recent
روايات مكتبة حواء

رواية حبيبتي المسترجلة الفصل الخامس عشر 15 بقلم روميساء عصام

رواية حبيبتي المسترجلة الفصل الخامس عشر 15 بقلم روميساء عصام

 |البارت15|

نزل سليم ودخل مكتبه وقعد يراجع الورق فاتن دخلت عليه وأدت ليه بفنجان القهوه
فاتن بأحترام مزيف:اتفضل يا سليم بيه
سليم وهو بيبص فى الورق : شكرا
خرجت فاتن وبدأ سليم فى تناول القهوة
سليم حط الفنجان بعد اما شرب كميه صغيره منه
سليم قعد يفكر في حياته قبل كدا
سليم فى نفسه: تحس نفسك كدا يا سليم كنت فى حفره و حاطين عليك رمل .....تحس انك مكنتش فى الحياه ......حياتك كانت عبارة عن سهر وشرب وعدم شغل ....انا اول مره احب النوم ....لان بسببه حلمت حلم غير حياتى....ربنا كريم اووى....أنه يخلينى احلم الحلم دا ....وكمان اقابل الشيخ عزت......بحمدك يارب على نعمه الهدايا.....
قام سليم وساب الفنجان مكانه وطلع على السلم ودخل نام أما فاتن فدخلت المكتب بحماس تاخد الفنجان وانصدمت أن سليم مشربش القهوه
فاتن بعصبية:ودا مشربش القهوه ليه كمان
..............................................................................
عند اسماء صحت بدرى وحضرت الفطار ودخلت وصحت احمد من النوم وقعدوا يفطروا سوا
احمد بهدوء:انتى تعرفى خالد من زمان
اسماء بأستغراب:من كام شهر كدا وياسمين صحبتى حكت لى عنه قبل كدا لانه صاحب سليم جوزها بس لسه
تجاهل سؤلها وقال:طب من معاملتك معاه بيعاملك حلو ولا عادي وانتى شايفه شخصيته اى ...
اسماء بأستغراب:هو بيتعامل معايا كويس جداً وعلطول يوصلنى الشركه معاه عشان مبقاش لوحدى الصبح بدرى
احمد بخبث:طب وانتى شايفه شخصيته محترمه ولا حاجه تانيه
اسماء بخجل:لا محترم جدا و أسلوبه فى الكلام كويس بس ليه كل دا
احمد قام من على السفره وبتجاهل:انا هقوم اخد شَور والبس واجى اوصلك وأشوف الشقه جهزت ولا لا
اسماء بأرتباك:طب وخالد كده هيضايق
احمد بخبث:قوليله أن انا إلى وصلتك
.............................................................................
خالد كان واقف قدام المرايا وبيعدل لبسه وبيصفف شعره بعناية ووضع برفانه وكان هيلبس الساعه ولكن لقى التليفون رن برقم اسماء خالد فتح بسرعه التليفون
خالد بأبتسامه: صباح الخير
اسماء بأبتسامه: صباح النور
خالد بهدوء:هتنزلى امتى هستناكى
اسماء بأرتباك:معلش يا خالد اصل احمد هيوصلنى انا أسفه
-احمد لاحظ أن اسماء بتكلم خالد فحب يستفز خالد
احمد بصوت عالى:يلاا يا حبيبتي أنا جهزت
خالد بصدمه وبهمس مسمعتهوش اسماء: حبيبتي
خالد :طب يا اسماء عادى سلامى
قفل التليفون قبل أما اسماء ترد عليه
...............................................................................
عند راندا مراد جاب ليها شادي لان هى طلبت كدا
راندا بأبتسامه: اهلا يا شادي وحشتنى خالص
شادى احتضنها بحب:وانتى وحشانى اكتر يا مامى
مراد بضحك :طب بنسبه لبابى بتاع شادى موحشكيش
ابتسمت رندا له بخجل
مراد بأبتسامه:عارفه اى اكتر حاجه بحبها فيكي
نظرت له راندا بعدم فهم فأكمل:بحب فيكى احترامك وكسوفك وحبيتك اكتر لما قولتى أن احنا منتقبلش غير لما نكتب كتب الكتاب يعنى بتخافى ربنا ودى اكتر حاجه حبيتها فيكى
ابتسمت راندا له بخجل شديد من كلمته التى جعلت الدماء تتجمع فى وجنتيها أما عن شادى:انا واقف يابابى علفكره
مراد بضحك:طب يا حبيب بابى همشى واجى اخدك بليل
راندا بأبتسامه:لا سيبه ينام معايا انهارده كدا كدا انت جاى بكره عشان كتب الكتاب فسيبه وحات لبسه بكره معاك وانا هلبسه
مراد بأبتسامه:يابختك يا عم هتنام مع مامى راندا اى رايك ولا تيجى مع بابى حبيبك
شادى بطفوله:لا هنام مع مامى مش معاك انا نمت كتير معاك
مراد بصدمه: ماشى يا شادي بابى زعلان منك كدا
شادى بطفوله:لا متزعلش من شادى شادى بيحب مامى وبابى
راندا بأبتسامه: حبيبي يا شادي
مراد بأبتسامه:طب مع السلامه انا همشى وان شاء الله هاجى بكره
...............................................................................
