتسوى قرش يا اجرب
سيف:اححححيه تي نبصر نشوف فيها شن تقول وانتي ولعتي
فجره:نوض صالحها يلي ماتتحشم وخليها تجي تكمل غداها ياخايب نووضضض
سيف:حط الكاشيك وهوا متنرفز لكن قلبه فرحان ان هديل تغار عليه
خش للمطبخ وكانت هديل عاطياته بضهر وتغسل في الماعين
سيف:هي انتي
هديل:كانت ملامحها مكسوره
....تبي تبكي ومش قادره
....تبي تبكي ومش قادره سيف:نكلم فيك تعالي كملي غداك امي نكدت
هديل:شبعت
سيف:تلفتي به نبيك
هديل:لا
سيف:كان يبي يشوفها وعيونها دموع!
كان يبي يحضنها او ينتهز الفرصه عشان يبوسها في موقف زي هاذا وميخليش خاطرها مكسور...تلفتي قتلك
هديل:تلفتت وتغيرت ملامحها من مكسوره لي قويه
هديل:شن تبي ؟
سيف:يبتسم بي استفزاز....واجعاتك الضره؟
هديل:هه الضره....تعرف شنو يلي واجعني !
سيف:حط يديه في جيوبه...شني فضفضي؟
هديل:واجعني اني خديت واحد زيك ....فاشل حقير وواطي ومفيش حد مدايرله قدر وبليد ومعنداش اي درة مسؤليه وميعرفش يدوي ابدااااااااا
ومش رزين ومش راجل
قالت اخر كلمه وهوووووب جاها كف
التف راس هديل ع الجيها اليمين بعد ما فرغت كل يلي في قلبها وارتاحت
سيف:مسكها من رقبتها.....شهاده من ديني الموضوع كان بصاره
لكن ورحمت امي لو مخليتكش تشوفي ضره خاشه عليك بي عرس اكبر من عرسك لي الاااااف المرات معش يكون اسمي سيف
هديل:بعدت يده بقوه وخدها احمرررر من الكف.....ولو تبي انا نخطبهالك
وطلعت وسيباته
ركبت بسرعه لي الجناح متعها مخليه فجره تنادي ومش فاهمه يلي صار
___________________________________
ريان:عيونها في كل مكان تتفرج على الشوارع اول مره تشوفها
كان ادم يراقب فيها وفي ملامحها كيف مزعوجه من المطر لانها كانت تنزل ع المرش بقوه ومش مخليتها تشوف بوضوح
المطاعم والكفيهات ومحلات الملابس !
درس ادم السياره ونزل
اما ريان مقعمزه مش فاهمه شي
ادم:فتح الباب وفتح المضله وقلها بصوت حنين....انزلي تحت المضله بسرعه
ريان:نزلت من السياره ومسكت يده
مكانتش عارفه انها بحركتها العفويه هادي مسكت قلبه مش يده بس!!
خش هوا وياها لي مبنى كبييير وواضح عليه ان راقي
اول ما خش نزل المضله وجي راجل بسرعه خداها منه ورحب بيه كأنه يعرفه من زماااان
ادم:حس بي ضغط لطيف على يده
ولما شافها كانت ريان ماسكه يده بي يديها الزوز ولاصقه فيه وعيونها في كل مكان تتفرج
كأنها بيبي اول مره يطلع لي الدنيا !
سألاته بشويه......حني وين؟
ادم:جاوبها وهوا خاش وساحبها معاه.....مطعم
الحوش مفيه شي قاعد جديد شنو بتتغدي !!
ريان:بصدمه....مطعمممم؟؟؟
بجديات ادم بناكلو هنايا؟؟
ادم:اي
ريان:التسمت بي فرح وهيا مش مستوعبه الجو الجديد يلي عايشه فيه
وقف ادم وخرلها الكرسي وقعمزت ريان وهيا تضحك
ادم:قعمز مقابلها وملامحه جديه قايم حاجبه ....خيرك تضحكي ؟
ريان:مسكت يده....اول مره نخش مطعم
جديات زي في المسلسلات كيف نشوف فيهم
و......
