رواية خطوة مميتة 3 الفصل الثالث بقلم بنوتة الشيخ
ارتفعت اصوات اذان المغرب في كل مكان
واختفى ضي الشمس وجي بدله الضلام الدااامس
فضت الشوارع كلها بعد ما نزلت المطر بشكل رهييب
وبدي الصقع يزيد اكتر واكتر واصوات الرعد كانت تهز قلب اي حد يسمعها !
ريحة شاهي العاله معبيه الحوش وتتبعها ريحة البخور واصوات الهدرزه والضحك عاليه موقفتش ابدا !
واصوات الهدرزه والضحك عاليه موقفتش ابدا !وسط المربوعه كان في راجل توضح عليه علامات الكبر !
وجنبه راجل تاني عليه نفس الملامح ويلي يشوفهم اول مره طول يعرف انهم خوت
يهدرزو في هلبا مواااضيع ومره مره تطلع منهم ضحكه بعفويه
زحمة كبار مشايخ اهل المنطقه نفس كل ليله نفس مامتعودين
كأنه المربوعه هاذي كانت الساحه المفتوحه لكل اعل المنطقه
اما جيها النساوين كانت فجره تهدرز على سلفتها واختها نهى مقعمزه تتفرج على ذبلتها مش مصدقه من فرحتها
وهديل مقعمزه تفكر في مصيبتها يلي طاحت فيها بسبب غبائها!؟
كانت ريان هااااديه على غير العاده
تكلمت بصوت وااطي المره هاذي
سألت وواضح التردد في عيونها
ريان:عع عمتي فجره ....وين آدم؟!
فجره:تفاجأات من سؤال ريان لان في العاده متسألش عليه ابدا ......منعرفش كان مش في المربوعه مع الرجاله تلقيه فوق في داره
علاش تبي شي !؟
ريان:هزت راسها بمعنى لا....لا شي نسأل
فجره:خيرك ياهديل ؟!صوتك مسمعتاش من لما جيتي
هديل:شي يا مرت عمي راسي دايخ من الجامعه
ريان:خلتهم يهدرزو وقربت على غرفة ادم وهيا تقرب خطوه القدام وخطوه لتالي !
__________________________________
سيارات صحراويه عاليه مدرسه قدام المقر
وكم شاب واقفين ولابسين نفس الزي العسكري
ارتفع صوت عااالي ثابت 
مصعب:الكدب هااااااذا ميمشيش علينا
شادينكم استراحه تامه مأجرينها انت وبنت مفيش بينكم اي علاقه شرعيه ولا عقد زواج يربطكم ببعض
الشاب:يا افندي انا م......
مصعب:سكر فمك انت وياها تحرك ارفعه هاذا والبنت جيبو ولي امرها طلعهم الزوز من قدام وجهي....عطي الامر هاذا وسند ضهره على الكرسي كأن عنده الف هم في قلبه
حط يديه بين عيونه بتعب وهوا يحاول يسترجع قواه باش يكمل يوم خدمته بي اسرع وقت ممكن
دقايق وجي من جديد شاب لابس نفس الدي العسكري
قاطع لحضة الراحه يلي فيها مصعب وقال
يا أفندي مزال فيه ال.....
مصعب: نزل يده من بين عيونه وتكلم بعنف ....شن مزاااال فيه خلاص معش تعرفو تشتغلو شي بدون ال....
سكت معش قدر يزيد حرف لما قام عيونه!
شافها واقفه مرتبكه بينهم وخايفه تايها وافكارها مشوشه كأنها ادور على اي كدبه اطلعها من الموقف يلي هيا فيه !
مصعب:قرن حواجبه لي الشاب يلي يهدم معاها وسأله بنضرات عيونه هاذي منو تكون!؟
جاوبه الشاب على طول ....بعد المداهمه لقيناها طالعه من الباب الخلفي بتهرب
مصعب:حط يديه الاثنين على طاولة المكتب ونضراته كلها جديه شافلها من فوق لعند لوطه
قوامها المنحوت سمارها وملامحها الجذابه
خصلات شعرها الكيرلي يلي طالعات من الوشاح
تمالك نفسه قدام كتلة الجاذبيه يلي قدامه وسألها...شن اسمك؟؟
ردت بصوت يرجف ...فاطمه
مصعب:خذي نفس عميق ورجع قعمز ...شن رفعك لي اماكن مشبوها زي هاذي؟!
