رواية خطوة مميتة 13 الفصل الثالث عشر بقلم بنوتة الشيخ
خش لي ريان وامه تجري وراه مش فاهمه شن صاير
مسك ريان من يدها وسكر الباب عليها ومسكها من رقبتها...بوووك؟؟؟؟
وين بوك ياواطيه؟؟؟!وينه!
ريان:فهمت هنايا ان سرها يلي حافضت عليه كللل ها المده انكشف اليوم
ريان:تشوفله وترمش بعيونها بسرعه ولسانها بدي ثقيل من الخوف ومعش قدرت ترد ولا تحكي
ادم:زاد خنقها اكتر......بوك وين؟؟؟؟
ريان:بدت تبكي وحطت يديها على يده.....اءء ان ان انا
ادم:جبدها وردها ع الحيط ...احكككككككي
ريان:تبكي بشهقه وخوف....حح حاضر نح نح نحكي كل شي والله
ادم:بعد يده من على رقبتها ويشوفلها بشر .....ضحكتي علينا ؟؟
ريان:انا مدخليش 
ادم:قام يديه بي استسلام وهوا مش مستوعب شي ....تمام تمام ادوي
ادوي احسن ما نفصل راسك على جسمك
ريان:ترعش مع بعضها ومش قادره توقف ...
...ادم:بصوت عااالي.....ندوووووووي انا
ريان:ححح ح حم حمدي
العم حمدي بوي
ادم:زادت صدمته صدمتين لما سمع من يكون بوها الحقيقي...
ريان:تحكي وتتخبط من الخوف والكلام يطلع منها مكسر....هوا جي لي بوي
العم حسن جي وقاله قاله
ادم:قعمز ع الكرسي ويشوفلها
ريان:بلعت ريقها وتحاول تحكي وجسمها ينتفض مع بعضه من الخوف.....قاله اعطي بنتك على اساس بنتي
ككك كله كله يومين بس وبنجيب الفلوس وبنتك ترجع
ووو و ولو درت هكي رح نعطيك فلوس حتى انت لانك وقفت معاي
كملت كلامها وهيا تبكي وترعش.....بب بب بعدين لما جيت هنايا هرب
هرب هوا وبنته وانا حصلت عندكم مش قادره نحكي لان لو عرفت بتقتلوني
وبابا قعد ساكت ويجي بحجة انه كان يخدم عنده وبس
انا مدخليش
ادم:وقف وهوا ماسك راسه بين يديه وماشي جاي يردد بصوت واطي....طول الوقت هاذا ضحكتي عليا؟!
ضحكتي على عيله كامله انتي وبوك؟
قعدتي بدون اي سبب هنايا وتربيتي وحني نراجو في وهم!!
ريان:ادم انا اءء
ادم:خبط المزهريه بقوا وهوا يعيط بصوت عالي
ريان:سكرت عيونها وطاحت ع الارض مقعمزه من كثر ما رجليها خبطو في بعض من الخوف
ادم:واقف عاطي ريان بي الضهر وساند راسه ع الحيط
ريان :تبكي وتشوفله ....كانت تراجي في ردة فعله مهما كانت والخوف راكبها من ساسها لا راسها
اما ادم سكر عيونه وهوا يذكر في اخر مكالمه وصلاته
جميل:كيف حالك ادم شن الاخبار؟
ادم:بخير الحمد الله وانت
جميل:تمام...اءءء والله شن بنقولك سامحني كان قاطعتك ولا شي لكن عندي استفسار بسيط هكي
ادم:سكر الملفات يلي قدامه ...خير ؟
جميل:يشوف لي جواز السفر يلي عنده.....الراجل يلي ضحك على بوك شن اسمه؟!
ادم:وقف من مكانه....حسن حسن الصياد اسمه
علاش شنو رجع ليبيا؟!
جميل:اءءء لا مش هكي لكن
ادم:لكن شنو احكي نشفت دمي
جميل:اليوم وقفت صدفه على جماعة الجوازات الناس يلي مروحه
طاحت عيني على اسم بنت (مروه حسن الصياد)
خليتها ع جنب وقعدت نحقق معاها طلعت رسمي جايه من مصر والبنت نكرت تماماً ان عندها خوات او حتى خوت
يعني البنت يلي عندكم سنين منو تكون؟!