كملت ريان تحكي وتعبر ع مشاعرها وهيا تضحك
وادم مسمعش حتى كلمه من كثر ما ركز على يدها كيف ماسكه يده
ادم:ساوي وشاحك ودخلي شعرك مليح
ريان:اختفت ضحكتها وتساوي في وشاحها
ع قد ما هدرزت وضحكت كان رد ادم قاسي ومهتمش بي اي كلمه قالها!!
ادم:فتح المنيو....شن تبي تاكلي؟؟!
ريان:يلي بتاخده انت
ادم:سكر المنيو ....عطيني زي العاده ليا وللمدام
ريان:شافتله وهيا مستغربه....مدام!!
بعدين ادكرت ان فعلت هيا المدام 
رويـــــــات بنـــــوتـــة الــشـــيخأروى الطـــــــاهـــــر المسلاتي
القروب الاصلي400الف عضونعيمه:الله يبارك ....كله انتي درتيه؟
جمانه:اي
نعيمه:مشاء الله
يعقوب:زي العسل والله يسلمو يديك بنتي
جمانه:يسلمك عمي
مصعب:احوووو احووو
جمانه:بعيد الشر لحضه نجيبلك اميه ....وناضت تجري
مصعب:تعالي مفيش داعي
نعيمه:شافت يمين يسار وبدت تحكي بصوت واطي...كيف مرتك هكي تغيرت !؟؟
مصلي ع النبي تقول مش نفسها
هوا فقدان الذاكره هكي بدير؟...نضافه على ترتيب على نزاكه وزياده طبخ وكلام قنين ؟
مصعب:احووو ....تي قولي الحمد الله وانتم لا عاجبكم وهيا حرفه ولا عاجبكم وهيا كويسه
نعيمه:ههههههههه....الحمد الله الحمد الله دوم عليك ياولدي شنو نبي غير تكون فرحان ومرتاح ؟
جمانه:هي تفضل مصعب
مصعب:شافلها بنضرات اعجاب....يبارك فيك
جمانه:سلمك
________________________________
هديل:ممكن نبكي اي
وممكن نقعد مكتئبه تفس الكئابه لما حملت بي الحرام وتزوجت غصب عني اي
وممكن ننهار ونفقد اعصابي ونتمنى الموت صح
لكن باش اني نعيش ضعيف ومعنديش شخصيه قدام ذكر لا
ولايحلم!
كل يلي محتاجته شوية برود وهدوء وقهوا وبس
كانت هديل تحكي في الكلام هاذا لي نفسها وهيا قدام المرايا
وتحاول تقوي بيه نفسها
خش سيف يبدل في ملابسه ويشوفلها من انعكاس مرايتها
سيف:حاير من بكري نفكر
سلمى يلي تخدم معاي ؟ولا نرجس بنت خال بوي الله يرحمه؟
اي وحده تطلع ضره عليك احلا؟
هديل:تمشط في شعرها....يلي تحس نفسك تطلع راجل جنبها اكتر
سيف:مفهمتش؟
هديل:ابتسمت ع جنب .....مشكلتك
ونحت الطرف الاول من روبها ونصدم سيف بي الروب الشفاف يلي كانت لابساته
هديل:رجعت شعرها للخلف وهيا متجها لي السرير....سكر الضي بنرقد شويه حاسه نفسي ثقلت في الماكله
سيف:اءء اء انتي لابسه هكي علاش؟؟؟
هديل:نزلت سير روبها.....العصبان كليته حاسه الدنيا نو
شكلي كثرت ....
سيف:اك كك كنت بنطلع لكن حتى انا بنرقد راسي دايخ
هديل:الصالون موجود وتلقى الغطا برا
سيف:
هديل:غمت راسها بي البطانيه ورقدت
___________________________________
ريان:شافت لي ادم.....علاش خليتهم يغيرو العصير هااا؟
ادم:مصقع ع بطنك والجو ثلج برا تبي تمرضي انتي ؟!
ريان:مسحت فمها....