فاطمه:نزلت راسها وجاوبت بلطف....الخدمه
مصعب:قام حاجبه....علاش انتي شنو تخدمي؟!
فاطمه:قامت حواجبها وتوسعو عيونها.....لالالا مش يلي في بالك
انا نخدم بي الحلال وخدمتي تنضيف بس
مصعب:سكت دقايق مركز فيها
الشاب:كان لبسها عادي والمكان يلي هيا فيه مفيشي حاجه غلط مكانتش معاهم
مصعب:مسك ورقه وكتب فيها رقم مدها للبنت....اتصلي ع الرقم هاذا غضوا وابدي خدمتك الجديده
فاطمه:ردت عليه وهيا مش فاهمه ...هاااا؟؟؟
مصعب:خسرتي خدمتك تعتبري ....شاف لي الساعه لقاها خلاص جت ال9ونص
خدي مفاتيحه وطلع لي سيارته
قعمز وحط راسه على الدومان بتعب يفكر كيف بيروح للحوش يلي كرهاااا وبدي يشوف فيه جحيم أبدي ليه!!!
بعد قصة حبهم القديمه بينه وبين مرته
فجآه انقلب بينهم كل شي وبدي فيه بينهم اسرار كبيره
وفي من اسرار خطيره بدرجه لاتوصف !!
__________________________________
طق الباب طقتين ناعمات
ومكانش فيه رد
نزل المقبض وانفتح الباب خشت بهدوء وهيا ادور فيه بعيونها لين نقزت في مكانها من الخلعه لما سمعاته يقول ...
آدم:طلع من الحمام يلبس في جاكيته فوق تيشرت رقبه الاسود ....شن تبي؟
ريان:استجمعت قواها ....نبي نحكي معاك في موضوع
آدم:استغرب داخله من امتى كان في بينهم مواضيع!؟وامتى تقدر توقف قدامه وتحكي كلمتيه اصلا؟
قرن حواجبه وتكلم ببرود...شنو؟
ريان:حكت داخلها انها مش متفائله بي اسلوبه الجاف هاذا....
ادم:نكلم فيككك
ريان:رمشت عيونها بسرعه وبلعت ريقها....اءء
انا كنت بنحكيلك في موضوع ال ..
ال
بلعت ريقها بعد ماحست ريقها جف ...من لما جيت هنايا معش مشيت لي قرايتي ووقفت
بنت خالك قالت انها سجلت في كورس لغة انجليزيه ونبي
آدم:ضحك بهزوه....شن تبي ؟؟!
ريان:سكتت من رد فعله وقلبها رعش
آدم:تبي تسجلي فيها وتقري؟
وتبدي خاشه طالعه ؟؟؟
انفعل بزياده....وتبدي تلبسي في الاحمر والاخضر وهاذا تكلميه
وهاذا زميلك وهاذا صاحبك واديري شلة بنات وتقعدي ع حللللللل شعررررك
ريان:سكتت مصدومه تشوفله بدون كلمه ولا قادره ترمش
آدم:عيونه بيطلعو فيها....ياسر متحملينك بينا
واسمك قعد لاصق فينا وبدت سمعتك من سمعتنا
كان نقدر نخفيك ع الناس اكتر من هكي راهو خفيتك
ريان:تعبو عيونها دموع وبدت متأكده من كره ادم ليها وواضح عليه منساش بوها ويلي داره فيهم
طلعت بدون متحكي لي غرفتها وقلبها مخنوق تبكي
طلعتها برا الحوش معدودات
قرايتها من يوم خشت للحوش هاذا معش حلمت تكمل قرايتها ابدااا
قعمزت حطت راسها بين يديها ومحروقه من كلمة ادم لما قلها
ادم: كان نقدر نخفيك ع الناس اكتر من هكي راهو خفيتك
وقفت وقعدت ماشيه جايه وتكسر في اي شي تلقاه قدامها من كثر الغل يلي في قلبها ومن كثر ماكانت مضايقه وكملتها بكي
اما آدم قرب ع الباب وحط يده ع المقبض نفس مكان يدها بزبط
المكان يلي تمسه ولا توقف جنبه يخلي اثر في قلبه
ابتسم ع جنب لما اذكر كيف تحكي معاه وفي خوف في عيونها وطلع كأنه مصار شي
رويـــــــات بنـــــوتـــة الــشـــيخأروى الطـــــــاهـــــر المسلاتي
القروب الاصلي400الف عضوهديل:طلعت من الحمام ووجها اصفر حاطه الفوطه
ع فمها
فجره:خيرك تستفزغي يابنت شن صاير معاك؟!