ادم:سارح بصدمه
جميل:كنت متوقع....في لعبه في الموضوع
المهم توا تحب نخليلك البنت ع جنب ولا نخليها تمشي؟!
ادم:مصدوم....اي
اي اي خليها عندك لين نجي
جميل:تمام ....اسف استاذ ادم لو ازعجناك
ادم:سكر الخط بدون حتى مايرد من كثر صدمته
______________________________________
طاحت لعبت ولدها تحت السرير ولما نزلت بناخدها لقت البوم صور
واضح انه كان لي عيلة مصعب
قعمزت على الارض وفتحاته ....بدت تتصفح فيه شوي شوي
وبدت الذكريات البشعه تصدم فيها شويه شويه
تفرجت على صفحه واثنين وثلاثه لين خلاص راسها معش استحمل كل الذكريات دفعه وحده
سكرت الالبوم وسندت راسها بيدها وسكرت عيونها
مصعب:خش للغرفه....ليا ساعه نطق متسمعيش انتي ولا شنو
جمانه:شافتله وهيا متردده.....جديات انا هربت معاك عشان نتزوجك!!؟
مصعب:شافلها بنضرات طوووويله....اذكرتي يعني ؟؟
مدام اذكرتي وين كنتي ليلة الحادث ومع منو؟
جمانه:اءءء انا انا م اء انا
مصعب:مسكها من مرفقها....مع منوووووو كنتي هذيك الليله احككككي
جمانه:بدت تبكي....مش مذكره والله
اقسم بالله ما مذكره كل يلي جي في بالي توا عرسنا و و
وكيف هربت معاك عشان يتم زواجنا بس
كل الاحداث اذكرتها الضرب والعياط والفرحه
كل شي
مصعب:كانت اكبر غلطه درتها في حياتي ونادم عليها ...وجي بيمشي مسكاته من يده
جمانه:وانا لا
رغم اني مش مذكره بس حبيتك من جديد مصعب
حبيتك من جديد حتى لو فقدت الذاكره مره واثنين وعشره رح نعاود نحبك من جديد
مصعب:فك يده منها بقوه وطلع
__________________________________
لان لما خش سيف لي الجناح وهوا ماسك الخبزه عشان الفطور
شاف هديل مقعمزه ع الارض وماسكه تالفونه
وملامح وجها فاتت الصدمه من غادي
سيف:لوح الخبزه على الدولاب وخدي تالفونه...شن مسسك فيه؟
هديل:بجديات يلي شفته؟!
معقوله سيف توصل للمرحله هاذي !
سيف:اي مرحله على شنو تدوي انتي !
هديل:على حد علمي ريان من لما خشت حوشكم ادم مدارلهاش تالفون
وتوا نلقى محادثه طويله بينكم؟
كنت مدايرلها تالفون سيف؟؟؟؟؟
سيف:ولع وخبط عليها....وانتي مال اهللللللك نديرلها تالفون ولا سياره شن دخلك
شن مسسك في تالفوني اصلا
يمين بالله لو نلقى يدك عليه مره تانيه نعدمك ومفيش حد يدوي معاي سامعه؟!
هديل:وقفت ...علاش؟!
فهمني علاش من البدايه قربت مني وخديت شرفي بي الطريقه الحقيره هاذي وخليتني ندبس فيك باش تعاملني بي الطريقه هاذي
سيف:انتي توا بتكتري اللكلك الزايد ع الصبح وبتخليني من غير فطور؟!
وخش للمطبخ
هديل:حاطه يديها على الطاوله وتشوف للارض ....لو ادم عرف بيلي قاعد يصير؟!
سيف:طلع من المطبخ بسرعه.....اول حاجه بتصير يلي بيعرف ادم بيموت
هديل:شافتله بنضره طوووويله....قداش ما انك حقير وواطي وهيا احقر منك بي الف مره
سيف:ابتسم ع جنب وقرب منها....شفتي كيف ؟!