ادم:مسك الشاهي من الجرسون ....اشربي كويس
ريان:خذت رشفتين من الشاهي وسندت ضهرها على الكرسي
ادم:يحرك في القهوا......نسألك!
ريان:شنو
ادم:تجاوبي بصدق لان لو كدبتي مش رح نسامحك وح نعرف
ريان:قربت ع الطاوله.....ب به
ادم:مرتاحه معاي زي ما مرتاحه مع سيف قبل!
ريان:عقدت حواجبها....شنو تقول !
ادم:سؤالي واضح
ريان:سيف تزوج شن ........
ادم:بعصبيه وصوت عالي......تكلممممممي
ريان:تشوف لي الناس يلي تلفتو كلهم.....ب ببه اهدا الناس
ادم:خدي نفس ويحاول يهدا....تمام
جاوبي مش رح نعصب
ريان:ساكته وتشوفله
ادم:مرتاحه معاي زي ما كنتي مع سيف؟
ريان:تشوفله
ادم:متكدبيش
ريان:بلعت ريقها وهزت راسها بمعنى لا
ادم:اممم تمام
وكانت يده تحت الطاوله قابضها ومتحمل في نفسه عشان ميدير شي
ريان:انا ما ك....
ادم:وقف....نوضي هي
ريان:ادم
ادم:متزيديش معاي حرف اطلعي
ريان:ناضت بهدوء من على الطاوله ومسكها ادم بغل من يدها وركبو السياره
طول الطريق ولا حرف نقال وريان تفكر في سؤاله ولقطاته يلي صارت وكيف اكتر من مره كان خايف عليها !
هل الجواب يلي قلاته صح؟
بس هيا مكذبتش وهوا طلب الحق !
دقايق ودرس ادم
ادم:قعمز فتره بدون مايحكي
خذي نفس.....هي انزلي
ريان:وين
ادم:يرجع في شعرها للخلف وواضح مضايق.....بناخدو حاجات للمطبخ لعند امتى بيقعد فاضي
ريان:به
ونزلت
خشت معاه لي السوبر ماركت وطول الوقت يده في يدها بحجت انها متعرفش الاماكن هاذي وخايف عليها تريح
كان ادم واقف يقرا ع كل حاجه قبل ما يشريها
وريان طول الوقت تشوف لي يديهم المشبوكه في بعض بعدين ترجع تشوفله
وكان السؤال واحد
هل يجي يوم ويكون هوا مصدر امان ليها بعد ما كان المصدر الوحيد لي خوفها؟!!!
____________________________________
مصعب:حضنها من الخلف....تعبتك هلبا اليوم
جمانه:ابتسمت وتلفتت.....تعبك راحه
مصعب:زاد جبدها من خصرها.....شن رايك خلي الماعين شويه وتجي
جمانه:ضحكت.....لازم ينغسلو توا
مصعب:غير اسمعيني بعدين نغسلهم معاك
جمانه:امممم....عرض مغري الحق
مصعب:ضحك وحملها بين يديه
ومحرد ما وصلو للغرفه قاطعهم عياط ولدهم
جمانه :نزلت من بين يدين مصعب وهيا تضحك....معندكش نصيييب
مصعب:حط يديه في نصه.....شطان الفرخ من صغره
__________________________________
نعيمه:والله صدمه في مرت مصعب
سبحان الله من قلبها هكي فجآه من حال لي حال
يعقوب:يشرب في الشاهي .....تي قولي مشاء الله وانتي تنقي
نعيمه؛ضحكت وهيا سارحه.....مشاء الله ياc
يعقوب:غضوا بنمشي لي ادم بنقسمو المليون يلي حصله
نعيمه:وزعمى يعطيك ؟
يعقوب:ناض من حد حده.....تي كيف ميعطينيش وانا ضحكو عليا زي بوه ودافع هاااا كيف
نعيمه:غير باهي وسع بالك شن قلت انا
يعقوب:اسكتي معش تتكلمي وانتي كلامك ينرفز فيا
نعيمه:قعدت تضحك بشويه بدون ما توضحله
رويـــــــات بنـــــوتـــة الــشـــيخأروى الطـــــــاهـــــر المسلاتيالقروب الاصلي400الف عضوريان:واقفه في المطبخ بين الف كيسه فاضيه
وكانت تاعبه هلبا من ترتيب الحاجات يلي شروها من المطبخ
بس كانت فرحانه
من ديها خشت لي سوق مكانتش تحلم تخشله !
