رواية لا عائق في طريق الحب الفصل الخامس 5 بقلم فدوي خالد
=مين دى ؟
سامح بصدمة : نرمين ! بتعملى أية هنا .
نرمين ببسمة : جيت عشان أشوفك .
سامح بغضب : جيبتى مفاتيح الشقة منين ؟
نرمين : عادى بقا اتصرفت، أنا كنت جاية عشان ..
سامح بحزم : برة .
نرمين : بتقول أية يا سامح، أنا جاية عشانك .
سامح : مفيش حد بيعمل إلى بتعمليه دة .
نيرمين : و بعدين مين دى ؟
= أنا إلى المفروض اسألك أنتِ مين ؟
نرمين : أنا خاطيبته، و حبيبته .
سامح : سابقًا، احنا سيبنا بعض من زمان خالص، و بعدين مكانش فى حاجة بينا .
نرمين بصدمة : سامح أنتَ مش بتحبني .
سامح : لا يا نرمين، تقدرى تتفضلي .
نرمين بصراخ : أنتَ مش بتحبني ازاى ؟ و بعدين مين دى مقولتليش بردة ؟
سامح : نورين مراتي .
نرمين : مرات مين ؟
سامح : مراتي أنا .
نرمين : أنتَ اتجوزت ازاى ؟
سامح بسخرية : زى الناس، جبت مأذون، و اتجوزتها .
نرمين : و أنا! أنتَ مش بتحبني .
سامح : محبتكيش يا نرمين، ولا عمرك أنتِ كمان حبيتيني، بتحبي الفلوس بس .
نرمين بدموع : فكرتك عني كدة .
سامح : أيوة، تقدرى تتفضلى برة، و مش برة الشقة دى بس، لا .. برة حياتي .
نرمين : ماشى يا سامح، هطلع برة حياتك .
" سامح قعد على الكنبة و راسة بين أيده "
= احم ..أنتَ كويس .
سامح : مش فارقة .
= هو يمكن اسأل مين دى ؟
سامح : حب قديم راح لحاله .
= يمكن أعرف فين أوضتي .
سامح و هو بيشاور على أوضة : دى أوضتك، تقدرى تتفضلي فيها .
= شكرًا، و لو احتجت حاجة قولي .
سامح : حاضر .
سامح : نورين صح كنت ...
= نعم .
سامح : عاصم صاحبي جاى كمان شوية، ممكن تبقى تعمليله قهوة؛ لأنى مش بعرف .
= حاضر .
نزلت نرمين و هى منهارة و خبطت فى حد .
نرمين : أسفة .
~ مالك يا نرمين .
نرمين : عاصم .
عاصم : أيوة، فى أية ؟
نرمين : مفيش .
عاصم : على أساس أنى مش عارفك .
نرمين : خلاص بقا يا عاصم .
عاصم : يا بنتى مالك .
نرمين : هو أنا وحشة.
عاصم : لا .
نرمين : أومال لية مفيش حد بيحبني .
عاصم : تعالى نقعد على كافية و نتكلم .
نرمين : تمام .
فى الكافية
عاصم : مالك ؟
نرمين : لية سامح مش بيحبني ؟
عاصم : عشان لسة قلبه ماملش لحد، أصل الحب مش بأيدنا زى ما أنتِ متوقعة، و سامح محبكيش من و احنا فى الجامعة خالص .
نرمين : طب عايزاه يحبني .
عاصم : الحب مش بأدينا يا نرمين خالص .
نرمين : هو أنا ممكن ألقى حد يحبني فى يوم؟
عاصم : أيوة، ربنا بيبقى كاتب لينا كلنا حد بيحبنا، و فى رزق لينا .
نرمين : بس هو لحق ينساني بالسرعة دى .
عاصم : مش فاهم، ينساكى ازاى ؟
نرمين : اتجوز .
عاصم بصدمة مصطنعه : نعم ! مين اتجوز .
نرمين : سامح .
عاصم : و أنتِ عرفتي ازاى ؟
نرمين : رحت عنده .
عاصم : لية ؟
نرمين : عشان أشوفه .
عاصم : نصيحة منى، ركزى فى حياتك بعيد عن سامح، هتلاقى الحب إلى أنتِ بتدورى عليه .
نرمين : فين ؟
عاصم : هتلاقيه يا نرمين، قدامك .
= تشرب حاجة .
سامح : ياريت لو قهوة مظبوطة .
= تمام .
سامح : بقولك يا نورين .
= نعم !
سامح : مكملتيش تعليمك ليه ؟
= بحزن : مرات أبويا الله يسامحها، مرضتش و وقفت فى طريقي، مع أني كنت جايبة الدرجات النهائية فى الأعدادية.
سامح : معلش، خير .
= هى خالتو أخبارها أية ؟
سامح : كويسة .
= الحمد لله .
الباب خبط
سامح : معلش هفتح يا نورين الباب .
= تمام .
فتح الباب
سامح : ازيك يا عاصم عامل أية ؟
عاصم : كويس .
سامح : أتفضل .
سامح : نورين أعملى قهوة لعاصم .
عاصم : فى أية يا عم .
سامح : فى أية فى أية ؟
عاصم : نرمين .
سامح : مصيبة حياتي، مالها .
عاصم : قاعدة تقول أنك مبتحباش .
سامح : عاصم، أنتَ بتحب نرمين .
عاصم : أحب مين بس ...
سامح : قولها .
عاصم بحزن : بتحبك أنتَ .
سامح : و أنا مبحبهاش، حاول تقولها .
عاصم : هنجح .
سامح : أيوة .
عاصم : و أنتَ .
سامح : أنا أية ؟
عاصم : قولتلها اتجوزتها لية ؟
سامح : لا .
عاصم : أومال قولتلها أية ؟
سامح : قولتلها اللعبة إلى هما قالوها .
عاصم : مش ناوى تقول الحقيقة .
نورين بإستغراب : حقيقة أية ؟
بصوا الأتنين ليها بصدنة، و بعدين بصوا لبعض و ......
