رواية مقتل الدكتورة ولاء الفصل السابع 7 بقلم جيجي احمد
بعد ولاء منزلت من عند مراد متعصبة شافت إيهاب خارج من العناية وواقف مع سمر الممرضه بيشرحلها العلاج اللي هتديه للمريض ولاء ندهت عليه
ولاء : دكتور إيهاب عايزاك لو سمحت
إيهاب : حاضر يا دكتورة ها ياسمر عرفتي هتعملي ايه
سمر : ايوه يادكتور تمام
إيهاب : طيب هروح اشوف دكتورة ولاء عايزه ايه على متخلصي
سمر : حاضر يادكتور
إيهاب : خير يادكتور
ولاء : اقعد يا إيهاب وباين على وشها انها زهقانه
إيهاب : في ايه مالك انا شايفك نازله من فوق شكلك زهقانه في ايه بس مالك
ولاء : اسمع يا إيهاب انا عايزاك تساعدني في حاجة مهمه
إيهاب : حاجة ايه يادكتورة
ولاء : قولي الأول هي سوسن هنا
إيهاب : لا الدكتور مراد قالها مفيش عمليات النهاردة
ولاء : اييه بجد يا إيهاب قالها كده انت متاكد
إيهاب : ايوه لاني وانا نازل من البيت قولتلها هتيجى المستشفى قالت الدكتور مراد والدكتور فوزي قالولها متجيش ليه هو في ايه يادكتورة
ولاء : مايمكن لما عرف انها حامل قالها متجيش عشان متتعبش
إيهاب : لااا ده قالها مفيش عمليات خالص النهارده
ولاء : اممممم كده يبقا بيعملوا عمليه مشبوهة ومش عايزين سوسن عشان عارفين انها مش هتوافق وبكده بقا اللي انا شاكة فيه هيطلع صح انا دلوقتى فهمت
إيهاب : طيب فهميني انا كمان
ولاء : اسمع يا إيهاب في دلوقتى عمليه شغاله بيعملها الدكتور مراد والله اعلم الدكتور فوزي معاه ولا لا العمليه دي لراجل كده شكله غلبان جداا وبسال مراد قالي انه الدكتور فوزي هيعملو العمليه مجانا
إيهاب : ايه مجانا ومن امتى الدكتور فوزي بيعمل حاجة زي كده ده بيموت في الفلوس
ولاء : ماهو ده اللي انا عايزه اتأكد منه بعد العمليه والدكاترة يمشوا عايزاك تطلع معايا وناخد الراجل ده ونعمله اشعه ولو كان اللي في دماغي مظبوط هبقا انا كنت عايشه عمري كله مع واحد غشاش
إيهاب : انا فهمتك يا دكتورة وانا معاكي في حاجه
ولاء : وهو ده العشم يا إيهاب وفي كمان حاجة يا إيهاب الدكتور هشام والزفت حمدي بيبيع ا الأدوية ياما في السوق السوده ياما لبتوع المخدرات
إيهاب : ينهااار ابيض دنا كنت شاكك في الموضوع ده بس مكنتش راضي اتكلم
ولاء : ومقولتليش ليه يا إيهاب
إيهاب : ماهو مفيش دليل عشان اقول
ولاء : شكلنا كده هنكشف حاجات كتير اوي كانت غايبه عننا في المستشفى دي
عند سوسن وإيهاب في شقتهم
سوسن : اديني رحت النيابة يا إيهاب ومتكلمتش زي مانت قولتلي تقدر تقولي هنفضل ساكتين لحد امتى
إيهاب : سوسن قولتلك احنا ملناش دعوه بحاجة ومفيش دليل ضدهم اصلا عايزانا نشهد بايه في النيابه
سوسن : يا إيهاب ازاي مفيش دليل إذا كان الدكتورة ولاء كانت مطلعه الاشعه بتاعت الراجل قدامك وانا وانت واتاكدنا بنفسنا عايز ايه تاني وواجهتهم وهما انكروا وهددوها
إيهاب : برضو منعرفش يا سوسن ايه اللي حصل الله اعلم
سوسن بتعيط ياحبيبتى يادكتورة ولاء ياترى مين اللي عمل فيكي كده انا هموت من حزني عليها يا إيهاب