وشرت لاول مره ملتبس ع ذوقها قاستهم قبل ما تاخدهم
مش في الصور بس ولا نجابو فجآه وفرض تلبسهم
واقفه تحاول تحط القهوه في الدولاب وتركب ع روس صوابعها
لين جي ادم وراها وحط القهوا
ريان:نزلت رجليها ع الارض وسكرت الدولاب وهيا متوتره لان ادم كان لاصق فيها وهوا خلفها
ريان:سكرت الميسه يلي كانت فاضيه
ومحستش غير بي برسه حنينه انطبعت على رقبتها
ريان:شهت وتلفتت بسرعه
ادم:مسح على شعرها بهدوء.....انتي كويسه !
ريان:هزت راسها بي معنى اي
ادم:ابتسملها....ياسرك خدمه في المطبخ
بري دوشي والبسي حاجه من يلي خديتيهم جدد
ريان:ابتسمت بفرح....به
ادم:شاطره
______________________________________
هديل:علااااش؟؟؟
ان شاء الله عابي ع روحك بترقد جنبي يابابا انت ؟
سيف:مصحك ....دار نومي هيا ره
هديل:وانا المرا
انت الراجل يلي تتحمل .....لوحت عليه البطانيه
الصالون يراجي فيك ياسيف
سيف:شافلها وهوا متكنطي.....خدي البطانيه
وربي لما نذلك يا هديل بي ضرتك الجديده
الاما نخليك خدامه تحت رجلها
هديل:هه اعلى مافي خيلك اركبه
وكان معندكش خيل اركب على حماره
سيف:من الممر يعيط.....سكري فممممممك خير منجي نكسرلك راسك
هديل:بصوت واطي....قهرتك يا خايب
___________________________________
جمانه:لفت على غرفة نومها كلهااااا بي معطر الجو
وطلقت شعرها مع قفطان الحوش القصير والكيوت يلي كانت لابساته
وكانت تراجي في ادم يطلع من الحمام
نحت تالفون مصعب من الشحن وحطت تالفونها
بمجرد ما تالفون ادم انفتحت شاشته قرت مسج
مصعب كلمني ضروري بخصوص البنت يلي تسأل عليها
مقدرتش جمانه تمسك فضولها وفتحت المحادثه وكان تالفون مصعب
كانت المحادثه كلها مسجات صوتيه وعباره على
مصعب:البنت هيا متعبتني ولازم نلاقيها يا خالد اقلب الدنيا عليها
الشاب:تي كيف بندور وانا منعرف شي غير اسمها فاطمه وسمره وقنينه؟
مصعب:تو نجيك اليوم ونهدرزو
الشاب:تم
سكرت جمانه والدمعه في عينها وخاطرها مكسوووور
______________________________________
ادم:فتح الدولاب وفتح الدرج الاخير عشان يخبي فلوسه يلي جابهم من المصرف
قعد يدخل في فلوسه عشان ميوضحوش لكن حس ان في شي غريب مسه
ريان:خشت للغرفه....ادم شوف القفطان
ادم:تلفت وفي يده التالفون....هاذا شنو؟!
ريان:.....
______________________________________
سيف:كان راقد ع الصالون وحاضن المخده ويتفرج ع التلفزيون وقارن حواجبه لان ملزوز
شويه وجت هديل وقفت قدامه وواضح انها كانت راقده
سيف؛تفضلي؟؟؟
حتى الصالون بتلزيني منه ولا كيف؟؟؟
هديل:قربت منه نحت المخدت ورقدت في حضنه وحطت يديه ع خصرها
جت في مكان المخده بزبط وسيف مصدووووم
هديل:بصوت هادي وعيونها مسكرات.....متاخدش غيري ....يتبع
