recent
روايات مكتبة حواء

رواية طموحي الفصل التاسع 9 بقلم مهاد سليمان

رواية طموحي الفصل التاسع 9 بقلم مهاد سليمان 

وائل فجاة قام ضربني كف ولزاني في طربيزة القزاز

😳💔 لمن اتكسرت وضهري كلو اتملا قزاز ودم 💔بقيت اصرخ باعلي صوت عندي وسند قام مخلوع ببكي وائل واقف في مكانو وبعاين لي بخلعه رغد واسامه جو جارين رفعوني وطوالي طلعو بي المستشفي انا م كنت قادرة اعمل شي من الالم والجروح الفي جسمي💔 طلعو لي القزاز وانا شفت الموت بعيوني💔لفو لي الجروح وقالو بخلوني كم يوم💔 رغد بتسالني وقعتي كيف انتي 😳 وبس بتبكي💔 قلت ليها خليت سند براهو امشي لي وشوفي بتك برضو مشت وانا خلاص م قادرة اقاوم ابدا 💔جسمي كلو كان عبارة عن دم وجروح ظهري كان مشوه شديد💔جاني وائل داخل بعاين لي وساكت💔ابدا م فتحت خشمي معاهو كنت بس ببكي جاء مسك يدي قعد جمبي وبقي يبكي💔اااثيل اعفي لي عليك الله انا م قاصد🥺 لكن اانتي م بتفهمي قلت ليك ماف قراية من الاول لمن وافقت بس عشان كنت حامل وم عاوز يحصل معاك مضاعفات انا والله بحبك وم منقص عليك شي وكاتب ليك البيت باسمك وعندك ولدك قراية لي شنو تاني؟ عاوزة تقري لي شنو قلت لي بكل غضب عاوزة اقري عشان نفسي عشان زاتي عشان طموحي💔 قال لي والقرو عملو شنو؟ قلت لي ياخ انسي انت م حتفهم ابدا 😭💔 وانهرت بكي هو بحاول يهدي فيني ابدا ابيت استجيب💔وبس ببكي وبنعل حظي💔 وائل طلع الممرضه ادتني حقنه طوالي نمت 💔 صحيت مخلوعه بقول سند سند لقيت الغرفة مليانه ناس امي سعاد جابتو لي قالت لي المرة الجاية ي اثيل بتي اعملي حسابك وانتي بتنضفي💔 عرفت وائل كذب عليهم قلت ليها حاضر 🙂 لقيت ولدي نايم بدون م اشعر دموعي سالت وقلت لمن اصل البيت حانفذ قراري واليحصل يحصل 💔 الصباح الدكتور خرجني وقال اجي كل سبت واربعاء للغيارطلعنا وائل م جاني ركبت مع رغد واسامه سيدة قالت حتقعد معاي كم يوم الطريق كلو بفكر اعمل الخطوة دي ولا لا وهل الطلاق حل لي قصتي؟ طيب ولدي حيحصل لي شنو؟💔 وحيعيش كيف من غير اب 🙂 فكرتا كتييير وصلنا البيت ابو يخشو معاي وسيدة قالت حتطلع مع رغد وتجي فهمتهم دخلت بولدي لقيت وائل مزين البيت وكاتب في القاتو🎂 اسف م اشتغلت بيه خليتو واقف عاينت لي ودخلت الغرفة رقدتا ولدي جاء لحقني ابيت اعاين لي
اثيل انا اسف
=.....🙂
-رافضه تتكلمي معاي زعلانه مني 🌚في زول بزعل من بابا دي لحظة غضب وانا..
