recent
روايات مكتبة حواء

رواية مخالب الشيطان الفصل السابع 7 بقلم مني سالم

رواية مخالب الشيطان الفصل السابع 7 بقلم مني سالم

 الحلقه السابعه

مخالب الشيطان
بقلم✍️
Mona salem
كانت شجن لا تصدق ان عاصم الذي كان يمد لها يد العون انه شيطان يرتدي ثوب الملاك فكل الرجال يفكرون بنفس الطريقه
نعم انها الحقيقه فهو يعلم انها مهما كانت فهي في النهايه عاهره لا تفرق معه بشئ انها تعمل بملهي ليلي وفي هذا المستنقع كل النساء سواسيه سواء كانت راقصه او عامله في المطبخ او نادله تقدم مشروبات او عامله نظافه
لعنت الظروف التي اوقعتها في هذا المستنقع المظلم المشبوه فهو وكر للمحرمات سواء مشروبات محرمه او افعال مشينه
نسرين /متزعليش يا شجن هو بردو زي اي راجل مهو اتعرف عليكي في كباريه عاوزاه يفكر فيكي ازاي هو شايفك واحده بتبيع نفسها متزعليش من رأيه فيكي هو ميعرفش ايه اللي وصلك لكدا انا عاوزاكي تفكري كويس انت خسرتي كتير علشان امك واختك ومش هتخسري اكتر من اللي خسرتيه فكري بعقلك ومش تهدي المعبد علي دماغك في الاخر هي كدا ولا كدا خربانه يا بنت الحاجه شاديه
عارفه انا ممكن اعمل اي حاجه علشان انقذ يوسف اخويا من الموت حتي لو هبيع لحمي بجد مش كدا وبس انا ممكن اضحي بنفسي علشان انقذه وطبعا رجل اعمال زي ده ممكن يعمل اي حاجه بفلوسه اعذريه هو مش مر بنفس ظروفك علشان يحس بالغلابه اللي زيينا هدهم الفقر والمرض
شجن /انا لما حكتلوه حكايتي حسيت انه صدقني وتعاطف معايا وكمان لما رحت لاقيته عند ماما في المستشفي وعرض عليا يحميني انا وماما وريم من الزفت برعي حسيت ان الدنيا ضحكتلي بس مكنتش اعرف ان نيته كدا عاوزني جاريه عنده قصاد حمايه امي واختي انا فعلا لازم افكر بعقلي انا هوافق يا نسرين بس كمان هطلب منه يتكفل بمصاريف علاج يوسف اخوكي كمان علشان مش تضطري تشتغلي الشغلانه دي تاني لازم انقذكم كلكم وبعدها...............
نسرين/ شجن يااااااا شجن ايه يا بنتي سرحتي في ايه
شجن /هه..... لا ابدا انا..... هه مفيش
............................
نذهب الي برعي الذي ذهب في غايه السعاده وهو يفكر في كيفيه بيع هذه المسكينه
برعي لنفسه/اخيرا بقي ليكي تمن يا بنت شاديه البومه دي مهو كل شئ وله آخر منا لازم اكسب من وراها وبكدا ابقي كسبت كتير ياااا ياواد يا برعي طول عمرك رزقك في رجليك
............................
نعود مره اخري الي عاصم حيث اجري عده اتصالات تليفونيه مهمه لكي يكمل خطته بنجاح
عاصم / الووو ها كله تمام
الطرف الاخر / عيب يا باشا كله تمام وهيحصل زي منت عاوز
عاصم / بكرا تنفذ اللي قولتلك عليه
الطرف الاخر / تمام يا باشا بكرا باذن الله يكون لابس الاساور ومشرف في ابو زعبل
عاصم /طب كويس اقفل انت وتجيلي بكرا في الميعاد سلام
الطرف الاخر / سلام يا باشا البشوات
اغلق عاصم الهاتف واجري اتصالا ب سيف ليأتي علي الفور
عاصم / الووو فينك اتصلت بيك مرتين تعالالي مكتبي حالا
سيف /معلش يا ريس هكون قدامك علي طول