عشق نزلت الشركه وبدأت تراجع الورق وتمضى عليه بلتوكيل إلى عمله ليها جاسر أنه هتدير الشركه
ياسين دخل المكتب بعد اما أذنت له عشق بدخول
ياسين :حضرتك طلبتينى
عشق بجديه:آه فعلا يا استاذ ياسين جاسر بيه مستنى حضرتك بليل
ياسين بأستغراب:طب حضرتك متعرفيش ليه
عشق:لا والله مش عارفه بس هو قالى ابلغك
ياسين:خلاص ماشي أن شاء الله
..............................................................................
ياسمين كانت يتجهز الفطار لسليم
فاتن :ممكن تستريحى انتى يا هانم وانا هجهز الاكل
ياسمين بهدوء: ممكن انتى تروحى تنضفى البيت بس ملكيش دعوه بل اوضه بتاعى انا وسليم أما اكل وشرب فملكيش دعوه بيه انا محبش جوزى ياكل من ايد حد غيرى
اخدت ياسمين الاكل وخرجت أما فاتن فوقت مصدومه
فاتن بصدمه:طب والعمل انا كدا هحط لسليم الجرعه ازاى وياسمين دى واقفه زى الحرس على أكل جوزها باين بتحبه اووى
فى الخارج كان يجلس سليم وياسمين لتناول الافطار سويا
سليم لاحظ هدوء ياسمين:مالك ياياسمين فى حاجة مزعلاكى
ياسمين وهى تنظر له: الصراحه آه يا سليم انا محبش يبقى فى حد غريب فى بيتنا وخاصه ان تكون بنت كمان
سليم بهدوء:بس دى فتره مؤقته انا جبتها بس عشان تساعدك مش اكتر يا حبيبتي
ياسمين: انا هعرف اشيل المسؤلية كويس إذا كان أكل أو شغل البيت لكن انا محبش حد يكون بيشاركنى فى بيتى
سليم بأبتسامه:خلاص يا حبيبتي هديكى فلوس وتديها حسابها وتمشى ولو هى عايزه شغل ممكن تروح الاوتيل تشتغل هناك
ياسمين بأبتسامه:حبيبى يا سليم متحرمش منك
سليم بأبتسامه:ولا منك يا روحي قوليلى بقى عايزه تخرجى فين انهارده
ياسمين بأبتسامه:نقعد على البحر سوا بس بليل يا سليم
سليم بضحك:اشمعنا
ياسمين بأبتسامه:عشان يبقى انا ونت وبس مفيش عين تانيه بتشاركنى فيك عايزه اكون انا ونت والقمر والنجوم بس
سليم بأبتسامه:خلاص يا روح قلبي ماشى
سليم خاد باله أن ياسمين مش بتاكل : ياسمين انتِ مش بتاكلى ليه
ياسمين بأبتسامه:لا يا حبيبي انا باكل اهو
سليم بأبتسامه:علفكره انتى مش بتهتمى بأكلك خالص وجسمك ضعف ياياسمين وانا محبش اشوفك كدا أهتمى بأكلك بدل أما اجيب ليكى كل يوم كوبايه لبن وتشربيها
ياسمين بأبتسامه: لا بلاش لبن انا مش بحبه بس حاضر ههتم انا مش عارفه ليه بقالى يومين مش عايزه اشم ريحه الاكل وبطنى بتوجعنى
سليم بقلق: بتوجعك....طب تيجى اوديكى عند الدكتور اطمن عليكي
ياسمين بأبتسامه:لا يا حبيبي مفيش داعي متقلقش
سليم قام من الكرسى وخاد الچاكت بتاعه ولبسه
ياسمين بأستغراب:انت رايح فين يا سليم
سليم بأبتسامه وهو متجه اليها ويقبل جبهتها:هروح مشوار مهم جداً ساعه بظبط واجيلك مش هتأخر عليكى لو حد جه متدخلهوش يا ياسمينا ماشى
ياسمين بأستغراب:ليه
سليم بأبتسامه:اعملى بس إلى بقولك عليه
خرج سليم تحت نظرات ياسمين المستغربه من أفعاله
...............................................................................