= طلقني🙂
- قلتي شنو لانو شكلي م بسمع😳😳
= كلامي واضح طلقني🙂
-😂😂بتهظري موش عويرة دي
= جادة معاك انا🙂
- اثيل استهدي بالله حبيبتي تعالي نتفاهم
= زح مني ي وائل وياك تلمسني 🙂
قال لي بغضب وصواريخ لمن ولدي نط من السرير💔 انتي مجنونه ولا شنو اطلق ليك شنو لو كسرتي رقبتك م بطلقك😡😡م قلت ليك اسف م قاصد قتلتك انا عشان تقول طلقني😡ولدك دا تتفتكري لو طلقتك حاخلي ليك لالا ي حلوة ابدا😡 انا انهرت بكي هو لمن شافني كدا اخد نفس وجاء حضني ثولي يوخ روقي 😫والله حبيبتي انا م قاصد يووخ زحيت منو شلت ولدي سكتو بقيت ماسكة ولدي وهو ماسكني والاتنين بنبكي ابينا نسكت 💔 قال لي وبعدين معاك انت و ولدك😂😂😂
=ولدي ببكي لانو ابوهو بكورك فينا وم بحترمنا
- وانتي بتبكي مالك😂
= م عارفه😒
-اسف🥺❤️
=ويعني😒
-عملت ليك بيتزا🌚
=زي حقت المرة الفاتت😂😂😭😂م باكلها
طوالي زح مني حقت المرة الفاتت ماله انتي ناكرت جميل😒 بعدين لو اطلقنا وين تلقي راجل يطبخ ليك😌
= لو زي طبيخك دا م دايرة😂😂
- معفنه خلاص😂😂
=طيب البيتزا وين🌚
-اسي م قلنا زعلانين😂
قلت لي وانا بعاين في عيونو بصوت طفولي وائل يوووخ🥺🥺
- وائل العيون دي يوم بتشلو😫
=البيتزا🌚
ماشي ماشي فقر وم بنفع فيك شي😂😒
نومت سند بعد مسافه ونحن بناكل تاني قام مخلوع وببكي💔
= وائل تاني الولد دا م تكورك قدامو ياخ عايني خايف كيف🙂💔
-اسف طيب اخر مرة
قمت شلتو بقيت اغني ليه لحد م نام بتنهد ابيت ارقدو في السرير حضنتو ونمت صحتني سيدة قالت لي صلي المغرب صليت وبقيت اقرأ قران ارتحت شديد ختيت العشاء وطلعت لقيت وائل في الحديقة بتكلم مشيت بوراهو غمضت لي عيونو
=انا منو🌚
-جن كلكي
=جن يبلعك قوم ختيت الاكل
-اوكي الحقيني جاي
مشيت بعد مسافة جاء ضربت لي رغد واسامة جوني شلت ثولي في رجولي وبقيت العب فيها وائل شايل سند رغد قالت لي اسي بقولو ولدك البت م اثيل😂😂😂قعدت اضحك قلت ليها الله يعينو ولدي دا اتونسنا كتير طلعو مننا الساعه عشرة لمينا العدة انا وسيدة سيدة بتغسل فيها وانا قاعدة في السفرة
- انتي ي اثيل وقعتي كيف؟
= ااانا عاادي 🌚
-عادي كيف؟
= م عارفه م علينا اسي
عاينت لي بطرف عينها زي البتقول لي انا فاهماك قالت لي وموضوع القراية؟ طوالي قعدت ابكي💔 م بقدر ادس دموعي في الموضوع دا لانو دا اكتر شي وجعني لم اتحرمت منو قلت ليها خليتها عاوزة اربي سند وقفت الغسيل ربعت يدينا وبقت تعاين لي
- دا كلامك انتي ولا كلام خالي؟
= كلامنا الاتنين
- ايوا ي دوب عرفت كيف وقعتي🙂 السوال هو الجابرك شنو تستحملي الجابرك شنو تتعذبي وتصبري م تتكلمي وتقولي عاوزة وعاوز ة وتعملي البريحك الجابرك شنو تسكتي كدا وريني
= جابراني حاجات كتير كتير واهم شي ولدي 💔
-تفتكري ولدك حيفرح لم يعرف امو جاهلة وقفت تعليمها؟
= اكيد م حيفرح لكن ظروفي جات كدا 🙂💔
-ظروف شنو ي اثيل دا شنو المستنقع الانتي عايشة فيهو دا م تتطلقي بس
= ههههه اطلق وبعد الطلاق امشي وين؟ ارجع لي اهلي الجدعوني ههه ولا امسك ولدي واقعد في الشارع
- لو اطلقتي م بتشردي نحن موجودين وبعدين تقعدي في الشارع لي؟ البيت دا حدادي مدادي مسجل باسمك انتي اثيل عماد
= ولمن ولدي يسالني لي انتي وابوي م عايشين مع بعض