ثم ذهب سيف الي مكتب عاصم
سيف /ايه يا ريس خير
عاصم /ها عملت ايه
سيف / الحراسه اللي ماشيه ورها بتقول انها امبارح بالليل خرجت من الكباريه مع واحده شغاله معاها علي..
عاصم/ ايه خرجت راحت فين
سيف / ياعم بالراحه عليا خرمت ودني متستني هقولك
عاصم /استنيت قول
سيف /راحت مع بنت اسمها نسرين شغاله معاها راحو مستشفي (.... ) لواحد اسمه يوسف حالته خطيره ولما سألنا عليه طلع اخو زميلتها دي قعدو شويه في المستشفي ولما النهار طلع اخدتها وجت علي هنا
عاصم /هنا..... هنا فين
سيف /هنا في الشركه وسألت علي مكتبك وطلبت تقابلك وطلعت لحد هنا ازاي مشفتهاش
عاصم /لا مش شوفتها مش جت المكتب استني استني هي كانت هنا الساعه كام بالضبط
سيف /تقريبا كدا من ربع ساعه
عاصم / ينهار ابيض دي ممكن تكون سمعت
سيف / سمعت ايه؟
عاصم / مش ليك دعوه اة قولي عملت ايه في الحجز بتاع المستشفي الالماني
سيف /كله تمام مش تقلق خالص
عاصم /طب الحمد لله روح انت كمل شغلك
............................
ونذهب الي الكباريه
حيث كان برعي يستدعي شجن للضغط عليها بكل الطرق لكي توافق علي العرض المقدم من عاصم
شجن /نعم عاوز ايه
برعي / عاوزك في مصلحه عمرك ما كنتي تحلمي بيها
شجن /اكيد مصلحه شمال ووسخه زيك كدا
برعي / بلاش غلط وحيات امك
شجن /متجبش سيره امي علي لسانك ياقذر
برعي / بصي من الاخر كدا هتعملي اللي انا عاوزه من غير اعتراض والا هتقري الفاتحه علي روح الحاجه واختك هخفيها ومش هخلي الدبان الازرق يعرف لها طريق ماشي يا قطه
شجن / عاوز ايه اخلص انا مش طايقه ابص في وشك العكر ده
برعي / في زبون عاوزك مده طويله ولما هيزهق منك هيسيبك وهيدفع مبلغ حلو وفوق كدا كمان هيسفر الحاجه تتعالج برا وفي احسن مستشفي قولتي ايه يا برنسيسه
شجن /والدموع في عينيها من القهر والظلم ممممم مموافقه
برعي / ياااااه بالسهوله دي دانا كنت فاكر انك مش هتوافقي الا لما تطلعي عيني
شجن /هو انت ليك اكل ولا بحلقه مهي كلها محصله بعضها
برعي /طب روحي البيت وهاجيلك كمان يومين
..........................
في اليوم التالي
ذهب برعي الي عاصم ليستلم النقود ويبلغه بموافقه شجن ويعطيه وصل الامانه الذي مضت عليه شجن
عاصم / اتفضل دي الفلوس واعطاه حقيبه مغلقه
فتحها برعي فسال لعابه من مشاهده كميه النقود التي رآها في الحقيبه ولكنه كان غافلا عن الجيب السري الذي يحتوي علي كيلو هيروين
برعي /اتفضل يا باشا وصل الامانه اهو والبنت هتكون تحت امرك من بكرا
عاصم / لا انا عاوزها النهارده يا برعي
برعي / تحت امرك يا باشا
عاصم/ ماشي يا برعي امشي انت دلوقتي
برعي / ماشي يا باشا سلام
ثم انصرف برعي وهو يحمل حقيبه النقود
وبعدها اجري عاصم اتصالا يبلغ فيه عن برعي انه يحمل معه حقيبه نقود مزوره وكميه من المخدرات حيث ابلغ الضابط ان برعي يتاجر بالعمله المزوره والمخدرات وايضا يتاجر بالرقيق الابيض فهو بالفعل كذلك ولكن لم تجد الشرطه الي الان دليل ضده
.........................
