رواية حبيبتي المسترجلة الفصل الرابع عشر 14 بقلم روميساء عصام
(البارت 14)
عند سالى بتكلم راجل فى الفون
سالى بغل :عايزه المحل يبقى تراب مفيهوش حته سليمه انت فاهم
الراجل:طب والفلوس يا هانم
سالى : تخلص إلى بقولك عليه وفلوسك تعالى خدها بس لو اتمسكتو اسمى ميجيش فاهم ولا لا
الراجل:فاهم يا هانم اهم حاجه أن اخد الفلوس
سالى بقرف: منا قولت ابقى تعالى خدها يلاا بقى مع السلامه
................................................................................
خالد قاعد على المكتب وسايب الباب مفتوح دخلت اسماء ووراها احمد
اسماء بدموع:لقيت الورق يا خالد
خالد بتمثيل العصبيه:لا ملقتش حاجه يا استاذه مش عارف ازاى واحده شغاله فى شركة الخولى وتبقى مستهتره كدا
احمد: هو انت بتزعق ليها كدا ليه
خالد وهو يقترب منه ويقف أمامه:مكنتش اعرف انك المحامي بتاعها معلش هبقى استأذنك قبل أما ازعق
نظر خالد لاسماء :خمس دقايق والورق يبقى قدامى بدل أما اكلم سليم وعز بيه اقولهم على الورق الى ضاع
-أخذت اسماء تبحث فى كل مكان
اسماء ببكاء:أنا متأكدة انى اديته لحضرتك امبارح
خالد بنرفزه:قصدك اى انى انا إلى ضعيته والله عال السكرتيرة بتاعتى قصدها تقول عليا عيل
احمد بزعيق:متهدى على نفسك كدا ما يمكن انت إلى ضيعته
نظر خالد ليه بقرف وسكت
اسماء خرجت تدور على المكتب بخوف وخرجوا وراها
اسماء قعدت بأنهيار على الكرسى:مش لاقياه فى اى حته
خالد بخبث:طب والعمل اى بقى
اسماء بدموع:معرفش معرفش
خالد رق قلبه علشانها:طب روحي دلوقتي وانا هتصرف
اسماء بدموع: هتعمل اى
خالد بتمثيل الزهق: خلاص بقى ملكيش دعوه
احمد بغضب:لابقولك اى انت من ساعتها قاعد تتكلم بقرف و زهق كدا واحنا مستحملينك بالعافيه
خالد برفع حاجب: طب ورينى بقى هتعمل اى
اسماء مسكت ايد احمد :يلاا يا احمد لوسمحت نروح بقى انت جاى من سفر وتعبان
خالد وهو بيقرب منهم :وان شاء الله الحلو هينام فين
احمد بأستفزاز:هنام معاها فى الشقه اصل شقتى لسه العمال بيجهزو فيها
خالد بغيره:طب ماتشوف اى مكان تانى مينفعش تنام انت واسماء فى شقه واحده
احمد بخبث:طب وانا اى داخلك فى الموضوع اصلا انا راضى وهى راضيا
خالد بيحاول يتحكم في أعصابه: طب ما بقولك اى يا صاحبي أما قاعد لوحدى فى الشقه تعالى ونام معايا حتى تكون براحتك وهى براحتها
اسماء وهى تقف أمام احمد:لا يا احمد انت واحشني وعايزه اقعد معاك
احمد بخبث وهو ينظر لخالد:معلش بقى يوم تانى وانا اتشرفت بمعرفتك
امسك احمد يد اسماء وخرج أما عند خالد فوقع كل حاجه من على المكتب
خالد وهو بيقلد صوتها:لا يا احمد انت واحشني وعايزه اقعد معاك كتك القرف انتى وهو وحيات أمى لاربيكى
................................................................................