- قول ليهو ابوك م راجل🙂💔وم عندو كلمة
= سيدة دا خالك عيب عليك
- وكمان عندك عين تدافعي لي بعد العملو فيك انتي اي نوع من البشر يااااخ قومي البسي وارح معاي نوري ناس حبوبة الحقيقة وتتطلقي منو
= م بقدر ي سيدة خلاص دا قدر والله كاتب لي كدا
سيدة انفعلت فيني شديد قال خلاص عيشي حياتك كلها ساكتة وم بقدر وانضربي وم تتعلمي واقعدي للاهانة وتربيت الشفع سمح انسانه شخصتك ضعيفة وم بتتقدري تتكلمي ولا بتقدري تاخدي قرار حياتك عيشي كدا سمح وطلعت طوالي انا بكورك ليها سيدة اقيفي ولا اشتغلت بي دخلت شالت شنطتها وطلعت طوالي 💔 وائل كان بتكلم غفل الخط وبقي جاري معاي وراها وم فاهم شي 💔قال لي ي سيدة وقفت عاينت لي من فوق لي تحت وفاتت غفلت الباب بكل قوتها وائل قال لي دي قلت الادب وحلف م يخليها انا بقيت ماسكة وبهدي فيهو قلت لي خليها هي زعلانه بس قال لي تعاين لي انا بالاسلووب دا😡والله ي سيدة اضربك لمن تتربي
= وائل قول بسم الله وخش جوه هي في لحظة غضب اسي م تتكلم معاها وارح نلحقها لانو الساعه 12 والخرطوم بعيدة فعلا طلعنا لقينها ماشة في الشارع انا ضربت لي رغد تمسك لي ولدي وائل قال لي اركبي ابت تركب كان نازل يضربها الا انا مسكتو قلنا ليها ارجعي معانا قالت عاوزة تمشي بيتهم فعلا ودينها بري وائل بسال في مالك م بترد وانا كنت خايفة يضربها قال ليها انتي عاوزة كف يربيك قالت لي انا م اثيل لكن ونزلت حلف الا يضربها انا ساعه بحنس فيهو م ينزل بعد خراج روح اقتنع واتحركنا💔 رجعنا وكان سايق بسرعه مبالغة وظاهر عليهو الغضب 💔 وصلنا البيت انا نزلت هو طوالي دور العربية وفات بسرعه غريبة لمن اتخلعت 💔 طلعت لي رغد وانا ببكي حكيت ليها بس م قلت وائل ضربني
- كلام سيدة صاح لي م تقري هو م من حقو يمنعك
= خلاص الله كاتب لي كدا🙂💔
-انتي بتسكتي لي ليه
= رغد انا تغبانه م عاوزة نقاش نتكلم بكره اديني ولدي ان شاء الله يكون م صحى
=بري نايم والله
ادتني ولدي استاذنت ومشيت بيتي انتظرت وائل والساعة داخله علي 3صباحا وهو م جاء بضرب بديني مغفول نمت في الكنبة البره صحيت بصوت الباب بفتح جريت ليهو كلي لهفة وخوف💔
-وائل انت كويس😳
مسكني من شعري جراني بالارض لحد م دخلت جوا طلع الحزام وبقي يضربني كلو منك انتي انا زنبي شنو امسك واستحملك عذبتيني بمشاكلك دي والله لو م كنتي... وسكت انا وقفت علي حيلي قلت لي كنت شنو؟🙂 ضربني كف قال لي عندك عين تتكلمي طيري كدا ولا كدا عشان م أقتلك مشيت وبكل برود طلعت لي غيار دخلت استحمت وجسمي كلو دم لانو جروح ظهري م التامت 💔 لقيت ولدي صحي عاينت للساعه كانت 8 حميتو وغيرتا لي اكلتو زبادي وبقيت راقدة جمبو 💔ضربت لي سيدة زي الساعه4مساء
-الو
=كيفك
-بلا كيفك معاك افتحي الباب من قبيل بدق