رح نخليك تشوفيني كيف نحبها قدام عيونك وانتي ولا شي
هديل:ابتسمت نفس ابتسامته بزززبط وزادت قربت....في النهايه خداها خوك
في حوشه وفي حضنه وبين يديه واسمها مرته وفي سريره وف.......
سيف:مسكها من شعرها......انتي لازززززم تخليني نمد يدي عليك؟؟!
لازم متشعفيش؟؟؟....طلقها بقوه
بري ديري فطور احسن ما نخلص عليك في ها اليوم المغبر هاذا
_____________________________________
ادم:قام راسه وفتح عيونه وهوا يحاول يستوعب يلي صار ويلي سمعه
وريان كانت وراه مقعمزه ع الارض ورجليها مش حاملينها
تحرك ادم خطوتين اتجاه الباب بيطلع وريان ناداته بي اسمه
ولما تلفت قالتله
ريان:بالله عليك ادير فيا انا اي شي تبيه لكن بابا لا متجيش جيهته والله مدخله
ضحكو عليه زيه زي بوك
ادم:يشوفلها والشر طالع من عيونه....صدقيني انك رح تشوفي ايام اسود من الليل
وتيلي روحك بس اول ما نفضى بيك
عيله تضحك على عيله كامله؟!
انتي يلي كنتي بريئه وتخافي من نسمة الهواء تطلعي كدابه ؟
ريان:تبكي.....والله مادخلي والله
ادم:جهزي نفسك بس للايام يلي جاياتك
رويـــــــات بنـــــوتـــة الــشـــيخأروى الطـــــــاهـــــر المسلاتي
القروب الاصلي400الف عضوسند:واقف في عز الصقع وحاط يده على الحيط وتهاني واقفه قدامه بخجل 
....امتى بتروحي ؟
....امتى بتروحي ؟تهاني :منعرفش ....اصلا انا توا قاعده ع خاطرك
سند:ابتسملها
تهاني:تحشمت وحطت يدها على رقبتها بتوتر.....نقصد يعني ان
سند:ضحك...عارف شنو تقصدي
تهاني:خدت نفس وطلع ع هيئة بخار من الصقع
سند: مسك يدها.....نفكر في هلبا حاجات
تهاني:احمر وجها من الخجل....زز زي شنو ؟!
....زز زي شنو ؟!سند:حط يدها على قلبه ....نفوت كل القصص الطويله هاذي ونختصرها
تهاني:عقدت حواجبها مش فاهمه....كيف ؟
كيف بتختصرها بي شنو؟
سند:قام راسه يفكر وهوا مبتسم....امممم كيف نختصرها
كيف كيف كيف ....شن رايك نختصرها بي ذبله مثلا؟
تهاني:كأن حد كب عليها اميه سخونه ...ذ ذذ ذبله؟
سند:زادت ابتسامته اكتر....ذبله اي
مش نخلو كل شي بي الحلال احلا
تهاني:يديها يرجفو وكانت شويه وبطير من الفرحه
سند:حس بيها....هي خشي صقع عليك
....هي خشي صقع عليك الدنيا زاد بردت برا
تهاني:حاضر....وجت ماشيه
سند:تهاني
تهاني:تلفتت...نعم
سند:حبيتك ره
تهاني:ضحكت بخجل وخشت للحوش بسرعه
____________________________________
مصعب:ركب سيارته واتكى ع الكرسي يفكر
الواضح ان جمانه بدت تذكر شوي شوي في حياتها الاولى
وكان يهيئ في نفسه كيف بينصدم لما تذكر وين كانت ليلة الحادث!
مكانش مصعب يعرف ان في شخص تاني غير جمانه يعرف وين كانت ليلة الحادث!
ولع مكيف السياره ع السخون وسكر عيونه
فاتت ربع ساعه كامله وخداه النوم فجآه
مقعدش 10دقايق راقد وناض مخلوع بعد ماجاته فاطمه في الحلم
فتح عيونه وهوا متمني يشوفها من جديد ولا حتى يسمع اخبارها
تعود من الشطان ورجع لي شغله مره تانيه
__________________________________
فجره:مصدومه.....معقوله ريان؟
مم معقوله هكي تطلعي كدابه طول الوقت!!