عند سليم كان يجلس على الأريكة ومحاوط خصر ياسمين ويشاهدون التلفاز
ياسمين كانت قاعده تبص ليه وهو بيتفرج على التلفزيون وهو مش واخد باله
سليم انتبه ليه وبأبتسامه: وسيم انا مش كدا واى رايك فى الغمازه بقى
ياسمين بخجل:علفكره انت سرحت مش اكتر
سليم وهو ينظر لها:فى مين بقا مش فيا
ياسمين بضحك وهى تداعب وجنتاه:واثق من نفسك يا سلومى
سليم بضحك:سلومى اى دا ياياسمين هههههههههه انا اسمي سليم سلومى دا تقوليها لعيل توتو مش انا
ياسمين وهى ترمش بعنيها وبدلع:كده يا سليم مش عاجبك دلع مراتك حبيبتك
سليم بأبتسامه:لاعجبنى طبعا كفايا أنه خارج من بين شفايفك يا قلبى
ياسمين بخجل: بحبك اووى يا سليم
سليم بأبتسامه:وانا بموت فيكي يا قلب سليم وتعالى بقى نقوم نقراء الورد اليومى بتاعنا عشان ربنا يبارك لينا فى حياتنا كدا وبعدها نجهز الشنط عشان هنسافر بكره
ياسمين بحماس:يلاا يا حبيبي انا مستنيه اووى اليوم دا
سليم وهو يحملها على ظهره:وانا كمان يا حبيبي انت قوليلى ياياسمين انتى مش بتاكلى
ياسمين بأستغراب:لاباكل اكيد ليه
سليم بضحك:اصلك خفيفه اووى يا حبيبتي وانا احب مراتى تبقى بطه كدا لا لا كدا اتجوز واحده كمان انتى عامله زى خله السنان
ياسمين بغيره وهى تخنقه: ورينى كدا بس هتتجوز ازاى وانا اموتك واموتها
سليم وهو يدخل بينزلها على السرير:اى دا ياياسمين كنتى هتموتينى
ياسمين وهى تضع قدم فوق الآخرى:لا بس انا بديك فكره على إلى هيحصل فيك
سليم وهو بيجيب هدوم من الدولاب وبضحك: تصدقى خوفت ياياسمين كدا امشى يابت انتى لو ماهتمتيش بأكلك هتجوز هههههههههه (ودخل وقفل باب الحمام)
ياسمين بصدمه:هو ممكن بجد يعملها وبعدين هو انا رفيعه اووى كدا وبعدين هو انا خله سنان
................................................................................
عشق كانت قاعده مع جاسر وبتوريه صور الارض الى هيتبنى فيا الاوتيل وبتوريه التجديدات
جاسر بأبتسامه:باين المهندسين إلى موجودين كويسين أن هما خلصوا جزء بسيط من التصميم
عشق بجديه:اه فعلا مشاء الله عليهم تحس عندهم حماس كده
جاسر بأبتسامه:فعلا عندهم حماس واحسن حاجه أن الشركه لما بدأت تشتغل جه مهندسين جداد وصغيرين
عشق بأبتسامه:اكيد احسن حاجه لان هما محتاجين شغل وكانوا قاعدين
جاسر بأبتسامه:بس عارفه اى إلى أحسن منها
عشق بأبتسامه:اى بقى
جاسر بحب:انى كل يوم بشوف عينك أول اما اصحى وقبل اما انام بسمع صوتك الى بيحلى ليا اليوم و نغمته إلى بسمعها كل يوم قبل اما انام شوفتى انتى جمال اكتر من كدا تشوفى إلى بتحبيه وتسمعى صوته كل يوم يا عشقى
عشق بخجل:علفكره كلامك دا بيحرجنى
جاسر بضحك:بيحرجك يسلام بس لو كنت بقدر اقف كنت اشوف اقرب مأذون واوريكى تستاهلى تتحرجى من اى
عشق بخجل:جاسر عيب كده
جاسر بضحك: حاضر خلاص هسكت
عشق بحماس:عارف فى محل بيتباع هشتريه أن شاء الله بس قولت اخد رايك
جاسر بأستفهام:محل اى
عشق بأبتسامه:محل هعمله اتيليه لانى نفسى اووى افتح اتيليه وانا إلى هصمم الفساتين فيه
جاسر بأبتسامه:آهاا بس انتى مش هتلحقى تجيبيه دلوقتي يا عشق بعد اما نرجع من السفر
عشق :ممكن يتباع
جاسر بأبتسامه:لا يا قطتى ما تخفيش مش هيتباع ولو اتباع هنشوف احلى منه
عشق بأبتسامه: خلاص ماشي أن شاء الله
جاسر بأبتسامه:اى رايك نكتب كتب كتبنا مع راندا و مراد بعد بكره
عشق ابتسمت بخجل وسكتت
جاسر بضحك:انا نفسى اكلمك فى حاجة فى موضوع جوازنا وتتكلمى بحس أن القطه كلت لسانك لما بسئلك
عشق بضحك:اعمل اى منا مكسوفه
جاسر بضحك :تبقى موافقة
................................................................................