فتحت الباب وكانت مخلوعه دا شنو ياثيل مالك مورمة كدا😳وشك مالو حضنتي وبقت تبكي😭💔 قلت ليها ماف شي انزلقت في الحمام كان ظاهر عليها الزعل وموجوعه اكتر مني (ماف احلى من الصحبة الصاح❤️) قالت لي انا جيت اسوقك الغيار البسي لبست عباية وطلبنا ترحال الدكتور زاتو اتخلع لم شاف جسمي كلو جروح وكدمات واثار الحزام ظاهرة سيدة كانت بره الدكتور قال لي دا شنو ي اثيل😳قلت لي ظروف دنيا💔شكلو فهمني وم حبة يتقل علي قال لي انتي صغيرة خلي بالك من نفسك كان م عشانك عشان ولدك❤️ لانو بعديك م عندو زول❤️ كلام الدكتور اثر فيني قلت لي حاضر وطلعنا في الطريق كنت بفكر صح كلامو انا لازم اعيش عشان ولدي حتي لو م قريت وحققت احلامي💔انا عاوزة اعيش عشان ولدي عاوزة اعلمو واصلو احسن المراتب❤️ م خلاص ولدي فرصة ثانية عشان اعيش وهو الحيسعدني ويعوضني❤️حضنتو شديد هو كان بضحك وخاتي يدينو في وشي قلت لي حظك م فاهم للدنيا شي وضحك صادق وبرئي زي وانا اوعدك م حاخلي شي يجيك❤️وحاحميك دايما😭❤️ وقفنا جم منتزه قلت ليها نحن وين قالت لي دا منتزه بري خلينا ننزل وبعدين نمشي البيت برجولنا❤️دخلنا واتونسنا وم خلت زول م علقت عليهو😂😂❤️ بعد شوية جاء شاب اصفارني وطويل سلم علينا وقعد انا كنت مستغربة وخايفة برضو سيدة قالت احم دي اثيل صحبتي واختي ومرت خالي برضو والعثل دا سند ولدها اللهو انا خالتو😍❤️ي اثيل دا هاشم سنير معانا في الجامعه قلت لي شرفنا ي هاشم
-لي الشرف غداء في لذيذ بعد المغرب قلت لي سيدة لازم نرجع حلف الا يوصلنا قلنا البيت قريب بنمشي برجولنا ودعنا وفات وسيدة ماسكها ام فريحانه😂😂😂 تضحكك براها شيلتها سند وانا شلت اللعبات الطريق كلو تغني لي سند وتلف بيهو وتشيل وتبوسو وهو يضحك 😂❤️ انا كنت بضحك فيهم لحد م وصلت البيت سلمت علي امي وخالتو انتصار كانو مشتاقين لي شديد😍❤️ عمو حامد دايما بفرح لم يشوفني ببوسني في راسي ويقول لي الله يخليك ي بت الغالين❤️سالتهم من ايمان محمد قال لي في البيت ماشي اجيبها شال سند معاهو ونحن دخلنا جوه غرفة سيدة تبسم براها
=حتحكي ولا تتضاحكي زي المجنونه😂😂
-🙈🙈دا هاشم حبيبي
= فهمتا القصة م ما مشينا المطعم😂😂
-اها رايك شنو🙈
=والله حلاتو انتي بتحبي🌚
-اكتر مم تتصوري🙈❤️
=ربنا يخليكم لبعض 😂
خالتو انتصار قالت لينا بتقولو في شنو🌚اتوقعت سيدة حتغير الموضوع بالعكس مسكت امها وحكت ليها كل شي قالت ليها اسالي اثيل طيب كيف ❤️امها حضنتها قالت ليها كبرتي وبقيتي تحبي❤️
انا قلبي وجعني ودموعي سالت م كان عندي مجال عشان احب اتمنيت امي تحضني اتمنيت ارجع لحضنها تاني اصلن م بتذكر عشت طفولة ولا بتزكر كانت كيف كلو العرفتو صحيت لي واقع مرير من عمري 12سنة دموعي سالو 💔خالتو انتصار حضنتي قالت لي ي عويرة م انتو برضو بتي❤️ كلمتها دي كانت كفيلة تملاني سعادة وحنان مسكتها فترة طويلة وانا ببكي لانو بجد كنت محتاجه للحنان❤️
اايمان قالت لينا في شنو ي جماعه اجيكم بعد الفترة دي القاكم فاتحين بيت بكي😂😂😂قمنا سلمنا عليها سيدة مشت تعمل الشاي مشيت معاها قالت لي اعملي كيك بقينا شغالين وايمان معانا وبنغني الليلة مسافر انا انا ❤️ عملت الكيكة دخلتها الفرم وطلعت اطمئن علي سند لقيت محمد بمشي في ومره يفكو يمشي براهو فرحت فرح❤️ مشيت مسكت يدو وبقيت امشي في يلا ي ماما حبه حبه❤️يمشي ويقع ضحكنا ضحك😂شلنا الشاي وطلعنا الحوش بقينا كلنا بتونس وائل جاء داخل انا طوالي قلبت وشي ومزاجي اتغير💔سلم علينا وشال سند بقي يلعب معاهو محمد قال لي والله الولد دا تعبان معاهو ساي طلع نسخه من امو😂😂❤️