قابل سليم مصطفى و عماد أصدقائه من ايام الجامعه ولكن اكبر من سليم بخمس سنين لأنهم كانوا مش ببنجحوا الا بصدفه
مصطفى (شاب ٣٠سنه يكره سليم بشده ليس بجسد رياضى انما بجسد ممتلئ بعض الشئ يتميز بلعيون السوداء والشعر الاسود )
عماد (شاب ٣٠سنه يتميز بلعيون الرمادي وذو جسد رياضي وطويل يكره أيضا سليم بشده )
مصطفى لسليم :اهلا اهلا منور الساحل يا سليم بيه
عماد : وانا اقول الساحل منور ليه أتارى سليم بيه مشرف فيه
سليم بمجامله: شكرا يا مصطفى انت وعماد دا من ذوقكم
عماد :اى يا سليم فينك من اخر مره كنت هنا ومحدش شافك
سليم بزهق:اشغال
مصطفى بغل:آه والاشغال دى تمنعك أنك تيجي تعزى فى روان حبيتك
سليم بصدمه:روان مين إلى حبيبتي روان دي كانت اختى الصغيره
عماد وهو يقترب منه وبغل:روان اختك الصغيرة إلى موتت نفسها بسببك وولعت فى نفسها
سليم بصدمه:انا مليش علاقة بالموضوع دا روان كانت اختى وولعت فى نفسها دا شئ ميخصنيش
عماد وهو ينظر فى عينه بتحدى: اوعدك يا سليم انى هاخد حقى منك لان انت السبب انى اتحرم من اختى الوحيده
سليم بأشمئزاز:وليه متقولش أن انت إلى حرمت نفسك منها وبسببك وبسبب شغلك هى موتت نفسها
عماد :هى مكنتش تعرف شغلى فأكيد هى ماتت بسببك أنت اخر واحد كلمته ياسليم وكانت بتحبك
سليم وهو يركب عربيته: إلى فات مات وانا مليش علاقة بموت اختك يا عماد
غادر سليم المكان
مصطفى بخبث لعماد:شوفت بقى هو عايز يطلعك انت السبب وفى كلامه كأنه بيهددك أن لو قولت على حاجه هيقول انك تاجر مخدرات
عماد بغل: ميقدرش يعمل حاجه وانا هاخد حقى منه البت فاتن بس تعمل إلى قولتلها عليه وهو هيجى راكع لحد عندى
...............................................................................
عند اسماء كانت بتسجل بعض البينات وبتستقبل الفاكس إلى جاى من الشريكات وبتكتب المواعيد
خالد خرج ليها وقال:انا هروح اصلى ياريت على أما اجى تكونى عملتى القهوه بتاعى
اسماء بأستغراب من معاملته: حاضر
*بعد قليل*
دخل خالد المكتب ولقى القهوه اسماء عملتها طلبها أنها تيجى
دخلت اسماء بعد اما إذن لها خالد الدخول
خالد وهو ينظر ل اسماء وبعصبيه: القهوه ساقعه عمرك شوفتى حد بيشربها ساقعه
(دفع الفنجان بيده وقع على الأرض اتكسر)
اسماء بدموع: حضرتك إلى قولتلى اعمليها ودخليها المكتب على أما اجى
خالد وهو بيقف قدامها:اه انا قولت على أما اجى تكون اتعملت بس مقولتلكيش اعمليها اول اما امشى واجى القيها ساقعه وياريت تبعتى حد ينضف المكتب وتعملى واحده تانيه فاهمه وياريت تراجعى ورق الثفقه الجديدة وتجيبيها وياريت ميبقاش فيها غلطه
خرجت اسماء وهى تبكى بشده من معاملته ليها
*بعد ساعه*
دخلت له وفى يدها بعض الأوراق مسك الورق وقال:اقفى على اما اراجع الورق
مسك الورق ولاحظ أن فى رقم مكتوب فى ورقه٢٣٣وفى النسخه التانيه ٢٣٢
خالد بعصبية:لا والله عال اووى هو انا مش قولت لحضرتك تراجعى الورق فى نسخه مكتوب فيه الرقم غلط
اسماء بأرتباك مسكت الورق: مأخدتش بالى والله دى غلطه من المطبعه مش منى
خالد بزعيق:ولما حد ياخد باله منها يقول إن احنا بنزور فى الورق اى بقى هيعرفهم أن دى غلطه مطبعية وساعتها اكيد مش هيتعاملو معانا تانى عشان خاطر سيادتك مش مركزه فى شغلك صح وسرحانه
اسماء بدموع وبصوت مختنق: لا والله انا مش سرحانه انا هاخده واراجعه تانى انا اسفه جدا يا خالد
خالد بجمود:انا مش بلعب معاكى هنا انا اسمى خالد بيه
اسماء نظرت له بصدمه وأكمل : اظن دا المفروض يا انسه ولا اى
اسماء بدموع:صح يا خالد يا خالد بيه
اخذت اسماء الورق وخرجت أما خالد فى نفسه: انتى السبب انى اتعامل معاكى كدا يا اسماء من ساعه أما احمد دا جه وانتى اتغيرتى فى المعاملة معايا انا حبيتك بجد وانتى من معاملتك معاه باين اووى انك بتحبيه
................................................................................