إيهاب : ضمها ليه وفي حضنه حبيبتي هوني على نفسك عشان مش كويس على الحمل بطلي عياط وحزن بقا ياسوسن الدكتورة ولاء قطعت بيا انا كمان دي كانت اختي الكبيره الله يرحمها وطبطب عليها
عند وكيل النيابة
دخل مجدي : صباح الخير يا فندم
تامر : صباح النور يامجدي
مجدي : ايه الاخبار التحقيقات وصلت لحد فين
تامر : مفيش ولا واحد من اللي جم عليه بس انا عايزه افهم ازاي مستشفى كبيره زي دي مفيهاش كاميرات مراقبة اسمع يا مجدي انا عايزك تحطلي الدكاتره تحت عنيك انا عايز اعرف كل صغيره وكبيره في المستشفى دي
صحيح انا بعت استدعاء للدكتوره نهى صاحبة الدكتورة ولاء هي مجاتش ليه
مجدي : جوزها قالنا انها تعبانه جدا من ساعت اللي حصل للدكتورة ولاء ومش قادره تيجي دلوقتي
تامر : طيب ياريت تستعجلها
مجدي : طيب حضرتك مستدعتش الدكتور فوزي صاحب المستشفى ليه
تامر : لاااا ده انا ناوي اعمله زياره لحد المستشفى بنفسي عايز اشوف المستشفى دي من جوه هييي على الله نوصل لحاجة
في المستشفى ولاء وإيهاب بيخططوا عشان يعملوا اشعه للراجل اللي عمل عمليه الزايده زي مامراد قالها وحطينه في جناح خاص في المستشفى
ولاء : يا ورده لو سمحتي ابعتي هاتيلي سمير وعبد الله فورا على مكتبي
ورده : حاضر يا دكتوره
ولاء وايهاب في المكتب وجم سمير وعبد الله الترمجين اللي بينقلوا المرضي من العمليات للغرف العاديه
سمير : سلام عليكو مدام ورده قالتلنا ان حضرتك عايزانا يادكتورة
ولاء : ايوه يا سمير عايزه اطلب منك طلب انت وعبد الله بس بيني وبينكم ادتهم فلوس
عبد الله : يادكتورة احنا تحت امرك في اي حاجه ومن غير حاجه
ولاء : ربنا يباركلك ياعبد الله بس دي حاجه بسيطه تيجبو بيها حاجه للعيال وانتو مروحين
سمير : تشكري ياست الدكتورة ربنا يزيدك من فضله اؤمرينا
ولاء : بص ياسمير انت وعبدالله في واحد عمل عمليه الصبح ونقلوا في جناح رقم ٥١١ انا بقا عايزاكم تاخدو الراجل ده تعملولو اشعه وترجعوه الجناح تاني من غير محد يحس بيكم هتعرفوا تعملوا كده
عبدالله : طبعا دي حاجه سهله بس افرضي سعتك المريض سأل احنا مودينه على فين هنقوله
إيهاب : ما انت هتقوله انكم هتعملولوا اشعه عشان الدكتور يطمن على صحته وكده يعني يا عبدالله
سمير : اهااا انا فهمتك يادكتور إيهاب ودي شغلتنا اطمن حضرتك انت والدكتورة
عبدالله : احنا هنعمل اللي حضرتك عايزاه يادكتوره بس الدكتورة نهى موجوده انا شايفها من شويه داخله مكتبها وحضرتك عارفه ان مكتبها في الدور اللي في الجناح انا لسه نازل وكمان في رباب ونوال الممرضات
ولاء :نهى جات امتى وازاي متحودش عليا طيب مش مشكله انا هطلعلها واقعد معاها على مانتو تخلصوا وكمان هنزل نوال ورباب العنايه هنا ومش هوصيك يا عبدالله انت وسمير مش عايزه حد يحس بيكم تمام
عبد الله وسمير تماااام
ولاء : وانت يادكتور إيهاب استنى في مكتبك عشان لما يخلصوا يسلموك الاشعه
إيهاب : تمام
وفعلا طلعوا وعملوا المطلوب منهم بالظبط وفعلا محدش حس بيهم ودخلوا الراجل الاشعه
ولاء : راحت مكتب نهى وبتفتح الباب وشهقت واتصدمت من المنظر اللي شافته ينهااار مش فايت