قال لي مالو لو بشبه امو ي بختو هو امو في زيها😂❤️ سيدة قالت لينا كسير تلج تقيل😂😂اليوم داك ضحكنا ضحك واتونسنا لي 1 وائل قال لي يلا نمشي امس سعاد حلفت م بنمشي وقال الا نبيت م حبيت اكسر بخاطرها وقعدنا انا كنت تعبانه شديد سند كان بلعب مع ايمان خليتو ونمت صحيت لقيتو نايم جم ايمان حلوين حلا😗صليت الصبح و مشيت المطبخ سويت الشاي لمن طلعت الحوش اناديهم لقيت ياسمين مع وائل وبضحكو اتغظت شديد ووهي زي الماشة عرس م خالا شي في وشها م عامله زي الماشة عرس ختيت الشاي وناديت امي وخالتو انتصار وعمو ومحمد وصحيت سيدة وايمان لقيت ولدي صاحي مشيت حميتو وغيرت لي وهو بضحك وبقول مام مام 😗❤️عيون ماما ريحتو وحصنتو وطلعت بيهو كنت شايلاهو وديل بشربو في الشاي محمد قال لي نزليهو خلي يمشي واشربي شايك❤️ بنشرب في الشاي الباب دقه فتحتو كان عمر سلم علي وقال لي مشتاقين وين انتي قلت لي كتير والله انت كيف واخبارك قال لي مع الجامعه جري تقيل قلت لي ربنا يعينك ودخلت المطبخ اكب شاي لحقني وائل مسكني من يدي شديد دي شنو قلت الادب دي😡
=اسي انا عملت شنو؟🙂
-ياخ انتي وحدة حثاله ساي مالك ومالو تشاقي لي وقايمة تعملي الشاي
= اسي م انت قاعد مع ياسمين وماسك يدها سالتك؟
ضغط علي يدي شديد لمن حسيت بيها حتتقلع💔 قال لي اياك تغارني نفسك بي مفهوم😡 انا اعمل العاوزو م علي كيفك انتي وم انا البتوريني اعمل شنو😡 ولمي حاجاتك عشان نمشي البيت فكيت يدي منو عملت الشاي وقعدت جم امي واصلن سند لم يشوف عمو محمد بنسى الدنيا وبكون بس معاهو❤️ بعد الفطور امي نادتني مشيت ليها بدون مقدمات قالت لي اثيل انتي مبسوطه؟
=اي الحمد لله
-م تكذبي علي انا ذي امك
حضنتها وقلت ليها انتي احسن من امي واكتر للانو العملتي لي انتي امي م م عملتو لي ❤️انتي الاديتني الحب والحنان وعاملتيني ذي انتصار بتك وانا لو قضيت عمري كلو اخدمك م بوفيك حققك وبستها في راسها للانوماف وحدة بتعامل مرت ولدها زيك انتي
- انتي م مرت ولدي ولا يوم اعتبرتك كدا انتي من جابوك لي بقى عندي بتيين 😍❤️
=الله يخليك لي ي رب
جاتنا سيدة قالت لينا انا مافي لي فتحت ليها يدها وجات حضنتها ❤️ ايمان جات برضو حضنتنا خالتو انتصار قالت ليها انا ماف لي😂❤️بقينا كلنا ماسكين بعض محمد قال لينا عاوزين ليكم صورة هاك امسكي ولدك شلت سند وصورنا كترت صور 😂😂اليوم كان حلو شديد بعد المغرب عربية وائل وقفة وباب الشارع كان فاتح مشيت علي الباب شفت ياسمين نازلة وشايلة اكل وهداية واكياس كتيرة 💔بقيت واقفة وبعاين لي نزل زي الم حصل شي باسني في راسي وقال لي وانا جاي لقيت ياسمين وقلت اجيبها معاي ابتسمت لي قلت لي طيب 😊 جيعان اخت ليك حاجة تاكلها؟ قال لي لا شبعان قلت لي ظاهر من الاكياس الفي يدها 💔قال لي قلت شي ؟
=ولا شي سلامتك🙂
دخلنا وانا قلبي بتقطع هو م محترمنيوكمان م مديني اعتبار 💔 صلينا العشاء وعملنا شاي بعد شربنا قال لي ثولي يلا مشينا قلت لي لا م عاوزة امشي انت انا عاوزة اقعد كم يوم حسيت بي مخلوع قال لي ماف كلام ذي دا امي قالت لي خليها تقعد اشتقت ليها وانت امشي احرس بيتك طلع وفي وشو ظاهر الغضب ضرب لي سمعني مية كلمة فارقة ولا اشتغلت بي قعدتا مع ناس امي اسبوعين وسند بقا يمشي ويقيف علي رجولو❤️يوم وانا قاعدة ضربت لي رغد وشاكلتني قلت ليها تعالي مسافة اسوي الجبنة وصلت وسلمنا علي بعض زي التقول لينا سنين❤️ قلت ليها سند بقي يمشي قالت لي حتى اثيل بدت تحبي