هديل:قعمزت وقلبها بيطلع من مكانه ...ب برده
فجره:بسم الله قعمزي نديرلك حاجه تهديلك بطنك
هديل:قعمزت على الكنبه وهيا تشوف لي بطنها
حملها بدا اعراضه!
سكرت عيونها واذكرت يلي صار معاها بتفصيل هذيك الليله !
وسط الضلام والحوش هدوء الباين ان كلهم راقدين !
كان النقاش بينهم عادي ومفيش اي شي يخليها تخاف
فجآه تغير الوضع!
قرب عليها وبدت حركات تطلع منه غريبه!
حاولت تهدي نفسها وتسيطر على روحها معاه لكن مقدرتش !
اغراها بي كلامه ليها لما قرب فمه تحت وذنها!
بنت عمي انتي
في النهايه مليناش غير بعض
ولد عمك مستحيل يضرك !
ابتسمت وكملت معاه وهيا مرتاحه ومقتنعه بي كلامه
لين نصدمت تاني يوم بي كلام كسرها
رجعت هديل للواقع وحطت يديها ع وجها مضايقه تفكر شنو بدير في المصيبه يلي طاحت فيها !!
__________________________________
مصعب؛فتح باب الحوش بهدوء حط الكدار على جنب وخش
زي العاده كان الحوش مقلوب فوقي لوطي والملابس والماعين في كل مكان!
لوح تالفونه ع طول يده وقام ولده يلي كان راقد ع الارضيه والعابه متبعثره في كل مكان
حطه على السرير وقعد يدور في كل ارجاء الحوش لكن مفيش ولا اثر لي مرته !
الواضح ان مرته رجعت لنفس العاده!!
____________________________
يعقوب:تنهد بي نفس طويل...كل مره نفتح معاك الموضوع لازم تسكره
حاتم:انت عارف كويس الدوا هاذي منحبش نحكي فيها
يعقوب:الغلط من البدايه كان مني انا وياك لما جبنا البنت هاذي
حاتم:ولع الدخان....كنت بنتفاوض معاه بيها
مكنتش نتخيل انه وسخ ويرخص حتى في صغاره وبنته الوحيده!
يعقوب:شاف بنضرة جديه لي خوه....البنت لازم ترجع لي اهلها
آدم:طاح من يده كوب الشاهي يلي ماسكه
وقام عيونه في عمه......كيف!!
لمنو؟
لمنو بترجع ريان؟
يعقوب:ترجع لي اهلها ....صح بوها مش قادرين نوصلو فيه بعد يلي داره لكن متأكدين مليون في الميه انه في مصر
اليوم وراه غضوا والله اعلم تصيرلكم قصه ع خاطر البنت بعد السنين هادي ولا لا حني بدي عندنا اسم في السوق ورجعنا واقفين على رجلينا منبيش شي يشوه الاسم هاذا!
ادم:قلبه زادت دقاته لما تخايل انه ريان ممكن تغيب علو عينه طلعت منه كلمه بدرن ما يقدر يتحكم في نفسه.....مستحيل!
طلعت منه كلمه بدرن ما يقدر يتحكم في نفسه.....مستحيل!يعقوب:تعصب...مفيش شي مستحيل !!
عارف البنت حسبتوها زي اختكم و ....
ادم:سكر الملف يلي كان قدامه...جيت هنايا بنهدرزو في مواضيع المحلات الجديده يلي بنفتحوهم
مش على البنت
يعقوب:البنت بدات م......
ادم:البنت موضوعها منتهي ...بوم بوها يجي بروحه يستلمها بعدين ساهل اما غير هكي لا ...وناض وسيبهم
سكت حاتم كأنه راضي على كلام ولده
وسكت العم وهوا بيتفجر داخله من وجود البنت الغريبه بينهم
وطبعا هاذا كلهم مش من فراغ
العم كان فيه الف مخطط في راسه!!