خالد واقف فى البلكونه و بيبص لبلكونه اسماء
خالد بغيره:هى مطلعتش ليه مش طبيعي تفضل كل دا مطلعش البلكونه
*بعد قليل*
لاحظ خالد خروج احمد وفى يده كوب من الشاي
احمد بخبث:اى إلى مصحيك لحد دلوقتي
خالد برخامه: معلش أما ابقى واقف على دماغك ابقى اسئل
احمد بضحك:انا مش عارف انت مش طايقنى ليه بجد
خالد:وانا ليه مش هطيقك عادى يعنى
احمد بضحك:لقيت الورق
خالد بزهق:آه لقيته
احمد بخبث:فين
خالد:حاجه متخصكش
احمد بأبتسامه: على العموم انا كنت بطمن
خالد : احم هى اسماء نامت
احمد بخبث:اه من ساعتها بتسأل ليه
خالد بغيظ:هو انا كل كلمه اتكلمها تسأل عليها سؤال
دخل خالد وهقفل البلكونه
احمد بضحك :آه غريب الحب مين فاهمه
...................................... ........................................
المجهول : بصى يا بت انتى سليم بعت يشوف شغاله انتى إلى هتشتغلى عنده روحي واتمسكنى علي صاحب الفندق انا سمعت أن سليم طلب منه يشوف شغاله فى الشاليه بتاعه
فاتن :وليه يعنى انا إلى اروح ماتشوف حد تانى
المجهول:لا انتى إلى هتروحى عشان أنا مش بثق فى حد غير فيكى من أول بكره تبدأى تديه الجرعه فاهمه ولا لا
فاتن بدلع :ماشى يا حبيبي بقولك اى مفيش حاجه ليه ولا كله لسليم
المجهول بضحك:لا فى خدى إلى انتى عايزاه وامشى
...............................................................................
عند روقه كانت واقفه قدام المحل وبتصرخ بأنهيار وهى شايفه المطافى بتطفى النار إلى ماسكه فى المحل
روقه بعياط ودموع:اكيد انتى يا سالى انتى السبب بس صدقيني هاخد حقى منك منك لله ياسالى
فى القسم كانت روقه قاعده والظابط بيحقق معاها
الظابط:فى حد بتتهميه أنه هو إلى عمل كدا فى المحل
روقه بدموع:آه سالى الدمنهوري
الظابط:بنت رجل الأعمال عزيز الدمنهوري
روقه:اه هى
الظابط : ممكن اعرف الأسباب
روقه :فى مشاكل بينى وبينها (وحكت ليه المشاكل الخاصة بيها وبين سالى أن هى رفضت تساعدها أنها تأذى سليم)
الظابط:طب امضى على المحضر واتفضلى انتى
................................................................................
فى صباح اليوم التالي وصل سليم و ياسمين الشاليه وقابلتهم فاتن اخدت الشنط وطلعتهم الاوض
سليم لفاتن:ممكن لو سمحتى تعملى ليا فنجان قهوه
فاتن :ماشى حاضر
نزلت فاتن تجهز ليه فنجان القهوه
ياسمين لسليم : بص بقى انا إلى هعمل ليك الاكل علطول انا مش عارفه اصلا انت جبت البت دى هنا ليه
سليم وهو بيقرب منها وبيحضنها:عشان تساعدك يا حبيبتي ومتتعبيش فى حاجة وانا اصلا مش هاكل حاجه من ايد حد غيرك
ياسمين بأبتسامه وهى تحاوط وجهه:ماشى يا حبيبي متحرمش منك تعالى نرتاح شويه
سليم وهو يمسك ايد ياسمين وبيقعد على السرير:انا هشرب القهوه واراجع شويه حجات عشان الثفقه
ياسمين:هو خالد جاب ليك الورق
سليم بأبتسامه:آه جابه وسابه مع البواب معرفش مطلعش ليه
ياسمين بأبتسامه:تعرف أن اسماء وحشتنى اووى
سليم بأبتسامه: لما نرجع نعزم بابا وماما وخالد واسماء
ياسمين بنعاس:طب يلاا بقى شوف انت رايح فين عشان أنا معدش قادره
سليم بضحك وهو بيغطيها ويقبل وجهها :ماشى يا حبيبتي نامى
نزل سليم ودخل مكتبه وقعد يراجع الورق فاتن دخلت عليه وأدت ليه بفنجان القهوه
فاتن بأحترام مزيف:اتفضل يا سليم بيه
سليم وهو بيبص فى الورق : شكرا
خرجت فاتن وبدأ سليم فى تناول القهوة
............................ .. ................................................
يتبع.......