=يلا الجبنة طيب
-لالا الجو رهيب اصلو م بشرب جبنة في البيت خالتو انتصار قالت ليها كلامك صح😂❤️ سيدة قالت ليهم نمشي وين رغد قالت اكيد شارع النيل قلت ليهم طيب م عندي مشكلة كلهم فاتو يلبسو انا ضربت لي ايمان وقالت حتلاقينا في الظلط لبست ولدي وختيتو يلعب مع اثيل مشيت لبست وطلعنا بعربية اسامه لانها كبيرة لاقتنا ايمان في الظلط سقناها ومشينا فرشنا فرشاتنا وقعدنا❤️شربنا الجبنة وبقينا نتونس ورغد وامي سعاد يغنو❤️ انا بتنوس مع سيدة اتلفت اشوف ليك هاشم😳اتخلعت كيف جاء سلم وسيدة عرفتو عليهم كلهم وانا اصلن بعرفني شال الاولاد واشترى ليهم لعبات وحلف يعزمنا تاني شربنا قهوة وفات😂
=شنو ي سيدة كدا عينك ي تاجر😂😂
-الزول دا جادي بعدين فضل لي سنة ويتخرج وهو قال عاوز يتعرف علي اهلي وانا وافقت😂
= والله انتي😂
قعدنا كتير وخليت ولدي ومشينا اتمشينا رجعنا الساعة10 ودعت رغد وعدتها اني حارجع ❤️قعدت مع ناس امي شهر وحاجة دا كلو وائل مختفي وم ظهر نهائي💔ولا مسج حتى💔 يوم صحيت الصباح لقيتو قاعد في وشي كان شايل ورق في يدو قال لي مشتاقين شديد😍 قلت لي اهلين😊 ونزلت عاوزة اتوسك صليت الصبح واستحميت ولدي لسه نايم وهو قاعد بيتبسم وانا نهائ م اشتغلت بيه هو اصلن كدا💔بعد شربت الشاي جاني في المطبخ قال لي م سالتيني من الاوراق🌚
=اممم اي😊
-ثولي يوخ م تخليك قاسية 🥺
=طيب اوراق شنو؟
-دي جوازات سفرنا😍
=ماشين وين😍❤️
-موش قلتي نفسك تشوفي بيت الله انا واديك لي😍❤️
انا بدون م اشعر نطيت وحضنتو قلت لي م بتهظر موش؟
-واهظر لي😂❤️ جريت لي سيدة كلمتها فرحت لي فرح قال السفر بعد اسبوع 😍❤️ م صدقت الاسبوع مرة زي الدقيقة❤️ والليلة نحن مسافرين❤️ ودعناهم وطلعنا علي المطار❤️ كان معانا سيدة ورغد يشيلو ويوصوني تقول م راجعه😂😂واثيل مع سند م فاضية لينا 😂 بعدين سمعنا النداء بتاع الرحلة بتاعتنا ودعناهم وطلعنا في الطيارة وائل وسند كانو نايمين اما انا كنت بعاين لمنظر السحب وصلنا السعودية نزلنا في جدة😍 يالله من السعودية ونظافتها تحس انك في بلد تاني بتنا في جدة وتاني يوم اتوجهنا للمدينة😍 ومكة عمرنا وانا ساجدة قصاد الكعبة❤️حسيت براحة م بتتوصف❤️ دعييت كتير للاهلي ولكل البعرفهم بعديها قلت بنكسار ي الله توفقني وتنجحني واتم تعليمي واحقق احلامي ي الله كل شي بيدك ي الله تسهلها لي لو بعد مية سنة 😍❤️ بكيييت كتييير واتمنيت احقق رغبتي في علم الفلك دعيت ربنا يغفر لي اهلي وقلت اني عافية ليهم❤️ودعيت لاخواني نفر نفر واولادهم وفي اطفال جداد انا م حاضراهم برضو دعيت ليهم 😍❤️ اتمنيت القاي واحد فيهم واتمنيت اشوف ابوي واحضنو سجدتي كانت طويلة شدي اكتر من ساعة لانو بجد كنت محتاجه المكان دا❤️😍 غسلت وشي بموية زم زم ❤️ رجعنا بعد 15يوم وانا حاسة نفسي اثيل تانية حاسة براحة بال موبالغة وكانو اتشال كل هم لي❤️حتي وائل بعد رجعنا كان وائل الاول مرة عرفتو❤️ بعاملني بنفس الطيبة والعيون المليانة حنان نفس الخوف واللهفة الكان بعاملني بيها😍❤️ .
