رواية طموحي الفصل الثامن 8 بقلم مهاد سليمان
بطني وجعتني شديد شكلي حاولد بقيت اكورك لي امي وخالتو انتصار كلهم جو جارين وانا خلاص الالم عاوز يقتلني بقيت اصرخ الحقوني وااااي واااي وائل جاء جاري قال لي ولدتي
= حالد واقفة يعني طير من وشي يااااخركبوني العربية ورسلو ايمان وسيدة بيتي يجبو لي شنطتي وشنط البيبي وكرت الولادة وصلت المستشفى قالو م بستغبلوني الا بكرت وائل بتكلم مع السستر
=انتي مجنونه ولا شنو بلا كرت بلا زفت م شايفة حالتها دخلوها اول
- معليش ي استاذ بس عندنا قوانين
= يعني عشان القوانين تخليها تموت هنا
بقى يكورك الدكتور قال في شنو وانا وقتها بقيت في عالم تاني وم واعيه للبحصل الالم الحسبت بيهو وراني امي دي عظيمة قدر شنو وانا داخلة علي الغرفة وفي عز وجعي بقول ي ريتك يمه لو كنتي معاي قعدت تلاته ساعات من الالم بعدين م حسيت بشئ
الدكتور : حمد لله علي السلامة ويتربى في عزكم
وائل شال الطفل وبقى يبكيتعالي ي امي شوفي بشبه اثيل كيفقالت م شاء الله يتربى في عزكم وبقو يبكوانا صحيت وائل جاء شال الطفل الادني ليالساعه ديك حسيت اني اتولد من جديد واتكتب لي عمر جديدحسيت اني من الفرح ماسك الدنيا بيدي والدموع ملت عيوني فرح م كنت قادرة اوصف شعوري ابدا كل البتذكرو اني فقد امي شديد وائل قال حلاتها بتشبهك قلت لي يعني سمحة زي امها؟
= لا دي سماحة ابوها
طير مني
= طيب زحي الشعر من عيونها عشان نشوفها جاية زيك كلها شعر
بخاف ي وائل انا بخاف من الاطفال حدثين الولادة
= تخافي شنو دي بتك ي متخلف
الممرضة قالت لينا بت منو ؟ دا ولد ي جماعه
قلت ليها ولدعاينت لي وائل قلت لي وانتي شابكمي حلاتها وبتاع متخلف
= وانا بعلم بالغيب
طيب اطلع بره انا ولدي عاوزين ننوم
= طوالي عملتي خيانات كويس كويس
وائل والممرضة واهلو طلعو بقيت شايله ولدي وبتكلم معاهو ي سندي ي عيون ماما حبيبي انا ي راحة من بعد التعب ي فرحة في الزمن الصعب ي بسمه في وش الظروف القاسية ي اجمل قدر ولدي وبقيت ابكي ي ريت لو امي كانت جمبي وشايلك واخواني واقفين معايانت عندك جد طيب شديد واربعه خيلان بجننو اكيد حيجو يشوفوك بكيت شديد الممرضة جات داخلة قالت لي البكى بتعبك ادتني درب وشالت ولدي الحضانة يفحصو ليهو انا نمت المساء صحوني عشان الدكتور عاوز ي