____________________________________
ريان:مسحت خشمها بي الكلينكس بعد ما تورمو عيونها ....لا وكان تشوف كيف يحكي معاي عنجد البرووود يلي هوا فيه وربي كان عندي امل الحقيررر
....لا وكان تشوف كيف يحكي معاي عنجد البرووود يلي هوا فيه وربي كان عندي امل الحقيرررسيف:تنهد وهوا يرجع في خصلات شعرها خلف وذنها....خلاص اهدي
تو نكلمه خوي ونعرفه تو قلبه يلين
ريان:لوحت المخده ع الارض....ونبي فكني منه تراااا معش نبي شي
سيف:نوضي البسي نغيرو جو
ريان:وين!؟
سيف:ابتسم بخبث...مش مقايلك
انا بننزل نوري وجهي شويه قدام الرجاله وبنطلع السياره ع اساس بندخن
البسي واطلعيلي من الباب الصغير
ريان:تمسح في دموعها....تحكي جديات ولا تبصر!؟
توا الساعه11ونص ره
سيف:بتعطلي بنفوتك ره....وطلع من غرفتها وهوا يضحك
_________________________________
بدي صبر مصعب ينفذ
ناض وقف وبدي ماشي جاي قدام الصالون !
الساعه طقت 11ونص في الليل ومرته ميعلمش بيها وين!
وين طلعت بدون ماتقول؟!
لعند وين الاسرار بتقعد مستمره !
زاد الشك في قلبه اكتر واكتر
الضابط مصعب على سن ورمح ميعلمش بي مرته وين لعند الساعه هاذي !
انهار بسبب الافكار يلي في راسه
قعمز من جديد على الصالون وسكر عيونه دقايق عشان تطلع صورت فاطمه
البنت يلي مسكها في المقر في شقه وطلعت موجوده بس عشان تنضف
طلعت صورتها بين عيونه لسبب مش مفهوم
فتح عيونه كأنه مخلوع ورجع وقف من جديد بس المره هاذي طلع من الحوش مره وحده
رويـــــــات بنـــــوتـــة الــشـــيخأروى الطـــــــاهـــــر المسلاتيالقروب الاصلي400الف عضوتسكر باب السياره ويديها حمررر ويرجفو من الصقع
ريان:وين بنمشو
سيف:ابتسم وعلا صوت المسجل بقوى
ريان:كانت حاسه بي الامان معاه حتى وهيا نتعرفش وين ماشيه !
مسكت في يده وبدت تغني معاه ا
كانت المطر تصب بشكل متواصل صوت الاغاني في السياره عالي
وريان تغني وادير في حركات مع سيف ويضحكو الاثنين كأن ربي مخلقش صحاب احلا من هكي
لعند درست السياره ونزلو الاثنين تحت المطر
نزلت ريان وهيا تضحك من قلبها لبست البرنوص ونزلت تلود في مكانها تحت المطر واضحك على هبال سيف يلي مسكها من يدها وجبدها معاه
وقفو قدام الكرنيش يتفرجو ع المطر وعلى الشوارع يلي كانت فاضيه ويد سيف على ريان كأنه حاضنها
في الاوقات هاذي كان آدم مقعمز بين التريس سارح ويفكر !
حس بي قلبه مقبوض طلع لي الجنان
وطلع دخانه من جيبه
سكر عيونه وهوا يشم في ريحة الارض بعد المطر
كمل دخانه وعقله يفكر في الف حاجه!
وهوا خاش لمح القراج!
سيارة سيف مكانتش موجوده !!
قلبه زاد انقبض كأنه حس
خش للحوش يتفرج على امه ومرت عمه وهديل بنت عمه
يتفحص فيهم بي عيونه ويدور فيها بس مليهاش أثر
قلبه نخصه وقاله اركب دور عليها في غرفتها
ركب الدروج بخطوات سريعه وهوا يدعي يكون يلي في باله غلط
فتح باب الغرفه وتغيرت ملامح وجها!
__________________________________
زاد سيف سرعته وريان ميته ضحك على حركاته مع الاغنيه
زادت سرعة سيف وزاد نزول المطر معاه !
وصلت السياره لعند 4شوارع ومن كل شارع طلعت سياره !
سياره كملت طريقها في امان
لكن خلت وراها حادث شنيع!
من كل سياره فيه قصه
وكل قصه ترتبط بي قصه تانيه !
صدفه؟!
ولا كان الموضوع مؤامره!؟