بعد الكلام دا بسنة بالظبط كنت مع سيدة في السوق بختار في حاجات الشيلة بتاعتها ❤️ جاتني لفت راس لمن قعدت في الكرسي سيدة خافت علي شلنا الحاجات الاشتريناها دخلنها عربية هاشم واصرو نمشي الدكتور انا كنت مبسوطة شديد ❤️مع انو بطني طامه والدنيا لافة بي الدكتورة قالت لي مبروك ي مدام انتي حامل😍❤️فرحت شديد اصلن كنت متوقعة الرد دا❤️ سيدة وهاشم باركو لي قالو يضربو لي وائل قلت ليهم حاكلمو انا❤️ خلصنا ونزلوني في بيتنا وهم فاتو الخرطوم لقيت رغد بتاكل في سند واثيل اول م شافني جاء جاري ماما ماما😍❤️ انت توتي وين قلت لي كنت في السوق حبيبي😗
=ان شاء الله م يكون عزبك
-بري والله هو واثيل بلعبو براهم😂ولا شغالين بي
= امم قريب حاجيب ليهم نفر تالت يلعب معاهم❤️
-واي م شاء. الله مبروك حبيبتي ربنا يتم علي خير😍😍❤️
=امين ي رب❤️
-كلمتي وائل ؟
=لا عاوزة اعملها لو مفاجاة❤️😍
-ههه طيب😂
=يلا انا نازلة لو عاوزة شي اضربي لي
- طيب
شلت ولدي ونزلتاعملتا عشاء زابط اصلن وائل بجي بعد المغرب وعملت لي صلطة الكروم عشان هو بحبها❤️ انتظرتو جاء باسني في راسي وشال سند بلعب معاهو قلت لي غسل عشان انا منتظراك ختيت الاكل وقعدنا ناكل
=ي سلام ياخ تسلم يدينك😍❤️
-الله يسلم🌚
=المناسبة شنو عامله لي الاكل السمح دا
-الا مناسبة م طوالي قاعدة اطبخ😒
= لكن م كل مرة بتعملي بالحب دا وم كل مرة بتقعدي تتبسمي براك😂
-اممم ماف شي اكل اكلك😒😒
= طيب طيب😂😂شوفت ي سند امك هرشتني سند قال لي ماما ماما ماما😂😂وبقي يكرر ماما😂 وائل قال لي علق الا يفرمطو😂 حمرت لي وبست ولدي قلت لي اي ماما 😗
خلصنا اكل جبت الكيك وشاي اللبن
-اثيل انت عيانه🌚
=لا😂
-حاسة بحمة ولا شي🌚
= لي مالي😒
-م عارف حاسي بيك كيف كيفف اوعا تكوني عاوز تسميمني عشان كدا مبسوطه😂😂
= انت تافه والله 😒وم بنفع فيك زاتو اشرب براك
جاء لاحقني بهظر بهظر 😂😂بعد شربنا الشاي هو راقد في الكنبة وشايل سند بلعب معاهو وانا بحضر في مسلسل جذور خلصت غفلت التلفزيون وهو لسه بلعب معاهو
مديت بوزي قلت لي انت ولدك م شغالين بي🥺
-افهم دي غيرة😂
=غيرة في عينك 😒
-غيرانه مني ولا منو عشان انا افهم😂😂🌚
=م مشكلة اصلن حتجي بت 😒🥺وتاني حتقعد معاي قعد يضحك وبقي يرفع سند فوق وتاني يشيلو بعد مسافة وقف دقيقة دقيقة انتي قلتي حتجي بت يعني حامل حامل😳 انا بضحك
-اثيل ردي لي 😳طبعا دا كلو ورافع سند فوق بيدينو😂😂قلت لي طيب نزل ولدي واتكلم😂😂🤦🏻‍♀️
-م قلنا ولدنا😒😒