عند جاسر جه ياسين ومشى ودخلت عشق عشان تدى ليه العلاج
جاسر بأبتسامه: الشركه اخدتك منى
عشق بأبتسامه: مفيش حاجه تشغلنى عنك
جاسر بأبتسامه:بقيت بزهق فى اليوم إلى بتنزلى فيه الشركه
عشق بضحك:معلش يا جاسر بس فى حجات لازم نشوفها قبل أما نسافر
جاسر بأبتسامه:علفكره ياسين هو إلى هيمسك إدارة الشركه واحنا مسافرين
عشق بهدوء: هو باين عليه محترم وشاطر فى شغله أنت اخترت صح يا جاسر
جاسر بغيره:ومالك معجبه بيه كدا ليه
نظرت له عشق بهدوء ومسكت أيده عشان تركب ليه الكالونه :مش معجبه انا بقول رائى
جاسر بألم من الابره إلى يتدخل فى أيده :ياريت متمدحيش فى حد تانى ولا قدامى ولا من ورايا
عشق بأبتسامه:حاضر بس خليك عارف انك اجمل واحد شافته عيني
جاسر بأبتسامه:بجد يا عشق
عشق بأبتسامه:بجد يا جاسر
جاسر بأبتسامه:بصى بقى خدى الفيزا دى اشترى الفستان الى انتى عايزاه عشان كتب كتبنا بكره
عشق بأبتسامه:ملوش لزوم يا جاسر انا معايا فلوس وهشترى
جاسر:لا من انهارده انتى مسؤله منى يا عشق
اخدت منه الفيزا وقالت
عشق بحزن:عارف يا جاسر انا كان نفسي ماما تكون معايا كانت هتفرح اووى
جاسر بأبتسامه: اكيد كانت هتفرح بس هى زمانها فى مكان احسن من هنا يا عشق ادعيلها بالرحمه
عشق بحزن: الله يرحمها
جاسر بحنان: وبعدين انا معاكى علطول يا عشق
عشق بأبتسامه:ودا إلى مطمنى يا جاسر انا اول أما بشوف عينك بحس بأمان تعرف أن بابا مدورش عليا كنت هروحله بس خفت مراته تطردنى من البيت وحتى لحد دلوقتي اخويا مسئلش ولا حتى يعرف أن امى ماتت
جاسر بحنان: اعتبرينى ابوكى واخوكى يا عشق متزعليش من اى حاجه طول ما انا معاكى زعلك ودموعك بتوجعنى
عشق بأبتسامه: حاضر يا جاسر متحرمش منك
................................................................................
عند ياسمين رنت على سليم
ياسمين بأبتسامه:اتأخرت عليا اووى يا سليم
سليم بأبتسامه :معلش يا حبيبتي كنت واقف مع صحابى هنا إلى عطلونى
ياسمين بأبتسامه:متتأخرش عليا عشان فى حاجة هتفرحك اووى
سليم بحماس:واى هى الحاجه دى شوقتينى
ياسمين بأبتسامه:هتعرفها لما تيجي متتأخرش بس وعلفكره انا مشيت فاتن دى وهى قالت أن هى مش عايزه تشتغل فى الاوتيل
سليم بأبتسامه:ماشى يا حبيبتي نص ساعه وهكون عندك خلى بالك من نفسك ومتفتحيش لحد ياياسمين
ياسمين بأبتسامه: حاضر يا حبيبي
اغلق سليم الهاتف ونزل من عربيته و طلع سلم عماره وخبط على الباب فتحت ليه بنت جميله وقالت : وحشتنى يا سليم .....
...............................................................................
يتبع...

google-playkhamsatmostaqltradent