ريان:تبكي بحرقه.....والله ما دنبي ورررربي والله مادخلي انا
خفت خفت ياعمتي ادم يقتلني
انتي عارفتيه قداش يكرهني طول ها المده كنت مجبوره نسكت
فجره:تخبط على رجليها.....ياويلك
ياويلك من ادم وانا والله ماعندي قدره نشده عليك ياريان
ياويلك شن بيدير فيك بعد السنين هاذي كلها
ريان:زاد كلام فجره ولع النار في قلبها اكتر واكتر
تهاني:كانت واقفه ع الباب....هوا ادم كيف عرف؟!
فجره:تندب وتخبط ع خدودها بشويه.....لقو البنت الاصليه في المطار
وبيجيبها
انا معش فاهمه نشده على ريان ولا على المسكينه يلي بيجيبها اليوم
معش فهمت شنو نديرررر....ياغيبتك يا حاتم
الله يرحمك ياحاتم تعالا شوف شن صاير فيا
______________________________________
سيف:واقف قدام الدفايه ويسخن في يديه
هديل:قعمزت ع الصالون وقعدت تقلب في القناوات ادور في شي تتفرج عليه
وسيف قعمز جنبها
هديل:علتش مطلعتش اليوم؟
سيف:بتحاسبيني ولا شنو!!
هديل:لا
سيف:امالا علاش تسألي؟!
هديل:لان الحوش من غيرك حلو بصراحه نراجي فيك امتى تطلع
سيف:طلع تالفونه....بندير روحي مسمعتاش كلامك مخاطريش انوض نهبكك
هديل:تحاول تستفزه....انز لي اهلك به
بجديات نبي نتريح من وجهك شويه
سيف:توسعو عيونه بصدمه....طقو فيوزات راسك انتي ولاشني بزبط!؟
هديل:بدي الواحد لما يطلع يلي في قلبه معناها طقو فيوزات راسه
سيف:اخطيني هديل.....وكمل يتصفح في تالفونه
هديل:تشوف لي سيف ....قداش بديت نكرهك سيف بعد يلي شفته بديت نحس فيك هكي قذر ومقزز
سيف:لا واضح انتي اليوم مش رح ترقدي الا بي طريحه
ولوح تالفونه وناضلها
هديل:بعدت البطانيه من عليها وقامت رجلها عشان تنوض والروب نقام فوق
شاف سيف رجلها كيف تعرت وعرق مع بعضه
كل مايقرب منها هديل تتحرك بطريقه الروب يزيد ينقام لي بطنها وتتحرك ع اساس خايفه من ضربه
لين لصق فيها
سيف:يتفحص في جسمها ويكلم فيها....متبيش تعقلي انتي ولا كيف!!
هديل:تقيم في سير الروب وتحاول ترجعه على كتفها....كنت نبصر 
سيف:حط يده على الروب ويتفرج عليها....امتى شريتيه القفطان هاذا؟
هديل:هاذا اسمه روب مش قفطان
سيف:تي نفس بعضه .....امتى خديتيه
هديل:قداش ليه ....ونزلت بسرعه من الصالون ....قعدت تمشي قدامه وفتحت شعرها ع اساس بتعاود تقيمه وتساويه
تلف في شعرها وسيف يتفرج عليها وعيونه بيطلعو
طبست هديل قامت السفره من الطاوله وسيف متابع كل خطوه فيها
حطت السفره في المطبخ وخشت غرفة نومها وهيا حاسه بي شعور النصر
اخيرا يعني عرفت نقطة ضعف سيف!