ذهب برعي الي بيته ليضع الحقيبه في البيت وبعدها ذهب الي شجن في بيتها وطلب منها ان تكون في فيلا عاصم السيوفي في نفس اليوم كما اتفق معها مسبقا
فلا مفر من الموت فهي مثل الشاه التي تسحب ليتم نحرها بلا رحمه
فذهبت في نفس اليوم الي فيلا عاصم السيوفي
رنت الجرس ففتحت لها الخادمه
شجن / عندي ميعاد مع عاصم بيه
الخادمه / حضرتك شجن هانم
شجن / هانم هههههه لا انا شجن نور الدين
الخادمه / اتفضلي حضرتك الدور التاني تالت اوضه علي اليمين عاصم بيه هيوصل كمان ساعتين
شجن / اوك
ثم صعدت الي حيث الحجره التي تعتقد انها غرفه اعدامها حيث عزمت علي الانتحار بعد ان يفعل بها عاصم ما يريد فهي لن تستطيع العيش بعد ذلك فالموت هو الراحه الوحيده لها
...........................
نذهب الي برعي بعد ان اغلق الكباريه بعد منتصف الليل حيث كانت الساعه الثالثه فجرا دخل بيته وفور دخوله بدقيقتين وجد الباب يدق بعنف فتح الباب وجد حشدا من رجال البوليس
الضابط / انت برعي حداد
برعي / ايوه يا باشا انا خير في ايه
الضابط / مطلوب القبض عليك بتهمه تجاره العمله وتجاره المخدرات واستخدام بيتك في الدعاره
برعي /نعم ازاي يا باشا مفيش حاجه من دي ابدا
الضابط/ فتشو الشقه
فقام العساكر بتفتيش الشقه فاخرجوا عداا لا بأس به من الرجال والنساء شبه عرايا لا يستر جسدهم سوي ملابسهم الداخليه وايضا وجدوا الحقيبه التي تحتوي علي العمله المزيفه والهروين
وتم القبض علي برعي في حاله تلبس
..........................
نذهب ااي عاصم
حيث تلقي اتصالا هاتفيا من سيف يبلغه بانه تم القبض علي برعي وتم تصويره وبعث له الفيديو المصور لحظه القبض عليه وبحوزته المخدرات والعمله المزيفه
عاصم / كويس اوي يا سيف خلاص روح انت استريح
سيف /هو اللي يعرفك يعرف يرتاح ابدا دانت مشحططني معاك يا اخي هو انت شاريني من سوق العبيد
عاصم / ههههههه خفه روح نام علشان عندك شغل بكرا
ثم اغلق الهاتف وتوجه الي الفيلا
فابلغته الخادمه ان شجن بالدور الثاني تنتظره
فصعد بعد ان تناول وجبه العشاء
استاذن عاصم بالدخول حيث طرق الباب عده مرات ولكن لا يوجد رد
عاصم / شجن افتحي الباب عاوز اتكلم معاكي
ففتحت شجن الباب ونظرت الي الارض وكانت عيونها حمراء من كثره البكاء
عاصم / انا عارف انك سمعتيني وانا بتكلم مع برعي في المكتب
فنظرت له بكسره ثم قالت
شجن / انا تحت امرك يا سعادة البيه بس قبلها لازم اتطمن علي امي واختي الاول
نظر لها عاصم بنظره ذات مغزي ثم قال
عاصم / خدي اتفرجي علي الفيديو ده
اخذت شجن الفيديو وعندما شاهدت ما فيه لم تصدق فهذه المره ادمعت عيناها من الفرحه انها تخلصت من جلادها الي الابد
عاصم /اتطمني يا شجن هو هيعفن في السجن لابس ٣ قواضي اقل قضيه فيهم هياخد فيها ٢٥ سنه يعني خلاص ارتحتي منه للابد
نظرت شجن له وهمت بخلع الروب الذي ترتديه وقالت
شجن / اكيد عاوز التمن اتفضل انا تحت امرك
و........................
يتبع........

google-playkhamsatmostaqltradent