طيب اولادنا🌚❤️ نزلو وجاء شالني لفا بي وبيكورك😂😂قلت لي هي نزلني البيبي حينزل 😂❤️ قال لي خلي ينزل😂نص ساعه شايلني وسند بصفق وم عارفة زاتو بصفق لشنو😂😂🤦🏻‍♀️اليوم كان حلو شديد واي شي اقولو يقول لي ام اولادي وطوالي دلعني وقال تاني م اخدم نهائي😂 ضربو لي ناس امي باركو لي ونمنا علي كدا مرت تسعة شهور والليلة يوم ولادتي ❤️قمت من الصباح وجع ظهر وبطن مشيت المستشفي الظهر غريب للمغرب ولدتا❤️ الممرضة قالت ليهم ولد😍❤️ فرحو فرح انا بس كنت سامعه الزغاريد وائل جاء شايلو قال لي ولد😍❤️حضنتو وبقيت ابكي جو كلهم باركو لي وسند بعاين لي بستغراب ولبيبي بغيرة😂قال لي ماما دا منو قلت لي دا اخوك الضغيروني😍❤️ وائل قال لي نسمي عبد الرحيم ❤️قلت لي انت مصر يعني😂😂
-اي
=واشمعنا يعني
-كل شي في وقتو حلو م تستعجلي😗❤️
استغربت طبعا سمينا عبد الرحيم بعد اسبوع خرجوني ❤️وصلت البيت وائل كان فارش لي الغرفة بالاسود حبيتو حب😍 عملت الكرامه وبعد اسبوع السماية حياتي كانت حلوة شديد ضربت لمنذر تلفونو مغفول💔 اشتقت ليهو ياخ💔االايام مرت والبيت فضي من الضيوف ورجعت لي حياتي العادية انا واولادي .
#في مكان تاني
كان قاعد منتظر الدكتور ومن وشو ظاهر علي اليأس من الحياة والفتور الدكتور جاء قال ليهو بكل انكسار وخذلان اها ي دكتور حاعيش كم؟💔
=فضل ليك اربعه يوم لانو الورم اتطور شديد وتاني العلاج م بنفع انت من الاول لو كان اتعالجت م كان وصلت هنا بس براك مكابر ورافض💔
-م خلاص دي مشيت الله ي دكتور وشكرا ليك كمان
الدكتور قام وحضنو شديد لمن دمعتو نزلت هو طلع شايف الدنيا طشاش طشاش دخل البيت م اتكلم مع اي زول دخل غرفتو وطلع ورقه وقلم وكتب رسالة طويلة ودخلها في صندوق كان مليان بالصور والاغراض القديمة قام صلي ودعى ربنا يغفر ليهو ورقد نام💔💔💔.
انا يوم الجمعة صحيت من دون الايام صحيت قلبي كان واجعني شديد ومضايقة وقلبي مقبوض وم عارفة لي دخلت غرفة اولادي كانو الاتنين نايمين هبشتهم م عندهم حمه ولا اي شي مشيت عاينت لوائل لسه نايم م صحي واصلن يوم الجمعة م بطلع ضربت لي امي قالت كلهم كويسين اتصلت علي رغد برضو ضمنتي❤️صليت لي ركعتين وقريت قران ولسه قلبي مقبوط وم مرتاحه💔عملت الشاي وانتظرت وائل قعد في الصفرة تلفوني ضرب لمن نطيت💔 خفت شديد وقربت ابكي كان رقم غريب رديت وي ريت لو م رديت
=الو
فجاة بجيني💔 .....
‏نحن العاديون المليئون بالتفاصيل، تلك التفاصيل الصغيرة التي ربمّا لا تشاهد ولكنها تخلع باب القلب.

google-playkhamsatmostaqltradent