__________________________________
مصعب:درس قدام الحوش وراسه بيتفجر من كثر المشاوير والخدمه وحرق الدم يلي مر بيه اليوم
فتح الحوش وخش
نحى جاكيته وعلقه ولما خش الصاله لقاها فاضيه
كانت الاضواء هااااديه
مفيش غير التلفزيون والع على قناة افلام والصوت كان واطي
قعمز على الصالون وسند راسه بتعب
طلع جمانه من غرفة ولدها وهيا مبتسمه
كانت لابسه قفطان شتوي رقبه لونه وردي وقايمه شعرها كعكه
قعمز جنبه وهيا تقول
جمانه:الحمد الله على سلامتك ....نحطلك العشي توا؟
مصعب:قام راسه وشافلها....لا مخاطريش
وين ماشيه؟!
جمانه:اءء لا مش طالعه ليش؟!
مصعب:شغتك لابسه نسحابك طالعه
جمانه:ضحكت....لا بس جي خاطري نعير شكلي شويه مليت من البجامات
مصعب:اها
جمانه:شن رايك في الفستان ....حلو؟
مصعب:اي اي ....انا راسي مصدع منبيش ناكل
جمانه:طبطبت ع رجلها....تعالا ارقد واحكيلي شن صاير معاك اليوم
مصعب:قام حاجبه ....نعم؟
جمانه:ابتسمت.....جربها
صدقني تساعد هلبا الطريقه ره
مصعب:تردد هلبا وبعد وقت طوووووويل رقد ع الصالون وراسه على رجلها
بدي يحكيلها في تفاصيل يوم وشن دار
وجمانه تسمع فيه وتلعبله بي شعره
____________________________________
سيف:واقف قدام غرفة النوم ....ماشي جاي ماشي جاي
مش عارف كيف يخش لي هديل ويقرب عليها بعد ماشافها بي المنضر يلي طير عقله
قرر يتبع نفس الاسلوب !
يخش يتعارك معاها ويرقد معاها بسيف عليها كأنه يعاقب فيها ع شي
بس اول ما فتح الباب شافها راقده وفي سابع حلمه
خذي نفس وطلع بي ملل ...قرب عليها وبدي ينوض فيها
سيف:انتتتي ....انتتتي يابنت
هديل:فتحت عيونها...نعم
سيف:نوضي ديريلي شي ناكله جعان
هديل:بعدت خصلات شعرها من عيونها...حاضر
ونزلت من السرير تتكسل
كل ماتتكسل كل ما الروب يركب وركب
وقلب سيف بيطلع من مكانه وهوا بتفرج عليها
وقفت هديل ع المرايه قامت شعرها ولبست شبشبها وطلعت
وسيف بيهبل مكانش متوقع انها تسمع كلامه
لحقها للمطبخ وهوا يدور في اي سبله عشان يدير عركه بس هديل عرفت كويس كيف تخدمها صح ومتخليشي يمسك عليها شي
اخر شي خش للمبطخ معاها يعبي في اميه ويشرب ويشوفلها طول الوقت
يحاول يحوس معاها في المطبخ ويلصق فيها لكن هديل تعباته بمعنى الكلمه
______________________________________
مصعب:حس براحه غريبه بعد ما فضفض وحكي لي جمانه هلبا حاجات
مرت نصف ساعه وهوا راقد عليها
بعدين ناض قعمز
جمانه:خيرك شن في!
مصعب:قرب منها وكان عيونه واضحات يلمعو في الضلام....شن تحاولي اديري؟!
جمانه:حطت يدها على لحيته ....شي
نحاول نريحك ونبدا معاك من جديد
مصعب:شاكت ويشوفلها
جمانه تمرر في يدها على لحيته وفمه لين وصلت في بطم سوريته وهوا يراقب فيها بعيونه
___________________________________
طق باب الحوش وريان قلبها بيطلع
فجره:بسم الله يارب يارب تجيب العراقب سليمه في ها الليل
تهاني:نفتح انا ؟
فجره:لا خليك ....وناضت
تهاني:اهدي ريان شويه
ريان؛تخبط ع وجها ....والله لما يقتلني والله
تهاني:حضنتها ....اشششش صدقيني مستحيل يدير هكي لا
فجره؛فتحت الباب وكان ادم واقف وجنبه بنت
دف البنت بقوه للحوش ...يتبع
